2 เธสะโลนิก๋า 1:6 - พระคริสตธรรมคัมภีร ภาคพันธสัญญาใหม

⁶ พระเจ้า​จะ​เยียะ​ต๋าม​ความ​ยุติธรรม ก็​คือ​คน​หมู่​นั้น​ตี้​ได้​เยียะ​หื้อ​หมู่​ต้าน​มี​ความ​ตุ๊ก พระเจ้า​ก็​จะ​เยียะ​หื้อ​หมู่​เขา​ฮับ​ความ​ตุ๊ก​เหมือน​กั๋น

2 เธสะโลนิก๋า 1:6 Iomraidhean Croise

โคโลสี 3:25

สำหรับ​คน​ตี้​เยียะ​ผิด พระเจ้า​จะ​ลง​โต้ษ​ต๋าม​ความ​ผิด​นั้น​อย่าง​บ่หัน​แก่​หน้า​ใผ

ฮีบรู 6:10

พระเจ้า​ยุติธรรม พระองค์​จะ​บ่ลืม​ก๋าน​งาน​ตี้​หมู่​ต้าน​เยียะ​กับ​ความ​ฮัก​ตี้​หมู่​ต้าน​แสดง​หื้อ​พระองค์​หัน โดย​ก๋าน​ตี้​หมู่​ต้าน​ได้​จ้วยเหลือ​คน​ของ​พระองค์​กับ​ยัง​จ้วย​อยู่​แหม​ต่อไป

วิวรณ์ 11:18

จ้าด​ตังหลาย​ตี้​บ่ได้​เจื้อ​พระองค์​ปา​กั๋น​โขด​แค้น แต่​บ่าเดี่ยว​นี้​เถิง​เวลา​แล้ว​ตี้​พระองค์​จะ​แสดง​ความ​โขด​ของ​พระองค์ เถิง​เวลา​ตี้​พระองค์​จะ​ตัดสิน​คน​ตี้​ต๋าย​ไป​แล้ว กับ​เถิง​เวลา​ตี้​หมู่​ผู้​ฮับใจ๊​ของ​พระองค์​คือ​หมู่​ผู้​เป๋น​ปาก​เป๋น​เสียง​แตน​พระเจ้า​จะ​ได้​ฮับ​รางวัล ฮ่วม​กับ​คน​ของ​พระองค์​คือ​คน​หมู่​นั้น​ตี้​เคารพ​ยำเก๋ง​พระองค์ ตึง​ผู้ใหญ่​กับ​ผู้น้อย เถิง​เวลา​แล้ว​ตี้​พระองค์​จะ​ทำลาย​คน​หมู่​นั้น​ตี้​ได้​ทำลาย​แผ่นดิน​โลก”

วิวรณ์ 15:4

พระองค์​เจ้า​ข้า ใผ​พ่อง​จะ​บ่เก๋งกั๋ว​พระองค์ มี​ใผ​พ่อง​จะ​บ่หื้อ​เกียรติ​จื้อ​ของ​พระองค์ ย้อน​มี​แต่​พระองค์​เต้าอั้น​ตี้​บริสุทธิ์ คน​กู้​จ้าด​จะ​มา​นมัสก๋าน​พระองค์ ย้อน​ว่า​ก๋าน​เยียะ​ตี้​ยุติธรรม​ของ​พระองค์​ได้​เปิดเผย​หื้อ​หัน​แล้ว”

วิวรณ์ 18:20

สวรรค์​เหย ขอ​หื้อ​ดีใจ๋​กับ​สิ่ง​ตี้​เกิด​ขึ้น​กับ​เมือง​นั้น คน​ของ​พระเจ้า กับ​หมู่​อัครทูต ตึง​หมู่​ผู้​เป๋น​ปาก​เป๋น​เสียง​แตน​พระเจ้า​จง​ดีใจ๋​เต๊อะ ตี้​พระองค์​ตัดสิน​ลงโต้ษ​เมือง​นั้น ย้อน​สิ่ง​ตี้​เมือง​นั้น​ได้​เยียะ​กับ​หมู่​เจ้า’ ”

วิวรณ์ 18:24

กับ​ใน​เจ้า​ก็​ปะ​เลือด​ของ​หมู่​ผู้​เป๋น​ปาก​เป๋น​เสียง​แตน​พระเจ้า กับ​หมู่​คน​ของ​พระเจ้า​กับ​คน​ตึง​หมด​ตี้​ถูก​ฆ่า​ต๋าย​ใน​โลก”

วิวรณ์ 19:2

ก๋าน​ตัดสิน​ลง​โต้ษ​ของ​พระองค์​นั้น​ถูกต้อง​กับ​ยุติธรรม พระองค์​ได้​ลง​โต้ษ​แม่ญิง​ขายตั๋ว​ตี้​ยิ่งใหญ่​คน​นั้น นาง​ได้​เยียะ​หื้อ​โลก​นี้​เสื่อม​ไป​ย้อน​ก๋าน​ล่วง​ประเวณี​ของ​นาง พระองค์​ได้​ลงโต้ษ​นาง ย้อน​นาง​ได้​ฆ่า​ผู้​ฮับใจ๊​ของ​พระองค์”

วิวรณ์ 6:10

วิญญาณ​หมู่​นั้น​เอิ้น​ฮ้อง​เสียง​ดัง​ว่า “องค์​พระผู้เป๋นเจ้า​ตี้​บริสุทธิ์​กับ​ซื่อสัตย์​เจ้า​ข้า พระองค์​จะ​หื้อ​เฮา​ถ้า​ไป​แหม​เมิน​เต้าใด ตี้​พระองค์​จะ​ตัดสิน​กับ​ลงโต้ษ​คน​บน​โลก​นี้​ตี้​ได้​ฆ่า​หมู่​เฮา”