กิจก๋าน 12:25 - พระคริสตธรรมคัมภีร ภาคพันธสัญญาใหม

²⁵ เมื่อ​บารนาบัส​กับ​เซาโล​เยียะ​ก๋าน​ตี้​ฮับ​มอบหมาย​เสร็จ​แล้ว คือ​เอา​สตางค์​มา​จ้วยเหลือ ก็​ปา​กั๋น​เตียวตาง​ออก​จาก​กรุง​เยรูซาเล็ม​ปิ๊ก​ไป​เมือง​อันทิโอก กับ​ปา​ยอห์น​ตี้​มี​แหม​จื้อ​ว่า​มาระโก​ไป​ตวย

กิจก๋าน 12:25 Iomraidhean Croise

กิจก๋าน 12:12

เมื่อ​เปโตร​กึ๊ด​จาอี้​แล้ว ก็​ไป​ตี้​บ้าน​ของ​มารีย์​แม่​ของ​ยอห์น​ตี้​มี​แหม​จื้อ​ว่า​มาระโก ตี้​หั้น​มี​หลาย​คน​จุมนุม​อธิษฐาน​กั๋น​อยู่

กิจก๋าน 15:35

ส่วน​เปาโล​กับ​บารนาบัส​ก็​ยัง​อยู่​ใน​เมือง​อันทิโอก​ต่อ ต้าน​ตึง​สอง​บอก​ข่าวดี​กับ​สั่ง​สอน​ถ้อยกำ​ของ​องค์​พระ​ผู้​เป๋น​เจ้า​ฮ่วม​กับ​คน​อื่นๆ หลาย​คน

กิจก๋าน 15:37

บารนาบัส​ก็​หันตวย เขา​ใค่​ปา​ยอห์น​ตี้​มี​แหม​จื้อ​ว่า​มาระโก​ไป​ตวย

กิจก๋าน 4:36

เหมือน​กับ​ตั๋วอย่าง​ของ​โยเซฟ​คน​ตี้​หมู่​อัครทูต​ฮ้อง​ว่า​บารนาบัส (​หมายเถิง คน​ตี้​หื้อ​ก๋ำลังใจ๋​) เป๋น​จาว​เลวี เขา​เกิด​ตี้​เกาะ​ไซปรัส

โคโลสี 4:10

อาริสทารคัส​คน​ตี้​ติด​คอก​กับ​ข้าพเจ้า ก็​ฝาก​กำ​กึ๊ดเติง​มา​หื้อ​ต้าน มาระโก​ตี้​เป๋น​ลูก​ปี้​ลูก​น้อง​ของ​บารนาบัส​ก็​ฝาก​กำ​กึ๊ดเติง​หา​มา​เหมือน​กั๋น (​ต้าน​ได้ฮับ​กำสั่ง​เรื่อง​ของ​มาระโก​แล้ว ถ้า​เขา​มา​หา​ต้าน​ก็​หื้อ​ต้อนฮับ​เขา​ตวย​)

2 ทิโมธี 4:11

เหลือ​ลูก๋า​เต้าอั้น​ตี้​ยัง​อยู่​กับ​ข้าพเจ้า ขอ​ไป​ตวย​หา​มาระโก ปา​เขา​มา​ตวย​เน่อ ย้อน​ว่า​เขา​จ้วย​งาน​ข้าพเจ้า​ได้

ฟีเลโมน 1:24

กับ​มาระโก อาริสทารคัส เดมาส กับ​ลูก๋า เซิ่ง​เป๋น​เปื้อน​ฮ่วม​ฮับใจ๊​ของ​ข้าพเจ้า​ก็​ฝาก​กำกึ๊ดเติง​มา​หา​ต้าน​เหมือน​กั๋น

1 เปโตร 5:13

คริสตจักร​ตี้​เมือง​บาบิโลน​ตี้​พระเจ้า​ได้​เลือก​ไว้​เหมือน​กับ​หมู่​ต้าน ได้​ฝาก​กำ​กึ๊ด​เติง​มา​หา​หมู่​ต้าน มาระโก​ตี้​เป๋น​เหมือน​ลูก​ของ​ข้าพเจ้า​ก็​ฝาก​กำ​กึ๊ด​เติง​หา​หมู่​ต้าน​ตวย