กิจก๋าน 12:15 - พระคริสตธรรมคัมภีร ภาคพันธสัญญาใหม

¹⁵ คน​หมู่​นั้น​ก็​ปา​กั๋น​ว่า “เป๋น​บ้า​ไป​แล้ว​กา” แต่​นาง​ยืนยัน​ว่า​เป๋น​จาอั้น​แต๊ๆ หมู่​เขา​จึง​ว่า “เป๋น​ทูตสวรรค์​ประจ๋ำ​ตั๋ว​เปโตร​แน่ๆ”

กิจก๋าน 12:15 Iomraidhean Croise

มัทธิว 18:10

“หละวัง​หื้อ​ดี ห้าม​ดูถูก​ดู​แควน​คน​ตี้​ต่ำต้อย​หมู่​นี้​แม้​แต่​คน​เดียว เฮา​ขอ​บอก​หื้อ​ต้าน​ตังหลาย​ฮู้​ว่า ทูตสวรรค์​ประจ๋ำ​ตั๋ว​ของ​หมู่​เขา​เข้า​เฝ้า​พระบิดา​ของ​เฮา​ตี้​ใน​สวรรค์​ตลอด

มาระโก 16:11

แต่​เมื่อ​หมู่​เขา​ได้ยิน​ว่า​พระองค์​มี​จีวิต กับ​มารีย์​ได้​หัน​พระองค์​มา​แล้ว เขา​ก็​บ่เจื้อ

มาระโก 16:14

ถัด​มา​เมื่อลูน​พระเยซู​ป๋ากฏ​หื้อ​สาวก​ตึง​สิบ​เอ็ด​คน​หัน​ต๋อน​ตี้​หมู่​เขา​กิ๋น​ข้าว​กั๋น​อยู่ พระองค์​ว่า​หื้อ​หมู่​เขา ย้อน​ว่า​หมู่​เขา​สงสัย​ตึง​หลึ่ง​ตี้​บ่เจื้อ​คน​ตี้​ได้​หัน​พระองค์​หลังจาก​เป๋น​ขึ้น​จาก​ความ​ต๋าย​แล้ว

ลูก๋า 22:59

แหม​สัก​จั้วโมง​นึ่ง มี​แหม​คน​ยืนยัน​แข็งขัน​ว่า “แม่น​แล้ว คน​นี้​อยู่​ตวย​คน​จื้อ​เยซู​แน่ๆ ย้อน​เขา​เป๋น​จาว​กาลิลี​เหมือน​กั๋น”

ลูก๋า 24:11

หมู่​อัคร​สาวก​บ่เจื้อ หา​ว่า​แม่ญิง​หมู่​นี้​อู้​ไป​เล่ย

กิจก๋าน 12:16

ส่วน​เปโตร​ก็​ยัง​เคาะ​อยู่​ติกๆ เมื่อ​หมู่​เขา​ไข​ปะตู๋​แล้ว​หัน​เปโตร ก็​ปา​กั๋น​งืด​ขนาด

กิจก๋าน 26:24

ใน​เวลา​ตี้​เปาโล​ก่ำลัง​อู้​แก้​ข้อ​กล่าวหา​อยู่​นั้น เฟสทัส​ก็​ขัด​จั๋งหวะ​เอ็ก​ใส่​เปาโล​ว่า “เปาโล เจ้า​เพี้ยน​ไป​แล้ว เจ้า​เฮียน​นัก​ล้ำ​ไป เยียะ​หื้อ​เป๋น​ผีบ้า”