กิจก๋าน 17:19 - พระคริสตธรรมคัมภีร ภาคพันธสัญญาใหม

¹⁹ หมู่​เขา​จึง​ปา​เปาโล​ไป​ตี้​สภา​อาเรโอปากัส แล้ว​ถาม​ว่า “จ้วย​อธิบาย​กำสอน​ใหม่​ของ​ต้าน​หื้อ​หมู่​เฮา​ฮู้​น่อย​ว่า​เป๋น​จาใด

กิจก๋าน 17:19 Iomraidhean Croise

มัทธิว 10:18

หมู่​เขา​จะ​ปา​ตั๋ว​ต้าน​ไป​ยืน​ต่อ​หน้า​เจ้าเมือง ต่อ​หน้า​กษัตริย์ ย้อน​ว่า​หมู่​ต้าน​ติดต๋าม​เฮา ต้าน​จะ​ต้อง​เป๋น​พยาน​เรื่อง​เฮา​หื้อ​กษัตริย์​กับ​เจ้าเมือง​ตึง​คน​ต่างจ้าด​ฟัง

มาระโก 1:27

คน​ตังหลาย​ก็​ปา​กั๋น​งืด​อู้​กั๋น​ว่า “ปาด​โทะ อะหยัง​เป๋น​ล้ำ​เป๋น​เหลือ​เนียะ ต้อง​เป๋น​กำสอน​ใหม่​แน่ๆ มี​สิทธิ​อำนาจ​แต๊ๆ ขนาด​ต้าน​สั่ง​หื้อ​ผี​ฮ้าย​ออก มัน​ก็​เจื้อฟัง”

ยอห์น 13:34

“เฮา​หื้อ​กำสั่ง​ใหม่​กับ​หมู่​ต้าน ก็​คือ หื้อ​ฮัก​กั๋น หมู่​ต้าน​ต้อง​ฮัก​กั๋น​เหมือน​กับ​ตี้​เฮา​ฮัก​หมู่​ต้าน

กิจก๋าน 17:20

ย้อน​ต้าน​เอา​เรื่อง​แปลก​มา​เล่า​หื้อ​ฟัง หมู่​เฮา​จึง​ใค่​ฮู้​ว่า​เรื่อง​นี้​มี​ความหมาย​ว่า​จาใด”

กิจก๋าน 17:22

เปาโล​ก็​ยืน​ขึ้น​อู้​ใน​สภา​อาเรโอปากัส​ว่า “จาว​เอเธนส์​ตังหลาย​เหย ข้าพเจ้า​แยง​ผ่อ​แล้ว​หัน​ว่า​หมู่​ต้าน​เป๋น​คน​เคร่ง​ศาสนา​ใน​กู้​ด้าน

กิจก๋าน 17:34

แต่​มี​บาง​คน​เข้า​ฮ่วม​กับ​เปาโล​แล้ว​ฮับเจื้อ ใน​หมู่​คน​ตี้​ฮับเจื้อ​มี​คน​นึ่ง​จื้อ​ดิโอนิสิอัส เขา​เป๋น​สมาชิก​ของ​สภา​อาเรโอปากัส กับ​แม่ญิง​คน​นึ่ง​จื้อ​ดามาริส​รวม​กับ​คน​อื่นๆ ตวย

กิจก๋าน 23:19

นายพัน​จึง​จู๋ง​มือ​ป้อจาย​หนุ่ม​คน​นั้น​ไป​ห่าง​จาก​หมู่​คน​แล้ว​ถาม​ว่า “มี​อะหยัง​กา”

กิจก๋าน 24:24

หลาย​วัน​ต่อ​มา​เฟลิกส์​มา​กับ​ดรูสิลลา​เมีย​ของ​เขา​ตี้​เป๋น​จาว​ยิว แล้ว​เฟลิกส์​สั่ง​หื้อ​ปา​เปาโล​มา​หา แล้ว​ฟัง​เปาโล​อู้​เรื่อง​ก๋าน​เจื้อ​พระเยซู​คริสต์

กิจก๋าน 25:22

แล้ว​กษัตริย์​อากริปปา​ก็​อู้​กับ​เฟสทัส​ว่า “ข้าพเจ้า​ก็​ใค่​ฟัง​จาก​ปาก​ของ​ป้อจาย​คน​นี้​ตวย” เฟสทัส​ตอบ​ว่า “วัน​พูก​ต้าน​จะ​ได้​ฟัง​เขา”

กิจก๋าน 26:1

กษัตริย์​อากริปปา​บอก​กับ​เปาโล​ว่า “เฮา​อนุญาต​หื้อ​เจ้า​อู้​แก้​ข้อ​กล่าวหา​หื้อ​ตั๋ว​เก่า​ได้” เปาโล​ก็​ยื่น​มือ​แล้ว​ตั้งเก๊า​แก้​ข้อ​กล่าวหา​ว่า