2 ทิโมธี 4:14 - พระคริสตธรรมคัมภีร ภาคพันธสัญญาใหม

¹⁴ อเล็กซานเดอร์​ตี้​เป๋น​สล่า​ตองแดง​เยียะ​หื้อ​ข้าพเจ้า​เดือด​ฮ้อน​อย่าง​หนัก องค์​พระผู้เป๋นเจ้า​จะ​ลง​โต้ษ​เขา​หื้อ​สม​กับ​ตี้​เขา​เยียะ​นั้น

2 ทิโมธี 4:14 Iomraidhean Croise

โรม 12:19

ปี้น้อง​ผู้เจื้อ​ตี้​ข้าพเจ้า​ฮัก บ่ดี​แก้แค้น​คน​ใด​เลย แต่​ป่อย​หื้อ​พระเจ้า​ลงโต้ษ​เขา​เอง ย้อน​มี​เขียน​ไว้​ใน​พระคัมภีร์​ว่า พระเจ้า​บอก​ว่า “ก๋าน​แก้แค้น​นั้น​เป๋น​หน้าตี้​ของ​เฮา เฮา​จะ​ตอบ​แตน​เขา​เอง”

โรม 2:6

ย้อน​ว่า​ใน​วัน​นั้น​พระองค์​จะ​ตัดสิน​กู้​คน​ต๋าม​ตี้​เขา​ได้​เยียะ​ไป​แล้ว

2 เธสะโลนิก๋า 1:6

พระเจ้า​จะ​เยียะ​ต๋าม​ความ​ยุติธรรม ก็​คือ​คน​หมู่​นั้น​ตี้​ได้​เยียะ​หื้อ​หมู่​ต้าน​มี​ความ​ตุ๊ก พระเจ้า​ก็​จะ​เยียะ​หื้อ​หมู่​เขา​ฮับ​ความ​ตุ๊ก​เหมือน​กั๋น

1 ทิโมธี 1:20

ใน​คน​หมู่​นี้​มี​สอง​คน​คือ​ฮีเมเนอัส​กับ​อเล็กซานเดอร์ ข้าพเจ้า​ยก​หื้อ​ซาต๋าน​ไป​แล้ว เปื้อ​หมู่​เขา​จะ​ฮับ​บทเฮียน​สอน​ใจ๋ ว่า​บ่ควร​หมิ่น​ประมาท​พระเจ้า​แหม​ต่อ​ไป

2 ทิโมธี 4:15

ต้าน​ก็​ควร​หละวัง​เขา​ไว้​หื้อ​ดี​เหมือน​กั๋น ย้อน​ว่า​เขา​ได้​ต่อต้าน​กำสอน​ของ​หมู่​เฮา​อย่าง​เอาเป๋น​เอาต๋าย

1 ยอห์น 5:16

คน​ตี้​หัน​ปี้น้อง​ผู้เจื้อ​ของ​ตั๋ว​เก่า​เยียะ​บาป แต่​เป๋น​บาป​ตี้​บ่นำ​ไป​เถิง​ความ​ต๋าย เขา​ควร​จะ​อธิษฐาน​ต่อ​พระเจ้า​หื้อ​นำ​ปี้น้อง​คน​นั้น​กลับใจ๋​จาก​บาป แล้ว​พระเจ้า​จะ​หื้อ​จีวิต​กับ​ปี้น้อง​คน​นั้น ข้าพเจ้า​ก่ำลัง​อู้​เถิง​คน​ตี้​เยียะ​บาป​ตี้​บ่นำ​ไป​เถิง​ความ​ต๋าย แต่​บาป​ตี้​นำ​ไป​เถิง​ความ​ต๋าย​ก็​มี​เหมือน​กั๋น ข้าพเจ้า​บ่ได้​อู้​หื้อ​ต้าน​อธิษฐาน​สำหรับ​คน​ตี้​เยียะ​บาป​จาอั้น​เน่อ

วิวรณ์ 18:20

สวรรค์​เหย ขอ​หื้อ​ดีใจ๋​กับ​สิ่ง​ตี้​เกิด​ขึ้น​กับ​เมือง​นั้น คน​ของ​พระเจ้า กับ​หมู่​อัครทูต ตึง​หมู่​ผู้​เป๋น​ปาก​เป๋น​เสียง​แตน​พระเจ้า​จง​ดีใจ๋​เต๊อะ ตี้​พระองค์​ตัดสิน​ลงโต้ษ​เมือง​นั้น ย้อน​สิ่ง​ตี้​เมือง​นั้น​ได้​เยียะ​กับ​หมู่​เจ้า’ ”

วิวรณ์ 18:6

หื้อ​เยียะ​กับ​เมือง​นั้น​เหมือน​กับ​ตี้​เมือง​นั้น​เยียะ​กับ​คน​อื่น หื้อ​ตอบแตน​เมือง​นั้น​เป๋น​สอง​เต้า​ของ​สิ่ง​ตี้​เมือง​นั้น​ได้​เยียะ หื้อ​ถอก​เหล้า​ใส่​ถ้วย​หื้อ​เมือง​นั้น​กิ๋น แฮง​เป๋น​สอง​เต้า​ของ​ถ้วย​ตี้​เมือง​นั้น​เกียม​ไว้​หื้อ​คน​อื่น​กิ๋น

วิวรณ์ 6:10

วิญญาณ​หมู่​นั้น​เอิ้น​ฮ้อง​เสียง​ดัง​ว่า “องค์​พระผู้เป๋นเจ้า​ตี้​บริสุทธิ์​กับ​ซื่อสัตย์​เจ้า​ข้า พระองค์​จะ​หื้อ​เฮา​ถ้า​ไป​แหม​เมิน​เต้าใด ตี้​พระองค์​จะ​ตัดสิน​กับ​ลงโต้ษ​คน​บน​โลก​นี้​ตี้​ได้​ฆ่า​หมู่​เฮา”