1 ทิโมธี 1:14 - พระคริสตธรรมคัมภีร ภาคพันธสัญญาใหม

¹⁴ องค์​พระผู้เป๋นเจ้า​ของ​เฮา​หื้อ​พระคุณ​แก่​ข้าพเจ้า​นัก​ขนาด ตึง​โผด​หื้อ​มี​ความ​เจื้อ​กับ​ความ​ฮัก​เหมือน​พระเยซู​คริสต์

1 ทิโมธี 1:14 Iomraidhean Croise

มัทธิว 20:9

“คน​งาน​ตี้​มา​เมื่อลูน​ต๋อน​ห้า​โมง​แลง ได้​ก้า​แฮง​ไป​คน​ละ​นึ่ง​เดนาริอัน

กิจก๋าน 15:11

แต่​เฮา​ตังหลาย​เจื้อ​ว่า​โดย​พระคุณ​ของ​พระเยซู​องค์​พระ​ผู้​เป๋น​เจ้า หมู่​เฮา​ได้​รอด​ป๊น​บาป​โต้ษ​เหมือน​กับ​หมู่​เขา”

โรม 16:20

แหม​บ่เมิน​พระเจ้า​ผู้​หื้อ​สันติสุข​จะ​ผาบ​มาร​ซาต๋าน​หื้อ​อยู่​ใต้​อำนาจ​ของ​หมู่​ต้าน ขอ​หื้อ​พระคุณ​ของ​พระเยซู​องค์​พระ​ผู้​เป๋น​เจ้า​ของ​เฮา จง​มี​แก่​ต้าน​ตังหลาย​เต๊อะ

1 โครินธ์ 15:10

แต่​ตี้​ข้าพเจ้า​เป๋น​ได้​จาอี้​ก็​ย้อน​พระคุณ​ของ​พระเจ้า​ตี้​มี​หื้อ​ข้าพเจ้า บ่ใจ้​ว่า​ตี้​พระองค์​หื้อ​นั้น​จะ​บ่มี​ประโยชน์ แต๊ๆ แล้ว ข้าพเจ้า​ฮำ​เยียะ​ก๋าน​หนัก​เหลือ​หมู่​อัครทูต​ตึงหมด เถิง​แม้ว่า​บ่ใจ้​ข้าพเจ้า​ตี้​เป๋น​คน​เยียะ แต่​เป๋น​พระคุณ​ของ​พระเจ้า​ตี้​อยู่​กับ​ข้าพเจ้า​เยียะ

1 โครินธ์ 3:10

ต๋าม​ตี้​พระเจ้า​ได้​หื้อ​พระคุณ​กับ​ข้าพเจ้า ข้าพเจ้า​เป๋น​เหมือน​สล่า​ตี้​มี​ประสบก๋ารณ์​นัก​ตี้​ได้​วาง​ฐาน​ไว้ แล้ว​ก็​มี​แหม​คน​มา​ก่อ​ขึ้น​ต่อ​จาก​ฐาน​นั้น แต่​ละ​คน​ก็​จะ​ต้อง​หละวัง​หื้อ​ดี​ว่า​จะ​ก่อ​ขึ้น​จาใด

2 โครินธ์ 13:14

ขอ​พระคุณ​ของ​พระเยซู​คริสต์​องค์​พระ​ผู้​เป๋น​เจ้า กับ​ความ​ฮัก​ของ​พระเจ้า ตึง​ก๋าน​มี​ส่วน​ฮ่วม​กั๋น​ย้อน​พระวิญญาณ​บริสุทธิ์ จง​มี​แก่​หมู่​ต้าน​เต๊อะ

2 โครินธ์ 4:15

ย้อน​ว่า​กู้​อย่าง​ตี้​เกิด​ขึ้น​กับ​เฮา​นี้​ก็​เปื้อ​หัน​แก่​หมู่​ต้าน เปื้อ​ว่า​ยิ่ง​มี​คน​จ๋ำนวน​นัก​เต้าใด​ตี้​ได้ฮับ​พระคุณ​ของ​พระเจ้า ก็​จะ​มี​คน​จ๋ำนวน​นัก​เต้าอั้น​ตี้​จะ​อธิษฐาน​ขอบพระคุณ​พระเจ้า พระองค์​ก็​จะ​ได้ฮับ​เกียรติ

2 โครินธ์ 8:9

ย้อน​หมู่​ต้าน​ฮู้จัก​พระคุณ​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​แล้ว​ว่า เถิงแม้​พระองค์​มั่งคั่ง แต่​ก็​ยอม​เป๋น​คน​ตุ๊ก ย้อน​หันแก่​หมู่​ต้าน เปื้อ​หมู่​ต้าน​จะ​ได้​เป๋น​คน​มั่งคั่ง​โดย​ตี้​พระองค์​ยอม​เป๋น​คน​ตุ๊ก​ยาก

กาลาเทีย 1:13

ต้าน​ตังหลาย​ก็​ฮู้​อยู่​แล้ว​ว่า ต๋อน​ตี้​ข้าพเจ้า​ถือ​ศาสนา​ยิว​นั้น ข้าพเจ้า​เป๋น​คน​จาใด ข้าพเจ้า​ได้​ข่ม​เหง​คริสตจักร​ของ​พระเจ้า​อย่าง​หนัก กับ​ฮิ​ตี้​จะ​ทำลาย​หมู่​เขา​จ๋น​เสี้ยง​ตึง​หมด

1 เธสะโลนิก๋า 1:3

เมื่อ​หมู่​เฮา​อธิษฐาน​ต่อ​พระเจ้า​พระบิดา​ของ​เฮา​เผื่อ​หมู่​ต้าน หมู่​เฮา​กึ๊ด​เถิง​ก๋านงาน​ของ​หมู่​ต้าน​ตี้​เกิด​จาก​ความ​เจื้อ ตึง​กึ๊ด​เถิง​ตี้​ต้าน​เต๋มใจ๋​เยียะ​ก๋าน​หนัก​ย้อน​ความ​ฮัก กับ​กึ๊ด​เถิง​ความ​อดทน​ของ​ต้าน​ตี้​เกิด​จาก​ความ​หวัง​ใน​พระเยซู​คริสต์​องค์​พระผู้เป๋นเจ้า​ของ​เฮา

1 เธสะโลนิก๋า 5:8

แต่​เฮา​เป๋น​ของ​เมื่อวัน​ก็​หื้อ​ควบคุม​ตั๋ว​เก่า​เน่อ โดย​เอา​ความ​เจื้อ​กับ​ความ​ฮัก​มา​ใส่​เหมือน​เป๋น​เกราะ​ป้องกั๋น​อก​ไว้ ตึง​เอา​ความ​หวัง​ตี้​พระเจ้า​จะ​จ้วย​หื้อ​หมู่​เฮา​รอด​ป๊น​บาป​โต้ษ มา​สุบ​หัว​เหมือน​เป๋น​หมวก​เหล็ก

1 ทิโมธี 2:15

จาใด​ก็​ต๋าม​แม่ญิง​จะ​รอด​ป๊น​บาป​โต้ษ​ได้​ตาง​ก๋าน​เกิด​ลูก ถ้า​มั่นคง​ใน​ความ​เจื้อ ความ​ฮัก ความ​บริสุทธิ์ กับ​ใจ๊​จีวิต​หื้อ​เหมาะสม

1 ทิโมธี 4:12

บ่ดี​หื้อ​ใผ​มา​ดู​แควน​ต้าน​ย้อน​เป๋น​คน​หนุ่ม แต่​หื้อ​เป๋น​ตั๋วอย่าง​ตี้​ดี​แก่​ผู้เจื้อ​ตังหลาย​ใน​เรื่อง​ก๋าน​อู้ ก๋าน​เยียะ​ตั๋ว​ดี ความ​ฮัก ความ​เจื้อ ตึง​ความ​บริสุทธิ์

1 ทิโมธี 6:11

แต่​ต้าน​เป๋น​คน​ของ​พระเจ้า หื้อ​หนี​จาก​เรื่อง​ขี้โลภ​นี้​เหีย​เน่อ หื้อ​ตั้ง​เป้าหมาย​เป๋น​คน​ตี้​ถูกต้อง​ต๋าม​ธรรม เป๋น​คน​ยำเก๋ง​พระเจ้า เป๋น​ผู้​มี​ความ​เจื้อ ความ​ฮัก ความ​อดทน กับ​ความ​อ่อนน้อม

2 ทิโมธี 1:13

หื้อ​ยึดถือ​กำสอน​ตี้​ถูกต้อง​ตี้​ต้าน​เฮียน​จาก​ข้าพเจ้า​นี้​เป๋น​แบบ​อย่าง กับ​หื้อ​มั่นคง​ใน​ความ​เจื้อ​ตึง​ความ​ฮัก​ตี้​เฮา​มี​ย้อน​เป๋น​น้ำนึ่ง​ใจ๋เดียว​กั๋น​กับ​พระเยซู​คริสต์

2 ทิโมธี 2:22

หื้อ​ต้าน​หนี​จาก​ตั๋ณหา​ของ​คน​หนุ่ม แต่​หื้อ​ล่น​ตวย​เป้าหมาย​ตี้​จะ​เป๋น​คน​ถูกต้อง​ต๋าม​ธรรม กับ​เป๋น​ผู้​มี​ความ​เจื้อ ความ​ฮัก กับ​สันติสุข ฮ่วม​กับ​คน​ตี้​อธิษฐาน​ต่อ​องค์​พระผู้เป๋นเจ้า​ด้วย​ใจ๋​บริสุทธิ์

ทิตัส 2:2

สอน​คน​เฒ่า​ป้อจาย​หื้อ​มี​ความ​ปอ​ดี​ใน​ก๋าน​ใจ๊​จีวิต ตึง​เป๋น​คน​ตี้​น่า​นับถือ มี​สติ​บังคับ​ตั๋ว​เก่า​ได้​ดี ตึง​เป๋น​คน​ตี้​เข้มแข็ง​ใน​ความ​เจื้อ มั่นคง​ใน​ความ​ฮัก กับ​มี​ความ​อดทน

1 เปโตร 1:3

สรรเสริญ​พระเจ้า​พระบิดา​ของ​พระเยซู​คริสต์​องค์​พระผู้เป๋นเจ้า​ของ​เฮา ย้อน​ความ​เมตต๋า​อัน​ยิ่งใหญ่​ของ​พระองค์​ตี้​เยียะ​หื้อ​เฮา​ได้​เกิด​ใหม่​โดย​ก๋าน​เยียะ​หื้อ​พระเยซู​เป๋น​ขึ้น​จาก​ความ​ต๋าย จีวิต​ของ​เฮา​จึง​มี​ความ​หวัง​ตี้​แน่นอน

1 ยอห์น 4:10

ความ​ฮัก​ก็​เป๋น​จาอี้​ละ บ่ใจ้​ว่า​เฮา​ฮัก​พระเจ้า​แต่​ว่า​พระองค์​ฮัก​เฮา จึง​ส่ง​พระบุตร​ของ​พระองค์​มา​เป๋น​เครื่องปู่จา​เปื้อ​ฮับ​เอา​ความ​บาป​ของ​เฮา​ไป

วิวรณ์ 22:21

ขอ​หื้อ​หมู่​ต้าน​กู้​คน​ได้ฮับ​พระคุณ​จาก​พระเยซู​องค์​พระผู้เป๋นเจ้า​เต๊อะ อาเมน