กิจก๋าน 1:16 - พระคริสตธรรมคัมภีร ภาคพันธสัญญาใหม

¹⁶ “ปี้น้อง​ตังหลาย ข้อ​พระคัมภีร์​ตี้​พระวิญญาณ​บริสุทธิ์​ใจ๊​กับ​กษัตริย์​ดาวิด​อู้​ไว้​เมื่อ​ตะก่อน​นั้น เกี่ยวกับ​เรื่อง​ยูดาส​ปา​ทหาร​ไป​ยับ​พระเยซู ก็​จ๋ำเป๋น​ต้อง​เป๋น​ไป​ต๋าม​นั้น

กิจก๋าน 1:16 Iomraidhean Croise

มัทธิว 26:14

ยูดาส อิสคาริโอท เป๋น​สาวก​คน​นึ่ง​ใน​สิบ​สอง​คน​ของ​พระเยซู ไป​ปะ​หมู่​หัวหน้า​ปุโรหิต

มัทธิว 26:47

บ่ากอง​พระเยซู​อู้​ลิ้น​ยัง​บ่ตัน​เข้า​ปาก​เตื้อ ยูดาส​ตี้​เป๋น​สาวก​คน​นึ่ง​ใน​สิบ​สอง​คน​นั้น ก็​เตียว​มา​เถิง​ตวย​กั๋น กับ​คน​จ๋ำนวน​นัก​ตี้​ก๋ำ​ดาบ​ก๋ำ​ค้อน​มา​ตวย หมู่​เขา​เป๋น​คน​ตี้​หัวหน้า​ปุโรหิต​กับ​หมู่​คน​เฒ่า​คน​แก่​ของ​คน​ตังหลาย​ส่ง​มา

มัทธิว 26:54

แต่​ถ้า​เฮา​เยียะ​จาอั้น ก็​จะ​บ่เป๋น​ไป​ต๋าม​ตี้​พระคัมภีร์​เขียน​ไว้​ว่า​จะ​ต้อง​เป๋น​ไป​ต๋าม​นี้”

มัทธิว 26:56

แต่​ตี้​เกิด​ขึ้น​ตึงหมด​นี้ ก็​เปื้อ​หื้อ​เป๋น​ไป​ต๋าม​ตี้​ผู้​เป๋น​ปาก​เป๋น​เสียง​แตน​พระเจ้า​ได้​เขียน​ไว้” แล้ว​หมู่​สาวก​ตึง​หมด​ก็​ละ​ขว้าง​พระองค์​แล้ว​ปา​กั๋น​หนี​ไป

มาระโก 12:36

ย้อน​ว่า​ตั๋ว​กษัตริย์​ดาวิด​อู้​เถิง​พระคริสต์​โดย​พระวิญญาณ​บริสุทธิ์​ว่า ‘พระเจ้า​อู้​กับ​องค์​พระผู้เป๋นเจ้า​ของ​ข้าพเจ้า​ว่า “หื้อ​นั่ง​ตัง​ขวา​มือ​ของ​เฮา จ๋น​เต๊า​ฮอด​เฮา​จะ​เยียะ​หื้อ​ศัตรู๋​ของ​ต้าน​อยู่​ลุ่ม​ปื๊น​ตี๋น​ของ​ต้าน” ’

มาระโก 14:43

บ่ากอง​พระเยซู​อู้​ลิ้น​ยัง​บ่ตัน​เข้า​ปาก​เตื้อ ยูดาส​ตี้​เป๋น​สาวก​คน​นึ่ง​ใน​สิบ​สอง​คน​นั้น ก็​เตียว​มา​เถิง​ตวย​กั๋น​กับ​หมู่​คน​หลาย​ตี้​ก๋ำ​ดาบ​ก๋ำ​ค้อน​มา​ตวย หมู่​เขา​เป๋น​คน​ตี้​หัวหน้า​ปุโรหิต ธรรมาจ๋ารย์ กับ​หมู่​คน​เฒ่า​คน​แก่​ส่ง​มา

ลูก๋า 22:47

บ่ากอง​พระองค์​อู้​ลิ้น​ยัง​บ่ตัน​เข้า​ปาก​เตื้อ ก็​มี​หลาย​คน​เตียว​เข้า​มา มี​ยูดาส​ตี้​เป๋น​สาวก​คน​นึ่ง​ใน​สิบ​สอง​คน​นั้น​นำ​หน้า ยูดาส​ก็​เข้า​มา​ใก้​พระเยซู​แล้ว​ตั๊กตวาย​พระองค์​โดย​ก๋าน​จูบ

ยอห์น 10:35

เฮา​ฮู้​ว่า​สิ่ง​ตี้​เขียน​ไว้​ใน​พระคัมภีร์​ก็​ถูก​ต้อง​ตลอด แล้ว​พระเจ้า​บ่ได้​อู้​หมิ่น​ประมาท​เมื่อ​ฮ้อง​คน​ตี้​ฮับ​ถ้อยกำ​ของ​พระองค์​ว่า​เป๋น​เทพเจ้า​ตังหลาย

ยอห์น 13:18

“เฮา​บ่ได้​หมายเถิง​หมู่​ต้าน​กู้​คน เฮา​ฮู้จัก​คน​ตี้​เฮา​เลือก​ไว้ แต่​จะ​ต้อง​เป๋น​แต๊​ต๋าม​พระคัมภีร์​ตี้​อู้​ไว้​ว่า ‘คน​ตี้​กิ๋น​ของกิ๋น​เฮา ก็​ก๋าย​เป๋น​ศัตรู๋​ของ​เฮา’

ยอห์น 17:12

ต๋อน​ตี้​ข้า​พระองค์​อยู่​กับ​หมู่​เขา ข้า​พระองค์​ก็​ปกปัก​ฮักษา​หมู่​เขา​หื้อ​ปลอดภัย​โดย​ฤทธิ์​อำนาจ​ตี้​พระองค์​หื้อ​ข้า​พระองค์ ข้า​พระองค์​ปกป้อง​หมู่​เขา​ไว้​และ​บ่มี​ใผ​หาย​ไป​สัก​คน ยกเว้น​คน​นั้น​ตี้​พระองค์​ก๋ำหนด​ไว้ จะ​ต้อง​ฉิบหาย​วายวอด เปื้อ​หื้อ​เป๋น​ไป​ต๋าม​พระคัมภีร์

ยอห์น 19:36

สิ่ง​นี้​เกิด​ขึ้น​เปื้อ​เป๋น​ไป​ต๋าม​พระคัมภีร์ ตี้​ว่า “กระดูก​ของ​พระองค์​จะ​บ่หัก​สัก​อัน”

กิจก๋าน 1:20

เปโตร​อู้​ต่อ​ไป​ว่า “เรื่อง​นี้​มี​เขียน​ไว้​ใน​พระธรรม​สดุดี​ว่า ‘ขอ​หื้อ​ตี้​อยู่​ของ​เขา​เป๋น​ฮ้าง ห้าม​คน​เข้า​ไป​อยู่​แหม​ต่อ​ไป’ ยัง​มี​เขียน​ไว้​แหม​ว่า ‘ส่วน​ต๋ำแหน่ง​ก๋าน​ฮับใจ๊​ของ​เขา​นั้น หื้อ​คน​อื่น​มา​ฮับ​แตน’

กิจก๋าน 13:15

หลังจาก​อ่าน​หนังสือ​บท​บัญญัติ​ของ​โมเสส​กับ​ข้อเขียน​ของ​หมู่​ผู้​เป๋น​ปาก​เป๋น​เสียง​แตน​พระเจ้า​ต๋าม​วาระ​ก๋าน​นมัสก๋าน​แล้ว หมู่​นาย​ธรรมศาลา​ส่ง​คน​มา​บอก​บารนาบัส​กับ​เปาโล​ว่า “ปี้น้อง​เหย ถ้า​ต้าน​มี​กำ​หื้อ​ก๋ำลังใจ๋​คน​ตังหลาย ขอ​เจิญ​ออก​มา​อู้​เต๊อะ”

กิจก๋าน 13:38

“ย้อน​จาอั้น​ปี้น้อง​ตังหลาย​เหย โดย​สิ่ง​ตี้​พระเยซู​ได้​เยียะ ข้าพเจ้า​บอก​หื้อ​ฮู้​ว่า​มี​ก๋าน​ยกโต้ษ​บาป

กิจก๋าน 15:13

เมื่อ​อู้​จบ​แล้ว​ยากอบ​ก็​อู้​ขึ้น​ว่า “ปี้น้อง​ตังหลาย​ฟัง​เฮา​กำ

กิจก๋าน 15:7

หลังจาก​เปิ็กษา​กั๋น​นัก​แล้ว เปโตร​ก็​ยืน​ขึ้น​อู้​ว่า “ปี้น้อง​ตังหลาย​เหย ต้าน​ก็​ฮู้​แล้ว​เถิง​เวลา​หัวที​นั้น​ตี้​พระเจ้า​เลือก​ข้าพเจ้า​จาก​ต้ามก๋าง​หมู่​ต้าน​หื้อ​ไป​บอก​ข่าวดี​หื้อ​คน​ต่างจ้าด​ฟัง เปื้อ​เขา​หมู่​นั้น​จะ​ได้​ฮับเจื้อ

กิจก๋าน 2:23

ต้าน​ผู้​นี้​ถูก​มอบ​ไว้​ต๋าม​แผนก๋าน​ของ​พระเจ้า​ตี้​ฮู้​ล่วง​หน้า​ก่อน​แล้ว​ว่า หมู่​ต้าน​จะ​ฆ่า​พระองค์​โดย​หื้อ​หมู่​คน​บ่ดี​ยับ​พระองค์​ไป​เขิง​บน​ไม้​ก๋าง​เขน

กิจก๋าน 2:37

เมื่อ​คน​ตังหลาย​ได้ยิน​จาอั้น​แล้ว ก็​ฮู้สึก​บ่ม่วนใจ๋ จึง​ปา​กั๋น​ถาม​เปโตร​ตึง​หมู่​อัครทูต​คน​อื่นๆ ว่า “ปี้น้อง​เหย เฮา​จะ​เยียะ​จาใด​ดี​นี่”

กิจก๋าน 22:1

“ป้อ​แม่​ปี้น้อง​ตังหลาย​บ่าเดี่ยวนี้​ขอ​ฟัง​กำ​จี๊แจ๋ง​ของ​ข้าพเจ้า​สัก​หน้อย​เต๊อะ”

กิจก๋าน 23:1

เปาโล​ปักต๋าผ่อ​ไป​ตี้​หมู่​สมาชิก​สภา​แซนเฮดริน แล้ว​อู้​ว่า “ปี้น้อง​ตังหลาย ข้าพเจ้า​ใจ๊​จีวิต​ต่อหน้า​พระเจ้า​ด้วย​จิต​สำนึก​ตี้​ดี​ตลอด​มา​จ๋น​แผว​ตึง​วัน​นี้”

กิจก๋าน 23:6

เมื่อ​เปาโล​หัน​ว่า​ตี้​ประชุม​มี​ตึง​หมู่​สะดูสี​กับ​หมู่​ฟาริสี ต้าน​ก็​อู้​เสียง​ดัง​ว่า “ปี้น้อง​ตังหลาย ข้าพเจ้า​เป๋น​ฟาริสี เป๋น​ลูก​ของ​ฟาริสี​ตวย​เน่อ ตี้​ข้าพเจ้า​ถูก​สอบสวน​นี้ ก็​ย้อน​มี​ความ​หวัง​ว่า​คน​ตี้​ต๋าย​ไป​แล้ว​จะ​เป๋น​ขึ้น​จาก​ความ​ต๋าย”

กิจก๋าน 28:17

ผ่าน​ไป​สาม​วัน​เปาโล​ฮ้อง​ประชุม​หมู่​ผู้นำ​ของ​จาว​ยิว หลังจาก​กู้​คน​มา​หมด​แล้ว เปาโล​จึง​อู้​ว่า “ปี้น้อง​ตังหลาย ข้าพเจ้า​ถูก​ยับ​ใน​กรุง​เยรูซาเล็ม แล้ว​ถูก​มอบ​หื้อ​กับ​ทหาร​โรมัน​เถิงแม้​ว่า​ข้าพเจ้า​บ่ได้​เยียะ​ผิด​ต่อ​คน​ของ​หมู่​เฮา กาว่า​ต่อ​ฮีต​เก่า​ฮอย​เดิม​ของ​ป้ออุ๊ย​แม่หม่อน​ของ​หมู่​เฮา​เลย

กิจก๋าน 28:25

หมู่​เขา​ขัดแย้ง​กั๋น ก่อน​จะ​ลา​จาก​กั๋น​ไป​เปาโล​อู้​ว่า “พระวิญญาณ​บริสุทธิ์​อู้​ถูกต้อง​แล้ว เมื่อ​อู้​กับ​ป้อ​อุ๊ย​แม่​หม่อน​ของ​หมู่​เฮา ผ่าน​อิสยาห์​ผู้​เป๋น​ปาก​เป๋น​เสียง​แตน​พระเจ้า​ว่า

กิจก๋าน 7:2

สเทเฟน​ก็​ตอบ​ว่า “ต้าน​คน​เฒ่า​คน​แก่​กับ​ปี้น้อง​ตังหลาย​ฟัง​หื้อ​ดี​ก่อน พระเจ้า​ผู้​ยิ่งใหญ่​ป๋ากฏ​ตั๋ว​ต่อ​อับราฮัม​ป้ออุ๊ย​แม่หม่อน​เก๊า​เหง้า​ของ​หมู่​เฮา ต๋อน​นั้น​ต้าน​ยัง​อยู่​ตี้​ดินแดน​เมโสโปเตเมีย​ก่อน​จะ​ย้าย​ไป​อยู่​ตี้​เมือง​ฮาราน

1 เปโตร 1:11

พระวิญญาณ​ของ​พระคริสต์​ตี้​อยู่​ใน​ตั๋ว​หมู่​เขา​บอก​หมู่​เขา​ไว้​ล่วงหน้า​ว่า พระคริสต์​จะ​มี​ความ​ตุ๊ก​ทรมาน แล้ว​ปาย​หลัง​พระองค์​จะ​ได้​ฮับ​เกียรติ หมู่​เขา​อยาก​จะ​ฮู้​ว่า​เรื่อง​นี้​จะ​เกิด​ขึ้น​จาใด แล้ว​เวลา​นั้น​จะ​เกิด​ขึ้น​เมื่อ​ใด

2 เปโตร 1:21

ย้อน​ว่า​กำ​ทำนาย​หมู่​นี้​นั้น เขา​บ่ได้​กึ๊ด​ขึ้น​มา​คน​เดียว แต่​พระวิญญาณ​บริสุทธิ์​ดลใจ๋​หื้อ​เขา​อู้​กำ​ตี้​มา​จาก​พระเจ้า

2 เปโตร 2:21

ย้อน​ถ้า​บ่ฮู้จัก​ตาง​ตี้​ถูกต้อง​ตั้งแต่​เก๊า ก็​ยัง​ดี​เหลือ​ฮู้จัก​แล้ว แต่​บิ่นหลังต๋ำ​กำ​สั่ง​สอน​อัน​ศักดิ์สิทธิ์​ตี้​พระเจ้า​หื้อ​เขา​ไว้​เหีย