กิจก๋าน 2:47 - พระคริสตธรรมคัมภีร ภาคพันธสัญญาใหม

⁴⁷ กับ​ปา​กั๋น​สรรเสริญ​พระเจ้า แล้ว​กู้​คน​ก็​ซอบ​อก​ซอบ​ใจ๋​หมู่​เขา แล้ว​องค์​พระ​ผู้​เป๋น​เจ้า​ก็​โผด​หื้อ​คน​ตี้​จะ​ฮับ​ความ​รอด​ป๊น​บาป​โต้ษ​เข้า​มา​ใน​หมู่​เขา​นัก​ขึ้น​ตึง​วัน

กิจก๋าน 2:47 Iomraidhean Croise

ลูก๋า 19:48

แต่​หมู่​เขา​ก็​ยัง​บ่ฮู้​ว่า​จะ​เยียะ​จาใด​ได้ ย้อน​ว่า​คน​ตังหลาย​ตั้งใจ๋​ฟัง​กำสอน​กู้​กำ​ของ​พระองค์​อยู่

ลูก๋า 2:52

พระเยซู​ก็​ใหญ่​ขึ้น​ตึง​ตั๋ว​กับ​สติ​ปั๋ญญา พระเจ้า​กับ​คน​ตังหลาย​ก็​ปอใจ๋​พระองค์​นัก​ขึ้น​ติกๆ

กิจก๋าน 11:21

ฤทธิ์​อำนาจ​ของ​องค์​พระผู้เป๋นเจ้า​อยู่​กับ​หมู่​เขา เยียะ​หื้อ​มี​คน​มา​ฮับเจื้อ​กับ​ตวย​ต๋าม​องค์​พระผู้เป๋นเจ้า​เป๋น​จ๋ำนวน​นัก

กิจก๋าน 11:24

บารนาบัส​เป๋น​คน​ดี มี​ความ​เจื้อ​เข้มแข็ง เขา​ได้​ฮับ​ก๋าน​ดลใจ๋​จาก​พระวิญญาณ​บริสุทธิ์ จึง​มี​คน​จ๋ำนวน​นัก​เข้า​มา​ฮับเจื้อ​องค์​พระผู้เป๋นเจ้า

กิจก๋าน 13:48

เมื่อ​คน​ต่างจ้าด​ได้ยิน​จาอั้น ก็​ดีอกดีใจ๋ กับ​สรรเสริญ​องค์​พระ​ผู้​เป๋น​เจ้า​สำหรับ​ถ้อยกำ​ของ​พระองค์ แล้ว​คน​ตี้​พระเจ้า​เลือก​ไว้​เปื้อ​จะ​ฮับ​จีวิต​นิรันดร์ ก็​ฮับเจื้อ​พระองค์

กิจก๋าน 14:1

ตี้​เมือง​อิโคนียูม​หั้น​ก็​เหมือน​กั๋น คือ​เปาโล​กับ​บารนาบัส​เข้า​ไป​ใน​ธรรมศาลา​ของ​จาว​ยิว หมู่​ต้าน​บอก​ข่าวดี​เก่ง​ขนาด​จ๋น​จาว​ยิว​กับ​คน​ต่างจ้าด​จ๋ำนวน​นัก​ฮับเจื้อ

กิจก๋าน 14:21

เปาโล​กับ​บารนาบัส​บอก​ข่าวดี​ใน​เมือง​เดอร์บี​นั้น มี​คน​เข้า​มา​ฮับเจื้อ​จ๋ำนวน​นัก จาก​นั้น​ต้าน​ตึง​สอง​ปา​กั๋น​ปิ๊ก​ไป​เมือง​ลิสตรา เมือง​อิโคนียูม กับ​เมือง​อันทิโอก

กิจก๋าน 16:5

จึง​เยียะ​หื้อ​หมู่​คริสตจักร​ตังหลาย​มี​ความ​เจื้อ​เข้มแข็ง​ขึ้น กับ​มี​คน​เข้า​มา​ฮับเจื้อ​นัก​ขึ้น​ตึง​วันๆ

กิจก๋าน 17:12

ย้อนจาอี้​มี​จาว​ยิว​หลาย​คน​มา​ฮับเจื้อ ก็​มี​แม่ญิง​จาว​กรีก​ตี้​มี​ฐานะ​ดี​กับ​ป้อจาย​จาว​กรีก​หลาย​คน​ฮับเจื้อ​ตวย

กิจก๋าน 2:39

ย้อน​พระเจ้า​สัญญา​ไว้​ว่า​จะ​หื้อ​พระวิญญาณ​บริสุทธิ์​กับ​หมู่​ต้าน ตึง​หมู่​ลูก​หลาน​ของ​ต้าน ตึง​กู้​คน​ตี้​อยู่​ประเทศ​ไก๋ๆ คือ​กู้​คน​ตี้​องค์​พระ​ผู้​เป๋น​เจ้า​พระเจ้า​ของ​เฮา​ฮ้อง​หื้อ​เข้า​มา​หา​พระองค์”

กิจก๋าน 2:41

คน​ตังหลาย​ตี้​ยอมฮับ​สิ่ง​ตี้​เปโตร​อู้​ก็​ฮับ​บัพติศมา ใน​วัน​นั้น​มี​คน​เข้า​มา​เป๋น​ผู้เจื้อ​ประมาณ​สาม​ปัน​คน

กิจก๋าน 4:21

หมู่​เขา​ก็​ขู่​เปโตร​กับ​ยอห์น​แหม แล้ว​ปล่อย​ตึง​สอง​ไป​บ่ฮู้​จะ​ลง​โต้ษ​จาใด​ดี ย้อน​คน​ตังหลาย​ปา​กั๋น​สรรเสริญ​พระเจ้า​ใน​สิ่ง​ตี้​เกิด​ขึ้น​นั้น

กิจก๋าน 4:33

หมู่​อัครทูต​ได้​อู้​อย่าง​มี​อำนาจ เป๋น​พยาน​เรื่อง​พระเยซู​องค์​พระ​ผู้​เป๋น​เจ้า​เป๋น​ขึ้น​จาก​ความ​ต๋าย แล้ว​พระเจ้า​ก็​ปั๋นปอน​หมู่​เขา​กู้​คู่​กู้​คน​นัก​ขนาด

กิจก๋าน 4:4

แต่​หลาย​คน​ตี้​ฟัง​ก็​เจื้อ​ใน​เรื่อง​ตี้​เปโตร​กับ​ยอห์น​สั่ง​สอน จ๋น​บ่าเดี่ยวนี้​มี​ผู้เจื้อ​ตี้​เป๋น​ป้อจาย​ประมาณ​ห้า​ปัน​คน​แล้ว

กิจก๋าน 6:1

ใน​หละหว่าง​เวลา​นั้น มี​คน​ฮับเจื้อ​พระเยซู​นัก​ขึ้น​ติกๆ หมู่​จาว​ยิว​ตี้​อู้​ภาษา​กรีก​ปา​กั๋น​จ่ม​ว่า​หื้อ​หมู่​จาว​ยิว​ตี้​อู้​ภาษา​ฮีบรู เรื่อง​หมู่​แม่​หม้าย​ตี้​อู้​ภาษา​กรีก บ่ได้​ฮับ​อาหาร​ตี้​แจก​ประจ๋ำ​วัน

กิจก๋าน 6:7

ก๋าน​บอก​ถ้อยกำ​ของ​พระเจ้า​ก็​แผ่​ขยาย​กว้าง​ออก​ไป​ติกๆ มี​คน​มา​ฮับเจื้อ​พระเยซู​ใน​กรุง​เยรูซาเล็ม​นัก​ขึ้น​เวย​ขนาด กับ​มี​หมู่​ปุโรหิต​หลาย​คน​ฮับเจื้อ​ตวย

กิจก๋าน 9:31

จาก​นั้น​หมู่​คริสตจักร​ใคว่​แคว้น​ยูเดีย กาลิลี กับ​สะมาเรีย​ก็​มี​สันติสุข กับ​พระวิญญาณ​บริสุทธิ์​จ้วย​หื้อ​คริสตจักร​เข้มแข็ง มี​คน​มา​เจื้อ​พระเยซู​นัก​ขึ้น แล้ว​หมู่​ผู้เจื้อ​ก็​ใจ๊​จีวิต​ตี้​เคารพ​ยำเก๋ง​องค์​พระ​ผู้​เป๋น​เจ้า

กิจก๋าน 9:35

เมื่อ​คน​ตังหลาย​ตี้​อาศัย​อยู่​ใน​เมือง​ลิดดา​กับ​ตี้​ราบ​ชาโรน​หัน​จาอั้น หมู่​เขา​ก็​เข้า​มา​ฮับเจื้อ​องค์​พระ​ผู้​เป๋น​เจ้า

โรม 14:18

คน​ตี้​ฮับใจ๊​พระเยซู​คริสต์​จาอี้ จะ​เยียะ​หื้อ​พระเจ้า​เปิงใจ๋​เขา กับ​คน​ตังหลาย​ก็​หัน​ดี​หัน​งาม​ตวย

โรม 8:30

หมู่​คน​ตี้​พระเจ้า​ได้​ก๋ำหนด​ไว้​แล้ว​นั้น พระองค์​ฮ้อง​หื้อ​มา​หา​พระองค์ หมู่​คน​ตี้​พระองค์​ฮ้อง​มา​หา พระองค์​เยียะ​หื้อ​หมู่​เขา​เป๋น​คน​ถูกต้อง​ต๋าม​ธรรม หมู่​คน​ตี้​ถูกต้อง​ต๋าม​ธรรม​นั้น พระองค์​ก็​หื้อ​มี​เกียรติ​ตวย

โรม 9:27

ส่วน​เรื่อง​จาว​ยิว​อิสยาห์​ผู้​เป๋น​ปาก​เป๋น​เสียง​แตน​พระเจ้า​ได้​บอก​ว่า “แม้​ว่า​จาว​อิสราเอล​จะ​มี​นัก​เหมือน​เม็ด​ทราย​ฮิม​ทะเล แต่​คน​ตี้​จะ​รอด​ป๊น​บาป​โต้ษ​นั้น​มี​หน้อย

1 โครินธ์ 1:18

คน​ตี้​ก่ำลัง​จะ​ฉิบหาย​นั้น​ก็​ถือ​ว่า​เรื่อง​ก๋าน​ต๋าย​บน​ไม้​ก๋าง​เขน​ของ​พระเยซู​เป๋น​เรื่อง​ง่าว แต่​เฮา​ตี้​ก่ำลัง​จะ​รอด​ป๊น​บาป​โต้ษ​ถือ​ว่า​เป๋น​ฤทธิ์​อำนาจ​ของ​พระเจ้า