2 โครินธ์ 5:10 - พระคริสตธรรมคัมภีร ภาคพันธสัญญาใหม

¹⁰ ย้อน​ว่า​เฮา​กู้​คน​ต้อง​ไป​อยู่​ต่อหน้า​พระคริสต์ เปื้อ​หื้อ​พระองค์​ตัดสิน เปื้อ​แต่​ละ​คน​จะ​ได้ฮับ​สิ่ง​ตี้​สมควร​จะ​ได้ฮับ ต๋าม​ตี้​เฮา​เยียะ​ดี​กาว่า​บ่ดี​ต๋อน​ตี้​อยู่​ใน​ตั๋ว​นี้

2 โครินธ์ 5:10 Iomraidhean Croise

มัทธิว 16:27

แต่​บุตรมนุษย์​จะ​ปิ๊ก​มา​ด้วย​รัศมี​ของ​พระบิดา​พร้อม​กับ​ทูตสวรรค์​ของ​พระองค์ แล้ว​บุตรมนุษย์​จะ​มา​ตัดสิน​กู้​คน​ต๋าม​ตี้​แต่​ละ​คน​ได้​เยียะ​เอา​ไว้

กิจก๋าน 10:42

พระเยซู​สั่ง​หื้อ​หมู่​เฮา​ออก​ไป​เตสนา​สั่ง​สอน​คน​ตังหลาย กับ​หื้อ​หมู่​เฮา​เป๋น​พยาน​ว่า พระเจ้า​แต่งตั้ง​พระองค์​ไว้​หื้อ​เป๋น​ผู้​พิพากษา​ตึง​คน​ตี้​มี​จีวิต​อยู่ กับ​คน​ตี้​ต๋าย​ไป​แล้ว​ตวย

กิจก๋าน 17:31

ย้อน​พระองค์​ก๋ำหนด​วัน​นึ่ง​ไว้​แล้ว​เป๋น​วัน​ตี้​พระองค์​จะ​ตัดสิน​กู้​คน​ใน​โลก​นี้​อย่าง​ยุติธรรม โดย​ป้อจาย​คน​นึ่ง​ตี้​พระองค์​แต่งตั้ง​ไว้ พระองค์​ก็​พิสูจน์​เรื่อง​นี้​หื้อ​กู้​คน​ฮู้ โดย​หื้อ​คน​นั้น​เป๋น​ขึ้น​จาก​ความ​ต๋าย”

โรม 2:16

สิ่ง​หมู่​นี้​ก็​จะ​เกิด​ขึ้น​ใน​วัน​ตี้​พระเจ้า​จะ​หื้อ​พระเยซู​คริสต์​ตัดสิน​ความ​ลับ​ต่างๆ ของ​คน ต๋าม​ข่าวดี​ตี้​ข้าพเจ้า​ได้​บอก​แล้ว​นั้น

โรม 6:19

ตี้​ข้าพเจ้า​ยก​เอา​ตั๋ว​อย่าง​เรื่อง​คน​เป๋น​ขี้ข้า​มา ก็​ย้อน​สิ่ง​นี้​เข้าใจ๋​ยาก​สำหรับ​หมู่​ต้าน หมู่​ต้าน​เกย​ยอม​หื้อ​กู้​ส่วน​ของ​ตั๋ว​เป๋น​ขี้ข้า​ของ​ก๋าน​ลามก​กับ​ก๋าน​เยียะ​บ่ดี​นัก​ขึ้น​ติกๆ จาใด บ่าเดี่ยว​นี้​ขอ​หื้อ​หมู่​ต้าน​ยอม​หื้อ​กู้​ส่วน​ของ​ตั๋ว​เป๋น​ขี้ข้า​ตี้​เยียะ​ต๋าม​ความ​ต้องก๋าน​ของ​พระเจ้า​จาอั้น เปื้อ​จะ​ได้​เป๋น​คน​บริสุทธิ์

1 โครินธ์ 4:5

จาอั้น​ฟั่ง​ตัดสิน​อะหยัง​เตื้อ​ก่อน​จะ​เถิง​เวลา หื้อ​ถ้า​จ๋น​กว่า​องค์​พระ​ผู้​เป๋น​เจ้า​จะ​มา แล้ว​พระองค์​จะ​เปิดเผย​ความ​ลับ​ตี้​ซ่อน​อยู่​ใน​ตี้​มืด​ออก​มา กับ​จะ​เปิดเผย​สิ่ง​ตี้​อยู่​ใน​ใจ๋​ของ​กู้​คน​หื้อ​ฮู้​หื้อ​หัน เถิง​ต๋อน​นั้น​แต่​ละ​คน​จะ​ได้​ฮับ​กำ​ยกย่อง​จาก​พระเจ้า​ต๋าม​ตี้​เขา​สมควร​จะ​ได้ฮับ

2 โครินธ์ 7:3

ข้าพเจ้า​บ่ได้​อู้​จาอี้​เปื้อ​จะ​นาบ​โต้ษ​หมู่​ต้าน ย้อน​ข้าพเจ้า​เกย​บอก​แล้ว​ว่า หมู่​ต้าน​อยู่​ใน​ใจ๋​ของ​หมู่​เฮา จะ​เป๋น​จะ​ต๋าย หมู่​เฮา​ก็​อยู่​ตวย​หมู่​ต้าน​ตลอด

เอเฟซัส 6:8

หื้อ​ฮู้​ไว้​เต๊อะ​ว่า ใผ​เยียะ​ดี​จาใด ก็​จะ​ได้ฮับ​ผล​ดี​จาก​องค์​พระผู้เป๋นเจ้า​จาอั้น บ่ว่า​เป๋น​ขี้ข้า​กาว่า​มี​อิสระ

ฮีบรู 9:27

เฮา​กู้​คน​ก็​ต้อง​ต๋าย​เตื้อ​เดียว หลัง​จาก​นั้น​ก็​จะ​ถูก​พระเจ้า​ตัดสิน

1 เปโตร 4:5

แต่​หมู่​เขา​จะ​ต้อง​ตอบ​พระองค์​ผู้​ตี้​เกียม​พร้อม​จะ​ตัดสิน​กู้​คน ตึง​คน​ตี้​มี​จีวิต​อยู่​กาว่า​คน​ตี้​ต๋าย​ไป​แล้ว​ตวย

วิวรณ์ 2:23

เฮา​จะ​ฆ่า​หมู่​ลูก​ศิษย์​ของ​นาง แล้ว​คริสตจักร​ตังหลาย​จะ​ฮู้​ว่า เฮา​เป๋น​ผู้​ตี้​หยั่ง​ฮู้​กำกึ๊ด​กับ​จิตใจ๋​ของ​คน เฮา​จะ​ตอบแตน​หมู่​ต้าน​แต่​ละ​คน​ต๋าม​สิ่ง​ตี้​หมู่​ต้าน​ได้​เยียะ​ลง​ไป

วิวรณ์ 22:12

“ฟัง​หื้อ​ดี เฮา​ก่ำลัง​จะ​มา​เวยๆ นี้ จะ​เอา​รางวัล​มา​ตวย เปื้อ​จะ​ตอบแตน​แต่​ละ​คน​ต๋าม​ตี้​เขา​เยียะ