กิจก๋าน 13:2 - พระคริสตธรรมคัมภีร ภาคพันธสัญญาใหม

² เวลา​ตี้​หมู่​เขา​นมัสก๋าน​องค์​พระผู้เป๋นเจ้า​กับ​ถือ​ศีล​อด​อาหาร​อยู่​นั้น พระวิญญาณ​บริสุทธิ์​ก็​อู้​กับ​หมู่​เขา​ว่า “หื้อ​แต่งตั้ง​บารนาบัส​กับ​เซาโล​ไว้​สำหรับ​ก๋าน​งาน​ตี้​เฮา​ฮ้อง​หื้อ​หมู่​เขา​เยียะ”

กิจก๋าน 13:2 Iomraidhean Croise

มัทธิว 6:16

“เมื่อ​ต้าน​ถือ​อด​อาหาร​เตื้อ​ใด​ก็​ต๋าม ห้าม​แป๋ง​หน้าหมอง​ต๋องเศร้า เหมือน​หมู่​คน​หน้า​ซื่อ​ใจ๋​ก๊ด​เยียะ​กั๋น หมู่​เขา​บ่ซ่วย​หน้า​ล้าง​ต๋า บ่หวี​ผม​หื้อ​ผ่อ​เหมือน​บ่สบาย เปื้อ​ใค่​หื้อ​คน​ตังหลาย​หัน​ว่า​เขา​ก่ำลัง​ถือ​ศีล​อด​อาหาร​อยู่ แล้ว​ยกยอ​ปอปั้น​เขา แต่​เฮา​บอก​ความ​จริง​แก่​ต้าน​ตังหลาย​ว่า หมู่​เขา​ได้​ฮับ​รางวัล​เรียบร้อย​แล้ว จะ​บ่มี​รางวัล​จาก​พระเจ้า​เลย

มัทธิว 9:38

ย้อน​จาอั้น​หื้อ​จ้วย​กั๋น​อ้อนวอน​ขอ​พระเจ้า ผู้​เผียบ​เหมือน​เจ้า​ของ​นา​หื้อ​ส่ง​คนงาน​มา เปื้อ​จ้วย​กั๋น​เกี่ยว​พืช​ผล​ของ​พระองค์​ตวย”

ลูก๋า 10:1

เมื่อ​เหตุก๋ารณ์​หมู่​นั้น​ล่วง​ป๊น​ไป​แล้ว พระเยซู​ก็​ตั้ง​สาวก​แหม​เจ็ด​สิบ​สอง​คน​ ใจ๊​เขา​ออก​ไป​เป๋น​กู้ๆ หื้อ​ล่วงหน้า​ไป​ก่อน​พระองค์ เข้า​ไป​ใน​เมือง​กับ​หมู่บ้าน​ต่างๆ ตี้​พระองค์​จะ​ไป

ลูก๋า 2:37

นาง​เป๋น​หม้าย​จ๋น​อายุ​ได้​แปด​สิบ​สี่​ปี๋ นาง​บ่ได้​ออก​จาก​พระวิหาร​เลย แต่​นมัสก๋าน​ตึง​เมื่อวัน​เมื่อคืน​โดย​ถือ​ศีล​อด​อาหาร​กับ​อธิษฐาน

กิจก๋าน 10:19

เมื่อ​เปโตร​ยัง​กึ๊ด​เถิง​เรื่อง​นิมิต​อยู่ พระวิญญาณ​บริสุทธิ์​บอก​เขา​ว่า “ผ่อ​หั้น​ลอ มี​ป้อจาย​สาม​คน​มา​ถาม​หา​เจ้า

กิจก๋าน 10:30

โครเนลิอัส​จึง​ตอบ​ว่า “เมื่อ​สี่​วัน​มา​แล้ว ต๋อน​บ่าย​สาม​โมง​เต้า​กับ​เวลา​นี้​ปอดี เฮา​อธิษฐาน​อยู่​ใน​บ้าน จู่ๆ ก็​มี​ป้อจาย​คน​นึ่ง​นุ่ง​เสื้อ​มัน​เงา​มา​ยืน​อยู่​ส่อง​หน้า​เฮา

กิจก๋าน 13:3

หลังจาก​ปา​กั๋น​ถือ​ศีล​อด​อาหาร​กับ​อธิษฐาน​แล้ว ก็​วาง​มือ​บน​หัว​บารนาบัส​กับ​เซาโล เปื้อ​มอบหมาย​หื้อ​เยียะ​ก๋าน​พิเศษ จาก​นั้น​ก็​ส่ง​ต้าน​ตึง​สอง​ไป

กิจก๋าน 13:4

พระวิญญาณ​บริสุทธิ์​ก็​นำ​ต้าน​ตึง​สอง​ไป​เมือง​เซลูเคีย แล้ว​หมู่​เขา​ก็​ลง​เฮือ​จาก​ตี้​หั้น​ไป​ตี้​เกาะ​ไซปรัส

กิจก๋าน 14:26

ต้าน​ตึง​สอง​นั่ง​เฮือ​จาก​ตี้​นี่​ปิ๊ก​ไป​เมือง​อันทิโอก​ใน​แคว้น​ซีเรีย เซิ่ง​เป๋น​สถานตี้​ผู้เจื้อ​ได้​อธิษฐาน​มอบ​ต้าน​ตึง​สอง​ไว้​กับ​พระเจ้า​หื้อ​ผ่อกอย​ต๋าม​ความ​ดี​ของ​พระองค์ สำหรับ​งาน​ตี้​ได้​เยียะ​เสร็จ​แล้ว​บ่าเดี่ยวนี้

กิจก๋าน 20:28

“หื้อ​ต้าน​ตังหลาย​เฝ้า​หละวัง​ตั๋ว​กับ​สมาชิก​คริสตจักร​ตี้​พระวิญญาณ​บริสุทธิ์​มอบหมาย​หื้อ​ต้าน​ตังหลาย​ผ่อกอย หื้อ​เอาใจ๋​ใส่​คน​ตังหลาย​ใน​คริสตจักร​เหมือน​ผู้เลี้ยง​แกะ​ผ่อกอย​แกะ ตี้​พระเจ้า​เยียะ​หื้อ​เป๋น​คน​ของ​พระองค์​โดย​ก๋าน​ต๋าย​ของ​พระบุตร​ของ​พระองค์

กิจก๋าน 22:21

แล้ว​พระองค์​ก็​บอก​กับ​ข้าพเจ้า​ว่า ‘ไป​เต๊อะ เฮา​จะ​ส่ง​เจ้า​ไป​ไก๋ๆ ไป​หา​คน​ต่างจ้าด’ ”

กิจก๋าน 4:36

เหมือน​กับ​ตั๋วอย่าง​ของ​โยเซฟ​คน​ตี้​หมู่​อัครทูต​ฮ้อง​ว่า​บารนาบัส (​หมายเถิง คน​ตี้​หื้อ​ก๋ำลังใจ๋​) เป๋น​จาว​เลวี เขา​เกิด​ตี้​เกาะ​ไซปรัส

กิจก๋าน 6:4

ส่วน​หมู่​เฮา​จะ​ตั้งอก​ตั้งใจ๋​ใจ๊​เวลา​อธิษฐาน​ตึง​สั่ง​สอน​ถ้อยกำ​ของ​พระเจ้า”

กิจก๋าน 8:29

แล้ว​พระวิญญาณ​บริสุทธิ์​บอก​ฟีลิป​ว่า “เข้า​ไป​ใก้ๆ รถ​กัน​นั้น​เต๊อะ”

กิจก๋าน 9:15

แต่​องค์​พระ​ผู้​เป๋น​เจ้า​บอก​อานาเนีย​ว่า “ไป​เต๊อะ ย้อน​เฮา​เลือก​ป้อจาย​คน​นี้​เป๋น​เครื่องมือ​ตี้​จะ​นำ​เรื่องราว​ของ​เฮา​ไป​บอก​กับ​คน​ต่างจ้าด​กับ​หมู่​กษัตริย์​กับ​คน​จาว​อิสราเอล​ตวย

โรม 1:1

จดหมาย​ฉบับ​นี้​จาก​ข้าพเจ้า​เปาโล ผู้​ฮับใจ๊​พระเยซู​คริสต์ ผู้​ตี้​พระเจ้า​ฮ้อง​มา​เป๋น​อัครทูต กับ​แต่งตั้ง​หื้อ​บอก​ข่าวดี​ของ​พระเจ้า

โรม 10:15

กับ​หมู่​เขา​จะ​ไป​บอก​ได้​จาใด ถ้า​บ่มี​ใผ​ใจ๊​หมู่​เขา​ไป อย่าง​ตี้​พระคัมภีร์​มี​เขียน​ไว้​ว่า “ก็​เป๋น​สิ่ง​ตี้​ดี​นัก​ขนาด​ตี้​มี​คน​มา​บอก​ข่าวดี”

โรม 15:16

เปื้อ​หื้อ​ข้าพเจ้า​เป๋น​ผู้​ฮับใจ๊​พระเยซู​คริสต์​ไป​หา​คน​ต่างจ้าด มี​หน้าตี้​เหมือน​เป๋น​ปุโรหิต​บอก​ข่าวดี​ของ​พระเจ้า เปื้อ​คน​ต่างจ้าด​ตี้​เจื้อ​จะ​เป๋น​คน​ตี้​พระเจ้า​ยอมฮับ​เหมือน​เครื่องปู่จา​ตี้​พระวิญญาณ​เยียะ​หื้อ​บริสุทธิ์

1 โครินธ์ 12:11

ตึงหมด​นี้​ก็​มา​จาก​พระวิญญาณ​องค์​เดียว​กั๋น กับ​พระองค์​ก็​หื้อ​ของ​ประทาน​แต่​ละ​คน​ต๋าม​ตี้​พระองค์​หัน​สมควร

1 โครินธ์ 7:5

ควร​ตี้​จะ​มี​เพศ​สัมพันธ์​กั๋น​ต๋าม​ปกติ นอกจาก​ตึง​สอง​จะ​ตกลง​กั๋น​สัก​หว่าง​นึ่ง เปื้อ​จะ​ถวาย​ตั๋ว​ใน​ก๋าน​อธิษฐาน แล้ว​ก้อย​ปิ๊ก​มา​อยู่​ฮ่วม​กั๋น​แหม เปื้อ​ต้าน​จะ​ได้​บ่ถูก​ซาต๋าน​ล่อลวง​หื้อ​เยียะ​ผิด​ย้อน​ต้าน​อด​บ่ได้

2 โครินธ์ 11:27

ต้อง​ฮำ​เยียะ​ก๋าน​หนัก อด​หลับ​อด​นอน​เจื่อๆ อยาก​ข้าว​กั้น​น้ำ อด​ข้าว​หลาย​เตื้อ ทน​หนาว​กับ​เสื้อผ้า​ก็​บ่มี​ใส่

2 โครินธ์ 6:5

เฮา​ถูก​เฆี่ยน​ถูก​ตี๋ ถูก​ยับ​เอา​ไป​ขัง​คอก ปะ​กับ​เหตุก๋ารณ์​วุ่นวะ​วุ่นวาย ฮำ​เยียะ​ก๋าน​อย่าง​หนัก อด​หลับ​อด​นอน ตึง​ข้าว​ก็​บ่มี​กิ๋น

กาลาเทีย 1:15

แต่​พระเจ้า​ได้​เลือก​ข้าพเจ้า​ไว้ ตั้งแต่​เมื่อ​อยู่​ใน​ต๊อง​แม่​แล้ว พระเจ้า​ได้​ฮ้อง​ข้าพเจ้า​ด้วย​พระคุณ​ของ​พระองค์ หื้อ​มา​เป๋น​ผู้​ฮับ​ใจ๊​พระองค์

เอเฟซัส 3:7

ข้าพเจ้า​ได้ฮับ​หน้าตี้​หื้อ​มา​บอก​ข่าวดี​นั้น ก็​โดย​พระคุณ​ของ​พระเจ้า​ตี้​หื้อ​ข้าพเจ้า​ผ่าน​ตาง​ฤทธิ์​อำนาจ​ของ​พระองค์

โคโลสี 4:17

หื้อ​บอก​อารคิปปัส​ว่า “หื้อ​เยียะ​ก๋าน​ตี้​ได้ฮับ​มอบหมาย​จาก​องค์​พระ​ผู้​เป๋น​เจ้า​หื้อ​แล้ว​เหีย”

1 ทิโมธี 2:7

ย้อน​จาอี้​พระเจ้า​จึง​แต่งตั้ง​ข้าพเจ้า​เป๋น​อัครทูต เปื้อ​ไป​บอก​กับ​สอน​เรื่อง​เกี่ยวกับ​ความ​เจื้อ​กับ​ความ​จริง​หื้อ​คน​ต่างจ้าด ข้าพเจ้า​อู้​ซื่อ​บ่ได้​ขี้​จุ

2 ทิโมธี 1:11

ข้าพเจ้า​ได้​ฮับ​แต่งตั้ง​หื้อ​เป๋น​ผู้​บอก​ข่าวดี​นี้ เป๋น​อัครทูต กับ​เป๋น​ครู

2 ทิโมธี 2:2

หื้อ​นำ​กำสอน​ต่างๆ ตี้​ข้าพเจ้า​ได้​สอน​ต่อ​หน้า​คน​ตังหลาย​ตี้​เป๋น​พยาน​นั้น ไป​สอน​คน​ตี้​เจื้อถือ​ได้ ตี้​สามารถ​สอน​คน​อื่น​ต่อ​ได้

2 ทิโมธี 4:11

เหลือ​ลูก๋า​เต้าอั้น​ตี้​ยัง​อยู่​กับ​ข้าพเจ้า ขอ​ไป​ตวย​หา​มาระโก ปา​เขา​มา​ตวย​เน่อ ย้อน​ว่า​เขา​จ้วย​งาน​ข้าพเจ้า​ได้

2 ทิโมธี 4:5

แต่​สำหรับ​ต้าน​นั้น ขอ​หื้อ​มี​สติ​รอบคอบ​ใน​กู้​เรื่อง อดทน​ต่อ​ความ​ตุ๊กยาก เยียะ​หน้าตี้​บอก​ข่าวดี กับ​เยียะ​พันธกิจ​ของ​ต้าน​หื้อ​สำเร็จ

ฮีบรู 5:4

บ่มี​ใผ​แต่งตั้ง​ตั๋ว​เก่า​ใน​ต๋ำแหน่ง​มหา​ปุโรหิต​ตี้​มี​เกียรติ​นี้​ได้ แต่​พระเจ้า​เลือก​คน​นั้น​เหมือน​ตี้​พระองค์​ได้​เลือก​อาโรน