2 ทิโมธี 1:4 - พระคริสตธรรมคัมภีร ภาคพันธสัญญาใหม

⁴ เมื่อ​กึ๊ด​เถิง​น้ำต๋า​ไหล​ของ​ต้าน​เมื่อ​จาก​กั๋น เยียะ​หื้อ​ข้าพเจ้า​ใค่​ไป​ปะ​ต้าน​นัก​ขึ้น จะ​เยียะ​หื้อ​ข้าพเจ้า​จื้นจม​ยินดี​เป๋น​ตี้​สุด

2 ทิโมธี 1:4 Iomraidhean Croise

ยอห์น 16:22

ก็​เหมือน​กับ​ต๋อน​นี้​ตี้​หมู่​ต้าน​ตุ๊ก​อก​ตุ๊ก​ใจ๋ แต่​เมื่อ​เฮา​ปิ๊ก​มา​หา​หมู่​ต้าน​แหม หมู่​ต้าน​ก็​จะ​มี​ความ​จื้นจม​ยินดี กับ​จะ​บ่มี​ใผ​มา​ลู่​เอา​ความ​จื้นจม​ยินดี​ไป​จาก​หมู่​ต้าน​ได้

ยอห์น 16:24

จ๋น​เถิง​บ่าเดี่ยว​นี้​หมู่​ต้าน​ยัง​บ่ได้​ขอ​อะหยัง​ใน​นาม​ของ​เฮา​เลย หื้อ​ขอ​เต๊อะ แล้ว​หมู่​ต้าน​ก็​จะ​ได้ เปื้อ​หมู่​ต้าน​จะ​มี​ความ​จื้นจม​ยินดี​อย่าง​เต๋ม​ตี้

กิจก๋าน 20:19

ข้าพเจ้า​ฮับใจ๊​องค์​พระ​ผู้​เป๋น​เจ้า​อย่าง​ถ่อมอก​ถ่อมใจ๋ กับ​ไห้​ย้อน​ความ​ตุ๊ก ข้าพเจ้า​อดทน​ความ​ตุ๊กยาก​ลำบาก​จาก​แผนก๋าน​ฮ้าย​ต่างๆ ของ​จาว​ยิว

กิจก๋าน 20:31

ย้อนจาอั้น​เฝ้า​หละวัง​ตั๋ว​ไว้​หื้อ​ดี ขอ​หื้อ​กึ๊ด​เถิง​ว่า​ข้าพเจ้า​ฮับ​ความ​ตุ๊ก​ใน​ก๋าน​ตักเตื๋อน​สั่ง​สอน​หมู่​ต้าน​ตึง​เมื่อวัน​เมื่อคืน​ตลอด​สาม​ปี๋

โรม 1:11

ย้อน​ว่า​ข้าพเจ้า​ใค่​ปะ​หมู่​ต้าน​แต๊ๆ เปื้อ​ว่า​ข้าพเจ้า​จะ​ได้​แบ่งปั๋น​ของ​ประทาน​ฝ่าย​จิตวิญญาณ​หื้อ​หมู่​ต้าน เปื้อ​หมู่​ต้าน​จะ​เข้มแข็ง​นัก​ขึ้น

ฟีลิปปี 1:8

พระเจ้า​เป๋น​พยาน​ได้​ว่า​ข้าพเจ้า​กึ๊ด​เติง​หา​ต้าน​นัก อย่าง​ตี้​พระเยซู​คริสต์​ฮัก​เฮา​ตังหลาย

ฟีลิปปี 2:26

เขา​กึ๊ด​เติง​หา​หมู่​ต้าน​กู้​คน เขา​ตุ๊ก​ใจ๋​ขนาด ย้อน​เขา​ฮู้​ว่า​หมู่​ต้าน​ได้​ข่าว​ว่า​เขา​บ่สบาย

1 เธสะโลนิก๋า 2:17

ปี้น้อง​ตังหลาย ส่วน​หมู่​เฮา​เมื่อ​ปั๊ด​จาก​หมู่​ต้าน​ไป​เป๋น​หว่าง​เป๋น​คาว​นั้น ก็​ห่าง​ก้า​ตั๋ว แต่​ใจ๋​เฮา​กึ๊ด​เติง​หา​หมู่​ต้าน​นัก​ขนาด ก็​เลย​ฮิ​หา​ตาง​ตี้​จะ​ไป​แอ่ว​หา​ต้าน​ตังหลาย​แหม

2 ทิโมธี 4:21

ขอ​หื้อ​พยายาม​อย่าง​เต๋มตี้​มา​แผว​ตี้​นี่​หื้อ​ตัน​ก่อน​ยาม​หนาว​เน่อ ยูบูลัส ปูเดนส์ ลีนัส คลาวเดีย กับ​หมู่​ปี้น้อง​ผู้เจื้อ​ฝาก​กำกึ๊ดเติง​มา​หา​ต้าน​ตวย

2 ทิโมธี 4:9

หื้อ​ขะใจ๋​มา​หา​ข้าพเจ้า​เวยๆ หน้อย

1 ยอห์น 1:4

หมู่​เฮา​จึง​เขียน​เรื่อง​หมู่​นี้​มา​เถิง​หมู่​ต้าน เปื้อ​หมู่​เฮา​จะ​ได้​มี​ความ​จื้นจมยินดี​อย่าง​เต๋ม​ตี้

วิวรณ์ 21:4

พระองค์​จะ​เจ๊ด​น้ำต๋า​กู้​หยด​จาก​ต๋า​ของ​หมู่​เขา แล้ว​จะ​บ่มี​ความ​ต๋าย ความ​เศร้าโศก ก๋าน​ไห้​ฮ้อง กาว่า​ความ​เจ็บปวด​แหม​ต่อ​ไป ย้อน​สิ่ง​เก่าๆ ตี้​เกย​เป๋น​มา​ได้​ป๊น​ไป​แล้ว”

วิวรณ์ 7:17

ย้อน​ว่า​ลูก​แกะ​ตั๋ว​นั้น​ตี้​อยู่​ตั๊ด​ก๋าง​ใก้​กับ​บัลลังก์​จะ​ผ่อ​กอย​หมู่​เขา​เหมือน​กับ​คน​เลี้ยง​แกะ ต้าน​จะ​ปา​หมู่​เขา​ไป​หา​ต๋าน้ำ​แห่ง​จีวิต กับ​พระเจ้า​จะ​เจ๊ด​น้ำต๋า​กู้​หยด​จาก​ต๋า​ของ​เขา​หมู่​นั้น”