2 โครินธ์ 9:6 - พระคริสตธรรมคัมภีร ภาคพันธสัญญาใหม

⁶ จ๋ำ​ไว้​เต๊อะ​ว่า คน​ตี้​หว่าน​หน้อย​ก็​จะ​เก็บเกี่ยว​ได้​หน้อย คน​ตี้​หว่าน​นัก​ก็​จะ​เก็บเกี่ยว​ได้​นัก

2 โครินธ์ 9:6 Iomraidhean Croise

ลูก๋า 6:38

จง​หื้อ​กับ​คน​อื่น แล้ว​พระเจ้า​ก็​จะ​หื้อ​กับ​ต้าน ต้าน​จะ​ได้​ฮับ​ตวง​จ๋นสวดจ๋นล้น​ต๋าง ย้อน​ว่า​ต้าน​ใจ๊​ต๋าง​แก่น​ใด​ตวง​หื้อ​คน​อื่น พระเจ้า​ก็​จะ​ใจ๊​ต๋าง​แก่น​นั้น​ตวง​หื้อ​ต้าน​เหมือน​กั๋น”

1 โครินธ์ 1:12

ข้าพเจ้า​หมายความ​ว่า​หมู่​ต้าน​ต่าง​คน​ต่าง​อู้​ว่า “ข้าพเจ้า​เป๋น​ลูกศิษย์​ของ​เปาโล” “ข้าพเจ้า​เป๋น​ลูกศิษย์​ของ​อปอลโล” “ข้าพเจ้า​เป๋น​ลูกศิษย์​ของ​เคฟาส” กาว่า “ข้าพเจ้า​เป๋น​ลูกศิษย์​ของ​พระคริสต์”

1 โครินธ์ 15:20

แต่​ความ​จริง​ก็​คือ พระเจ้า​เยียะ​หื้อ​พระคริสต์​เป๋น​ขึ้น​จาก​ความ​ต๋าย เซิ่ง​พระองค์​เป๋น​คน​เก๊า​ตี้​พระเจ้า​เยียะ​หื้อ​เป๋น​ขึ้น​มา เปื้อ​เป๋น​ก๋าน​ยืนยัน​ว่า​คน​ตี้​ต๋าย​ไป​แล้ว​จะ​เป๋น​ขึ้น​มา​แหม

1 โครินธ์ 7:29

ปี้น้อง​ตังหลาย ข้าพเจ้า​หมายเถิง​ว่า เวลา​เหลือ​บ่นัก​แล้ว จาอั้น​ตั้งแต่​นี้​ไป​หื้อ​คน​ตี้​มี​เมีย​แล้ว ใจ๊​จีวิต​เหมือน​ยัง​บ่มี​เมีย​เตื้อ

2 โครินธ์ 9:10

กับ​พระเจ้า​ผู้​ตี้​หื้อ​เม็ด​พืช​กับ​คน​ตี้​หว่าน กับ​หื้อ​ของ​กิ๋น​กับ​คน​ตี้​กิ๋น ก็​จะ​หื้อ​เม็ด​พืช​แก่​หมู่​ต้าน กับ​จะ​เยียะ​หื้อ​มัน​มี​นัก​ขึ้น แล้ว​จะ​หื้อ​หมู่​ต้าน​เก็บเกี่ยว​ผล​นัก​ขนาด​จาก​ความ​ใจ๋กว้าง​ของ​หมู่​ต้าน

2 โครินธ์ 9:5

ย้อน​จาอั้น ข้าพเจ้า​กึ๊ด​ว่า จ๋ำเป๋น​ตี้​จะ​ต้อง​ขอ​ร้อง​หื้อ​ปี้น้อง​ผู้เจื้อ​หมู่​นี้​ไป​หา​หมู่​ต้าน​ก่อน แล้ว​เกียม​สตางค์​ตี้​หมู่​ต้าน​สัญญา​ว่า​จะ​บริจาค​หื้อ​พร้อม​ก่อน​ตี้​ข้าพเจ้า​จะ​ไป​หา​หมู่​ต้าน เปื้อ​หื้อ​หัน​ว่า​ตี้​หมู่​ต้าน​หื้อ​นั้น​ก็​เต๋มใจ๋​หื้อ บ่ใจ้​โดน​บังคับ

กาลาเทีย 3:17

ความหมาย​ของ​ข้าพเจ้า​ก็​คือ บท​บัญญัติ​ของ​โมเสส​ตี้​เกิด​ขึ้น​เมื่อ​ลูน​เถิง​สี่​ร้อย​สาม​สิบ​ปี๋​นั้น ก็​บ่สามารถ​ยกเลิก​พันธสัญญา​กับ​ข้อ​ตกลง​ตี้​พระเจ้า​ได้​หื้อ​กับ​อับราฮัม​ได้

กาลาเทีย 5:16

ข้าพเจ้า​ขอ​บอก​ว่า หื้อ​ใจ๊​จีวิต​ตวย​พระวิญญาณ​เน่อ แล้ว​ต้าน​จะ​บ่เยียะ​อะหยัง​ต๋าม​สันดาน​บาป

เอเฟซัส 4:17

ย้อน​จาอั้น ข้าพเจ้า​ขอ​บอก​กับ​ยืนยัน​แตน​องค์​พระผู้เป๋นเจ้า​ว่า ต่อ​ไป​นี้​หื้อ​หมู่​ต้าน​เลิก​ใจ๊​จีวิต​เหมือน​กับ​คน​บ่ฮู้จัก​พระเจ้า ตี้​กึ๊ด​ก้า​เรื่อง​ตี้​บ่มี​ประโยชน์

โคโลสี 2:4

ข้าพเจ้า​บอก​ต้าน​เรื่อง​นี้ เปื้อ​บ่หื้อ​ใผ​จุล่าย​ต้าน​โดย​กำ​อู้​ม่วน​จ๋า​หวาน​กับ​น่า​เจื้อถือ

ฮีบรู 6:10

พระเจ้า​ยุติธรรม พระองค์​จะ​บ่ลืม​ก๋าน​งาน​ตี้​หมู่​ต้าน​เยียะ​กับ​ความ​ฮัก​ตี้​หมู่​ต้าน​แสดง​หื้อ​พระองค์​หัน โดย​ก๋าน​ตี้​หมู่​ต้าน​ได้​จ้วยเหลือ​คน​ของ​พระองค์​กับ​ยัง​จ้วย​อยู่​แหม​ต่อไป