2 โครินธ์ 4:12 - พระคริสตธรรมคัมภีร ภาคพันธสัญญาใหม

¹² จาอั้น จีวิต​ของ​เฮา​ก็​เสี่ยง​ต๋าย​อยู่​ตลอด เปื้อ​หื้อ​หมู่​ต้าน​ได้​มี​จีวิต

2 โครินธ์ 4:12 Iomraidhean Croise

กิจก๋าน 20:24

แต่​ข้าพเจ้า​บ่ได้​ถือ​ว่า​จีวิต​ของ​ข้าพเจ้า​มี​ก้า​นัก​สำหรับ​ตั๋วเก่า นอกจาก​ขอ​เยียะ​หน้าตี้​ตี้​ฮับ​มอบหมาย​จาก​พระเยซู​องค์​พระ​ผู้​เป๋น​เจ้า คือ​บอก​ข่าวดี​เรื่อง​พระคุณ​ของ​พระเจ้า​หื้อ​คน​อื่น​ฟัง​หื้อ​สำเร็จ​ก็​ปอ​แล้ว

1 โครินธ์ 4:10

เฮา​เป๋น​คน​ง่าว​ย้อน​หัน​แก่​พระคริสต์ แต่​หมู่​ต้าน​เป๋น​คน​มี​ปั๋ญญา​ใน​พระคริสต์ เฮา​ขี้เปี้ย ส่วน​หมู่​ต้าน​มี​ก๋ำลัง หมู่​ต้าน​มี​หน้า​มี​ต๋า แต่​เฮา​ถูก​คน​ดู​ถูก​ดู​แควน

2 โครินธ์ 12:15

ข้าพเจ้า​ก็​ยินดี​แต๊ๆ ตี้​จะ​เสีย​สละ​กู้​สิ่ง​ตี้​ข้าพเจ้า​มี แม้แต่​ตั๋ว​ของ​ข้าพเจ้า ข้าพเจ้า​ก็​หื้อ​กับ​หมู่​ต้าน เมื่อ​ข้าพเจ้า​ฮัก​หมู่​ต้าน​นัก​ขึ้น​จาอี้ หมู่​ต้าน​จะ​ฮัก​ข้าพเจ้า​หน้อย​ลง​กา

2 โครินธ์ 13:9

เมื่อ​เฮา​อ่อนแอ แต่​หมู่​ต้าน​เข้มแข็ง เฮา​ก็​ยินดี เฮา​อธิษฐาน​ก็​เปื้อ​สิ่ง​นี้ คือ​ขอ​พระเจ้า​เยียะ​หื้อ​หมู่​ต้าน​ปิ๊ก​ไป​อยู่​ใน​สภาพ​ตี้​ดี​อย่าง​เก่า

2 โครินธ์ 4:11

ย้อน​หัน​แก่​พระเยซู เฮา​ตี้​ยัง​มี​จีวิต​อยู่​นี้​จึง​เสี่ยง​จีวิต​กับ​ความ​ต๋าย​อยู่​ตลอด​เวลา เปื้อ​คน​ตังหลาย​จะ​ได้​หัน​จีวิต​ของ​พระเยซู​ผ่าน​ตั๋ว​ของ​เฮา​ตี้​ต้อง​ต๋าย​นี้

2 โครินธ์ 4:13

เฮา​มี​ความ​เจื้อ​อย่าง​เดียว​กั๋น​กับ​คน​ตี้​เขียน​ไว้​ใน​พระคัมภีร์​ว่า “ย้อน​ข้าพเจ้า​เจื้อ ข้าพเจ้า​เลย​อู้” เฮา​ก็​เจื้อ​เหมือน​กั๋น เลย​อู้​ไป​ต๋าม​นั้น

ฟีลิปปี 2:17

เถิง​แม้ว่า​เลือด​ของ​ข้าพเจ้า​จะ​เป๋น​เหมือน​น้ำ​ตี้​ไว้​ปู่จา ตี้​ถูก​ถอก​ลง​บน​เครื่องปู่จา​ตี้​ต้าน​ถวาย​ย้อน​ความ​เจื้อ ตั๋ว​ข้าพเจ้า​ก็​จะ​มี​ความ​สุข​กับ​จื้นจม​ยินดี​ฮ่วม​กับ​หมู่​ต้าน​ตวย

ฟีลิปปี 2:30

ย้อน​ว่า​เขา​เกือบ​ต๋าย​จาก​ก๋าน​ฮับใจ๊​พระคริสต์ เขา​เสี่ยง​จีวิต​เปื้อ​มา​ฮับใจ๊​ข้าพเจ้า​แตน​หมู่​ต้าน​ตี้​มา​บ่ได้​ย้อน​อยู่​ไก๋

1 ยอห์น 3:16

จาอี้​เฮา​จึง​ฮู้​ว่า​ความ​ฮัก​เป๋น​จาใด คือ​พระคริสต์​ได้​สละ​จีวิต​ของ​พระองค์​เปื้อ​เฮา​ตังหลาย เฮา​ก็​สมควร​จะ​สละ​จีวิต​ของ​เฮา​เปื้อ​ปี้น้อง​ผู้เจื้อ​ของ​เฮา​ตวย