2 เปโตร 1:19 - พระคริสตธรรมคัมภีร ภาคพันธสัญญาใหม

¹⁹ จาอั้น หมู่​เฮา​จึง​มี​ความ​มั่นใจ๋​นัก​ขึ้น​ใน​กำ​ตวายตั๊ก​ของ​ผู้​เป๋น​ปาก​เป๋น​เสียง​แตน​พระเจ้า​ตี้​เกย​บอก​ไว้ ก็​เป๋น​ก๋าน​ดี​ตี้​หมู่​ต้าน​จะ​เอา​ใจ๋​ใส่​ใน​กำ​หมู่​นั้น ย้อน​กำ​หมู่​นั้น​ก็​เผียบ​เหมือน​แสง​ส่อง​แจ้ง​ใน​ตี้​มืด จ๋น​กว่า​วัน​นั้น​จะ​แจ้ง​เจ๊า กับ​แสง​ของ​พระคริสต์​จะ​ส่อง​เข้า​มา​ใน​ใจ๋​ของ​หมู่​ต้าน

2 เปโตร 1:19 Iomraidhean Croise

มัทธิว 4:16

คน​ตี้​อยู่​ใน​ความ​มืด​ได้​หัน​แสง​แจ้ง​ตี้​ยิ่งใหญ่​แล้ว คน​ตี้​อยู่​ปื๊น​ฮ่ม​เงา​แห่ง​ความ​ต๋าย​นั้น แสง​สว่าง​ก็​ได้​ส่อง​มา​เถิง​หมู่​เขา​แล้ว”

ยอห์น 5:35

ยอห์น​เป๋น​เหมือน​โกม​ไฟ​ตี้​ต๋าม​ส่อง​แสง หมู่​ต้าน​ปอใจ๋​ตี้​จะ​ฮับ​แสง​ของ​ยอห์น แล้ว​จื้นจม​ยินดี​กับ​แสง​นั้น​ได้​กำ​นึ่ง

ยอห์น 5:39

หมู่​ต้าน​ตั้งใจ๋​ฮ่ำเฮียน​พระคัมภีร์ ย้อน​กึ๊ด​ว่า​หมู่​ต้าน​จะ​ปะ​ตาง​ตี้​จะ​ได้ฮับ​จีวิต​นิรันดร์​ใน​นั้น พระคัมภีร์​นี้​ละ​มี​กำ​เขียน​เถิง​เฮา

ยอห์น 8:12

แล้ว​พระเยซู​ก็​อู้​กับ​คน​ตังหลาย​แหม​เตื้อ​ว่า “เฮา​เป๋น​ความ​เป่งแจ้ง​ของ​โลก คน​ตี้​ติดต๋าม​หลาม​ตวย​เฮา​มา​ก็​จะ​บ่เตียว​ใน​ความ​มืด แต่​จะ​มี​แสงแจ้ง​ตี้​ส่อง​นำ​จีวิต​ของ​เขา”

กิจก๋าน 15:29

อย่าง​ตี้​นึ่ง ห้าม​กิ๋น​ของกิ๋น​ตี้​เกย​เอา​ไป​ปู่จา​ฮูป​เคารพ​แล้ว อย่าง​ตี้​สอง ห้าม​กิ๋น​เลือด อย่าง​ตี้​สาม ห้าม​กิ๋น​จิ๊น​สัตว์​ตี้​ถูก​ฮัด​คอ​ต๋าย​ตี้​เลือด​ยัง​ค้าง​อยู่​ใน​ตั๋ว อย่าง​ตี้​สี่ ห้าม​เยียะ​บาป​ตาง​เพศ ถ้า​ต้าน​ตังหลาย​ถือ​ข้อ​ห้าม​หมู่​นี้ ก็​นับ​ว่า​เยียะ​สิ่ง​ตี้​ถูกต้อง​แล้ว ขอ​หื้อ​มี​ความ​สุข​เน่อ

กิจก๋าน 17:11

จาว​ยิว​ตี้​นี่​มี​ใจ๋​ยอมฮับ​นัก​เหลือ​จาว​ยิว​ใน​เมือง​เธสะโลนิก๋า หมู่​เขา​ฮับ​ฟัง​กำสอน​ของ​เปาโล​อย่าง​สนใจ๋ แล้ว​ศึกษา​พระคัมภีร์​ตึง​วัน เปื้อ​ใค่​ฮู้​ว่า​สิ่ง​ตี้​เปาโล​สอน​นั้น​จะ​เป๋น​เรื่อง​แต๊​สัก​มอกใด

ฮีบรู 2:2

ย้อน​ถ้า​ถ้อยกำ​ตี้​พระเจ้า​อู้​ผ่าน​หมู่​ทูตสวรรค์​ได้ฮับ​ก๋าน​พิสูจน์​ว่า​เป๋น​ความ​จริง คน​ตี้​บ่เจื้อ​ฟัง​ตึง​ฝ่าฝืน​ก็​ได้ฮับ​โต้ษ​อย่าง​สมควร

ยากอบ 2:8

ถ้า​หมู่​ต้าน​เยียะ​ต๋าม​บท​บัญญัติ​ของ​พระเจ้า​แต๊ๆ ตี้​เขียน​ไว้​ใน​พระคัมภีร์​ตี้​ว่า “จง​ฮัก​เปื้อน​บ้าน​เหมือน​ฮัก​ตั๋ว​เก่า” หมู่​ต้าน​ก็​เยียะ​ถูก​แล้ว

1 เปโตร 1:10

ผู้​เป๋น​ปาก​เป๋น​เสียง​แตน​พระเจ้า​ได้​ตวายตั๊ก​เถิง​พระคุณ​ของ​พระเจ้า​ตี้​หมู่​ต้าน​จะ​ได้ฮับ หมู่​เขา​ก็​ฮิ​เซาะ​หา​เกี่ยวกับ​ความ​รอด​นี้​อย่าง​ละเอียด​ถี่​ถ้วน

1 ยอห์น 5:10

คน​ตี้​เจื้อ​วางใจ๋​ใน​พระบุตร​ของ​พระเจ้า ก็​มี​กำพยาน​ของ​พระเจ้า​อยู่​ใน​ใจ๋​ของ​เขา​แล้ว คน​ตี้​บ่เจื้อ​พระเจ้า​ก็​หา​ว่า​พระเจ้า​ขี้​จุ ย้อน​ว่า​เขา​บ่เจื้อ​ใน​กำ​ยืนยัน​ของ​พระเจ้า​ตี้​เกี่ยวกับ​พระบุตร​ของ​พระองค์

3 ยอห์น 1:6

หมู่​เขา​ได้​อู้​เถิง​ความ​ฮัก​ของ​ต้าน​หื้อ​คริสตจักร​ตี้​นี่​ฟัง ก็​จะ​เป๋น​ก๋าน​ดี​นัก​ขนาด ถ้า​ต้าน​จะ​จ้วย​ส่ง​หมู่​เขา​เตียวตาง​ต่อ​ไป​ต๋าม​ตี้​พระเจ้า​ปอใจ๋

วิวรณ์ 2:28

เฮา​จะ​หื้อ​อำนาจ​กับ​เขา​อย่าง​เดียว​กับ​ตี้​เฮา​ได้ฮับ​จาก​พระบิดา​ของ​เฮา กับ​เฮา​จะ​มอบ​ดาว​ประจ๋ำ​ฮุ่ง​หื้อ​แก่​คน​นั้น

วิวรณ์ 22:16

เฮา​คือ​เยซู ได้​ส่ง​ทูตสวรรค์​ของ​เฮา​หื้อ​มา​เป๋น​พยาน​กับ​หมู่​ต้าน เกี่ยวกับ​สิ่ง​ต่างๆ หมู่​นี้ เปื้อ​เป๋น​ประโยชน์​แก่​หมู่​ต้าน​ใน​คริสตจักร​ต่างๆ เฮา​สืบ​เจื๊อสาย​มา​จาก​ครอบครัว​ของ​กษัตริย์​ดาวิด เฮา​คือ​ดาว​ประจ๋ำ​ฮุ่ง​ตี้​สุกใส”