2 โครินธ์ 8:23 - พระคริสตธรรมคัมภีร ภาคพันธสัญญาใหม

²³ ส่วน​ทิตัส​นั้น เขา​เป๋น​หุ้นส่วน กับ​เป๋น​เปื้อน​ฮ่วม​ฮับใจ๊​ของ​ข้าพเจ้า​ใน​ก๋าน​ฮับใจ๊​หมู่​ต้าน ส่วน​ปี้น้อง​ผู้เจื้อ​สอง​คน​ตี้​ไป​กับ​เขา​นั้น หมู่​เขา​เป๋น​ตั๋ว​แตน​คริสตจักร​ต่างๆ กับ​หมู่​เขา​หื้อ​เกียรติ​พระคริสต์​ตวย

2 โครินธ์ 8:23 Iomraidhean Croise

ลูก๋า 5:10

ยากอบ​กับ​ยอห์น​ลูก​ของ​เศเบดี เปื้อน​ฮ่วม​หา​ป๋า​ตวย​กั๋น​กับ​ซีโมน​ก็​งืด​เหมือน​กั๋น พระเยซู​อู้​กับ​ซีโมน​ว่า “บ่ถ้า​กั๋ว ตั้งแต่​นี้​ไป​ต้าน​จะ​เป๋น​ผู้​ปา​คน​มา​หา​เฮา”

ลูก๋า 5:7

เขา​จึง​กวั๊ก​เปื้อน​ตี้​อยู่​ใน​เฮือ​แหม​ลำ​นึ่ง​หื้อ​มา​จ้วย​กั๋น เปื้อน​ก็​มา​จ้วย แล้ว​ได้​ป๋า​เต๋ม​เฮือ​สอง​ลำ​จ๋น​เฮือ​เกือบ​จ๋ม

ยอห์น 13:16

เฮา​บอก​ความ​จริง​แก่​ต้าน​ตังหลาย​ว่า คน​ฮับใจ๊​บ่ใหญ่​เหลือ​เจ้านาย​ของ​เขา กับ​คน​ส่ง​ข่าว​ก็​บ่ใหญ่​เหลือ​ผู้​ตี้​ใจ๊​เขา​มา

1 โครินธ์ 11:7

ป้อจาย​บ่ต้อง​คุม​หัว ย้อน​ว่า​ป้อจาย​เป๋น​เหมือน​ภาพ​สะท้อน​กับ​ศักดิ์ศรี​ของ​พระเจ้า แต่​ส่วน​แม่ญิง​นั้น​เป๋น​ศักดิ์ศรี​ของ​ป้อจาย

2 โครินธ์ 12:18

ข้าพเจ้า​ขอ​ร้อง​หื้อ​ทิตัส​มา​แอ่ว​หา​หมู่​ต้าน กับ​ส่ง​ปี้น้อง​ผู้เจื้อ​แหม​คน​ไป​ตวย ทิตัส​ได้​โก๋ง​หมู่​ต้าน​กา หมู่​ต้าน​ก็​ฮู้​ว่า​ทิตัส​กับ​ข้าพเจ้า​เยียะ​โดย​มี​จิตใจ๋​อย่าง​เดียว​กั๋น กับ​เตียว​ต๋าม​ฮอย​ตี๋น​ฮอย​เดียว​กั๋น​บ่ใจ้​กา

2 โครินธ์ 7:6

แต่​พระเจ้า​ผู้​หื้อ​ก๋ำลัง​ใจ๋​คน​หมด​แฮง ก็​ได้​หื้อ​ก๋ำลัง​ใจ๋​เฮา​โดย​ก๋าน​ส่ง​ทิตัส​มา

2 โครินธ์ 8:16

แต่​ขอบพระคุณ​พระเจ้า​ผู้​ตี้​หื้อ​ทิตัส​มี​ใจ๋​ห่วง​หมู่​ต้าน​เหมือน​เฮา​ตวย

2 โครินธ์ 8:18

เฮา​ส่ง​ปี้น้อง​ผู้เจื้อ​คน​นึ่ง​เตียวตาง​ไป​กับ​ทิตัส​ตวย ผู้เจื้อ​คน​นั้น​เขา​เป๋น​คน​ตี้​คริสตจักร​กู้ๆ ตี้​นับถือ​ใน​เรื่อง​ก๋าน​บอก​ข่าวดี

2 โครินธ์ 8:19

บ่ใจ้​เต้าอี้ คริสตจักร​หลายๆ ตี้ ก็​ได้​เลือก​กับ​แต่งตั้ง​หื้อ​เขา​เตียวตาง​ไป​กับ​เฮา ใน​ก๋าน​เอา​สตางค์​ไป​บริจาค​หื้อ​ปี้น้อง​ผู้เจื้อ​ใน​กรุง​เยรูซาเล็ม เซิ่ง​ก็​เป๋น​ก๋าน​ถวาย​เกียรติ​หื้อ​กับ​องค์​พระ​ผู้​เป๋น​เจ้า กับ​หื้อ​หัน​ว่า​เฮา​กระตือรือร้น​ตี้​จะ​จ้วย

2 โครินธ์ 8:22

เฮา​ส่ง​ปี้น้อง​ผู้เจื้อ​แหม​คน​นึ่ง​ไป​กับ​หมู่​เขา​ตวย เขา​แสดง​หื้อ​เฮา​หัน​หลาย​เตื้อ​แล้ว​ว่า​เขา​ใค่​จ้วย​หลาย​อย่าง บ่าเดี่ยว​นี้​เขา​ซ้ำ​ใค่​จ้วย​นัก​ขึ้น ย้อน​เขา​มั่นใจ๋​ใน​หมู่​ต้าน​นัก

2 โครินธ์ 8:6

ย้อน​จาอี้ เฮา​จึง​ได้​ขอ​ร้อง​หื้อ​ทิตัส​ไป​จ้วย​หมู่​ต้าน​ใน​ก๋าน​ดี​นี้​หื้อ​แล้ว ย้อน​เขา​เป๋น​คน​เก๊า​ตี้​เยียะ

ฟีลิปปี 2:25

ข้าพเจ้า​กึ๊ด​ไว้​แล้ว​ว่า​จะ​ส่ง​เอปาโฟรดิทัส​ปิ๊ก​มา​หา​หมู่​ต้าน เขา​เป๋น​เหมือน​น้อง​บ่าว เป๋น​เปื้อน​ฮ่วม​ฮับใจ๊ กับ​ได้​ฮ่วม​ต่อสู้​ตวย​กั๋น​กับ​ข้าพเจ้า เขา​เป๋น​ตั๋ว​แตน​ตี้​หมู่​ต้าน​ส่ง​มา​ผ่อกอย​ข้าพเจ้า​ใน​สิ่ง​ตี้​จ๋ำเป๋น​สำหรับ​ข้าพเจ้า

ฟีลิปปี 4:3

หมู่​ต้าน​ตี้​เป๋น​เปื้อน​ฮ่วม​ฮับใจ๊ ข้าพเจ้า​ก็​ขอ​ต้าน​ตวย หื้อ​จ้วย​แม่ญิง​สอง​คน​นี้​หื้อ​เข้า​กั๋น ย้อน​หมู่​นาง​เกย​เยียะ​ก๋าน​หนัก​ฮ่วม​กับ​ข้าพเจ้า ตึง​เคลเมนท์​กับ​คน​อื่นๆ ตี้​เป๋น​เปื้อน​ฮ่วม​ฮับใจ๊​ตวย​กั๋น​ใน​ก๋าน​บอก​ข่าวดี เซิ่ง​พระเจ้า​ได้​จด​จื้อ​ของ​หมู่​เขา​ตึงหมด ลง​ใน​หนังสือ​แห่ง​จีวิต​แล้ว

โคโลสี 1:7

เรื่อง​นี้ ต้าน​ได้​เฮียน​จาก​เอปาฟรัส เขา​เป๋น​เปื้อน​ฮ่วม​งาน​ตี้​เฮา​ฮัก เป๋น​ผู้​ฮับใจ๊​ตี้​ซื่อสัตย์​ของ​พระคริสต์ เปื้อ​เยียะ​ก๋าน​แตน​เฮา

1 เธสะโลนิก๋า 2:2

ต้าน​ตังหลาย​ฮู้​ว่า​หมู่​เฮา​ได้​ฮับ​ความ​ตุ๊ก​ยาก​ลำบาก ตึง​ได้​ฮับ​ก๋าน​ดู​แควน​ใน​เมือง​ฟีลิปปี​ก่อน​ตี้​จะ​มา​แผว​เมือง​เธสะโลนิก๋า แต่​พระเจ้า​จ้วย​หื้อ​หมู่​เฮา​มี​ใจ๋​ก้า​ตี้​จะ​บอก​ข่าวดี​ของ​พระองค์​หื้อ​ต้าน​ตังหลาย​ฟัง แม้​ว่า​มี​คน​แหม​นัก​ต่อต้าน​เฮา

2 ทิโมธี 4:10

ย้อน​ว่า​เครสเซนส์​ไป​แคว้น​กาลาเทีย​แล้ว ทิตัส​ก็​ไป​เมือง​ดาลมาเทีย ส่วน​เดมาส​ได้​ฮัก​หูม​โลก​นี้​จ๋น​ละ​ข้าพเจ้า​ไป​เมือง​เธสะโลนิก๋า

ทิตัส 1:4

เถิง ทิตัส ลูก​แต๊ๆ ใน​ความ​เจื้อ​อัน​เดียว​กั๋น ขอ​หื้อ​ต้าน​ตังหลาย​ได้​ฮับ​พระคุณ​ตึง​สันติสุข​จาก​พระเจ้า​พระบิดา ตึง​พระเยซู​คริสต์​ผู้​จ้วย​หื้อ​รอด​ป๊น​บาป​โต้ษ​ของ​เฮา​เต๊อะ

ฟีเลโมน 1:17

ย้อน​จาอั้น​ถ้า​ต้าน​ยัง​นับ​ข้าพเจ้า​เป๋น​เปื้อน​ฮ่วม​งาน​ของ​ต้าน ก็​หื้อ​ฮับ​เขา​ไว้​เหมือน​ฮับ​ตั๋ว​ข้าพเจ้า​เอง

ฟีเลโมน 1:24

กับ​มาระโก อาริสทารคัส เดมาส กับ​ลูก๋า เซิ่ง​เป๋น​เปื้อน​ฮ่วม​ฮับใจ๊​ของ​ข้าพเจ้า​ก็​ฝาก​กำกึ๊ดเติง​มา​หา​ต้าน​เหมือน​กั๋น

3 ยอห์น 1:8

ย้อน​จาอั้น​หมู่​เฮา​ควร​จะ​จ้วยเหลือ​คน​จาอี้ เปื้อ​จะ​ได้​ฮ่วม​ฮับใจ๊​กับ​หมู่​เขา​ใน​ก๋าน​เปิดเผย​ความ​จริง​ตวย