กิจก๋าน 1:10 - พระคริสตธรรมคัมภีร ภาคพันธสัญญาใหม

¹⁰ ใน​เวลา​ตี้​หมู่​เขา​ก่ำลัง​ปักต๋าผ่อ​พระองค์​จาก​ไป​ใน​ต๊องฟ้า​นั้น อยู่ๆ ก็​มี​ป้อจาย​ใส่​เสื้อผ้า​สี​ขาว​สอง​คน​มา​ยืน​แหมะ​ข้าง​หมู่​เขา

กิจก๋าน 1:10 Iomraidhean Croise

มัทธิว 17:2

แล้ว​ตั๋ว​ของ​พระองค์​ก็​เปี่ยน​ไป​ต่อ​หน้า​ต่อ​ต๋า​หมู่​เขา หน้า​ของ​พระองค์​ส่อง​แสง​แจ้ง​เหมือน​ตะวัน เสื้อผ้า​ก็​ขาว​จ๋น​เหลื้อม​มาบๆ

มัทธิว 28:3

ตั๋ว​ของ​ทูตสวรรค์​แจ้ง​หลึ้ง​เหมือน​ฟ้า​แมบ เสื้อผ้า​ตี้​นุ่ง​สี​ขาว​เหมือน​หิมะ

มาระโก 16:5

หมู่​เขา​เข้า​ไป​ใน​อุโมงค์ ก็​หัน​ป้อจาย​หนุ่ม​คน​นึ่ง​นุ่ง​เสื้อ​คุม​สี​ขาว นั่ง​อยู่​ตัง​เผิก​ขวา หมู่​เขา​ก็​สะดุ้ง​ตกอกตกใจ๋

ลูก๋า 24:4

เมื่อ​ก่ำลัง​กึ๊ด ย้อน​บ่เข้าใจ๋​ใน​เหตุก๋ารณ์​นั้น ก็​มี​ป้อจาย​สอง​คน​มา​ยืน​อยู่​ใก้ๆ เสื้อผ้า​เหลื้อม​มาบๆ จ๋น​ผ่อ​ปอ​จะ​บ่ได้

ยอห์น 20:12

แล้ว​ก็​หัน​ทูตสวรรค์​สอง​องค์​ใส่​เสื้อ​สี​ขาว​นั่ง​อยู่​ตั๊ด​ตี้​ศพ​พระเยซู​เกย​วาง​อยู่ องค์​นึ่ง​อยู่​ตัง​หัว แหม​องค์​อยู่​ตัง​ตี๋น

กิจก๋าน 10:3

วัน​นึ่ง​เวลา​ประมาณ​บ่าย​สาม​โมง โครเนลิอัส​ก่ำลัง​อธิษฐาน​อยู่ ก็​หัน​นิมิต​อย่าง​เต๋ม​ต๋า คือ​เขา​หัน​ทูตสวรรค์​องค์​นึ่ง​ของ​พระเจ้า​เข้า​มา​หา​ฮ้อง​ต้าน​ว่า “โครเนลิอัส​เหย”

กิจก๋าน 10:30

โครเนลิอัส​จึง​ตอบ​ว่า “เมื่อ​สี่​วัน​มา​แล้ว ต๋อน​บ่าย​สาม​โมง​เต้า​กับ​เวลา​นี้​ปอดี เฮา​อธิษฐาน​อยู่​ใน​บ้าน จู่ๆ ก็​มี​ป้อจาย​คน​นึ่ง​นุ่ง​เสื้อ​มัน​เงา​มา​ยืน​อยู่​ส่อง​หน้า​เฮา

วิวรณ์ 3:4

แต่​จาใด​ก็​ต๋าม​ยัง​มี​สอง​สาม​คน​ใน​เมือง​ซาร์ดิส ตี้​ได้​ฮักษา​เสื้อผ้า​ของ​ตั๋ว​หื้อ​สะอาด​อยู่ ก็​เปิง​แล้ว​ตี้​หมู่​เขา​จะ​ใส่​เสื้อ​สี​ขาว​สะอาด​เตียว​ไป​กับ​เฮา

วิวรณ์ 7:14

ข้าพเจ้า​ตอบ​ต้าน​ว่า “ต้าน​เจ้าข้า ต้าน​ก็​ฮู้​แล้ว​ว่า​หมู่​เขา​เป๋น​ใผ” ผู้​อาวุโส​จึง​บอก​ว่า “คน​หมู่​นี้​คือ​คน​ตี้​มา​จาก​ความ​ตุ๊กยาก​ลำบาก​ตี้​หนัก​ขนาด หมู่​เขา​ซัก​เสื้อ​คุม​ของ​หมู่​เขา​ด้วย​เลือด​ของ​ลูก​แกะ​ตั๋ว​นั้น​จ๋น​ขาว​สะอาด