กิจก๋าน 13:40 - พระคริสตธรรมคัมภีร ภาคพันธสัญญาใหม

⁴⁰ จง​หละวัง​หื้อ​ดี เปื้อ​กำ​ของ​หมู่​ผู้​เป๋น​ปาก​เป๋น​เสียง​แตน​พระเจ้า​ตี้​อู้​ไว้​นั้น​จะ​บ่เกิด​ขึ้น​กับ​หมู่​ต้าน คือ

กิจก๋าน 13:40 Iomraidhean Croise

ลูก๋า 24:44

แล้ว​พระองค์​อู้​กับ​หมู่​เขา​ว่า “เมื่อ​เฮา​ยัง​อยู่​ตวย​หมู่​ต้าน ก็​บอก​หื้อ​ฮู้​ว่า​กู้​กำ​ตี้​เขียน​ไว้​ใน​บท​บัญญัติ​ของ​โมเสส กำ​ตี้​หมู่​ผู้​เป๋น​ปาก​เป๋น​เสียง​แตน​พระเจ้า​ตังหลาย​ได้​เขียน กับ​กำ​ตี้​เขียน​ไว้​ใน​พระธรรม​สดุดี ตี้​อู้​เถิง​เฮา​นั้น​จะ​ต้อง​เป๋น​แต๊​ต๋าม​นั้น”

ยอห์น 6:45

ผู้​เป๋น​ปาก​เป๋น​เสียง​แตน​พระเจ้า​เขียน​ไว้​ว่า ‘พระเจ้า​จะ​สั่ง​สอน​กู้​คน’ กู้​คน​ตี้​ยอม​ฟัง​พระบิดา​กับ​เฮียน​ฮู้​จาก​พระองค์ เขา​ตึง​มา​ติดต๋าม​เฮา

กิจก๋าน 15:15

เรื่อง​นี้​ก็​เป๋น​อย่าง​กำ​ตี้​ผู้​เป๋น​ปาก​เป๋น​เสียง​แตน​พระเจ้า​เขียน​ไว้​ว่า

กิจก๋าน 7:42

แต่​พระเจ้า​บิ่น​หน้า​หนี​จาก​หมู่​เขา​เหีย พระองค์​ปล่อย​หื้อ​หมู่​เขา​นมัสก๋าน​หมู่​ดาว​ใน​ต๊องฟ้า อย่าง​ตี้​มี​เขียน​ไว้​แล้ว​ใน​หนังสือ​ของ​ผู้​เป๋น​ปาก​เป๋น​เสียง​แตน​พระเจ้า​ว่า ‘จาว​อิสราเอล​ตังหลาย สัตว์​ตี้​หมู่​เจ้า​ฆ่า​เอา​มา​ปู่จา ใน​ดินแดน​ทุรกั๋นดาร​เป๋น​เวลา​เถิง​สี่​สิบ​ปี๋​นั้น เจ้า​เอา​มา​ปู่จา​เฮา​กา

ฮีบรู 12:25

หื้อ​ฟัง​พระองค์​อู้​หื้อ​ดี ถ้า​คน​หมู่​นั้น​ตี้​บ่ได้​ยอม​ฟัง​กำเตื๋อน​ของ​พระองค์​ใน​โลก​นี้ ยัง​หนี​ก๋าน​ลงโต้ษ​บ่ป๊น แล้ว​เฮา​ตี้​บิ่นหลังต๋ำ​พระองค์​ตี้​เตื๋อน​เฮา​จาก​สวรรค์ จะ​หนี​ป๊น​กา

ฮีบรู 2:3

ถ้า​จาอั้น​หมู่​เฮา​จะ​รอด​ป๊น​บาป​โต้ษ​ได้​จาใด ถ้า​เฮา​บ่ได้​เอา​ใจ๋​ใส่​ความ​รอด​อัน​ยิ่งใหญ่​จาอี้ ความ​รอด​นี้​องค์​พระผู้เป๋นเจ้า​เป๋น​ผู้​ตั้งเก๊า​บอก แล้ว​คน​หมู่​นั้น​ตี้​ได้ยิน​จาก​พระองค์​ก็​ยืนยัน​เรื่อง​นี้​แก่​เฮา​ตังหลาย​ว่า​เป๋น​ความ​จริง

ฮีบรู 3:12

ปี้น้อง​ตังหลาย​หละวัง​ไว้​หื้อ​ดี ตี้​จะ​บ่มี​ใผ​สัก​คน​ใน​หมู่​ของ​ต้าน​มี​ใจ๋​ฮ้าย​กับ​บ่ยอม​เจื้อ แล้ว​หลง​ไป​จาก​พระเจ้า​ผู้​มี​จีวิต​อยู่