1 ทิโมธี 2:10 - พระคริสตธรรมคัมภีร ภาคพันธสัญญาใหม

¹⁰ แต่​หื้อ​เยียะ​สิ่ง​ดีๆ จ้วย​คน​อื่น ก็​เปิง​กับ​แม่ญิง​ตี้​อ้าง​ตั๋ว​เก่า​ว่า​เป๋น​คน​นับถือ​พระเจ้า

1 ทิโมธี 2:10 Iomraidhean Croise

กิจก๋าน 9:36

ตี้​เมือง​ยัฟฟา​มี​ผู้เจื้อ​เป๋น​แม่ญิง​คน​นึ่ง​จื้อ​ทาบิธา​เป๋น​ภาษา​ฮีบรู แต่​ภาษา​กรีก​ว่า​โดรคัส​แป๋​ว่า​กว๋าง นาง​เป๋น​คน​จ้วย​เอา​ใจ๋ใส่​กับ​หื้อ​ตาน​แก่​คน​ตุ๊ก​คน​ยาก​มา​ตลอด

กิจก๋าน 9:39

เปโตร​จึง​ตวย​สอง​คน​นั้น​ไป เมื่อ​ไป​แผว หมู่​เขา​ก็​ปา​เปโตร​ขึ้น​ไป​ตี้​ห้อง​จั๊น​บน หมู่​แม่​หม้าย​ยืน​ไห้​สนั่น​ปั่น​ปื๊น​แวด​เปโตร กับ​จี๊​หื้อ​เปโตร​ผ่อ​เสื้อผ้า​ต่างๆ ตี้​โดรคัส​หยิบ​ไว้​ต๋อน​ยัง​มี​จีวิต​อยู่

เอเฟซัส 2:10

เฮา​เป๋น​ผล​งาน​ของ​พระเจ้า​ตี้​พระองค์​สร้าง​ขึ้น​ผ่าน​ตาง​พระเยซู​คริสต์ เปื้อ​หื้อ​เฮา​เยียะ​สิ่ง​ดีๆ ตี้​พระองค์​เกียม​ไว้​หื้อ​เฮา​เยียะ​ก่อน​แล้ว

1 ทิโมธี 2:11

เมื่อ​ฟัง​ก๋าน​สอน แม่ญิง​ควร​จะ​เฮียน​ฮู้​อย่าง​เงียบๆ กับ​ยอม​เจื้อฟัง​อย่าง​เต๋มใจ๋

1 ทิโมธี 2:9

ส่วน​แม่ญิง​ก็​หื้อ​แต่งตั๋ว​ปอดี สุภาพ​เรียบร้อย ถูก​ก๋าละเทศะ บ่แป๋ง​ผม​หื้อ​งาม​ล้ำไป​กาว่า​เอา​คำ กาว่า​ไข่มุก มา​แต่งหย้อง กาว่า​นุ่ง​เสื้อผ้า​รากา​แปง​เปื้อ​หื้อ​คน​อื่น​สนใจ๋

ทิตัส 2:14

พระองค์​ต๋าย​เปื้อ​เฮา เปื้อ​ไถ่​เฮา​หื้อ​ป๊น​อำนาจ​บาป​ตึงหมด​ตึงเสี้ยง กับ​เปื้อ​เยียะ​หื้อ​เฮา​บริสุทธิ์ แล้ว​จะ​ได้​เป๋น​คน​ของ​พระเจ้า​ตี้​เอา​แต๊​เอา​ว่า​ใน​ก๋าน​เยียะ​ความ​ดี

ทิตัส 3:8

กำ​อู้​นี้​เจื้อถือ​ได้ ข้าพเจ้า​ใค่​หื้อ​ต้าน​เน้น​เรื่อง​นี้ เปื้อ​ว่า​คน​ตี้​เจื้อ​พระเจ้า​จะ​ได้​ทุ่มเท​เยียะ​ความ​ดี เซิ่ง​เป๋น​สิ่ง​ตี้​ดี​กับ​มี​ประโยชน์​สำหรับ​กู้​คน

1 เปโตร 2:12

ขอ​หื้อ​หมู่​ต้าน​เยียะ​แต่​ความ​ดี​ต้ามก๋าง​หมู่​คน​ตี้​บ่ฮู้จัก​พระเจ้า เปื้อ​ว่า​เมื่อ​หมู่​เขา​ใส่​ฮ้าย​ว่า​หมู่​ต้าน​เยียะ​บ่ดี หมู่​เขา​ก็​จะ​หัน​เถิง​ความ​ดี​ของ​หมู่​ต้าน แล้ว​ก็​จะ​ได้​สรรเสริญ​พระเจ้า​ใน​วัน​ตี้​พระองค์​มา

2 เปโตร 3:11

เมื่อ​ฮู้​ว่า​สิ่ง​ต่างๆ หมู่​นี้​จะ​ต้อง​ถูก​ทำลาย​ไป​จาอี้​แล้ว ก็​หื้อ​หมู่​ต้าน​กึ๊ด​เอา​เต๊อะ​ว่า​จะ​ใจ๊​จีวิต​จาใด​หื้อ​บริสุทธิ์​กับ​ยำเก๋ง​พระเจ้า

วิวรณ์ 2:19

เฮา​ฮู้​สิ่ง​ตี้​หมู่​ต้าน​เยียะ กับ​ความ​ฮัก ความ​เจื้อ ก๋าน​ฮับใจ๊ ตึง​ความ​อดทน​ตี้​หมู่​ต้าน​มี เฮา​ฮู้​ว่า​บ่าเดี่ยว​นี้​หมู่​ต้าน​เยียะ​นัก​เหลือ​ตี้​เกย​เยียะ​เมื่อ​เก๊าหัวที​แหม​ก่อน