2 โครินธ์ 10:18 - พระคริสตธรรมคัมภีร ภาคพันธสัญญาใหม

¹⁸ ย้อน​ว่า​คน​ตี้​ยกย่อง​ตั๋วเก่า ก็​บ่ได้​ฮับ​ก๋าน​ยอมฮับ แต่​คน​ตี้​พระเจ้า​ยกย่อง​ก็​จะ​ได้​ฮับ​ก๋าน​ยอมฮับ

2 โครินธ์ 10:18 Iomraidhean Croise

ลูก๋า 16:15

พระเยซู​อู้​กับ​หมู่​เขา​ว่า “เจ้า​ตังหลาย​แต่ง​เป๋น​คน​ถูกต้อง​ต๋าม​ธรรม​ต่อหน้า​คน แต่​พระเจ้า​ฮู้​ใจ๋​ของ​ต้าน​ตังหลาย​ดี สิ่ง​ตี้​คน​หัน​ว่า​มี​ก้า​กับ​น่า​นับถือ สำหรับ​พระเจ้า​นั้น​หัน​ว่า​เป๋น​สิ่ง​ตี้​น่า​จัง

ยอห์น 12:43

ย้อน​ว่า​หมู่​เขา​ซอบ​กำ​ยกย่อง​ของ​คน​นัก​เหลือ​กำ​ยกย่อง​ของ​พระเจ้า

กิจก๋าน 2:22

“จาว​อิสราเอล​ตังหลาย​เหย จง​ฟัง​เน่อ พระเยซู​จาว​นาซาเร็ธ​เป๋น​ผู้​ตี้​พระเจ้า​รับรอง โดย​เยียะ​ก๋าน​ปาฏิหาริย์ ก๋าน​อัศจ๋รรย์ ตึง​หมายสำคัญ​ต่างๆ ผ่าน​พระเยซู ต๋าม​ตี้​ต้าน​ตังหลาย​ก็​ฮู้​ก็​หัน​มา​แล้ว

โรม 14:18

คน​ตี้​ฮับใจ๊​พระเยซู​คริสต์​จาอี้ จะ​เยียะ​หื้อ​พระเจ้า​เปิงใจ๋​เขา กับ​คน​ตังหลาย​ก็​หัน​ดี​หัน​งาม​ตวย

โรม 16:10

ขอ​ฝาก​กำ​กึ๊ดเติง​หา​อาเป็ลเลส​คน​ตี้​ผ่าน​ก๋าน​ทดสอบ​ความ​จงฮัก​ภักดี​ต่อ​พระเยซู​คริสต์​แล้ว กับ​ฝาก​กำ​กึ๊ดเติง​หา​คน​ใน​ครอบครัว​อาริสโทบูลัส

โรม 2:29

แต่​คน​เป๋น​จาว​ยิว​แต๊ๆ คือ​คน​ตี้​เป๋น​ยิว​ตัง​ใน ก๋าน​เข้า​พิธี​สุหนัต​แต๊​เป๋น​เรื่อง​ตัง​จิตใจ๋ เซิ่ง​เกิด​ขึ้น​โดย​พระวิญญาณ บ่ใจ้​เกิด​โดย​ก๋าน​เยียะ​ต๋าม​บท​บัญญัติ​ตี้​เขียน​ไว้ คน​จาอั้น​ก็​จะ​ได้​ฮับ​ก๋าน​ยกย่อง​จาก​พระเจ้า บ่ใจ้​จาก​คน

1 โครินธ์ 11:19

ย้อน​ว่า​จะ​ต้อง​มี​ก๋าน​แตกแยก​กั๋น​ใน​หมู่​ต้าน เปื้อ​จะ​ได้​ฮู้​ว่า ใผ​อยู่​ฝ่าย​พระเจ้า

1 โครินธ์ 4:5

จาอั้น​ฟั่ง​ตัดสิน​อะหยัง​เตื้อ​ก่อน​จะ​เถิง​เวลา หื้อ​ถ้า​จ๋น​กว่า​องค์​พระ​ผู้​เป๋น​เจ้า​จะ​มา แล้ว​พระองค์​จะ​เปิดเผย​ความ​ลับ​ตี้​ซ่อน​อยู่​ใน​ตี้​มืด​ออก​มา กับ​จะ​เปิดเผย​สิ่ง​ตี้​อยู่​ใน​ใจ๋​ของ​กู้​คน​หื้อ​ฮู้​หื้อ​หัน เถิง​ต๋อน​นั้น​แต่​ละ​คน​จะ​ได้​ฮับ​กำ​ยกย่อง​จาก​พระเจ้า​ต๋าม​ตี้​เขา​สมควร​จะ​ได้ฮับ

2 โครินธ์ 10:12

เฮา​บ่ก้า​ตี้​จะ​เทียบ​จั๊น​กาว่า​เอา​ตั๋ว​ไป​เผียบ​กับ​บาง​คน​ตี้​ยกย่อง​ตั๋ว​เก่า​เน่อ คน​หมู่​นี้​ก็​บ่หลวก​แต๊ๆ ตี้​เอา​ตั๋ว​ไป​เผียบ​กับ​หมู่​เดียว​กั๋น กับ​เอา​ตั๋ว​เก่า​เป๋น​มาตรฐาน​ใน​ก๋าน​วัด​กั๋น

2 โครินธ์ 13:7

เฮา​อธิษฐาน​ต่อ​พระเจ้า ขอ​บ่หื้อ​หมู่​ต้าน​เยียะ​อะหยัง​ผิด​เลย ข้าพเจ้า​บ่ได้​อธิษฐาน​เปื้อ​หื้อ​คน​หัน​ว่า​เฮา​เป๋น​คน​ตี้​ผ่าน​ก๋าน​ทดสอบ แต่​เปื้อ​หื้อ​หมู่​ต้าน​เยียะ​ใน​สิ่ง​ตี้​ถูกต้อง เถิงแม้​ว่า​เฮา​ผ่อ​เหมือน​บ่สามารถ​ผ่าน​ก๋าน​ทดสอบ​ก็​ต๋าม

2 โครินธ์ 3:1

นี่​ผ่อ​เหมือน​ว่า​หมู่​เฮา​ก่ำลัง​ยกย่อง​ตั๋ว​เก่า​แหม​กา กาว่า​เฮา​เป๋น​เหมือน​คน​อื่นๆ ตี้​ต้องก๋าน​หนังสือ​รับรอง​ตั๋ว​เก่า​หื้อ​กับ​ต้าน กาว่า​จะ​ต้อง​หื้อ​ต้าน​ออก​หนังสือ​รับรอง​หื้อ

2 โครินธ์ 5:12

เฮา​บ่ได้​ยกย่อง​ตั๋ว​เก่า​หื้อ​กับ​หมู่​ต้าน​แหม แต่​เฮา​หื้อ​โอกาส​หมู่​ต้าน​ได้​ภูมิใจ๋​ใน​ตั๋ว​เฮา เปื้อ​หมู่​ต้าน​จะ​ได้​ตอบโต้​คน​หมู่​นั้น​ตี้​ภูมิใจ๋​แต่​สิ่ง​ตี้​อยู่​ตัง​นอก แตน​ตี้​จะ​เป๋น​สิ่ง​ตี้​อยู่​ตัง​ใน​ใจ๋

2 โครินธ์ 6:4

แต่​ใน​กู้​อย่าง​ตี้​เฮา​เยียะ เฮา​ฮิ​ตี้​จะ​เยียะ​หื้อ​คน​ตังหลาย​หัน​ว่า​เฮา​เป๋น​ผู้​ฮับใจ๊​พระเจ้า โดย​สู้​อดทน​ขนาด​หนัก​ใน​ความ​ตุ๊กยาก ความ​เดือดฮ้อน กับ​ความ​ยาก​ลำบาก

2 ทิโมธี 2:15

หื้อ​พยายาม​อย่าง​เต๋มตี้​เยียะ​หื้อ​พระเจ้า​ปอใจ๋​ต้าน เป๋น​คนงาน​ตี้​บ่มี​อะหยัง​ต้อง​อาย กับ​เป๋น​คน​ตี้​สอน​ถ้อยกำ​ตี้​เป๋น​ความ​จริง​ของ​พระเจ้า​อย่าง​ถูกต้อง

1 เปโตร 1:7

เปื้อ​ทดสอบ​ว่า​หมู่​ต้าน​มี​ความ​เจื้อ​แต๊ๆ เซิ่ง​ความ​เจื้อ​ตี้​แต๊​จริง​ก็​มี​ก้า​นัก​เหลือ​คำ ขนาด​คำ​ตี้​เสื่อม​สลาย​ได้ ยัง​ต้อง​ถูก​เผา​ไฟ​เปื้อ​หื้อ​เป๋น​คำ​ตี้​บริสุทธิ์ ความ​เจื้อ​ของ​หมู่​ต้าน​ก็​ต้อง​ถูก​ทดสอบ​เหมือน​กั๋น เมื่อ​ผ่าน​ก๋าน​ทดสอบ​ได้​แล้ว หมู่​ต้าน​ก็​จะ​ได้​ฮับ​ก๋าน​ยกย่อง ความ​ยิ่งใหญ่ กับ​เกียรติ​ใน​วัน​ตี้​พระเยซู​คริสต์​ปิ๊ก​มา​สำแดง​ตั๋ว​หื้อ​กู้​คน​หัน