กิจก๋าน 2:31 - พระคริสตธรรมคัมภีร ภาคพันธสัญญาใหม

³¹ กษัตริย์​ดาวิด​เล็ง​หัน​เหตุก๋ารณ์​ปาย​หน้า จึง​อู้​เถิง​ก๋าน​เป๋น​ขึ้น​จาก​ความ​ต๋าย​ของ​พระคริสต์​ว่า พระเจ้า​จะ​บ่ละ​พระองค์​ไว้​ใน​แดน​ของ​คน​ต๋าย เนื้อหนัง​มังสา​ของ​พระองค์​จะ​บ่เปื่อย​เน่า​ใน​ขุมฝังศพ

กิจก๋าน 2:31 Iomraidhean Croise

มัทธิว 11:23

ส่วน​เมือง​คาเปอรนาอุม เจ้า​กึ๊ด​ว่า​เจ้า​จะ​ถูก​ยก​ขึ้น​เปียง​ฟ้า​สวรรค์​กา​บ่ใจ้​เน่อ แต่​เจ้า​จะ​ถูก​โจ้ง​ลง​ไป​ใน​แดน​คน​ต๋าย​เน่อ ย้อน​ว่า​ก๋าน​อัศจ๋รรย์​ตี้​เฮา​ได้​เยียะ​หื้อ​เจ้า​หัน​นี้ ถ้า​เอา​ไป​เยียะ​ตี้​เมือง​โสโดม​เมือง​นั้น ก็​จะ​ยัง​มี​อยู่​จ๋น​เถิง​ตึง​วัน​นี้

กิจก๋าน 13:35

ก็​มี​แหม​ข้อ​นึ่ง​ใน​พระคัมภีร์​ตี้​อู้​ว่า ‘พระองค์​จะ​บ่หื้อ​องค์​บริสุทธิ์​ของ​พระองค์​เปื่อย​เน่า​ไป’

กิจก๋าน 2:27

พระเจ้า​จะ​บ่ละ​จิต​วิญญาณ​ของ​ข้าพเจ้า​ไว้​ใน​แดน​ของ​คน​ต๋าย กับ​บ่ละ​องค์​บริสุทธิ์​ของ​พระองค์​หื้อ​เปื่อย​เน่า​ไป​ใน​ขุมฝังศพ

1 โครินธ์ 15:4

เขา​ฝัง​พระองค์​ไว้ แล้ว​ใน​วัน​ตี้​สาม​พระเจ้า​ก็​เยียะ​หื้อ​พระองค์​เป๋น​ขึ้น​มา​ใหม่ ต๋าม​ตี้​มี​เขียน​ไว้​ใน​พระคัมภีร์

กาลาเทีย 3:8

ใน​พระคัมภีร์​ได้​เขียน​กำ​ตวายตั๊ก​ล่วง​หน้า​มา​เมิน​แล้ว​ว่า พระเจ้า​จะ​เยียะ​หื้อ​คน​ต่างจ้าด​เป๋น​คน​ถูกต้อง​ต๋าม​ธรรม​โดย​ความ​เจื้อ จึง​ได้​บอก​ข่าวดี​นี้​หื้อ​อับราฮัม​ฮู้​ล่วง​หน้า​ว่า “คน​กู้ๆ จ้าด​ใน​โลก​จะ​ได้​ฮับ​ปอน​ผ่าน​ตาง​เจ้า”