2 โครินธ์ 6:10 - พระคริสตธรรมคัมภีร ภาคพันธสัญญาใหม

¹⁰ เฮา​มี​ความ​ตุ๊ก แต่​เฮา​ยัง​ยินดี​อยู่​ตลอด เฮา​เป๋น​คน​ตุ๊ก แต่​ยัง​เยียะ​หื้อ​คน​จ๋ำนวน​นัก​ร่ำรวย เฮา​บ่มี​อะหยัง​เลย แต่​ก็​ยัง​เป๋น​เจ้า​ของ​กู้​สิ่ง​กู้​อย่าง

2 โครินธ์ 6:10 Iomraidhean Croise

มัทธิว 5:12

จง​จื้นจม​ยินดี​เต๊อะ ย้อน​ว่า​พระเจ้า​มี​รางวัล​อัน​ยิ่งใหญ่​ไว้​ใน​สวรรค์​สำหรับ​หมู่​ต้าน​แล้ว หมู่​ผู้​เป๋น​ปาก​เป๋น​เสียง​แตน​พระเจ้า​สมัย​เก่า​ก่อน ก็​โดน​ค่ำ​จาอี้​เหมือน​กั๋น

มัทธิว 5:4

คน​ใด​เป๋น​ตุ๊ก​โศกเศร้า พระเจ้า​โผด​หื้อ​คน​นั้น​เป๋น​สุข ย้อน​ว่า​เขา​จะ​ได้​ฮับ​ก๋าน​เล้าโลม​ใจ๋​จาก​พระเจ้า

ลูก๋า 6:21

หมู่​ต้าน​ตี้​กั้น​อยาก​ใน​เวลา​นี้ พระเจ้า​โผด​หื้อ​หมู่​ต้าน​เป๋น​สุข ย้อน​ว่า​หมู่​ต้าน​จะ​ได้​กิ๋น​อิ่ม หมู่​ต้าน​ตี้​ฮ้อง​ไห้​อยู่​ใน​เวลา​นี้ พระเจ้า​โผด​หื้อ​หมู่​ต้าน​เป๋น​สุข ย้อน​ว่า​หมู่​ต้าน​จะ​ได้​ใค่​หัว

ยอห์น 16:22

ก็​เหมือน​กับ​ต๋อน​นี้​ตี้​หมู่​ต้าน​ตุ๊ก​อก​ตุ๊ก​ใจ๋ แต่​เมื่อ​เฮา​ปิ๊ก​มา​หา​หมู่​ต้าน​แหม หมู่​ต้าน​ก็​จะ​มี​ความ​จื้นจม​ยินดี กับ​จะ​บ่มี​ใผ​มา​ลู่​เอา​ความ​จื้นจม​ยินดี​ไป​จาก​หมู่​ต้าน​ได้

กิจก๋าน 16:25

ประมาณ​เตี้ยงคืน​เปาโล​กับ​สิลาส​ก่ำลัง​ปา​กั๋น​อธิษฐาน​ฮ้อง​เพลง​สรรเสริญ​พระเจ้า​อยู่​นั้น นักโต้ษ​คน​อื่นๆ ก็​ฟัง​อยู่

กิจก๋าน 3:6

แต่​เปโตร​อู้​ว่า “ตึงเนื้อ​ตึง​ตั๋ว​เฮา​บ่มี​สตางค์​สัก​บาท แต่​เฮา​มี​อย่าง​นึ่ง​จะ​หื้อ คือ​ใน​พระ​นาม​พระเยซู​คริสต์​จาว​นาซาเร็ธ หื้อ​ลุก​ขึ้น​บ่าเดี่ยวนี้”

กิจก๋าน 5:41

หมู่​อัครทูต​ก็​ออก​จาก​สภา​มา​ด้วย​ความ​ยินดี​ขนาด ย้อน​ว่า​พระเจ้า​หัน​ว่า​หมู่​เขา​มี​ก้า​ปอ​ตี้​จะ​ฮับ​ก๋าน​ดูถูก​ดู​แควน เปื้อ​นาม​ของ​พระเยซู

โรม 11:12

ถ้า​ก๋าน​เยียะ​บาป​ของ​จาว​อิสราเอล​เยียะ​หื้อ​คน​ตึง​โลก​ได้​ฮับ​ปอน​จาก​พระเจ้า กับ​ถ้า​ความ​ผิดพลาด​ของ​จาว​ยิว​เยียะ​หื้อ​คน​ต่างจ้าด​ได้​ฮับ​ปอน​นัก​ขนาด​นี้ แล้ว​ลอง​กึ๊ด​ผ่อ​เต๊อะ ถ้า​ได้​จาว​ยิว​มา​ยอมฮับ​ครบ​หมด ปอน​จะ​นัก​เหลือ​นั้น​มอก​ใด

โรม 12:15

หื้อ​จื้นจมยินดี​กับ​คน​ตี้​มี​ความ​จื้นจมยินดี หื้อ​โศกเศร้า​กับ​คน​ตี้​ก่ำลัง​โศกเศร้า

โรม 15:13

ขอ​หื้อ​พระเจ้า​ผู้​หื้อ​ความ​หวัง โผด​หื้อ​ต้าน​ตังหลาย​มี​ความ​จื้นจมยินดี​กับ​สันติสุข​อย่าง​เต๋ม​บริบูรณ์ ย้อน​ความ​เจื้อ​ของ​หมู่​ต้าน เปื้อ​หมู่​ต้าน​จะ​ได้​มี​ความ​หวัง​อย่าง​เต๋มล้น โดย​ฤทธิ์​อำนาจ​ของ​พระวิญญาณ​บริสุทธิ์

โรม 8:32

แม้แต่​พระบุตร​องค์​เดียว​ของ​พระองค์ พระองค์​ก็​บ่ได้​ขาง แต่​ยัง​ยก​หื้อ​หมู่​เฮา​กู้​คน​ได้ ถ้า​เป๋น​จาอี้ จะ​บ่โผด​หื้อ​กู้​อย่าง​แก่​หมู่​เฮา​ตวย​กา

โรม 9:2

ข้าพเจ้า​มี​ความ​ตุ๊ก​หนัก​ตึง​เจ็บ​ปวดใจ๋​อยู่​ตลอด​เวลา ย้อน​ปี้น้อง​จาว​ยิว

1 โครินธ์ 1:5

ย้อน​โดย​พระเยซู​คริสต์​หมู่​ต้าน​ได้ฮับ​ก๋าน​ปั๋น​ปอน​อย่าง​เต๋มตี้​ใน​ฝ่าย​จิตวิญญาณ บ่ว่า​จะ​เป๋น​ใน​ด้าน​กำ​อู้​กาว่า​ความ​ฮู้​กู้​อย่าง

2 โครินธ์ 2:4

ย้อน​ต๋อน​ตี้​ข้าพเจ้า​เขียน​จดหมาย​ฉบับ​นั้น​เถิง​หมู่​ต้าน ข้าพเจ้า​ลำบาก​ใจ๋ กับ​หนักใจ๋​ขนาด น้ำต๋า​ไหล​แล้ว​ไหล​แหม ตี้​เขียน​จาอั้น​บ่ใจ้​เปื้อ​จะ​เยียะ​หื้อ​หมู่​ต้าน​ตุ๊กใจ๋​เน่อ แต่​ใค่​หื้อ​หมู่​ต้าน​ฮู้​ว่า​ข้าพเจ้า​ฮัก​หมู่​ต้าน​กู้​คน​นัก​มอก​ใด

2 โครินธ์ 4:15

ย้อน​ว่า​กู้​อย่าง​ตี้​เกิด​ขึ้น​กับ​เฮา​นี้​ก็​เปื้อ​หัน​แก่​หมู่​ต้าน เปื้อ​ว่า​ยิ่ง​มี​คน​จ๋ำนวน​นัก​เต้าใด​ตี้​ได้ฮับ​พระคุณ​ของ​พระเจ้า ก็​จะ​มี​คน​จ๋ำนวน​นัก​เต้าอั้น​ตี้​จะ​อธิษฐาน​ขอบพระคุณ​พระเจ้า พระองค์​ก็​จะ​ได้ฮับ​เกียรติ

2 โครินธ์ 4:7

แต่​เฮา​เป๋น​เหมือน​ไห​ตี้​มี​สมบัติ​อัน​ล้ำก้า​ขนาด​ใส่​ไว้ เปื้อ​แสดง​หื้อ​หัน​ว่า​ฤทธิ์​อำนาจ​ตี้​ล้ำเลิศ​นั้น​เป๋น​ของ​พระเจ้า บ่ได้​มา​จาก​ตั๋ว​ของ​เฮา

2 โครินธ์ 8:9

ย้อน​หมู่​ต้าน​ฮู้จัก​พระคุณ​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​แล้ว​ว่า เถิงแม้​พระองค์​มั่งคั่ง แต่​ก็​ยอม​เป๋น​คน​ตุ๊ก ย้อน​หันแก่​หมู่​ต้าน เปื้อ​หมู่​ต้าน​จะ​ได้​เป๋น​คน​มั่งคั่ง​โดย​ตี้​พระองค์​ยอม​เป๋น​คน​ตุ๊ก​ยาก

เอเฟซัส 3:16

ข้าพเจ้า​อธิษฐาน​ขอ​พระเจ้า​ตี้​จะ​หื้อ​ฤทธิ์​อำนาจ​ตึงหมด​กับ​หมู่​ต้าน จาก​ปอน​อัน​ยิ่งใหญ่​ของ​พระองค์​ใน​สวรรค์​ผ่าน​ตาง​พระวิญญาณ เปื้อ​ต้าน​จะ​ได้​มี​จิตใจ๋​ตี้​เข้มแข็ง

เอเฟซัส 3:8

เถิงแม้​ว่า ข้าพเจ้า​เป๋น​คน​ตี้​ต่ำต้อย​เหลือ​คน​ต่ำต้อย​ตี้​สุด​ใน​หมู่​คน​ของ​พระเจ้า แต่​พระเจ้า​ก็​ได้​หื้อ​พระคุณ​นี้​กับ​ข้าพเจ้า​เปื้อ​หื้อ​เอา​ข่าวดี​มา​บอก​คน​ต่างจ้าด ข่าวดี​นั้น​ก็​คือ​ปอน​ของ​พระคริสต์​ตี้​นัก​จ๋น​สุด​กำกึ๊ด​ตี้​จะ​กึ๊ด​ได้

ฟีลิปปี 2:17

เถิง​แม้ว่า​เลือด​ของ​ข้าพเจ้า​จะ​เป๋น​เหมือน​น้ำ​ตี้​ไว้​ปู่จา ตี้​ถูก​ถอก​ลง​บน​เครื่องปู่จา​ตี้​ต้าน​ถวาย​ย้อน​ความ​เจื้อ ตั๋ว​ข้าพเจ้า​ก็​จะ​มี​ความ​สุข​กับ​จื้นจม​ยินดี​ฮ่วม​กับ​หมู่​ต้าน​ตวย

ฟีลิปปี 4:4

หื้อ​จื้นจมยินดี​กู้​เวลา ย้อน​เป๋น​คน​ของ​องค์​พระ​ผู้​เป๋น​เจ้า​ข้าพเจ้า​ขอ​ย้ำ​แหม​เตื้อ​ว่า​หื้อ​จื้นจมยินดี​เต๊อะ

โคโลสี 1:24

บ่าเดี่ยว​นี้​ข้าพเจ้า​จื้นจมยินดี​ตี้​ได้​ทน​ตุ๊ก​สำหรับ​ต้าน ย้อน​ว่า​ข้าพเจ้า​มี​ส่วน​ใน​ก๋าน​ฮับ​ความ​ตุ๊ก​เปื้อ​พระคริสต์ ความ​ตุ๊ก​นี้​ต้อง​มี​ต่อ​ไป​แหม เปื้อ​คริสตจักร​ตี้​เป๋น​ตั๋ว​ของ​พระองค์

โคโลสี 3:16

หื้อ​ถ้อย​กำ​เรื่อง​พระคริสต์​อยู่​ใน​ใจ๋​ของ​ต้าน​อย่าง​เต๋ม​ตี้ หื้อ​สอน​กับ​เตื๋อน​สติ​กั๋น​ด้วย​ปั๋ญญา​ตึงหมด หื้อ​ฮ้อง​เพลง​สดุดี เพลง​นมัสก๋าน กับ​เพลง​สรรเสริญ​จาก​จิตวิญญาณ ด้วย​ก๋าน​ขอบ​พระคุณ​พระเจ้า

1 เธสะโลนิก๋า 1:6

ส่วน​ต้าน​ตังหลาย​ก็​ได้​เอา​จีวิต​ของ​หมู่​เฮา​ตึง​ของ​องค์​พระผู้เป๋นเจ้า​เป๋น​แบบ​อย่าง แม้​ต้าน​ปะ​ความ​ตุ๊กยาก​นัก​ก็​ยัง​ฮับ​ถ้อยกำ​นั้น​ด้วย​ความ​จื้นจมยินดี ตี้​มา​จาก​พระวิญญาณ​บริสุทธิ์

1 เธสะโลนิก๋า 5:16

หื้อ​มี​ใจ๋​จื้นบาน​อยู่​เสมอ

1 ทิโมธี 4:8

ก๋าน​เฝิ็ก​ตั๋ว​เปื้อ​สุขภาพ​มี​ประโยชน์​อยู่​พ่อง แต่​ก๋าน​เฝิ็ก​จิตวิญญาณ​เปื้อ​ยำเก๋ง​พระเจ้า​มี​ประโยชน์​เต๋มตี้​ใน​จีวิต​บ่าเดี่ยวนี้ ตึง​อนาคต​ต๋าม​ตี้​พระเจ้า​สัญญา​ไว้

1 ทิโมธี 6:18

สั่ง​หมู่​เขา​ว่า​หื้อ​เยียะ​ความ​ดี​จ๋น​เป๋น​คน​รวย​ความ​ดี รวย​น้ำใจ๋ กับ​ฮู้จัก​ปั๋น​หื้อ​คน​อื่น​อย่าง​เต๋มใจ๋​ตวย

ฮีบรู 10:34

ต้าน​ฮ่วม​ตุ๊ก​กับ​คน​ตี้​ติด​คอก กับ​เมื่อ​คน​อื่น​ยึด​ทรัพย์​สมบัติ​ของ​ต้าน​ไป ต้าน​ก็​ยินดี​ยอม​หื้อ ย้อน​ต้าน​ฮู้​ว่า​ต้าน​มี​ทรัพย์​สมบัติ​ตี้​ดี​เหลือ​นั้น กับ​เป๋น​ทรัพย์​สมบัติ​ตี้​อยู่​ได้​ตลอด​ไป

ยากอบ 2:5

ปี้น้อง​ตี้​ข้าพเจ้า​ฮัก​เหย ฟัง​หื้อ​ดี​เน่อ พระเจ้า​เลือก​คน​ตุ๊ก​ใน​โลก​นี้​หื้อ​เป๋น​คน​ร่ำรวย​ใน​ความ​เจื้อ กับ​หื้อ​มา​ฮับ​ส่วนแบ่ง​ใน​แผ่นดิน​สวรรค์​ตี้​พระเจ้า​ได้​สัญญา​ไว้​ว่า​จะ​หื้อ​กับ​คน​ตี้​ฮัก​พระองค์​บ่ใจ้​กา

1 เปโตร 4:13

แต่​หื้อ​จื้นจม​ยินดี​ตี้​ต้าน​ได้​ฮ่วม​ตุ๊ก​กับ​พระคริสต์​เต๊อะ เปื้อ​ว่า​เมื่อ​พระคริสต์​ปิ๊ก​มา​สำแดง​ความ​ยิ่งใหญ่​หื้อ​กู้​คน​หัน หมู่​ต้าน​ก็​จะ​ได้​จื้นจม​ยินดี​อย่าง​เต๋ม​ตี้

วิวรณ์ 2:9

เฮา​ฮู้​ว่า​หมู่​ต้าน​มี​ความ​ตุ๊ก​ลำบาก​กับ​ยากจ๋น แต่​แต๊ๆ แล้ว​หมู่​ต้าน​เป๋น​คน​ร่ำรวย เฮา​ฮู้​ว่า​หมู่​ต้าน​ถูก​ใส่​ฮ้าย​จาก​คน​หมู่​นั้น​ตี้​ฮ้อง​ตั๋ว​เก่า​ว่า​เป๋น​จาว​ยิว​แต่​บ่ได้​เป๋น หมู่​เขา​เป๋น​คน​ของ​ซาต๋าน

วิวรณ์ 21:7

คน​ตี้​มี​ชัย​จะ​เป๋น​คน​ตี้​ได้ฮับ​สิ่ง​หมู่​นี้​ตึงหมด กับ​เฮา​จะ​เป๋น​พระเจ้า​ของ​เขา เขา​จะ​เป๋น​ลูก​ของ​เฮา