1 ทิโมธี 4:13 - พระคริสตธรรมคัมภีร ภาคพันธสัญญาใหม

¹³ ขอ​หื้อ​ต้าน​เอาใจ๋​ใส่​ใน​ก๋าน​อ่าน​พระคัมภีร์​หื้อ​คน​ตังหลาย​ฟัง กับ​ใน​ก๋าน​เตสนา​ตึง​ก๋าน​สอน​ตวย​จ๋น​กว่า​ข้าพเจ้า​จะ​มา​หา​ต้าน

1 ทิโมธี 4:13 Iomraidhean Croise

ยอห์น 5:39

หมู่​ต้าน​ตั้งใจ๋​ฮ่ำเฮียน​พระคัมภีร์ ย้อน​กึ๊ด​ว่า​หมู่​ต้าน​จะ​ปะ​ตาง​ตี้​จะ​ได้ฮับ​จีวิต​นิรันดร์​ใน​นั้น พระคัมภีร์​นี้​ละ​มี​กำ​เขียน​เถิง​เฮา

กิจก๋าน 17:11

จาว​ยิว​ตี้​นี่​มี​ใจ๋​ยอมฮับ​นัก​เหลือ​จาว​ยิว​ใน​เมือง​เธสะโลนิก๋า หมู่​เขา​ฮับ​ฟัง​กำสอน​ของ​เปาโล​อย่าง​สนใจ๋ แล้ว​ศึกษา​พระคัมภีร์​ตึง​วัน เปื้อ​ใค่​ฮู้​ว่า​สิ่ง​ตี้​เปาโล​สอน​นั้น​จะ​เป๋น​เรื่อง​แต๊​สัก​มอกใด

กิจก๋าน 6:4

ส่วน​หมู่​เฮา​จะ​ตั้งอก​ตั้งใจ๋​ใจ๊​เวลา​อธิษฐาน​ตึง​สั่ง​สอน​ถ้อยกำ​ของ​พระเจ้า”

โรม 12:8

ถ้า​โผด​หื้อ​เก่ง​ใน​เรื่อง​ก๋าน​หื้อ​ก๋ำลังใจ๋​ก็​หื้อ​ก๋ำลังใจ๋ ถ้า​โผด​หื้อ​แบ่งปั๋น​ก็​หื้อ​แบ่ง​ปั๋น​ด้วย​ใจ๋​เอื้อเฟื้อ ถ้า​โผด​หื้อ​ปกครอง​ก็​หื้อ​ปกครอง​ด้วย​ก๋าน​เอา​ใจ๋​ใส่ ถ้า​โผด​หื้อ​สำแดง​ความ​เมตต๋า​ก็​หื้อ​สำแดง​ด้วย​ใจ๋​ยินดี

1 โครินธ์ 14:26

จาอั้น ปี้น้อง​ตังหลาย​จะ​ว่า​จาใด ต๋อน​ต้าน​มา​จุมนุม​กั๋น​เปื้อ​นมัสก๋าน​พระเจ้า คน​นึ่ง​ก็​ฮ้อง​เพลง แหม​คน​ก็​สอน แหม​คน​ก็​เล่า​เรื่อง​ตี้​พระเจ้า​เปิดเผย​หื้อ​เขา แหม​คน​ก็​อู้​ภาษา​อื่นๆ กับ​แหม​คน​ก็​แป๋ หื้อ​เยียะ​กู้​อย่าง​นี้​เปื้อ​หื้อ​กู้​คน​ได้​จ๋ำเริญ​ขึ้น​ใน​ความ​เจื้อ

1 โครินธ์ 14:3

แต่​คน​ตี้​บอก​ถ้อยกำ​ของ​พระเจ้า​นั้น อู้​กับ​คน​เปื้อ​หื้อ​หมู่​เขา​จ๋ำเริญ​ใน​ความ​เจื้อ กับ​หื้อ​ก๋ำลังใจ๋​ตึง​ปลอบใจ๋​คน​หมู่​นั้น

1 โครินธ์ 14:6

แต่​ปี้น้อง​ตังหลาย​เหย ถ้า​ข้าพเจ้า​มา​หา​ต้าน​แล้ว​อู้​ภาษา​อื่นๆ จะ​มี​ประโยชน์​อะหยัง นอกจาก​ข้าพเจ้า​จะ​มา​บอก​สิ่ง​ตี้​พระเจ้า​เปิดเผย​หื้อ​ฮู้ กาว่า​หื้อ​ความ​ฮู้​พิเศษ กาว่า​อู้​ถ้อย​กำ​ตี้​มา​จาก​พระเจ้า กาว่า​กำ​สั่ง​สอน​ของ​พระเจ้า

1 ทิโมธี 4:16

หื้อ​หละวัง​ก๋าน​ใจ๊​จีวิต​กับ​กำ​สอน​ของ​ต้าน​หื้อ​ดี หื้อ​เยียะ​เรื่อง​ตี้​ข้าพเจ้า​สั่ง​สอน​ไว้​ต่อ​ไป​ติกๆ ย้อน​ว่า​จะ​จ้วย​หื้อ​ต้าน​กับ​คน​ตี้​ฟัง​ต้าน​รอด​ป๊น​บาป​โต้ษ

1 ทิโมธี 4:6

ถ้า​ต้าน​บอก​เรื่อง​นี้​หื้อ​ปี้น้อง​ผู้เจื้อ​ตังหลาย​ฟัง​แล้ว ต้าน​ก็​จะ​เป๋น​ผู้​ฮับใจ๊​ตี้​ดี​ของ​พระเยซู​คริสต์ เป๋น​ผู้​ฮับใจ๊​ตี้​ฮับ​ก๋าน​เฝิ็ก​อบรม​อยู่ โดย​ก๋าน​ใจ๊​ถ้อยกำ​ของ​หลัก​ความ​เจื้อ กับ​หลักกำสอน​ตี้​ดี​ตี้​ต้าน​ได้​เยียะ​ตวย​นั้น

2 ทิโมธี 3:15

ต้าน​ก็​ฮู้จัก​พระคัมภีร์​ศักดิ์สิทธิ์​ตั้งแต่​เป๋น​หละอ่อน​มา​แล้ว ตี้​เยียะ​หื้อ​ต้าน​มี​ผญา​ปั๋ญญา​ได้ เปื้อ​นำ​ต้าน​ฮับ​ความ​รอด​ป๊น​บาป​โต้ษ โดย​เจื้อ​วางใจ๋​พระเยซู​คริสต์

2 ทิโมธี 4:2

หื้อ​บอก​ถ้อยกำ​ของ​พระเจ้า เกียม​ตั๋ว​หื้อ​พร้อม​ตี้​จะ​บอก บ่ว่า​มี​คน​สนใจ๋​กาว่า​บ่สนใจ๋ ก็​หื้อ​จั๊กจวน​คน​อื่น​แก้ไข​ความ​ผิด ตึง​ว่า​หื้อ กับ​หื้อ​ก๋ำลังใจ๋ โดย​ก๋าน​สอน​ด้วย​ความ​อดทน

ทิตัส 2:15

ย้อน​จาอั้น​หื้อ​สอน​สิ่ง​หมู่​นี้ ตึง​กระตุ้น​ผู้เจื้อ​ตี้​หั้น​หื้อ​เยียะ​ตวย กับ​ว่า​หื้อ​คน​ตี้​บ่เยียะ ต้าน​มี​สิทธิ​อำนาจ​เต๋ม​ตี้​จะ​เยียะ​จาอี้ บ่ดี​หื้อ​ใผ​ดู​แควน​เฮา​ได้​เน่อ