3 ยอห์น 1:11 - พระคริสตธรรมคัมภีร ภาคพันธสัญญาใหม

¹¹ เปื้อน​ตี้​ฮัก​เหย ห้าม​เอา​อย่าง​สิ่ง​ตี้​บ่ดี แต่​หื้อ​เอา​อย่าง​สิ่ง​ตี้​ดี คน​ตี้​เยียะ​ดี​นั้น​ก็​เป๋น​ของ​พระเจ้า ส่วน​คน​ตี้​เยียะ​บ่ดี​นั้น​ก็​บ่เกย​ฮู้จัก​พระเจ้า

3 ยอห์น 1:11 Iomraidhean Croise

ยอห์น 10:27

แกะ​ของ​เฮา​ก็​ฟัง​เสียง​ของ​เฮา กับ​เฮา​ก็​ฮู้จัก​แกะ​หมู่​นั้น กับ​แกะ​หมู่​นั้น​ก็​ตวย​เฮา​มา

ยอห์น 12:26

ใผ​ตี้​ฮับใจ๊​เฮา ก็​ต้อง​ติดต๋าม​หลาม​ตวย​เฮา​มา เฮา​อยู่​ตี้​ไหน ผู้​ฮับใจ๊​ของ​เฮา​ก็​จะ​อยู่​ตี้​หั้น​ตวย ใผ​ตี้​ฮับใจ๊​เฮา พระเจ้า​ก็​จะ​ยกย่อง​คน​นั้น

ยอห์น 3:20

กู้​คน​ตี้​เยียะ​บาป​ก็​จัง​ความ​เป่งแจ้ง กับ​จะ​บ่เข้า​มา​อยู่​ใน​ตี้​แจ้ง ย้อน​ว่า​หมู่​เขา​กั๋ว​ความ​เป่งแจ้ง​จะ​เปิดเผย​หื้อ​หัน​ความ​บาป​ตี้​เขา​ได้​เยียะ​ออก​มา

1 โครินธ์ 11:1

หื้อ​หมู่​ต้าน​เยียะ​ต๋าม​อย่าง​ข้าพเจ้า เหมือน​กับ​ตี้​ข้าพเจ้า​เยียะ​ต๋าม​อย่าง​พระคริสต์

1 โครินธ์ 4:16

จาอั้น​ข้าพเจ้า​วิงวอน​ขอ​หื้อ​หมู่​ต้าน​เยียะ​ต๋าม​ข้าพเจ้า

เอเฟซัส 5:1

ย้อน​หมู่​ต้าน​เป๋น​ลูก​ตี้​พระเจ้า​ฮัก หื้อ​หมู่​ต้าน​เฮียน​แบบ​พระองค์

ฟีลิปปี 3:17

ปี้น้อง​ผู้เจื้อ​ตังหลาย​หื้อ​เยียะ​ต๋าม​แบบ​อย่าง​ข้าพเจ้า กับ​ผ่อ​คน​ตี้​ใจ๊​จีวิต​ต๋าม​แบบ​อย่าง​ตี้​ข้าพเจ้า​หื้อ​ไว้​กับ​ต้าน​หื้อ​ดี

1 เธสะโลนิก๋า 1:6

ส่วน​ต้าน​ตังหลาย​ก็​ได้​เอา​จีวิต​ของ​หมู่​เฮา​ตึง​ของ​องค์​พระผู้เป๋นเจ้า​เป๋น​แบบ​อย่าง แม้​ต้าน​ปะ​ความ​ตุ๊กยาก​นัก​ก็​ยัง​ฮับ​ถ้อยกำ​นั้น​ด้วย​ความ​จื้นจมยินดี ตี้​มา​จาก​พระวิญญาณ​บริสุทธิ์

1 เธสะโลนิก๋า 2:14

ปี้น้อง​ตังหลาย​เหตุ​ตี้​เกิด​ขึ้น​กับ​หมู่​ต้าน​ก็​เกิด​ขึ้น​กับ​ผู้เจื้อ​ของ​พระเจ้า​ใน​คริสตจักร​ตี้​เป๋น​ของ​พระเยซู​คริสต์​ใน​แคว้น​ยูเดีย ตี้​โดน​ค่ำ​จาก​ปี้น้อง​จาว​ยิว​จ้าด​เดียว​กั๋น เหมือน​กับ​ตี้​คน​จ้าด​เดียว​กับ​ต้าน​เยียะ​ต่อ​ต้าน

2 ทิโมธี 3:10

แต่​ต้าน​ได้​ตวย​ต๋าม​กำสอน​ตึงหมด​ของ​ข้าพเจ้า ตวย​ต๋าม​ก๋าน​ใจ๊​จีวิต​ของ​ข้าพเจ้า ตึง​เป้าหมาย​จีวิต ความ​เจื้อ ความ​อดใจ๋ ความ​ฮัก ความ​อดทน

ฮีบรู 6:12

หมู่​เฮา​บ่ใค่​หื้อ​หมู่​ต้าน​เป๋น​คน​ขี้ค้าน แต่​หื้อ​เอา​อย่าง​คน​หมู่​นั้น​ตี้​เจื้อ​วางใจ๋​กับ​อดทน ก็​เลย​ได้ฮับ​สิ่ง​ตี้​พระเจ้า​ได้​สัญญา​ไว้​ว่า​จะ​หื้อ

1 เปโตร 3:11

หื้อ​เลิก​เยียะ​บาป แล้ว​หัน​มา​เยียะ​ดี หื้อ​เซาะ​หา​สันติสุข​แล้ว​ติดต๋าม​สันติสุข​นั้น​ไป

1 เปโตร 3:13

ถ้า​หมู่​ต้าน​ตั้งใจ๋​แต๊ๆ ตี้​จะ​เยียะ​ดี ใผ​จะ​เยียะ​ฮ้าย​ต้าน​ได้

1 ยอห์น 2:29

ต้าน​ตังหลาย​ฮู้​แล้ว​ว่า​พระคริสต์​เยียะ​ใน​สิ่ง​ตี้​ถูกต้อง​ตลอด จาอั้น ต้าน​ก็​ต้อง​ฮู้​ว่า​คน​ตี้​เยียะ​ใน​สิ่ง​ตี้​ถูกต้อง​ก็​เป๋น​ลูก​ของ​พระเจ้า

1 ยอห์น 3:10

จาอั้น​เฮา​จึง​ฮู้​ได้​ว่า​ใผ​เป๋น​ลูก​ของ​พระเจ้า ใผ​เป๋น​ลูก​ของ​มาร คน​ตี้​บ่เยียะ​สิ่ง​ตี้​ถูกต้อง กาว่า​บ่ได้​ฮัก​ปี้น้อง​ผู้เจื้อ​ของ​ตั๋ว ก็​บ่ใจ้​ลูก​ของ​พระเจ้า

1 ยอห์น 4:1

ต้าน​ตี้​ฮัก​ตังหลาย ห้าม​เจื้อ​กู้​คน​ตี้​อ้าง​ว่า​อู้​โดย​พระวิญญาณ แต่​หื้อ​ทดสอบ​หมู่​เขา​ว่า​มี​วิญญาณ​ตี้​มา​จาก​พระเจ้า​แต๊​ก่อ ย้อน​ว่า​มี​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม​นัก​ขนาด​ออก​มา​ใคว่​โลก​แล้ว