กิจก๋าน 1:13 - พระคริสตธรรมคัมภีร ภาคพันธสัญญาใหม

¹³ เมื่อ​มา​แผว​กรุง​เยรูซาเล็ม​แล้ว หมู่​อัครทูต​ก็​ปา​กั๋น​ขึ้น​ไป​ห้อง​จั๊น​บน​ตี้​หมู่​เขา​ย้าง​อาศัย​อยู่​หั้น ใน​หมู่​เขา​มี​เปโตร ยอห์น ยากอบ อันดรูว์ ฟีลิป โธมัส บารโธโลมิว มัทธิว ยากอบ​ลูกบ่าว​ของ​อัลเฟอัส ซีโมน​คน​ของ​พรรค​จ้าดนิยม กับ​ยูดาส​ลูกบ่าว​ของ​ยากอบ​แหม​คน​นึ่ง

กิจก๋าน 1:13 Iomraidhean Croise

มัทธิว 9:9

เมื่อ​พระเยซู​ออก​จาก​ตี้​หั้น​มา​แล้ว ก็​หัน​ป้อจาย​คน​นึ่ง​จื้อ​มัทธิว​นั่ง​อยู่​ตี้​ด่าน​เก็บ​ภาษี พระองค์​บอก​เขา​ว่า “ตวย​เฮา​มา​เต๊อะ” มัทธิว​ก็​ลุก​ขึ้น​ตวย​พระองค์​ไป

มาระโก 14:15

เจ้าของ​เฮือน​จะ​ปา​หมู่​ต้าน​ขึ้น​ไป​ห้อง​ใหญ่​จั๊น​บน​ตี้​แต่ง​ดา​ไว้​แล้ว ก็​หื้อ​จัด​เกียม​มื้อ​ปัสกา​ไว้​ตี้​ห้อง​นั้น​เต๊อะ”

มาระโก 14:33

แล้ว​ก็​ปา​เปโตร ยอห์น​กับ​ยากอบ​ไป​ตวย เวลา​นั้น​พระองค์​เป๋น​ตุ๊ก​หนักใจ๋​ขนาด

มาระโก 2:14

กวม​เวลา​ตี้​พระองค์​เตียว​มา​ต๋าม​ตาง​นั้น ก็​หัน​คน​เก็บ​ภาษี​คน​นึ่ง​จื้อ​เลวี​ลูก​ของ​อัลเฟอัส​นั่ง​อยู่​ตี้​ด่าน​เก็บ​ภาษี พระองค์​อู้​กับ​เขา​ว่า “ตวย​เฮา​มา​เต๊อะ” เลวี​ก็​ลุก​ขึ้น​ตวย​พระองค์​ไป

มาระโก 5:37

พระองค์​บ่หื้อ​คน​อื่น​ตวย​พระองค์​ไป เว้น​แต่​เปโตร ยากอบ กับ​ยอห์น​น้องบ่าว​ของ​ยากอบ

มาระโก 9:2

หลัง​จาก​นั้น​หก​วัน​พระเยซู​ปา​เปโตร ยากอบ กับ​ยอห์น​ขึ้น​ไป​บน​ดอย​สูง​ตวย​กั๋น บ่มี​คน​อื่น​ตี้​หั้น แล้ว​ตั๋ว​ของ​พระองค์​ก็​เปี่ยน​ไป​ต่อ​หน้า​ต่อ​ต๋า​หมู่​เขา

ลูก๋า 22:12

เจ้าของ​เฮือน​จะ​ปา​หมู่​ต้าน​ขึ้น​ไป​ห้อง​ใหญ่​จั๊น​บน​ตี้​แต่ง​ดา​ไว้​แล้ว ก็​หื้อ​จัด​เกียม​มื้อ​ปัสกา​ไว้​ตี้​ห้อง​นั้น​เต๊อะ”

ยอห์น 11:16

โธมัส (​ตี้​เขา​ฮ้อง​กั๋น​ว่า​แฝด​) ก็​อู้​กับ​สาวก​คน​อื่น​ว่า “หมู่​เฮา​ไป​กั๋น​เต๊อะ ไป​ต๋าย​ตวย​กั๋น​กับ​อาจ๋ารย์”

ยอห์น 14:22

ยูดาส (​บ่ใจ้​ยูดาส อิสคาริโอท​) ถาม​พระเยซู​ว่า “พระองค์​เจ้า​ข้า เยียะ​หยัง​จะ​เปิดเผย​หื้อ​หมู่​เฮา​ฮู้ แต่​บ่หื้อ​โลก​นี้​ฮู้”

ยอห์น 18:17

สาวใจ๊​ตี้​เฝ้า​ปะตู๋​คน​นั้น​ถาม​เปโตร​ว่า “ต้าน​เป๋น​สาวก​ของ​ป้อจาย​คน​นั้น​ตวย​บ่ใจ้​กา” เปโตร​ก็​ตอบ​ว่า “บ่ใจ้​ลอ”

ยอห์น 21:2

ต๋อน​นั้น​ซีโมน​เปโตร โธมัส​ตี้​เขา​ฮ้อง​กั๋น​ว่า​แฝด นาธานาเอล​ตี้​มา​จาก​หมู่บ้าน​คานา​ใน​แคว้น​กาลิลี ลูกบ่าว​สอง​คน​ของ​เศเบดี กับ​สาวก​แหม​สอง​คน​ของ​พระเยซู ก็​อยู่​ตวย​กั๋น​ตึง​หมด

กิจก๋าน 12:17

แต่​เปโตร​โบก​มือ​หื้อ​ดัก​ไว้​ก่อน แล้ว​ตั้งเก๊า​เล่า​หื้อ​หมู่​เขา​ฟัง​เถิง​เรื่อง​ตี้​องค์​พระผู้เป๋นเจ้า​จ้วย​เขา​ออก​มา​จาก​คอก​ได้​จาใด แล้ว​เปโตร​ก็​บอก​ว่า “ขอ​เอา​เรื่อง​นี้​ไป​เล่า​หื้อ​ยากอบ​กับ​หมู่​ปี้น้อง​ผู้เจื้อ​ฟัง​ตวย” หลังจาก​นั้น​เปโตร​ก็​ออก​จาก​บ้าน​ไป​ตัง​อื่น​เหีย

กิจก๋าน 15:13

เมื่อ​อู้​จบ​แล้ว​ยากอบ​ก็​อู้​ขึ้น​ว่า “ปี้น้อง​ตังหลาย​ฟัง​เฮา​กำ

กิจก๋าน 2:14

แล้ว​เปโตร​ตึง​หมู่​อัครทูต​แหม​สิบ​เอ็ด​คน​นั้น​ก็​ลุก​ยืน​ขึ้น​อู้​กับ​คน​ตังหลาย​ด้วย​เสียง​อัน​ดัง​ว่า “ต้าน​จาว​ยิว​ตังหลาย​ตึง​หมู่​คน​ตี้​อาศัย​อยู่​ใน​กรุง​เยรูซาเล็ม ขอ​ปา​กั๋น​ดัก​ก่อน เฮา​จะ​บอก​หื้อ​ต้าน​ตังหลาย​ฟัง

กิจก๋าน 2:38

เปโตร​จึง​ตอบ​ว่า “หมู่​ต้าน​จง​กลับใจ๋​จาก​บาป แล้ว​ฮับ​บัพติศมา​ใน​นาม​พระเยซู​คริสต์​เปื้อ​ฮับ​ก๋าน​ยกโต้ษ​บาป แล้ว​พระเจ้า​จะ​หื้อ​พระวิญญาณ​บริสุทธิ์​แก่​ต้าน

กิจก๋าน 20:8

ใน​ห้อง​จั๊น​บน​ตี้​เฮา​จุมนุม​กั๋น​นั้น​มี​โกม​ไฟ​ต๋าม​ไว้​อยู่​หลาย​แก่น

กิจก๋าน 4:13

หมู่​เขา​งืด​ขนาด​เมื่อ​หัน​เปโตร​กับ​ยอห์น​ก้า​อู้​บ่กั๋ว​ใผ สอง​คน​นี้​เป๋น​คน​บ่ได้​ฮับ​ก๋าน​ศึกษา​กับ​บ่เก่ง​ด้าน​ใด​ด้าน​นึ่ง แต่​จ๋ำ​ได้​ว่า​เปโตร​กับ​ยอห์น​เกย​อยู่​กับ​พระเยซู​มา​ก่อน

กิจก๋าน 4:19

แต่​เปโตร​กับ​ยอห์น​ตอบ​ว่า “ต้าน​ตังหลาย​ตัดสิน​เอา​คน​เดียว​เต๊อะ พระเจ้า​หื้อ​หมู่​เฮา​เจื้อฟัง​ต้าน​ตังหลาย​แตน​ตี้​จะ​เจื้อฟัง​พระองค์​กา

1 โครินธ์ 15:7

หลังจาก​นั้น​พระองค์​ก็​มา​ป๋ากฏ​หื้อ​ยากอบ แล้ว​ก็​อัครทูต​ตึงหมด​หัน​เหมือน​กั๋น

กาลาเทีย 1:19

บ่ได้​ปะ​อัครทูต​คน​อื่นๆ เลย นอกจาก​ยากอบ​น้อง​ของ​พระเยซู​องค์​พระ​ผู้​เป๋น​เจ้า​ของ​เฮา​เต้าอั้น

กาลาเทีย 2:9

เมื่อ​ยากอบ เปโตร กับ​ยอห์น ตี้​เป๋น​เหมือน​ผู้นำ​ของ​หมู่​ผู้เจื้อ หัน​พระคุณ​ตี้​พระเจ้า​ได้​หื้อ​ก๋าน​นี้​กับ​ข้าพเจ้า​แล้ว หมู่​เขา​ก็​จับ​มือ​ข้าพเจ้า​กับ​บารนาบัส แสดง​ว่า​หมู่​เฮา​เป๋น​เปื้อน​ฮ่วม​ฮับใจ๊​ตวย​กั๋น แล้ว​ตกลง​กั๋น​ว่า​หื้อ​เฮา​ไป​บอก​ข่าวดี​กับ​คน​ต่างจ้าด แล้ว​หมู่​เขา​ก็​จะ​ไป​บอก​กับ​หมู่​จาว​ยิว

ยากอบ 1:1

จดหมาย​ฉบับ​นี้​จาก​ข้าพเจ้า ยากอบ ผู้​ฮับใจ๊​ของ​พระเจ้า​ตึง​ของ​พระเยซู​คริสต์​องค์​พระผู้เป๋นเจ้า ขอ​ตั๊กตวาย​คน​ของ​พระเจ้า​กู้​คน​ตี้​แตก​ขะแล​ขะแจ​ไป​ใคว่​โลก

2 ยอห์น 1:1

จดหมาย​ฉบับ​นี้​จาก​ข้าพเจ้า​ผู้ปกครอง เถิง​ต้าน​แม่ญิง​ตี้​พระเจ้า​ได้​เลือก​ไว้ กับ​ลูกๆ ของ​ต้าน ตี้​ข้าพเจ้า​ฮัก​แต๊ๆ บ่ใจ้​ข้าพเจ้า​คน​เดียว​เน่อ แต่​กู้​คน​ตี้​ฮู้จัก​ความ​จริง​ก็​ฮัก​หมู่​ต้าน​ตวย

ยูดา 1:1

จดหมาย​ฉบับ​นี้​จาก​ยูดาส​ตี้​เป๋น​ผู้​ฮับใจ๊​ของ​พระเยซู​คริสต์ กับ​เป๋น​น้อง​บ่าว​ของ​ยากอบ เถิง​คน​ตังหลาย​ตี้​พระเจ้า​ฮ้อง​มา​หื้อ​เป๋น​คน​ตี้​พระเจ้า​พระบิดา​ฮัก กับ​เป๋น​คน​ตี้​พระเยซู​ได้​ปกปัก​ฮักษา​ไว้