กิจก๋าน 2:23 - พระคริสตธรรมคัมภีร ภาคพันธสัญญาใหม

²³ ต้าน​ผู้​นี้​ถูก​มอบ​ไว้​ต๋าม​แผนก๋าน​ของ​พระเจ้า​ตี้​ฮู้​ล่วง​หน้า​ก่อน​แล้ว​ว่า หมู่​ต้าน​จะ​ฆ่า​พระองค์​โดย​หื้อ​หมู่​คน​บ่ดี​ยับ​พระองค์​ไป​เขิง​บน​ไม้​ก๋าง​เขน

กิจก๋าน 2:23 Iomraidhean Croise

มัทธิว 20:19

แล้ว​จะ​มอบ​ต้าน​หื้อ​กับ​คน​ต่างจ้าด​เฆี่ยน​ตี๋​กับ​เยาะเย้ย แล้ว​ก็​ปา​ไป​เขิง​ตี้​ไม้​ก๋าง​เขน​จ๋น​ต๋าย แต่​ใน​วัน​ตี้​สาม​พระเจ้า​จะ​เยียะ​หื้อ​เป๋น​ขึ้น​จาก​ความ​ต๋าย”

มัทธิว 26:24

บุตรมนุษย์​จะ​ต้อง​จาก​ไป​ต๋าม​ตี้​มี​เขียน​ไว้​ใน​พระคัมภีร์​เกี่ยวกับ​พระองค์ แต่​ความ​ฉิบหาย​ก็​จะ​เกิด​กับ​คน​ตี้​หักหลัง​บุตรมนุษย์ ถ้า​คน​นั้น​บ่ได้​เกิด​มา​ก็​ยัง​ดี​เหลือ​นี้”

มัทธิว 27:35

เมื่อ​เขา​เขิง​พระองค์​บน​ไม้​ก๋าง​เขน​แล้ว ก็​เอา​เสื้อผ้า​ของ​พระองค์​มา​จก​เบอร์​แบ่ง​กั๋น

มาระโก 15:24

แล้ว​หมู่​เขา​ก็​เขิง​พระองค์​บน​ไม้​ก๋าง​เขน กับ​เอา​เสื้อผ้า​ของ​พระองค์​มา​จก​เบอร์​แบ่ง​กั๋น เปื้อ​ผ่อ​ว่า​ใผ​จะ​ได้​อะหยัง​พ่อง

ลูก๋า 22:22

บุตรมนุษย์​จะ​ต้อง​จาก​ไป​ต๋าม​ตี้​พระเจ้า​ได้​ก๋ำหนด​ไว้​แล้ว แต่​ความ​ฉิบหาย​ก็​จะ​เกิด​กับ​คน​ตี้​หักหลัง​บุตรมนุษย์”

ลูก๋า 22:37

เฮา​บอก​ต้าน​ตังหลาย​ว่า กำ​ตี้​เขียน​ไว้​ใน​พระคัมภีร์​ตี้​อู้​เถิง​เฮา จะ​ต้อง​เป๋น​ไป​ต๋าม​นั้น คือ​กำ​ตี้​ว่า ‘พระองค์​ถูก​นับ​อยู่​ใน​หมู่​เดียว​กั๋น​กับ​คน​บ่ดี’ กำ​ตวายตั๊ก​ตี้​เล็ง​เถิง​เฮา​นั้น​ก่ำลัง​จะ​เป๋น​แต๊”

ลูก๋า 23:33

หมู่​เขา​ปา​ตึง​สาม​คน​มา​เถิง​ตี้​แห่ง​นึ่ง​จื้อ​ว่า “เนิน​กระโหล้ง​หัว” แล้ว​เอา​พระเยซู​เขิง​บน​ไม้​ก๋าง​เขน​ฮ่วม​กับ​นักโต้ษ​สอง​คน ตัง​ซ้าย​คน​นึ่ง ตัง​ขวา​คน​นึ่ง

ลูก๋า 24:20

หมู่​หัวหน้า​ปุโรหิต​กับ​หมู่​ผู้​นำ​ของ​หมู่​เฮา​ได้​มอบ​พระองค์​หื้อ​ถูก​ตัดสิน​ลงโต้ษ​เถิง​ต๋าย หมู่​เขา​เอา​พระองค์​เขิง​บน​ไม้​ก๋าง​เขน

ยอห์น 19:18

หมู่​เขา​ก็​เอา​พระองค์​ไป​เขิง​บน​ไม้​ก๋าง​เขน​ตี้​หั้น​กับ​นักโต้ษ​แหม​สอง​คน พระเยซู​อยู่​ก๋าง นักโต้ษ​สอง​คน​นั้น​อยู่​คน​ละ​เผิก​ของ​พระองค์

ยอห์น 19:24

หมู่​เขา​เลย​อู้​กั๋น​ว่า “บ่ต้อง​ฉีก​ละ หื้อ​จกเบอร์​กั๋น​เอา​ว่า​ใผ​จะ​ได้” ตี้​เกิด​ขึ้น​จาอี้​ก็​เปื้อ​หื้อ​เป๋น​ไป​ต๋าม​พระคัมภีร์​ตี้​เขียน​ไว้​ว่า “​เขา​เอา​เสื้อผ้า​เฮา​ไป​แบ่ง​กั๋น แล้ว​เอา​เสื้อ​ของ​เฮา​มา​จกเบอร์​” หมู่​ทหาร​ก็​ได้​เยียะ​จาอั้น

กิจก๋าน 13:27

ส่วน​จาว​อิสราเอล​ตี้​อาศัย​อยู่​ใน​กรุง​เยรูซาเล็ม​กับ​ผู้​ปกครอง​บ้าน​เมือง บ่หัน​ว่า​พระเยซู​เป๋น​พระ​ผู้​จ้วย​หื้อ​รอด​ป๊น​บาป​โต้ษ แต่​ตี้​หมู่​เขา​ตัดสิน​ลงโต้ษ​พระองค์​นั้น ก็​เป๋น​ไป​ต๋าม​กำ​ทำนาย​ของ​ผู้​เป๋น​ปาก​เป๋น​เสียง​แตน​พระเจ้า​ตี้​อ่าน​กู้​วัน​สะบาโต

กิจก๋าน 15:18

เรื่อง​เหตุก๋ารณ์​หมู่​นี้​เฮา​ได้​บอก​ตั้งแต่​โบราณ​มา​แล้ว’ ”

กิจก๋าน 2:36

เปโตร​อู้​ต่อ​ว่า “ย้อนจาอั้น​ขอ​หื้อ​จาว​อิสราเอล​ตังหลาย​ฮู้​แต๊ๆ เน่อ​ว่า พระเจ้า​ตั้ง​พระเยซู​ผู้​ตี้​หมู่​ต้าน​ปา​กั๋น​เอา​ไป​เขิง​ไว้​บน​ไม้​ก๋าง​เขน​นั้น หื้อ​เป๋น​ตึง​องค์​พระ​ผู้​เป๋น​เจ้า​เป๋น​ตึง​พระคริสต์​ตวย”

กิจก๋าน 3:18

แต่​พระเจ้า​เยียะ​หื้อ​เรื่อง​นี้​เกิด​ขึ้น ต๋าม​ตี้​พระองค์​เกย​บอก​ไว้​ผ่าน​ตาง​หมู่​ผู้​เป๋น​ปาก​เป๋น​เสียง​แตน​พระเจ้า​ว่า พระคริสต์​ต้อง​ทน​ตุ๊ก​ทรมาน

กิจก๋าน 4:28

สิ่ง​ตังมวล​ตี้​เขา​ตังหลาย​หมู่​นั้น​ได้​เยียะ​ก็​เกิด​ขึ้น​ต๋าม​ตี้​พระองค์​ก๋ำหนด​ไว้​ตั้งแต่​เมิน​แล้ว

กิจก๋าน 5:28

“หมู่​เฮา​สั่ง​ห้าม​อย่าง​เด็ดขาด​แล้ว​ว่า บ่หื้อ​สอน​ใน​นาม​ของ​พระเยซู​เวลา​ตี้​สั่ง​สอน​บ่ใจ้​กา แต่​หมู่​เจ้า​ก็​ยัง​เผยแพ่​กำสอน​ของ​เจ้า​นี้​ไป​ใคว่​กรุง​เยรูซาเล็ม แล้ว​ตั้งใจ๋​นาบโต้ษ​หมู่​เฮา​ว่า​เยียะ​หื้อ​เยซู​ต้อง​ต๋าย”

กิจก๋าน 5:30

พระเจ้า​ของ​ป้ออุ๊ย​แม่หม่อน​ของ​เฮา​เยียะ​หื้อ​พระเยซู​เป๋น​ขึ้น​จาก​ความ​ต๋าย ผู้​ตี้​ต้าน​ตังหลาย​ฆ่า​โดย​เอา​พระองค์​เขิง​บน​ไม้​ก๋าง​เขน​จ๋น​ต๋าย​นั้น

กิจก๋าน 7:52

มี​คน​ตี้​เป๋น​ผู้​เป๋น​ปาก​เป๋น​เสียง​แตน​พระเจ้า​คน​ใด​พ่อง​ตี้​ป้ออุ๊ย​แม่หม่อน​ของ​หมู่​ต้าน​บ่ได้​ค่ำ​หือ ส่วน​หมู่​คน​ตี้​ตวายตั๊ก​ก๋าน​มา​ของ​ผู้​ถูกต้อง​ต๋าม​ธรรม​คือ​พระเยซู ป้ออุ๊ย​แม่หม่อน​ก็​ฆ่า​หมู่​คน​นั้น​ต๋าย​ตวย แล้ว​บ่าเดี่ยวนี้​หมู่​ต้าน​หักหลัง​พระเยซู แล้ว​ฆ่า​พระองค์​ต๋าย

โรม 2:12

คน​ต่างจ้าด​บ่มี​บท​บัญญัติ​ของ​โมเสส เมื่อ​เยียะ​บาป​ก็​ฉิบหาย​โดย​บ่อ้าง​บท​บัญญัติ​นั้น ส่วน​จาว​ยิว​ถือ​บท​บัญญัติ​ของ​โมเสส ถ้า​เยียะ​บาป​จะ​ถูก​ตัดสิน​ต๋าม​บท​บัญญัติ​นั้น

โรม 4:17

ต๋าม​ตี้​มี​เขียน​ใน​พระคัมภีร์​ไว้​ว่า “เฮา​หื้อ​เจ้า​เป๋น​ป้อ​ของ​คน​หลาย​จ้าด” มี​ความหมาย​จาอี้​ว่า อับราฮัม​เป๋น​ป้อ​ของ​หมู่​เฮา​ใน​สายต๋า​ของ​พระเจ้า​ตี้​ต้าน​เจื้อ คือ​พระเจ้า​ผู้​เยียะ​หื้อ​คน​ต๋าย​เป๋น​ขึ้น​มา​ใหม่​กับ​สั่ง​สิ่ง​ตี้​ยัง​บ่มี​หื้อ​เกิด​ขึ้น

1 เธสะโลนิก๋า 2:15

เซิ่ง​เป๋น​หมู่​ตี้​ฆ่า​พระเยซู องค์​พระผู้เป๋นเจ้า ตึง​ฆ่า​หมู่​ตี้​เป๋น​ผู้​เป๋น​ปาก​เป๋น​เสียง​แตน​พระเจ้า ตึง​ไล่​หมู่​เฮา​ออก​มา​จาก​เมือง​ต่างๆ ตี้​เฮา​เกย​บอก​ข่าวดี​ตวย หมู่​เขา​ขัดใจ๋​พระเจ้า เป๋น​ศัตรู๋​ต่อ​คน​ตังหลาย

1 เปโตร 1:2

ต๋าม​ตี้​พระเจ้า​พระบิดา​ได้​ก๋ำหนด​ไว้​เมิน​แล้ว พระองค์​หื้อ​พระวิญญาณ​ซ่วย​ล้าง​หมู่​ต้าน​หื้อ​บริสุทธิ์ เปื้อ​หมู่​ต้าน​จะ​ได้​เจื้อฟัง​พระเยซู​คริสต์ กับ​ได้​เข้า​เป๋น​คน​ของ​พระองค์​โดย​เลือด​ของ​พระเยซู​คริสต์ ขอ​พระเจ้า​โผด​หื้อ​พระคุณ​ตึง​สันติสุข​กับ​หมู่​ต้าน​นัก​ขึ้น​เต๊อะ

1 เปโตร 1:20

พระเจ้า​ได้​เลือก​พระองค์​ไว้​ก่อน​สร้าง​โลก​นี้​แล้ว แต่​ตี้​ก้าหา​หื้อ​พระองค์​มา​แสดง​ตั๋ว​ใน​ยุค​สุดต๊าย​นี้ ก็​เปื้อ​หมู่​ต้าน

1 เปโตร 2:8

กับ​มี​เขียน​ตวย​ว่า “เป๋น​ศิลา​ตี้​เยียะ​หื้อ​คน​ตังหลาย​ข้อง​สะดุด กับ​เป๋น​ศิลา​ตี้​เยียะ​หื้อ​คน​ต้าว” ตี้​หมู่​เขา​ข้อง​สะดุด​นั้น ย้อน​หมู่​เขา​บ่เจื้อ​ฟัง​ถ้อยกำ​ของ​พระเจ้า ก็​เป๋น​ไป​ต๋าม​ตี้​พระเจ้า​ได้​ก๋ำหนด​ไว้​แล้ว

ยูดา 1:4

ย้อน​มี​บาง​คน​ตี้​บ่ยำเก๋ง​พระเจ้า​ได้​ลัก​เข้า​มา​ใน​หมู่​เฮา หมู่​เขา​เป๋น​คน​ตี้​ถือ​เอา​พระคุณ​ของ​พระเจ้า​มา​เป๋น​ข้ออ้าง​ใน​ก๋าน​ป่อย​ตั๋ว​ต๋าม​ตั๋ณหา กับ​ได้​ละ​ขว้าง​พระเยซู​คริสต์ ผู้​เป๋น​ตึง​เจ้านาย​ตึง​องค์​พระผู้เป๋นเจ้า​องค์​เดียว​ของ​เฮา​ไป พระคัมภีร์​ได้​เขียน​เถิง​คน​หมู่​นี้​ไว้​เมิน​มา​แล้ว​ว่า​หมู่​เขา​จะ​ต้อง​ได้ฮับ​โต้ษ​จาก​พระเจ้า

วิวรณ์ 13:8

กู้​คน​บน​โลก​นี้​จะ​ปา​กั๋น​ไป​นมัสก๋าน​มัน นอกจาก​คน​ตี้​มี​จื้อ​จด​ไว้​ใน​หนังสือ​แห่ง​จีวิต​ก่อน​พระเจ้า​สร้าง​โลก คือ​หนังสือ​ของ​ลูก​แกะ​ตั๋ว​นั้น​ตี้​ถูก​ฆ่า​นั้น