1 ทิโมธี 3:11 - พระคริสตธรรมคัมภีร ภาคพันธสัญญาใหม

¹¹ มัคนายก​ตี้​เป๋น​แม่ญิง​ก็​เหมือน​กั๋น ต้อง​เป๋น​คน​มี​จื้อเสียง​ดี บ่ว่า​ฮ้าย​ใส่​ความ​คน​อื่น มี​ความ​ปอดี​ใน​ก๋าน​ใจ๊​จีวิต เป๋น​คน​ซื่อสัตย์​ใน​เรื่อง​ต่างๆ

1 ทิโมธี 3:11 Iomraidhean Croise

มัทธิว 4:1

แล้ว​พระวิญญาณ​ก็​ปา​พระเยซู​เข้า​ไป​อยู่​ใน​ดินแดน​ทุรกั๋นดาร เปื้อ​หื้อ​มาร​มา​ลองใจ๋​พระองค์

ยอห์น 6:70

พระเยซู​อู้​กับ​หมู่​เขา​ว่า “เฮา​เลือก​หมู่​ต้าน​ตึง​สิบ​สอง​คน​แม่น​ก่อ แต่​คน​นึ่ง​จะ​เป๋น​มาร”

โรม 1:29

หมู่​เขา​มี​จีวิต​ตี้​มี​ก้า​สิ่ง​บ่ดี​สะป๊ะ มี​ความ​บาป ขี้โลภ แน​จะ​เยียะ​ฮ้าย​คน​อื่น ขอย​กั๋น ฆ่า​กั๋น ผิด​หัว​กั๋น จุล่าย​กั๋น กึ๊ด​ฮ้าย​ต่อ​กั๋น เล่า​ขวัญ​กั๋น

1 ทิโมธี 1:12

ข้าพเจ้า​ขอบพระคุณ​พระเยซู​คริสต์​องค์​พระผู้เป๋นเจ้า​ของ​หมู่​เฮา ตี้​หื้อ​ข้าพเจ้า​มี​แฮง​เยียะ​ก๋าน ตี้​หัน​ข้าพเจ้า​เป๋น​คน​ซื่อสัตย์ กับ​แต่งตั้ง​ข้าพเจ้า​เป๋น​ผู้​ฮับใจ๊​พระองค์

1 ทิโมธี 3:2

ผู้ปกครอง​นั้น​จะ​ต้อง​เป๋น​คน​บ่มี​ตี้​ติ มี​เมีย​คน​เดียว ใจ๊​จีวิต​อย่าง​ปอดี มี​สติ​บังคับ​ตั๋ว​ได้​ดี เป๋น​คน​ตี้​น่า​นับถือ มี​น้ำใจ๋​ฮับ​แขก กับ​สอน​คน​อื่น​ได้

1 ทิโมธี 6:2

ส่วน​หมู่​ขี้ข้า​ตี้​มี​เจ้านาย​เป๋น​ผู้เจื้อ​ก็​บ่ดี​นับถือ​เจ้านาย​หน้อย​ลง ย้อน​ว่า​เป๋น​ปี้น้อง​ผู้เจื้อ​เหมือน​กั๋น​แล้ว แต่​ควร​จะ​ฮับใจ๊​หมู่​เจ้านาย​นัก​ขึ้น​แหม ย้อน​ว่า​เจ้านาย​ตี้​ฮับ​ประโยชน์​จาก​ก๋าน​ฮับใจ๊​ของ​หมู่​ขี้ข้า​นั้น​เป๋น​ผู้เจื้อ​ตี้​ขี้ข้า​ฮัก สิ่ง​ตี้​ข้าพเจ้า​เขียน​มา​แล้ว หื้อ​สั่ง​สอน​กับ​จั๊กจวน​หื้อ​เยียะ​ต๋าม

2 ทิโมธี 3:3

บ่มี​ความ​ฮัก บ่ยอม​ยกโต้ษ​หื้อ​ใผ ใส่​ฮ้าย​คน​อื่น บ่ห้ามใจ๋ ทารุณ บ่ฮัก​ความ​ดี

2 ทิโมธี 4:5

แต่​สำหรับ​ต้าน​นั้น ขอ​หื้อ​มี​สติ​รอบคอบ​ใน​กู้​เรื่อง อดทน​ต่อ​ความ​ตุ๊กยาก เยียะ​หน้าตี้​บอก​ข่าวดี กับ​เยียะ​พันธกิจ​ของ​ต้าน​หื้อ​สำเร็จ

ทิตัส 2:3

ส่วน​คน​เฒ่า​แม่ญิง​ก็​เหมือน​กั๋น สอน​หมู่​เขา​หื้อ​มี​จีวิต​ตี้​เคารพ​ยำเก๋ง​พระเจ้า บ่ดี​ไป​อู้​ใส่​ฮ้าย​คน​อื่น​กาว่า​เป๋น​ขี้​เหล้า แต่​หื้อ​เป๋น​คน​ตี้​สอน​ใน​สิ่ง​ดีๆ

ทิตัส 3:2

กับ​บอก​หมู่​เขา​ว่า​ห้าม​ใส่ฮ้าย​คน​อื่น แต่​หื้อ​อยู่​อย่าง​สงบสุข แป๋ง​ใจ๋​หา​คน​อื่น​กับ​อ่อนน้อม​ต่อ​กู้​คน

1 เปโตร 5:8

หื้อ​หมู่​ต้าน​ควบคุม​ตั๋วเก่า กับ​เฝ้า​หละวัง​ตื่น​ตั๋ว​หื้อ​ดี ย้อน​มาร​ตี้​เป๋น​ศัตรู๋​ของ​หมู่​ต้าน​เป๋น​เหมือน​สิงโต​คำราม​เตียว​เซาะ​หา​เหยื่อ​กิ๋น​ไป​ทั่ว