1 ทิโมธี 6:19 - พระคริสตธรรมคัมภีร ภาคพันธสัญญาใหม

¹⁹ เมื่อ​เยียะ​จาอี้​แล้ว ก็​นับ​ว่า​เป๋น​ก๋าน​ฮอม​ทรัพย์​สมบัติ​ไว้​หื้อ​ตั๋ว​เก่า​ใน​สวรรค์ เซิ่ง​เป๋น​รากฐาน​ตี้​มั่นคง​สำหรับ​อนาคต เปื้อ​จะ​มี​จีวิต​ตี้​แต๊​จริง

1 ทิโมธี 6:19 Iomraidhean Croise

มัทธิว 19:21

พระเยซู​ตอบ​ว่า “ถ้า​ต้าน​ต้องก๋าน​เป๋น​คน​ดี​พร้อม​ใน​สายต๋า​ของ​พระเจ้า ต้าน​จะ​ต้อง​ไป​ขาย​ของ​กู้​อย่าง​ตี้​ต้าน​มี​อยู่ แล้ว​เอา​สตางค์​ไป​แจก​คน​ตุ๊ก​คน​จ๋น ต้าน​จึง​จะ​มี​สมบัติ​ใน​สวรรค์ แล้ว​ตวย​เฮา​มา​เป๋น​สาวก​ของ​เฮา​เต๊อะ”

ลูก๋า 12:33

ต้าน​ตังหลาย​จง​ขาย​ของ​ตี้​มี​อยู่ แล้ว​แจก​หื้อ​คน​ตุ๊ก หื้อ​แป๋ง​ถง​สตางค์​ตี้​บ่มี​วัน​ปุด คือ​มี​ทรัพย์​สมบัติ​ไว้​ใน​สวรรค์​ตี้​บ่ฮู้จัก​หมด ตี้​ขโมย​ก็​บ่เข้า​มา​ใก้ แมง​ก็​บ่มา​ขบ​กิ๋น

ลูก๋า 16:25

อับราฮัม​จึง​ตอบ​ว่า ‘ลูก​เหย เจ้า​กึ๊ด​ผ่อ​เต๊อะ​ว่า​เมื่อ​ยัง​มี​จีวิต​อยู่ เจ้า​ได้​ของ​ดี​มา​ตลอด แต่​ลาซารัส​ได้​สิ่ง​บ่ดี​เลย บ่าเดี่ยว​นี้​เขา​ได้ฮับ​ก๋าน​ปลอบใจ๋ แต่​เจ้า​ได้ฮับ​ความ​ตุ๊ก​ทรมาน

ลูก๋า 16:9

“เฮา​บอก​ต้าน​ตังหลาย​ว่า หื้อ​ใจ๊​ทรัพย์​สมบัติ​ตี้​มี​อยู่​ใน​โลก​นี้​จ้วย​คน​อื่น​เปื้อ​หื้อ​เป๋น​เปื้อน​กั๋น เปื้อ​ว่า​เมื่อ​ทรัพย์​สมบัติ​เสี้ยง​แล้ว พระเจ้า​จะ​ต้อนฮับ​ต้าน​เข้า​ใน​สวรรค์

ลูก๋า 18:2

พระองค์​อู้​ว่า “ใน​เมือง​นึ่ง​มี​ผู้​พิพากษา​คน​นึ่ง​ตี้​บ่เก๋งกั๋ว​พระเจ้า​และ​บ่สนใจ๋​ใผ

ลูก๋า 18:22

เมื่อ​พระเยซู​ได้ยิน​จาอั้น​ก็​บอก​เขา​ว่า “ต้าน​ยัง​บ่ได้​เยียะ​แหม​อย่าง​นึ่ง​คือ​หื้อ​ไป​ขาย​ของ​กู้​อย่าง​ตี้​ต้าน​มี​อยู่ แล้ว​เอา​สตางค์​ไป​แจก​คน​ตุ๊ก​คน​จ๋น ต้าน​จึง​จะ​มี​สมบัติ​ใน​สวรรค์ แล้ว​ตวย​เฮา​มา​เป๋น​สาวก​ของ​เฮา​เต๊อะ”

กาลาเทีย 5:6

ย้อน​ว่า​เมื่อ​เจื้อ​ใน​พระเยซู​คริสต์​แล้ว ก๋าน​เข้า​กาว่า​บ่เข้า​พิธี​สุหนัต ก็​บ่มี​ประโยชน์​อะหยัง แต่​สิ่ง​ตี้​สำคัญ​ก็​คือ​ความ​เจื้อ​ตี้​แสดง​ออก​มา​โดย​ความ​ฮัก

เอเฟซัส 3:17

ขอ​หื้อ​พระคริสต์​อยู่​ใน​ใจ๋​ของ​หมู่​ต้าน​โดย​ตาง​ความ​เจื้อ​ของ​หมู่​ต้าน ขอ​หื้อ​ต้าน​มั่นคง​อยู่​ใน​ความ​ฮัก

ฟีลิปปี 3:12

ข้าพเจ้า​บ่ได้​หมายเถิง​ว่า​ตั๋ว​ข้าพเจ้า​ได้​สิ่ง​หมู่​นั้น กาว่า​เป๋น​คน​ดี​สมบูรณ์​แบบ แต่​ข้าพเจ้า​ก่ำลัง​ตั้งใจ๋​ขนาด​ตี้​จะ​ไป​เถิง​เป้าหมาย​นั้น ย้อน​เป๋น​เหตุ​ตี้​พระเยซู​คริสต์​ได้​เปี๋ย​ข้าพเจ้า​มา​เป๋น​ของ​พระองค์

ฟีลิปปี 3:14

ข้าพเจ้า​ฮิ​เยียะ​อย่าง​หนัก​ตี้​จะ​ได้​เป้าหมาย​นี้ เหมือน​ล่น​เข้า​เส้นชัย​เปื้อ​ฮับ​รางวัล คือ​ก๋าน​ตี้​พระเจ้า​ฮ้อง​ข้าพเจ้า​มา​อยู่​กับ​พระองค์​ใน​สวรรค์​โดย​ตาง​พระเยซู​คริสต์

1 ทิโมธี 6:12

หื้อ​ต่อสู้​อย่าง​เต๋ม​ก๋ำลัง​เปื้อ​ฮักษา​หลัก​ความ​เจื้อ​ไว้ แล้ว​ฮับ​รางวัล คือ​จีวิต​นิรันดร์​ตี้​พระเจ้า​ฮ้อง​ต้าน​มา​ฮับ ต๋อน​ตี้​ต้าน​ได้​เป๋น​พยาน​ตี้​ดี​ใน​ความ​เจื้อ​ของ​ต้าน ต่อ​หน้า​คน​จ๋ำนวน​นัก

2 ทิโมธี 1:1

จดหมาย​ฉบับ​นี้​จาก​ข้าพเจ้า​เปาโล​ผู้​เป๋น​อัครทูต​ของ​พระเยซู​คริสต์ ต๋าม​ความ​ต้องก๋าน​ของ​พระเจ้า พระองค์​ใจ๊​ข้าพเจ้า​ไป​บอก​คน​ตังหลาย​เกี่ยวกับ​จีวิต​นิรันดร์​ตี้​พระเจ้า​สัญญา​ว่า​จะ​หื้อ โดย​เป๋น​อัน​นึ่ง​อัน​เดียว​กั๋น​กับ​พระเยซู​คริสต์

2 ทิโมธี 2:19

แต่​รากฐาน​ตี้​พระเจ้า​วาง​ไว้​ก็​แน่น​หนา​กับ​ตั้ง​มั่น​อยู่ มี​ข้อเขียน​ไว้​ว่า “องค์​พระผู้เป๋นเจ้า​ฮู้จัก​คน​ตังหลาย​ตี้​เป๋น​ของ​พระองค์” กับ “คน​ตี้​อ้าง​ว่า​เป๋น​คน​ของ​องค์​พระผู้เป๋นเจ้า ต้อง​เลิก​เยียะ​ความ​บ่ดี​เหีย”

1 เปโตร 1:4

กับ​พระเจ้า​ได้​เก็บ​มรดก​ไว้​หื้อ​กับ​หมู่​ต้าน​แล้ว​ใน​สวรรค์ เป๋น​มรดก​ตี้​บ่มี​วัน​เสียหาย เน่า​เปื่อย กาว่า​จ๋าง​หาย​ไป