2 เปโตร 3:12 - พระคริสตธรรมคัมภีร ภาคพันธสัญญาใหม

¹² ต๋อน​ตี้​ก่ำลัง​กอย​ถ้า​วัน​อัน​ยิ่งใหญ่​ของ​พระเจ้า จง​เฮ่ง​วัน​หื้อ​มา​เถิง​เวยๆ วัน​นั้น​ไฟ​จะ​เผา​ทำลาย​ต๊องฟ้า​ตึง​ดวง​ดาว​ต่างๆ ใน​ต๊องฟ้า​ก็​จะ​ไน่​ไป

2 เปโตร 3:12 Iomraidhean Croise

มัทธิว 16:27

แต่​บุตรมนุษย์​จะ​ปิ๊ก​มา​ด้วย​รัศมี​ของ​พระบิดา​พร้อม​กับ​ทูตสวรรค์​ของ​พระองค์ แล้ว​บุตรมนุษย์​จะ​มา​ตัดสิน​กู้​คน​ต๋าม​ตี้​แต่​ละ​คน​ได้​เยียะ​เอา​ไว้

มัทธิว 16:28

เฮา​บอก​ความ​จริง​แก่​ต้าน​ตังหลาย​ว่า หมู่​ต้าน​บาง​คน​ตี้​ยืน​อยู่​ตี้​นี่​จะ​ยัง​บ่ต๋าย​เตื้อ จ๋น​กว่า​จะ​ได้​หัน​บุตรมนุษย์​เข้า​มา​อย่าง​กษัตริย์​ตี้​ยิ่งใหญ่”

ฟีลิปปี 1:6

ข้าพเจ้า​ก็​แน่ใจ๋​ว่า​พระเจ้า​ผู้​ตี้​ตั้งเก๊า​เยียะ​สิ่ง​ดี​ไว้​ใน​หมู่​ต้าน จะ​เยียะ​สิ่ง​ดี​นั้น​ต่อ​ไป จ๋น​กว่า​จะ​แล้ว​ใน​วัน​ตี้​พระเยซู​คริสต์​จะ​ปิ๊ก​มา

ทิตัส 2:13

เฮา​ควร​เยียะ​จาอี้​ใน​ต๋อน​ตี้​เฮา​รอ​ความ​หวัง​อัน​น่า​ยินดี ความ​หวัง​นี้​คือ​ก๋าน​ป๋ากฏ​ของ​รัศมี​ของ​พระเจ้า​ผู้​ยิ่งใหญ่​กับ​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา คือ​พระเยซู​คริสต์

2 เปโตร 3:10

แต่​วัน​อัน​ยิ่งใหญ่​ของ​องค์​พระ​ผู้​เป๋น​เจ้า จะ​มา​เหมือน​ขโมย วัน​นั้น​ดวง​ดาว​ต่างๆ ใน​ต๊องฟ้า​จะ​หาย​ไป​พร้อม​กั๋น​โดย​เสียง​สนั่น​ปั่น​ปื๊น​ของ​ลูกไฟ แผ่นดิน​โลก​กับ​สิ่ง​ตี้​มี​อยู่​บน​โลก​จะ​ถูก​เผา​ทำลาย​จ๋น​หมด

2 เปโตร 3:11

เมื่อ​ฮู้​ว่า​สิ่ง​ต่างๆ หมู่​นี้​จะ​ต้อง​ถูก​ทำลาย​ไป​จาอี้​แล้ว ก็​หื้อ​หมู่​ต้าน​กึ๊ด​เอา​เต๊อะ​ว่า​จะ​ใจ๊​จีวิต​จาใด​หื้อ​บริสุทธิ์​กับ​ยำเก๋ง​พระเจ้า

2 เปโตร 3:4

“พระคริสต์​สัญญา​ว่า​จะ​ปิ๊ก​มา​บ่ใจ้​กา แล้ว​มี​ไหน​ละ ป้อ​อุ๊ย​แม่​หม่อน​ของ​เฮา​ก็​ต๋าย​กั๋น​ไป​หมด​ละ แต่​กู้​สิ่ง​กู้​อย่าง​ก็​ยัง​เหมือน​เก่า​อย่าง​ตี้​เป๋น​มา​ตั้งแต่​พระเจ้า​สร้าง​โลก”

2 เปโตร 3:7

แล้ว​โดย​ถ้อยกำ​เดียว​กั๋น​นั้น พระเจ้า​สั่ง​หื้อ​เก็บ​ฮักษา​ต๊องฟ้า​กับ​แผ่นดิน​โลก​ตี้​ยัง​เหลือ​อยู่​บ่าเดี่ยว​นี้​ไว้​หื้อ​ไฟ​เผา​ใน​วัน​ตัดสิน​ลง​โต้ษ​บาป กับ​คน​ตี้​บ่ยำเก๋ง​พระเจ้า​จะ​ถูก​ทำลาย​ไป​เหีย

ยูดา 1:21

หื้อ​ยึดมั่น​อยู่​ใน​ความ​ฮัก​ของ​พระเจ้า ใน​หละหว่าง​ตี้​หมู่​ต้าน​กอย​ถ้า​พระเยซู​คริสต์​องค์​พระ​ผู้​เป๋น​เจ้า​ของ​เฮา มา​โผด​หื้อ​หมู่​ต้าน​มี​จีวิต​นิรันดร์ ย้อน​ความ​เมตต๋า​ของ​พระองค์