2 ทิโมธี 2:15 - พระคริสตธรรมคัมภีร ภาคพันธสัญญาใหม

¹⁵ หื้อ​พยายาม​อย่าง​เต๋มตี้​เยียะ​หื้อ​พระเจ้า​ปอใจ๋​ต้าน เป๋น​คนงาน​ตี้​บ่มี​อะหยัง​ต้อง​อาย กับ​เป๋น​คน​ตี้​สอน​ถ้อยกำ​ตี้​เป๋น​ความ​จริง​ของ​พระเจ้า​อย่าง​ถูกต้อง

2 ทิโมธี 2:15 Iomraidhean Croise

มัทธิว 13:52

พระเยซู​อู้​กับ​หมู่​สาวก​แหม​ว่า “หมู่​ธรรมาจ๋ารย์​กู้​คน​ตี้​ได้​ฮับ​เอา​กำสอน​เรื่อง​แผ่นดิน​สวรรค์​แล้ว ก็​เผียบ​เหมือน​เจ้า​ของ​บ้าน​คน​นึ่ง ตี้​ได้​เอา​สมบัติ​ล้ำ​ก้า​ตึง​เก่า​ตึง​ใหม่​ออก​มา​จาก​ห้อง​เก็บ​ของ​ของ​ตั๋ว”

มาระโก 4:33

พระเยซู​ใจ๊​กำเผียบ​หลาย​เรื่อง​จาอี้​ไป​สอน​คน​ตังหลาย​เต้า​ตี้​หมู่​เขา​เข้าใจ๋​ได้

ลูก๋า 12:42

พระองค์​ตอบ​ว่า “ใผ​เป๋น​ป้อบ้าน​ตี้​ซื่อสัตย์ กับ​หลวก ตี้​เจ้านาย​มอบ​หน้าตี้​หื้อ​เป๋น​หัวหน้า​คน​ฮับใจ๊​คน​อื่นๆ เปื้อ​แจก​ของกิ๋น​ต๋าม​เวลา

กิจก๋าน 2:22

“จาว​อิสราเอล​ตังหลาย​เหย จง​ฟัง​เน่อ พระเยซู​จาว​นาซาเร็ธ​เป๋น​ผู้​ตี้​พระเจ้า​รับรอง โดย​เยียะ​ก๋าน​ปาฏิหาริย์ ก๋าน​อัศจ๋รรย์ ตึง​หมายสำคัญ​ต่างๆ ผ่าน​พระเยซู ต๋าม​ตี้​ต้าน​ตังหลาย​ก็​ฮู้​ก็​หัน​มา​แล้ว

กิจก๋าน 20:27

ย้อน​ว่า​ข้าพเจ้า​บ่ลังเล​ใน​ก๋าน​บอก​ความ​ต้องก๋าน​ตึงหมด​ของ​พระเจ้า​หื้อ​หมู่​ต้าน​ฮู้

โรม 14:18

คน​ตี้​ฮับใจ๊​พระเยซู​คริสต์​จาอี้ จะ​เยียะ​หื้อ​พระเจ้า​เปิงใจ๋​เขา กับ​คน​ตังหลาย​ก็​หัน​ดี​หัน​งาม​ตวย

โรม 16:10

ขอ​ฝาก​กำ​กึ๊ดเติง​หา​อาเป็ลเลส​คน​ตี้​ผ่าน​ก๋าน​ทดสอบ​ความ​จงฮัก​ภักดี​ต่อ​พระเยซู​คริสต์​แล้ว กับ​ฝาก​กำ​กึ๊ดเติง​หา​คน​ใน​ครอบครัว​อาริสโทบูลัส

โรม 6:13

ห้าม​ยอม​หื้อ​ตั๋ว​ของ​หมู่​ต้าน​ส่วน​ใด​ส่วน​นึ่ง​เป๋น​เครื่องมือ​ใน​ก๋าน​เยียะ​บาป แต่​หื้อ​ถวาย​ตั๋ว​ของ​หมู่​ต้าน​แก่​พระเจ้า เหมือน​คน​ตี้​เป๋น​ขึ้น​จาก​ความ​ต๋าย​มี​จีวิต​ใหม่ แล้ว​จง​มอบ​ถวาย​กู้​ส่วน​ใน​ตั๋ว​ของ​หมู่​ต้าน​หื้อ​ใจ๊​ใน​ก๋าน​เยียะ​ใน​สิ่ง​ตี้​ถูกต้อง​ต๋าม​ธรรม

1 โครินธ์ 2:6

จาใด​ก็​ดี​หมู่​เฮา​อู้​เถิง​ปั๋ญญา​ใน​หมู่​คน​ตี้​เติบใหญ่​ใน​ความ​เจื้อ​แล้ว เซิ่ง​บ่ใจ้​ปั๋ญญา​ตี้​มา​จาก​โลก​นี้​กาว่า​มา​จาก​ผู้​ปกครอง​โลก​นี้​ตี้​ก่ำลัง​จะ​เสี้ยง​อำนาจ​ไป

2 โครินธ์ 10:18

ย้อน​ว่า​คน​ตี้​ยกย่อง​ตั๋วเก่า ก็​บ่ได้​ฮับ​ก๋าน​ยอมฮับ แต่​คน​ตี้​พระเจ้า​ยกย่อง​ก็​จะ​ได้​ฮับ​ก๋าน​ยอมฮับ

2 โครินธ์ 3:6

ผู้​ตี้​จ้วย​หื้อ​เฮา​สามารถ​ฮับใจ๊​ต๋าม​พันธสัญญา​ใหม่ ตี้​บ่ใจ้​เป๋น​ไป​ต๋าม​บท​บัญญัติ​ตี้​เขียน​ไว้ แต่​เป๋น​ไป​ต๋าม​พระวิญญาณ ย้อน​ว่า​บท​บัญญัติ​ตี้​เขียน​ไว้​นั้น​นำ​ไป​เถิง​ความ​ต๋าย​ฝ่าย​จิตวิญญาณ แต่​พระวิญญาณ​นำ​ไป​เถิง​จีวิต​ฝ่าย​จิตวิญญาณ

2 โครินธ์ 4:2

แล้ว​เฮา​ก็​บ่ได้​ใจ๊​วิธี​ตี้​ลับๆ ซ่อนๆ ตี้​น่า​ละอาย​กู้​อย่าง เฮา​บ่ใจ๊​วิธี​จุล่าย กับ​บ่ได้​บิดเบือน​ถ้อยกำ​ของ​พระเจ้า​ไป แต่​เฮา​บอก​ความ​จริง เฮา​เยียะ​จาอี้​ต่อหน้า​พระเจ้า เปื้อ​ยืนยัน​ใน​จิต​สำนึก​ของ​กู้​คน​หื้อ​ฮู้​ว่า เฮา​เป๋น​คน​จาใด

2 โครินธ์ 5:9

จาอั้น เฮา​จึง​ตั้ง​เป้า​ว่า บ่ว่า​เฮา​จะ​อยู่​ใน​ตั๋ว​นี้​ก็​ดี กาว่า​จะ​ไป​จาก​ตั๋ว​นี้​ก็​ดี เฮา​ก็​จะ​เยียะ​หื้อ​พระเจ้า​ปอใจ๋

กาลาเทีย 1:10

ตี้​อู้​จาอี้​ข้าพเจ้า​อู้​เอาใจ๋​คน​กา บ่ใจ้​เน่อ ข้าพเจ้า​ก่ำลัง​เยียะ​หื้อ​พระเจ้า​ปอใจ๋ ข้าพเจ้า​อู้​หื้อ​คน​ยอมฮับ​กา ถ้า​ข้าพเจ้า​เป๋น​จาอั้น ข้าพเจ้า​ก็​บ่มา​เป๋น​คน​ฮับใจ๊​พระคริสต์​อยู่​จาอี้​แน่ๆ

เอเฟซัส 1:13

หมู่​ต้าน​ก็​มี​ความ​สัมพันธ์​กับ​พระคริสต์​เหมือน​กั๋น เมื่อ​หมู่​ต้าน​ได้​ฟัง​ถ้อยกำ​ตี้​เป๋น​ความ​จริง คือ​ข่าวดี​เรื่อง​ความ​รอด​ป๊น​บาป​โต้ษ หมู่​ต้าน​ก็​ได้​วางใจ๋​ใน​ข่าวดี​นั้น​แล้ว พระองค์​ก็​ได้​จ๊ำ​ก๋า​เป๋น​เจ้าของ​หมู่​ต้าน​โดย​หื้อ​พระวิญญาณ​บริสุทธิ์​กับ​หมู่​ต้าน​ต๋าม​ตี้​พระองค์​สัญญา​ไว้

1 เธสะโลนิก๋า 2:4

แต่​ว่า​พระเจ้า​หัน​ดี​ตี้​จะ​มอบ​ก๋าน​บอก​ข่าวดี​ไว้​กับ​หมู่​เฮา เฮา​จึง​บอก​ข่าวดี​นั้น​บ่ใจ้​เป๋น​ตี้​ปอใจ๋​ของ​มนุษย์ แต่​เปื้อ​เป๋น​ตี้​ปอใจ๋​ของ​พระเจ้า​ผู้​กวด​สอบ​จิตใจ๋​เฮา

1 เธสะโลนิก๋า 5:14

ปี้น้อง​ตังหลาย หมู่​เฮา​วิงวอน​ขอ​หื้อ​ต้าน​เยียะ​ใน​สิ่ง​ต่อ​ไป​นี้ คือ​ตักเตื๋อน​คน​ตี้​ขี้ค้าน​เยียะ​ก๋าน หื้อ​ก๋ำลัง​ใจ๋​คน​ตี้​ขี้กั๋ว จ้วย​คน​ตี้​อ่อนใจ๋ กับ​หื้อ​มี​ใจ๋​อดทน​ต่อ​คน​ตังหลาย

1 ทิโมธี 4:6

ถ้า​ต้าน​บอก​เรื่อง​นี้​หื้อ​ปี้น้อง​ผู้เจื้อ​ตังหลาย​ฟัง​แล้ว ต้าน​ก็​จะ​เป๋น​ผู้​ฮับใจ๊​ตี้​ดี​ของ​พระเยซู​คริสต์ เป๋น​ผู้​ฮับใจ๊​ตี้​ฮับ​ก๋าน​เฝิ็ก​อบรม​อยู่ โดย​ก๋าน​ใจ๊​ถ้อยกำ​ของ​หลัก​ความ​เจื้อ กับ​หลักกำสอน​ตี้​ดี​ตี้​ต้าน​ได้​เยียะ​ตวย​นั้น

ฮีบรู 4:11

ถ้า​จาอั้น​ขอ​หื้อ​เฮา​ฮิ​แต๊ๆ ตี้​จะ​ได้​เข้า​ไป​ย้างพัก​ใน​ตี้​ของ​พระองค์ เปื้อ​จะ​บ่มี​ใผ​หลง​ไป​อย่าง​คน​ตี้​บ่เจื้อฟัง​หมู่​นั้น

ยากอบ 1:12

พระเจ้า​จะ​ปั๋นปอน​คน​ตี้​อดทน​ต่อ​ก๋าน​ทดลองใจ๋ ย้อน​ว่า​เมื่อ​เขา​ผ่าน​ก๋าน​ทดสอบ​นี้​ได้​แล้ว เขา​ก็​จะ​ได้​ฮับ​มงกุฎ​แห่ง​จีวิต​ตี้​พระเจ้า​สัญญา​ว่า​จะ​หื้อ​กับ​คน​ตี้​ฮัก​พระองค์

ยากอบ 1:18

เป๋น​ความ​ต้องก๋าน​ของ​พระองค์ ตี้​หื้อ​เฮา​เกิด​ใหม่​โดย​ถ้อยกำ​ตี้​เป๋น​ความ​จริง เปื้อ​หื้อ​เฮา​ได้​เป๋น​เก๊า​เหง้า​ของ​กู้​อย่าง​ตี้​พระองค์​สร้าง​ขึ้น

2 เปโตร 1:10

ย้อน​จาอั้น ปี้น้อง​ตังหลาย​เหย หื้อ​พยายาม​อย่าง​เต๋มตี้​เน่อ เปื้อ​จะ​ได้​ยืนยัน​ว่า พระเจ้า​ได้​เลือก​กับ​ฮ้อง​ต้าน​หื้อ​มา​เป๋น​คน​ของ​พระองค์ ถ้า​หมู่​ต้าน​เยียะ​จาอั้น หมู่​ต้าน​ก็​จะ​บ่มี​วัน​หลง​ตาง​ไป​จาก​พระเจ้า

2 เปโตร 1:15

จาอั้น ข้าพเจ้า​จึง​ต้อง​ฮิ​เตื๋อน​ต้าน​หื้อ​กึ๊ด​เถิง​เรื่อง​หมู่​นี้​อยู่​ตลอด หลัง​จาก​ตี้​ข้าพเจ้า​ต๋าย​ไป​แล้ว

2 เปโตร 3:14

จาอั้น เปื้อน​ตี้​ฮัก​เหย เมื่อ​หมู่​ต้าน​ได้​ตั้งหน้า​ตั้ง​ต๋า​กอย​ถ้า​สิ่ง​หมู่​นี้​อยู่​นั้น ก็​หื้อ​ฮิ​มี​ใจ๋​ตี้​สงบ​สุข บ่มี​มลทิน​กับ​บ่มี​ตี้​ติ​ใน​สาย​ต๋า​ของ​พระเจ้า