1 ทิโมธี 4:12 - พระคริสตธรรมคัมภีร ภาคพันธสัญญาใหม

¹² บ่ดี​หื้อ​ใผ​มา​ดู​แควน​ต้าน​ย้อน​เป๋น​คน​หนุ่ม แต่​หื้อ​เป๋น​ตั๋วอย่าง​ตี้​ดี​แก่​ผู้เจื้อ​ตังหลาย​ใน​เรื่อง​ก๋าน​อู้ ก๋าน​เยียะ​ตั๋ว​ดี ความ​ฮัก ความ​เจื้อ ตึง​ความ​บริสุทธิ์

1 ทิโมธี 4:12 Iomraidhean Croise

มัทธิว 18:10

“หละวัง​หื้อ​ดี ห้าม​ดูถูก​ดู​แควน​คน​ตี้​ต่ำต้อย​หมู่​นี้​แม้​แต่​คน​เดียว เฮา​ขอ​บอก​หื้อ​ต้าน​ตังหลาย​ฮู้​ว่า ทูตสวรรค์​ประจ๋ำ​ตั๋ว​ของ​หมู่​เขา​เข้า​เฝ้า​พระบิดา​ของ​เฮา​ตี้​ใน​สวรรค์​ตลอด

1 โครินธ์ 11:1

หื้อ​หมู่​ต้าน​เยียะ​ต๋าม​อย่าง​ข้าพเจ้า เหมือน​กับ​ตี้​ข้าพเจ้า​เยียะ​ต๋าม​อย่าง​พระคริสต์

ฟีลิปปี 4:8

ปี้น้อง​ผู้​เจื้อ​ตังหลาย ข้าพเจ้า​ขอ​สรุป​ว่า ขอ​กึ๊ด​หื้อ​ดี​ใน​สิ่ง​ต่างๆ ต่อไป​นี้ คือ​สิ่ง​ตี้​เป๋น​แต๊ ตี้​น่า​นับถือ ตี้​ยุติธรรม ตี้​บริสุทธิ์ ตี้​สมควร​จะ​ฮัก กับ​ตี้​น่า​ยกย่อง ถ้า​มี​สิ่ง​ใด​ตี้​ดี​กับ​สมควร​จะ​สรรเสริญ ก็​ขอ​หื้อ​กึ๊ด​ใน​สิ่ง​นั้น​หื้อ​ดีๆ

1 เธสะโลนิก๋า 1:6

ส่วน​ต้าน​ตังหลาย​ก็​ได้​เอา​จีวิต​ของ​หมู่​เฮา​ตึง​ของ​องค์​พระผู้เป๋นเจ้า​เป๋น​แบบ​อย่าง แม้​ต้าน​ปะ​ความ​ตุ๊กยาก​นัก​ก็​ยัง​ฮับ​ถ้อยกำ​นั้น​ด้วย​ความ​จื้นจมยินดี ตี้​มา​จาก​พระวิญญาณ​บริสุทธิ์

1 เธสะโลนิก๋า 2:10

หมู่​ต้าน​ตึง​พระเจ้า​ก็​เป๋น​พยาน​ได้​ว่า เฮา​เป๋น​คน​ตี้​เยียะ​ต๋าม​ใจ๋​พระเจ้า เป๋น​คน​ซื่อสัตย์ กับ​บ่มี​ต๋ำหนิ​ใน​หมู่​ต้าน​ตี้​เป๋น​ผู้เจื้อ

1 ทิโมธี 1:14

องค์​พระผู้เป๋นเจ้า​ของ​เฮา​หื้อ​พระคุณ​แก่​ข้าพเจ้า​นัก​ขนาด ตึง​โผด​หื้อ​มี​ความ​เจื้อ​กับ​ความ​ฮัก​เหมือน​พระเยซู​คริสต์

2 ทิโมธี 2:15

หื้อ​พยายาม​อย่าง​เต๋มตี้​เยียะ​หื้อ​พระเจ้า​ปอใจ๋​ต้าน เป๋น​คนงาน​ตี้​บ่มี​อะหยัง​ต้อง​อาย กับ​เป๋น​คน​ตี้​สอน​ถ้อยกำ​ตี้​เป๋น​ความ​จริง​ของ​พระเจ้า​อย่าง​ถูกต้อง

2 ทิโมธี 2:22

หื้อ​ต้าน​หนี​จาก​ตั๋ณหา​ของ​คน​หนุ่ม แต่​หื้อ​ล่น​ตวย​เป้าหมาย​ตี้​จะ​เป๋น​คน​ถูกต้อง​ต๋าม​ธรรม กับ​เป๋น​ผู้​มี​ความ​เจื้อ ความ​ฮัก กับ​สันติสุข ฮ่วม​กับ​คน​ตี้​อธิษฐาน​ต่อ​องค์​พระผู้เป๋นเจ้า​ด้วย​ใจ๋​บริสุทธิ์

2 ทิโมธี 2:7

กึ๊ด​ผ่อ​เรื่อง​ตี้​ข้าพเจ้า​อู้​กับ​ต้าน​หื้อ​ดี ย้อน​องค์​พระผู้เป๋นเจ้า​จะ​จ้วย​หื้อ​ต้าน​เข้าใจ๋​เรื่อง​ตึง​หมด​นี้

ทิตัส 2:15

ย้อน​จาอั้น​หื้อ​สอน​สิ่ง​หมู่​นี้ ตึง​กระตุ้น​ผู้เจื้อ​ตี้​หั้น​หื้อ​เยียะ​ตวย กับ​ว่า​หื้อ​คน​ตี้​บ่เยียะ ต้าน​มี​สิทธิ​อำนาจ​เต๋ม​ตี้​จะ​เยียะ​จาอี้ บ่ดี​หื้อ​ใผ​ดู​แควน​เฮา​ได้​เน่อ

ทิตัส 2:7

ใน​กู้​สิ่ง​กู้​อย่าง​ต้าน​ต้อง​เยียะ​ดี​เป๋น​ตั๋ว​อย่าง​ต่อ​หมู่​เขา เมื่อ​ต้าน​สอน หื้อ​สอน​อย่าง​ซื่อสัตย์​กับ​เอา​แต๊​เอา​ว่า

ยากอบ 3:13

มี​ใผ​พ่อง​ใน​หมู่​ต้าน​ตี้​มี​ผญา​ปั๋ญญา​กับ​ความ​ฮู้​ความ​เข้าใจ๋​ดี ก็​หื้อ​เขา​แสดง​หื้อ​หัน​ใน​ก๋าน​ใจ๊​จีวิต​ตี้​ถูกต้อง​ของ​เขา คือ​ก๋าน​เยียะ​โดย​ใจ๋​ถ่อม​สุภาพ​อย่าง​มี​ผญา​ปั๋ญญา

ยากอบ 3:17

แต่​ผญา​ปั๋ญญา​ตี้​มา​จาก​พระเจ้า​นั้น​ก็​คือ มี​ความ​บริสุทธิ์​เป๋น​เก๊า แล้ว​ต่อ​ไป​ก็​คือ​สร้าง​ความ​สงบสุข อะลุ้ม​อะหล่วย​กั๋น ยอม​ฮับ​ฟัง​คน​อื่น มี​ความ​เมตต๋า​เต๋ม​ล้น เกิด​ผล​ดี​โดย​ก๋าน​เยียะ​ดี บ่ลำเอียง​กับ​บ่เป๋น​คน​หน้าซื่อ​ใจ๋​ก๊ด

1 เปโตร 5:3

บ่ดี​ใจ๊​อำนาจ​ใน​ก๋าน​ปกครอง​คน​หมู่​นั้น​ตี้​พระเจ้า​ได้​หื้อ​ไว้ แต่​จง​เป๋น​แบบ​อย่าง​ตี้​ดี​หื้อ​หมู่​เขา