กิจก๋าน 15:10 - พระคริสตธรรมคัมภีร ภาคพันธสัญญาใหม

¹⁰ ถ้า​จาอั้น ลองดี​พระเจ้า​เยียะ​หยัง ย้อน​ว่า​ต้าน​ตังหลาย​เยียะ​หื้อ​ผู้เจื้อ​ต่างจ้าด​มี​ภาระ​เรื่อง​ก๋าน​ถือ​ต๋าม​บท​บัญญัติ​ของ​โมเสส เซิ่ง​ตั๋ว​หมู่​เฮา​ตึง​ป้ออุ๊ย​แม่หม่อน​ของ​เฮา​ก็​เยียะ​บ่ได้

กิจก๋าน 15:10 Iomraidhean Croise

มัทธิว 23:4

เขา​ตั้ง​กฎ​ตี้​ยากๆ หื้อ​คน​ตังหลาย​ยึด​ถือ เผียบ​เหมือน​หมู่​เขา​เอา​ของ​หนักๆ หื้อ​คน​อื่น​แบก​ไว้ แต่​หมู่​เขา​ก็​บ่ยอม​จ้วย​จิ​สัก​หน้อย

มัทธิว 4:7

พระเยซู​ตอบ​มาร​ว่า “แต่​พระคัมภีร์​มี​เขียน​ไว้​เหมือน​กั๋น​ว่า ‘ห้าม​ลองดี​องค์​พระผู้เป๋นเจ้า พระเจ้า​ของ​เจ้า’ ”

กิจก๋าน 5:9

เปโตร​ก็​อู้​กับ​นาง​ว่า “เป๋น​จาใด​สอง​คน​ผัว​เมีย​กู้​นี้ เถิง​ปา​กั๋น​จุล่าย​ลองดี​พระวิญญาณ​บริสุทธิ์​ของ​องค์​พระ​ผู้​เป๋น​เจ้า ผ่อ​หั้น​แล่ คน​หมู่​นั้น​ตี้​ไป​ฝัง​ศพ​ผัว​ของ​เจ้า​ก่ำลัง​เข้า​มา หมู่​เขา​ก็​จะ​ปา​กั๋น​หาม​ศพ​ของ​เจ้า​ออก​ไป​ฝัง​เหมือน​กั๋น”

กาลาเทีย 4:9

บ่าเดี่ยว​นี้ ต้าน​ตังหลาย​ได้​ฮู้จัก​พระเจ้า​แล้ว กาว่า​อู้​หื้อ​ถูกต้อง​ก็​คือ​พระเจ้า​ได้​ฮู้จัก​ต้าน​แล้ว เป๋น​จาใด​หมู่​ต้าน​ใค่​ปิ๊ก​ไป​เป๋น​ขี้ข้า​ของ​วิญญาณ​ตี้​บ่มี​อำนาจ​กับ​บ่มี​ก้า ตี้​บ่ใจ้​พระเจ้า

กาลาเทีย 5:1

พระเยซู​คริสต์​ได้​โผด​หื้อ​เฮา​ตังหลาย​มี​อิสระ​แล้ว ก็​หื้อ​เฮา​อยู่​อย่าง​อิสระ บ่ต้อง​ยอม​เป๋น​ขี้ข้า​ของ​บท​บัญญัติ​แหม​ซ้ำ​เน่อ

ฮีบรู 3:9

ตี้​หั้น​หมู่​เขา​ได้​ลองดี​กับ​ทดลอง​เฮา กับ​ได้​หัน​สิ่ง​ตี้​เฮา​เยียะ​ตลอด​สี่​สิบ​ปี๋

ฮีบรู 9:9

นี่​เป๋น​ภาพ​ตี้​เยียะ​หื้อ​หัน​ว่า​ใน​สมัย​นี้ ก๋าน​นำ​เครื่อง​ปู่จา​ก็​ดี สัตว์​ปู่จา​ก็​ดี ตี้​เอา​มา​ถวาย​หื้อ​พระเจ้า บ่สามารถ​ซ่วย​ล้าง​จิตใจ๋​คน​ตี้​มา​นมัสก๋าน​พระเจ้า​หื้อ​หมดใส​ได้