2 ทิโมธี 1:3 - พระคริสตธรรมคัมภีร ภาคพันธสัญญาใหม

³ ข้าพเจ้า​ขอบ​พระคุณ​กับ​อธิษฐาน​เผื่อ​ต้าน​ตึง​เมื่อวัน​เมื่อคืน​บ่เกย​ขาด​ต่อ​พระเจ้า ผู้​ตี้​ข้าพเจ้า​ฮับใจ๊​ด้วย​จิต​สำนึก​ตี้​บริสุทธิ์ เหมือน​ป้อ​อุ๊ย​แม่​หม่อน​ตังหลาย​ของ​ข้าพเจ้า​ฮับใจ๊​พระองค์

2 ทิโมธี 1:3 Iomraidhean Croise

ลูก๋า 2:37

นาง​เป๋น​หม้าย​จ๋น​อายุ​ได้​แปด​สิบ​สี่​ปี๋ นาง​บ่ได้​ออก​จาก​พระวิหาร​เลย แต่​นมัสก๋าน​ตึง​เมื่อวัน​เมื่อคืน​โดย​ถือ​ศีล​อด​อาหาร​กับ​อธิษฐาน

กิจก๋าน 22:3

“ข้าพเจ้า​เป๋น​จาว​ยิว​เกิด​ตี้​เมือง​ทาร์ซัส​แคว้น​ซีลีเซีย แต่​มา​ใหญ่​ตี้​กรุง​เยรูซาเล็ม​นี้ ข้าพเจ้า​เป๋น​ศิษย์​ของ​อาจ๋ารย์​กามาลิเอล ต้าน​อบรม​สั่ง​สอน​ข้าพเจ้า​หื้อ​เยียะ​ต๋าม​บท​บัญญัติ​ของ​ป้ออุ๊ย​แม่หม่อน​ของ​หมู่​เฮา​อย่าง​เคร่งครัด ข้าพเจ้า​เป๋น​คน​ตี้​กระตือรือร้น​ต่อ​พระเจ้า​ขนาด เหมือน​กั๋น​กับ​หมู่​ต้าน​ตี้​อยู่​ตี้​นี่​วัน​นี้

กิจก๋าน 23:1

เปาโล​ปักต๋าผ่อ​ไป​ตี้​หมู่​สมาชิก​สภา​แซนเฮดริน แล้ว​อู้​ว่า “ปี้น้อง​ตังหลาย ข้าพเจ้า​ใจ๊​จีวิต​ต่อหน้า​พระเจ้า​ด้วย​จิต​สำนึก​ตี้​ดี​ตลอด​มา​จ๋น​แผว​ตึง​วัน​นี้”

กิจก๋าน 24:14

ข้าพเจ้า​ยอมฮับ​ว่า​ได้​นมัสก๋าน​พระเจ้า​ของ​ป้ออุ๊ย​แม่หม่อน​ของ​ข้าพเจ้า โดย​เป๋น​ผู้​ติดต๋าม​ลัทธิ​นั้น​ตี้​ฮ้อง​ว่า ตาง​ของ​พระเยซู ตี้​หมู่​เขา​ฮ้อง​ว่า​เป๋น​ลัทธิ​นิก๋าย​นึ่ง ข้าพเจ้า​ก็​เจื้อถือ​กู้​อย่าง​ตี้​เขียน​ไว้​ใน​บท​บัญญัติ​ของ​โมเสส ตึง​ใน​หนังสือ​ของ​ผู้​เป๋น​ปาก​เป๋น​เสียง​แตน​พระเจ้า

กิจก๋าน 24:16

ย้อนจาอั้น​ข้าพเจ้า​จึง​อุตส่าห์​เยียะ​กู้​สิ่ง​ด้วย​จิต​สำนึก​ตี้​บริสุทธิ์​ต่อ​พระเจ้า​กับ​มนุษย์​อย่าง​เป๋น​แต๊​เป๋น​ว่า​อยู่​เสมอ

กิจก๋าน 26:4

“จาว​ยิว​ฮู้​หัน​ข้าพเจ้า​มา​ตั้งแต่​เป๋น​หละอ่อน​ตี้​บ้าน​เกิด กับ​ต๋อน​ตี้​ข้าพเจ้า​อยู่​ต้ามก๋าง​หมู่​เขา​ใน​กรุง​เยรูซาเล็ม

กิจก๋าน 27:23

เมื่อ​ตะคืน​นี้​ทูตสวรรค์​องค์​นึ่ง​ของ​พระเจ้า ผู้​เป๋น​พระเจ้า​ของ​ข้าพเจ้า​ตี้​ข้าพเจ้า​ฮับใจ๊​อยู่ มา​ยืน​อยู่​ฮิม​ป่างข้าง

โรม 9:1

ข้าพเจ้า​อู้​ความ​จริง บ่ได้​จุ ย้อน​ว่า​ข้าพเจ้า​เป๋น​คน​ของ​พระคริสต์ จิต​สำนึก​ของ​ข้าพเจ้า​ตี้​พระวิญญาณ​บริสุทธิ์​ควบคุม​อยู่​นั้น​ก็​ยืนยัน​ว่า ข้าพเจ้า​อู้​ความ​จริง​ว่า

2 โครินธ์ 1:12

จิต​สำนึก​ของ​เฮา​ยืนยัน​กับ​หมู่​เฮา​ว่า กู้​สิ่ง​ตี้​เฮา​เยียะ​ใน​โลก​นี้​เฮา​เยียะ​โดย​ความ​บริสุทธิ์​ใจ๋​กับ​น้ำ​ใส​ใจ๋​จริง​ตี้​มา​จาก​พระเจ้า โดย​เฉพาะ​ใน​ความ​สัมพันธ์​กับ​หมู่​ต้าน เฮา​ได้​เยียะ​จาอั้น​โดย​พระคุณ​ของ​พระเจ้า บ่ใจ้​โดย​ปั๋ญญา​ของ​คน สิ่ง​นี้​ละ​ตี้​เยียะ​หื้อ​เฮา​ภูมิใจ๋

กาลาเทีย 1:14

สมัย​นั้น​ข้าพเจ้า​ก้าวหน้า​ใน​ศาสนา​ยิว​นัก​เหลือ​คน​อื่น​ตี้​เป๋น​คน​รุ่น​เดียว​กั๋น ข้าพเจ้า​กระตือรือร้น​ใน​ก๋าน​เยียะ​ต๋าม​ฮีต​เก่า​ฮอย​เดิม​ของ​ป้ออุ๊ย​แม่หม่อน​ของ​ข้าพเจ้า​อย่าง​เคร่งครัด​ตี้​สุด

เอเฟซัส 1:16

ข้าพเจ้า​จึง​อธิษฐาน​เผื่อ​หมู่​ต้าน​บ่เกย​ขาด ตึง​ขอบคุณ​พระเจ้า​สำหรับ​หมู่​ต้าน​อยู่​ตลอด

1 เธสะโลนิก๋า 3:10

หมู่​เฮา​อธิษฐาน​ต่อ​พระเจ้า​อย่าง​ตั้งใจ๋​วัน​ค่ำ​คืน​ฮุ่ง ตี้​จะ​ได้​หัน​หน้า​หมู่​ต้าน​แหม เปื้อ​เตื่อม​แถ้ง​สิ่ง​ตี้​ยัง​ขาด​อยู่​ใน​ความ​เจื้อ​ของ​ต้าน​หื้อ​เต๋ม​บริบูรณ์

1 ทิโมธี 1:19

หื้อ​ยึดถือ​ความ​เจื้อ​ไว้​หื้อ​ดี กับ​ฮักษา​จิต​สำนึก​ตี้​ดี​ไว้ ย้อน​ว่า​มี​บาง​คน​เอา​จิต​สำนึก​ตี้​ดี​ขว้าง​เหีย เยียะ​หื้อ​ความ​เจื้อ​ของ​เขา​ถูก​ทำลาย​เหมือน​เฮือ​แตก

1 ทิโมธี 1:5

กำสั่ง​ของ​ข้าพเจ้า​นี้​มี​เป้าหมาย​เปื้อ​เยียะ​หื้อ​ผู้เจื้อ​ตังหลาย​ฮัก​กั๋น เป๋น​ผล​จาก​ใจ๋​บริสุทธิ์ ตึง​จิต​สำนึก​ตี้​ดี กับ​ความ​เจื้อ​อย่าง​จริง​ใจ๋

1 ทิโมธี 5:5

ส่วน​แม่​หม้าย​ตี้​อยู่​คน​เดียว​บ่มี​ใผ​ผ่อกอย เขา​ก็​จะ​เปิ้งปา​พระเจ้า​กับ​อธิษฐาน​อ้อนวอน​ตึง​เมื่อวัน​เมื่อคืน​บ่ขาด

2 ทิโมธี 1:5

ข้าพเจ้า​ยัง​จ๋ำ​ได้​เถิง​ความ​เจื้อ​ตี้​จริงใจ๋​แต๊ๆ ของ​ต้าน เป๋น​ความ​เจื้อ​ตี้​โลอิส​แม่อุ๊ย​กับ​ยูนีส​แม่​ของ​ต้าน​มี​มา​ก่อน ข้าพเจ้า​เจื้อ​ว่า​บ่าเดี่ยวนี้​ต้าน​ก็​มี​ความ​เจื้อ​จาอั้น​ตวย

2 ทิโมธี 3:15

ต้าน​ก็​ฮู้จัก​พระคัมภีร์​ศักดิ์สิทธิ์​ตั้งแต่​เป๋น​หละอ่อน​มา​แล้ว ตี้​เยียะ​หื้อ​ต้าน​มี​ผญา​ปั๋ญญา​ได้ เปื้อ​นำ​ต้าน​ฮับ​ความ​รอด​ป๊น​บาป​โต้ษ โดย​เจื้อ​วางใจ๋​พระเยซู​คริสต์

ฮีบรู 13:8

พระเยซู​คริสต์​บ่เกย​เปี่ยน​บ่ว่า​จะ​เป๋น​ตะวา วัน​นี้ กาว่า​ตลอดไป