กิจก๋าน 2:46 - พระคริสตธรรมคัมภีร ภาคพันธสัญญาใหม

⁴⁶ หมู่​เขา​ไป​จุมนุม​กั๋น​ตี้​ข่วง​พระวิหาร​ตึง​วัน ฮ่วม​พิธี​หัก​เข้าหนมปัง​ใน​บ้าน​เฮือน​ของ​เขา ตึง​เอา​ของกิ๋น​มา​กิ๋น​ตวย​กั๋น​ด้วย​ความ​จื้นจมยินดี​กับ​เต๋มอก​เต๋มใจ๋

กิจก๋าน 2:46 Iomraidhean Croise

มัทธิว 6:22

“แก่นต๋า​เผียบ​เหมือน​โกม​ไฟ​ส่อง​แจ้ง​ใน​ตั๋ว​ของ​คน​เฮา ถ้า​แก่นต๋า​ของ​ต้าน​ดี​ตึง​เนื้อ​ตึง​ตั๋ว​ก็​เป่งแจ้ง​ไป​หมด

ลูก๋า 11:41

จง​เอา​ของ​ตี้​อยู่​ใน​ถ้วย​จาน​หื้อ​คน​ตุ๊กยาก แล้ว​กู้​อย่าง​ก็​จะ​สะอาด​บริสุทธิ์​สำหรับ​เจ้า

ลูก๋า 24:30

ต๋อน​ตี้​พระองค์​กิ๋น​ข้าว​ตวย​หมู่​เขา พระองค์​ก็​หยิบ​เข้าหนมปัง​ขอบ​พระคุณ​พระเจ้า แล้ว​หัก​ส่ง​หื้อ​หมู่​เขา

ลูก๋า 24:53

หมู่​เขา​อยู่​ใน​พระวิหาร​กู้​วัน เปื้อ​สรรเสริญ​พระเจ้า

กิจก๋าน 16:34

หลังจาก​นั้น​นาย​กุม​คอก​ก็​ปา​ต้าน​ตึง​สอง​ไป​บ้าน​ของ​เขา แล้ว​ยก​ขันโตก​ข้าว​มา​สู่​หมู่​เขา​กิ๋น นาย​กุม​คอก​กับ​สมาชิก​ใน​ครอบครัว​ยินดี​ขนาด ย้อน​ว่า​กู้​คน​ได้​เจื้อ​วางใจ๋​พระเจ้า​แล้ว

กิจก๋าน 2:42

หมู่​เขา​ฟัง​กำ​สั่ง​สอน​ของ​หมู่​อัครทูต ตึง​อยู่​ตวย​กั๋น​เป๋น​เปื้อน​ฮ่วม​ความ​เจื้อ​เดียว​กั๋น​อย่าง​เอา​แต๊​เอา​ว่า กิ๋น​ข้าว​ตวย​กั๋น​กับ​หัก​เข้าหนมปัง​กับ​อธิษฐาน​ตวย​กั๋น

กิจก๋าน 20:7

ต๋อน​วัน​เสาร์​เมื่อคืน เฮา​ตังหลาย​จุมนุม​กั๋น​กับ​ฮ่วม​พิธี​หัก​เข้าหนมปัง เปาโล​ก็​อู้​กับ​หมู่​คน​ตี้​หั้น อู้​แล้ว​อู้​แหม​จ๋น​แผว​เตี้ยง​คืน ย้อน​ตั้งใจ๋​จะ​ออก​จาก​เมือง​นี้​ต๋อน​แจ้งเจ๊า​วันพูก

กิจก๋าน 3:1

วัน​นึ่ง​เปโตร​กับ​ยอห์น​เตียว​ไป​ตี้​พระวิหาร เข้า​ฮ่วม​ก๋าน​อธิษฐาน​เวลา​ประจ๋ำ​บ่าย​สาม​โมง

กิจก๋าน 5:21

หมู่​อัครทูต​ก็​เจื้อฟัง แจ้ง​บ่แจ้ง​หมู่​เขา​ก็​เข้า​ไป​ตี้​ข่วง​พระวิหาร แล้ว​ตั้งเก๊า​สั่ง​สอน​คน​ตังหลาย มหา​ปุโรหิต​กับ​หมู่​ของ​เขา​ฮ้อง​หมู่​คน​เฒ่า​คน​แก่​ของ​จาว​อิสราเอล​มา​ประชุม​สภา​แซนเฮดริน แล้ว​ใจ๊​เจ้าหน้าตี้​ไป​เอา​หมู่​อัครทูต​ออก​จาก​คอก​ปา​มา​ตี้​ประชุม

กิจก๋าน 5:42

แล้ว​กู้​วัน​ใน​ข่วง​พระวิหาร​ตึง​ใน​บ้านเฮือน​ของ​คน​ตังหลาย หมู่​อัครทูต​ก็​สั่ง​สอน​ตึง​บอก​ข่าวดี​บ่เกย​ขาด​ว่า​พระเยซู​คือ​พระคริสต์

โรม 12:8

ถ้า​โผด​หื้อ​เก่ง​ใน​เรื่อง​ก๋าน​หื้อ​ก๋ำลังใจ๋​ก็​หื้อ​ก๋ำลังใจ๋ ถ้า​โผด​หื้อ​แบ่งปั๋น​ก็​หื้อ​แบ่ง​ปั๋น​ด้วย​ใจ๋​เอื้อเฟื้อ ถ้า​โผด​หื้อ​ปกครอง​ก็​หื้อ​ปกครอง​ด้วย​ก๋าน​เอา​ใจ๋​ใส่ ถ้า​โผด​หื้อ​สำแดง​ความ​เมตต๋า​ก็​หื้อ​สำแดง​ด้วย​ใจ๋​ยินดี

1 โครินธ์ 10:16

เมื่อ​เฮา​ขอบ​พระคุณ​พระเจ้า​ต๋อน​กิ๋น​จาก​ถ้วย​ใน​โต๊ะ​ของ​พระองค์ เฮา​ก็​มี​ส่วน​ฮ่วม​ใน​เลือด​ของ​พระคริสต์​บ่ใจ้​กา กับ​เมื่อ​เฮา​บิ​กิ๋น​เข้าหนมปัง เฮา​ก็​มี​ส่วน​ฮ่วม​ใน​ตั๋ว​ของ​พระคริสต์​ตวย​บ่ใจ้​กา

2 โครินธ์ 1:12

จิต​สำนึก​ของ​เฮา​ยืนยัน​กับ​หมู่​เฮา​ว่า กู้​สิ่ง​ตี้​เฮา​เยียะ​ใน​โลก​นี้​เฮา​เยียะ​โดย​ความ​บริสุทธิ์​ใจ๋​กับ​น้ำ​ใส​ใจ๋​จริง​ตี้​มา​จาก​พระเจ้า โดย​เฉพาะ​ใน​ความ​สัมพันธ์​กับ​หมู่​ต้าน เฮา​ได้​เยียะ​จาอั้น​โดย​พระคุณ​ของ​พระเจ้า บ่ใจ้​โดย​ปั๋ญญา​ของ​คน สิ่ง​นี้​ละ​ตี้​เยียะ​หื้อ​เฮา​ภูมิใจ๋

2 โครินธ์ 11:3

แต่​ข้าพเจ้า​ก็​กั๋ว​ว่า จิตใจ๋​ของ​หมู่​ต้าน​จะ​ถูก​จุล่าย​หื้อ​หลง​ไป​จาก​ความ​ซื่อสัตย์​กับ​ความ​บริสุทธิ์​ต่อ​พระคริสต์ เหมือน​ตี้​เอวา​ถูก​งู​จุล่าย​โดย​อุบาย​ของ​มัน

เอเฟซัส 6:5

คน​เป๋น​ขี้ข้า​ต้อง​เจื้อฟัง​เจ้านาย​อย่าง​เก๋งกั๋ว​จ๋น​ตั๋ว​สั่น กับ​ฮับใจ๊​อย่าง​ซื่อสัตย์​เหมือน​ตี้​ฮับใจ๊​พระคริสต์

โคโลสี 3:22

คน​เป๋น​ขี้ข้า​ต้อง​เจื้อฟัง​เจ้านาย​ของ​ตั๋ว​ใน​โลก​กู้​เรื่อง บ่ใจ้​เยียะ​ต่อ​หน้า​เปื้อ​หื้อ​เจ้านาย​ปอใจ๋​เต้าอั้น แต่​หื้อ​เยียะ​จาก​น้ำใส​ใจ๋จริง​อย่าง​มี​ความ​เก๋งกั๋ว​องค์​พระ​ผู้​เป๋น​เจ้า