2 โครินธ์ 2:2 - พระคริสตธรรมคัมภีร ภาคพันธสัญญาใหม

² ย้อน​ว่า ถ้า​ข้าพเจ้า​เยียะ​หื้อ​หมู่​ต้าน​ตุ๊กใจ๋ แล้ว​จะ​มี​ใผ​แหม​ตี้​จะ​เยียะ​หื้อ​ข้าพเจ้า​มี​ความ​สุข ถ้า​บ่ใจ้​หมู่​ต้าน​ตี้​ข้าพเจ้า​เยียะ​หื้อ​ตุ๊กใจ๋

2 โครินธ์ 2:2 Iomraidhean Croise

มัทธิว 19:22

เมื่อ​ป้อจาย​หนุ่ม​คน​นั้น​ได้ยิน​จาอั้น ก็​เตียว​ออก​ไป​ด้วย​ใจ๋​เป๋น​ตุ๊ก ย้อน​ว่า​เขา​รวย​นัก​ขนาด

โรม 12:15

หื้อ​จื้นจมยินดี​กับ​คน​ตี้​มี​ความ​จื้นจมยินดี หื้อ​โศกเศร้า​กับ​คน​ตี้​ก่ำลัง​โศกเศร้า

1 โครินธ์ 12:26

ถ้า​ส่วน​ใด​ส่วน​นึ่ง​เจ็บ ส่วน​อื่นๆ ตึงหมด​ใน​ตั๋ว​ก็​เจ็บ​ไป​ตวย ถ้า​ส่วน​ใด​ส่วน​นึ่ง​ได้ฮับ​เกียรติ ส่วน​อื่นๆ ตึงหมด​ก็​ฮ่วม​จื้นจม​ยินดี​ไป​ตวย

2 โครินธ์ 1:14

ย้อน​หมู่​ต้าน​เข้าใจ๋​เฮา​อยู่​พ่อง​แล้ว ตี้​ว่า​ใน​วัน​ตี้​พระเยซู​องค์​พระผู้เป๋นเจ้า​ของ​เฮา​ปิ๊ก​มา​นั้น หมู่​ต้าน​จะ​ได้​ภูมิใจ๋​ใน​ตั๋ว​เฮา เหมือน​กับ​ตี้​เฮา​จะ​ภูมิใจ๋​ใน​ตั๋ว​หมู่​ต้าน​ตวย

2 โครินธ์ 11:29

มี​ใผ​พ่อง​ตี้​อ่อนแอ แล้ว​ข้าพเจ้า​บ่ได้​ฮู้สึก​อ่อนแอ​ไป​ตวย​เขา มี​ใผ​พ่อง​ตี้​ถูก​ปา​ไป​เยียะ​บาป แล้ว​ข้าพเจ้า​บ่ได้​เป๋น​เดือด​เป๋น​แค้น

2 โครินธ์ 7:8

เถิงแม้​ว่า​จดหมาย​ฉบับ​นั้น​ของ​ข้าพเจ้า​เยียะ​หื้อ​ต้าน​เสียใจ๋ แต่​ข้าพเจ้า​บ่เสียใจ๋​เลย​ตี้​ได้​เขียน​ไป (​ข้าพเจ้า​เกย​เสียใจ๋​ย้อน​หัน​ว่า​จดหมาย​ฉบับ​นั้น​เยียะ​หื้อ​หมู่​ต้าน​เสียใจ๋​อยู่​สัก​กำ​นึ่ง​)