2 ทิโมธี 3:5 - พระคริสตธรรมคัมภีร ภาคพันธสัญญาใหม

⁵ หมู่​เขา​นับถือ​ตาง​ของ​พระเจ้า​ก้า​เปือก​นอก แต่​ตัง​ใน​บ่ยอมฮับ​อำนาจ​ของ​ตาง​นั้น​ตี้​จะ​เปี่ยน​จีวิต​ของ​หมู่​เขา คน​แบบ​นี้​ห้าม​คบ

2 ทิโมธี 3:5 Iomraidhean Croise

มัทธิว 7:15

“หื้อ​หละวัง​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม ตี้​มา​หา​ต้าน​ตังหลาย​ใน​สภาพ​เป๋น​เหมือน​แกะ แต่​ตัง​ใน​ใจ๋​นั้น​ตี้​แต๊​เป๋น​เหมือน​หมาป่า​ขี้​สวก​ขนาด

เอเฟซัส 4:14

เปื้อ​เฮา​จะ​บ่เป๋น​เหมือน​หละอ่อน​แหม​ต่อไป ตี้​ถูก​คลื่น​ปั๊ด​ไป​ปั๊ด​มา กาว่า​ถูก​ลม​ปั๊ด​ไป​ตาง​ปู๊น​ไป​ตาง​เพ้ โดย​กำสอน​ผิด​ของ​คน​สอน​ผิด​ตี้​ใจ๊​อุบาย​จุล่าย​เฮา

2 เธสะโลนิก๋า 3:14

ถ้า​ใผ​บ่เจื้อ​ฟัง​กำ​สั่ง​สอน​ของ​หมู่​เฮา ต๋าม​จดหมาย​ตี้​เขียน​มา​นี้ หื้อ​จ๋ำ​เอา​ไว้ กับ​ห้าม​คบ​กับ​เขา เปื้อ​เขา​จะ​ฮู้สึก​ผิด​แล้ว​อาย​ตั๋วเก่า

2 เธสะโลนิก๋า 3:6

ปี้น้อง​ผู้เจื้อ​ตังหลาย หมู่​เฮา​ขอ​สั่ง​ต้าน​ใน​นาม​พระเยซู​คริสต์​ของ​เฮา​ว่า หื้อ​หลีก​ออก​จาก​หมู่​คน​ขี้ค้าน ตี้​บ่ได้​เยียะ​ต๋าม​ตี้​หมู่​เฮา​สอน

1 ทิโมธี 4:7

บ่ดี​สนใจ๋​เรื่อง​เล่า​ตี้​บ่มี​สาระ​กับ​นิยาย​สายเจี้ย​ตี้​บ่เกี่ยวกับ​พระเจ้า แต่​หื้อ​หมั่น​เฝิ็ก​ตั๋ว​เก่า​หื้อ​มี​จีวิต​เป๋น​ตี้​ยำเก๋ง​พระเจ้า

1 ทิโมธี 4:8

ก๋าน​เฝิ็ก​ตั๋ว​เปื้อ​สุขภาพ​มี​ประโยชน์​อยู่​พ่อง แต่​ก๋าน​เฝิ็ก​จิตวิญญาณ​เปื้อ​ยำเก๋ง​พระเจ้า​มี​ประโยชน์​เต๋มตี้​ใน​จีวิต​บ่าเดี่ยวนี้ ตึง​อนาคต​ต๋าม​ตี้​พระเจ้า​สัญญา​ไว้

1 ทิโมธี 5:8

ถ้า​คน​ใด​บ่ผ่อกอย​ญาติ​ปี้น้อง​โดย​เฉพาะ​คน​ใน​ครอบครัว​ของ​ตั๋วเก่า ก็​ถือ​ว่า​เขา​ละขว้าง​ความ​เจื้อ​เหีย​แล้ว ก็​ฮ้าย​เหลือ​คน​ตี้​บ่เจื้อ

1 ทิโมธี 6:5

กับ​ก๋าน​เถียง​กั๋น​เป๋น​ประจ๋ำ​ใน​หมู่​คน​ตี้​ใจ๋​ทราม​กับ​บิ่นหลังต๋ำ​ความ​จริง เขา​กึ๊ด​ว่า​ก๋าน​ยำเก๋ง​พระเจ้า​จะ​เยียะ​หื้อ​เป๋น​คน​รวย

2 ทิโมธี 2:16

หื้อ​หลีกเลี่ยง​กำ​อู้​บ่มี​สาระ​กับ​บ่เก๋งกั๋ว​พระเจ้า ย้อน​ว่า​จะ​เยียะ​หื้อ​คน​นั้น​ห่างไก๋​จาก​พระเจ้า​ไป​ติกๆ

2 ทิโมธี 2:23

บ่ดี​ไป​เถียง​กั๋น​เรื่อง​บ่มี​สาระ​กับ​บ่มี​ปั๋ญญา ต้าน​ก็​ฮู้​ว่า​เยียะ​จาอี้​จะ​เยียะ​หื้อ​ผิดหัว​กั๋น

ทิตัส 1:16

คน​หมู่​นี้​อ้าง​ว่า​ฮู้จัก​พระเจ้า​ดี แต่​สิ่ง​ตี้​หมู่​เขา​เยียะ​แสดง​ว่า แต๊ๆ แล้ว บ่ฮู้จัก​พระเจ้า​เลย คน​หมู่​นี้​น่า​ขี้จ๊ะ บ่เจื้อฟัง​ใผ บ่เปิง​ตี้​จะ​เยียะ​ความ​ดี​อะหยัง​สัก​อย่าง

ทิตัส 3:10

ถ้า​คน​ใด​ซอบ​เยียะ​หื้อ​แตกแยก หื้อ​เตื๋อน​คน​นั้น​สอง​เตื้อ​ก็​ปอ แล้ว​ก็​ห้าม​ยุ่ง​กับ​เขา​แหม