กิจก๋าน 1:8 - พระคริสตธรรมคัมภีร ภาคพันธสัญญาใหม

⁸ แต่​เมื่อ​พระวิญญาณ​บริสุทธิ์​มา​อยู่​กับ​หมู่​ต้าน​แล้ว หมู่​ต้าน​ก็​จะ​ได้​ฮับ​ฤทธิ์​อำนาจ แล้ว​จะ​เป๋น​พยาน​เล่า​เรื่อง​ของ​เฮา​หื้อ​คน​ตังหลาย​ฟัง ตั้งแต่​กรุง​เยรูซาเล็ม​ใคว่​แคว้น​ยูเดีย แคว้น​สะมาเรีย จ๋น​ใคว่​โลก​นี้”

กิจก๋าน 1:8 Iomraidhean Croise

มัทธิว 24:14

คน​จะ​บอก​ข่าวดี​เรื่อง​แผ่นดิน​ของ​พระเจ้า​ไป​ใคว่​ตึง​โลก เปื้อ​กู้​จ้าด​จะ​ได้ยิน​ข่าวดี​นี้ แล้ว​วัน​สิ้น​โลก​จะ​มา​เถิง

มัทธิว 28:19

ย้อน​จาอี้ หื้อ​หมู่​ต้าน​ไป​สอน​คน​กู้​จ้าด​หื้อ​เป๋น​สาวก​ของ​เฮา กับ​หื้อ​เขา​ฮับ​บัพติศมา​ใน​นาม​พระบิดา พระบุตร​กับ​พระวิญญาณ​บริสุทธิ์

มาระโก 16:15

พระองค์​อู้​กับ​หมู่​สาวก​ของ​พระองค์​ว่า “ต้าน​ตังหลาย​จง​ออก​ไป​บอก​ข่าวดี​หื้อ​คน​ตังหลาย​ฟัง​จ๋น​ใคว่​โลก

ลูก๋า 1:35

ทูตสวรรค์​ตอบ​ว่า “พระวิญญาณ​บริสุทธิ์​จะ​อยู่​กับ​เจ้า ฤทธิ์​เดช​ของ​พระเจ้า​ผู้​สูงสุด​จะ​ปกคุม​เจ้า​ไว้ ย้อน​จาอี้​ผู้​บริสุทธิ์​ตี้​จะ​เกิด​มา​นั้น​จะ​ได้​จื้อ​ว่า พระบุตร​ของ​พระเจ้า

ลูก๋า 10:19

ฟัง​เน่อ เฮา​ได้​หื้อ​หมู่​ต้าน​มี​อำนาจ​ย่ำ​งู​ปิ๊ด​กับ​แมงป่อง​ได้ ตึง​หื้อ​มี​อำนาจ​ยิ่งใหญ่​เหลือ​ศัตรู๋​ของ​พระเจ้า บ่มี​สิ่ง​ใด​เยียะ​อันตราย​ต้าน​ได้​สัก​อย่าง

ลูก๋า 24:29

แต่​หมู่​เขา​ก็​อู้​เหนี่ยว​พระองค์​ไว้​ว่า “เจิญ​ต้าน​ย้าง​ตวย​กั๋น​เต๊อะ บ่าเดี่ยว​นี้​ก็​ค่ำ​แล้ว ตะวัน​เกือบ​จะ​ตก​แล้ว” พระองค์​ก็​เข้า​ไป​ย้าง​ตวย​หมู่​เขา

ยอห์น 15:27

และ​หมู่​ต้าน​ก็​จะ​เป๋น​พยาน​บอก​เรื่อง​ของ​เฮา​หื้อ​คน​ฮู้​ตวย ย้อน​หมู่​ต้าน​ได้​อยู่​กับ​เฮา​ตั้งแต่​เก๊า​แล้ว

กิจก๋าน 1:22

นับ​ตั้งแต่​พระเยซู​ฮับ​บัพติศมา​จาก​ยอห์น จ๋น​แผว​วัน​ตี้​พระเจ้า​ฮับ​พระองค์​ขึ้น​ไป​สวรรค์ เขา​คน​นี้​จะ​ต้อง​เป๋น​พยาน​ฮ่วม​กับ​หมู่​เฮา​ตี้​จะ​อู้​หื้อ​คน​อื่นๆ ฮู้​ว่า พระเยซู​เป๋น​ขึ้น​จาก​ความ​ต๋าย​แล้ว”

กิจก๋าน 1:5

คือ​ว่า​ยอห์น​หื้อ​ฮับ​บัพติศมา​ด้วย​น้ำ แต่​แหม​บ่เมิน​ต้าน​ตังหลาย​จะ​ฮับ​บัพติศมา​ด้วย​พระวิญญาณ​บริสุทธิ์”

กิจก๋าน 13:31

พระเยซู​ป๋ากฏ​ตั๋ว​หื้อ​คน​ตี้​เกย​เตียวตาง​กับ​พระองค์​จาก​แคว้น​กาลิลี​ไป​กรุง​เยรูซาเล็ม​หัน​เป๋น​เวลา​หลาย​วัน ต๋อน​นี้​หมู่​เขา​เป๋น​พยาน​เล่า​เรื่อง​ของ​พระองค์​หื้อ​จาว​อิสราเอล​ตังหลาย​ฟัง

กิจก๋าน 2:32

ตี้​อู้​มา​นี้​หมายเถิง​พระเยซู​ตี้​พระเจ้า​เยียะ​หื้อ​เป๋น​ขึ้น​จาก​ความ​ต๋าย​แล้ว หมู่​เฮา​จึง​เป๋น​พยาน​ใน​เรื่อง​นี้

กิจก๋าน 22:15

ย้อน​ต้าน​จะ​เป๋น​พยาน​หื้อ​กู้​คน​ฮู้​เถิง​สิ่ง​ตี้​ต้าน​ได้​หัน​ได้ยิน​เกี่ยวกับ​พระองค์

กิจก๋าน 3:15

หมู่​ต้าน​ฆ่า​พระเยซู​ผู้​ตี้​เป๋น​ผู้​หื้อ​จีวิต แต่​พระเจ้า​เยียะ​หื้อ​พระองค์​เป๋น​ขึ้น​จาก​ความ​ต๋าย หมู่​เฮา​เป๋น​พยาน​ใน​เรื่อง​นี้

กิจก๋าน 4:33

หมู่​อัครทูต​ได้​อู้​อย่าง​มี​อำนาจ เป๋น​พยาน​เรื่อง​พระเยซู​องค์​พระ​ผู้​เป๋น​เจ้า​เป๋น​ขึ้น​จาก​ความ​ต๋าย แล้ว​พระเจ้า​ก็​ปั๋นปอน​หมู่​เขา​กู้​คู่​กู้​คน​นัก​ขนาด

กิจก๋าน 5:32

หมู่​เฮา​เป๋น​พยาน​ใน​เรื่อง​นี้ พระวิญญาณ​บริสุทธิ์​ตี้​พระเจ้า​มอบ​หื้อ​กับ​กู้​คน​ตี้​เจื้อฟัง​พระองค์ ก็​เป๋น​พยาน​ตวย​เหมือน​กั๋น”

กิจก๋าน 6:8

คน​จื้อ​สเทเฟน​ฮับ​ปอน​ตึง​ฤทธิ์​อำนาจ​ของ​พระเจ้า​นัก เยียะ​สิ่ง​ปาฏิหาริย์​ตึง​หมายสำคัญ​หลาย​อย่าง​ต่อ​หน้า​คน​ตังหลาย

กิจก๋าน 8:1

เซาโล​ก็​อยู่​ตี้​หั้น เขา​หันดี​ตวย​ใน​ก๋าน​ฆ่า​สเทเฟน ใน​วัน​นั้น​มี​ก๋าน​ตั้งเก๊า​ค่ำเข​คริสตจักร​ครั้ง​ใหญ่​ใน​กรุง​เยรูซาเล็ม ผู้เจื้อ​ตังหลาย​เว้น​แต่​หมู่​อัครทูต​แตก​หนี​ขะแล​ขะแจ​ไป​ทั่ว​แคว้น​ยูเดีย​กับ​แคว้น​สะมาเรีย

โรม 10:18

ข้าพเจ้า​ใค่​ถาม​ว่า “หมู่​จาว​อิสราเอล​ยัง​บ่ได้ยิน​เรื่อง​ข่าวดี​นั้น​เตื้อ​กา” หมู่​เขา​ได้ยิน​แล้ว​แน่นอน ต๋าม​ตี้​พระคัมภีร์​มี​เขียน​ไว้​ว่า “เสียง​ของ​หมู่​เขา​ดัง​ไป​ใคว่​โลก กำ​ของ​หมู่​เขา​ก็​ลาม​ไป​แผว​จ๋น​สุด​แผ่นดิน​โลก”

โรม 15:19

คือ​โดย​ฤทธิ์​อำนาจ​ของ​หมายสำคัญ​กับ​ก๋าน​อัศจ๋รรย์​ต่างๆ ตึง​ฤทธิ์​อำนาจ​ของ​พระวิญญาณ​บริสุทธิ์ ข้าพเจ้า​ก็​ได้​บอก​ข่าวดี​เรื่อง​พระเยซู​คริสต์​กู้ๆ ตี้ ตั้งเก๊า​ตี้​กรุง​เยรูซาเล็ม​ไป​จ๋น​แผว​เมือง​อิลลีริคุม

โคโลสี 1:23

แต่​ต้าน​ต้อง​ยึดมั่น​ใน​ความ​เจื้อ​ต่อไป บ่ดี​เลิก​หวัง​ใน​ข่าวดี​ตี้​ต้าน​ได้ยิน​มา​แล้ว ตี้​คน​ได้​บอก​ไป​ใคว่​โลก ข้าพเจ้า​เปาโล​ก็​เป๋น​ผู้​ฮับใจ๊​บอก​ข่าวดี​นี้