1 เธสะโลนิก๋า 4:13 - พระคริสตธรรมคัมภีร ภาคพันธสัญญาใหม

¹³ ปี้น้อง​ตังหลาย หมู่​เฮา​ใค่​หื้อ​หมู่​ต้าน​ฮู้​เรื่อง​เกี่ยว​กับ​คน​ตี้​ล่วงหลับ​ไป​แล้ว ว่า​จะ​มี​อะหยัง​เกิด​ขึ้น​กับ​คน​หมู่​นั้น​พ่อง เปื้อ​ต้าน​จะ​บ่เศร้า​เสียใจ๋​เหมือน​คน​อื่น​ตี้​บ่มี​ความ​หวัง

1 เธสะโลนิก๋า 4:13 Iomraidhean Croise

มัทธิว 27:52

อุโมงค์​ฝัง​ศพ​เปิด​อ้า​โต้โล้ คน​ของ​พระเจ้า​หลาย​คน​ตี้​ต๋าย​ไป​แล้ว​เป๋น​ขึ้น​จาก​ความ​ต๋าย

ยอห์น 11:24

มารธา​อู้​ว่า “ข้าเจ้า​ฮู้​ว่า​เขา​จะ​เป๋น​ขึ้น​จาก​ความ​ต๋าย​ใน​วัน​สุดต๊าย”

กิจก๋าน 13:36

กษัตริย์​ดาวิด​บ่ได้​อู้​หมายเถิง​ตั๋วเก่า ย้อน​ต้าน​ฮับใจ๊​พระเจ้า​ต๋าม​ความ​ต้องก๋าน​ของ​พระองค์​ใน​เวลา​มี​จีวิต​อยู่ เมื่อ​ต๋าย​ไป​ศพ​ของ​ต้าน​ก็​ฝัง​ไว้​ใน​ตี้​ฝังศพ​ของ​ป้ออุ๊ย​แม่หม่อน แล้ว​ก็​เปื่อย​เน่า​ไป

กิจก๋าน 7:60

แล้ว​สเทเฟน​ก็​คุก​เข่า​ฮ้อง​ออก​ปาก​เสียง​ดัง​ว่า “พระองค์​เจ้าข้า ห้าม​เอา​โต้ษ​หมู่​เขา​เน่อ ตี้​หมู่​เขา​ปา​กั๋น​เยียะ​บาป​นี้” เมื่อ​อู้​จบ​แล้ว​สเทเฟน​ก็​ต๋าย

กิจก๋าน 8:2

หมู่​คน​ตี้​ยำเก๋ง​พระเจ้า​จัดก๋าน​ฝัง​ศพ​สเทเฟน แล้ว​ปา​กั๋น​ไห้​ฮ่ำหา​สเทเฟน​ด้วย​ความ​โศกเศร้า​เสียใจ๋​ขนาด

โรม 1:13

ปี้น้อง​ผู้เจื้อ​ตังหลาย​เหย ข้าพเจ้า​ใค่​หื้อ​ต้าน​ตังหลาย​ฮู้​ว่า​ข้าพเจ้า​ตั้งใจ๋​หลาย​เตื้อ​แล้ว​ว่า​จะ​มา​หา​หมู่​ต้าน เปื้อ​จะ​ได้​เก็บ​เกี่ยว​ผล​ใน​หมู่​ต้าน​เหมือน​กับ​ตี้​เกิด​ขึ้น​ใน​หมู่​คน​ต่างจ้าด​อื่นๆ มา​แล้ว แต่​ก็​มี​เหตุ​ขัดข้อง​หื้อ​มา​หา​บ่ได้​จ๋น​แผว​บ่าเดี่ยว​นี้

1 โครินธ์ 10:1

ปี้น้อง​ตังหลาย ข้าพเจ้า​ขอ​หื้อ​หมู่​ต้าน​กึ๊ด​เถิง​ต๋อน​ตี้​ป้อ​อุ๊ย​แม่​หม่อน​ของ​เฮา​ได้​ตวย​โมเสส​ไป หมู่​เขา​อยู่​ใต้​ก๋าน​ปกป้อง​ของ​เมฆ กับ​ได้​เตียว​ลัด​ทะเล​ไป​กู้​คน

1 โครินธ์ 12:1

ปี้น้อง​ตังหลาย ข้าพเจ้า​ใค่​หื้อ​ต้าน​เข้าใจ๋​เรื่อง​ของ​ประทาน​จาก​พระวิญญาณ

1 โครินธ์ 15:6

ต่อ​จาก​นั้น พระองค์​มา​ป๋ากฏ​หื้อ​หมู่​ปี้น้อง​ผู้เจื้อ​นัก​เหลือ​ห้า​ร้อย​คน​หัน​พร้อม​กั๋น เถิงแม้​บาง​คน​จะ​ต๋าย​ไป​แล้ว แต่​หลาย​คน​ยัง​มี​จีวิต​อยู่​จ๋น​เถิง​บ่าเดี่ยว​นี้

2 โครินธ์ 1:8

ปี้น้อง​ผู้เจื้อ​ตังหลาย เฮา​ใค่​หื้อ​หมู่​ต้าน​ฮู้​เถิง​ความ​ตุ๊ก​ยาก​ลำบาก​ตี้​เฮา​ได้ฮับ​ใน​แคว้น​เอเชีย เซิ่ง​เป๋น​ความ​ตุ๊ก​ยาก​อย่าง​หนัก​เกิ๋น​ก๋ำลัง​ของ​เฮา​ตี้​จะ​ทน​ได้ เฮา​ปอ​หมด​หวัง​ตี้​จะ​เอา​จีวิต​รอด

เอเฟซัส 2:12

หื้อ​จ๋ำ​ไว้​เต๊อะ​ว่า ตะก่อน​หมู่​ต้าน​ใจ๊​จีวิต​โดย​บ่มี​พระคริสต์ บ่ได้​เป๋น​จาว​อิสราเอล กับ​บ่มี​ส่วน​ฮ่วม​ใน​พันธสัญญา​ตี้​พระเจ้า​หื้อ​ไว้ หมู่​ต้าน​ใจ๊​จีวิต​ใน​โลก​นี้ อย่าง​บ่มี​ความ​หวัง​กับ​บ่มี​พระเจ้า

เอเฟซัส 2:3

ตะก่อน​หมู่​เฮา​กู้​คน​ก็​เกย​ใจ๊​จีวิต​อย่าง​คน​หมู่​นั้น​เหมือน​กั๋น คือ​เฮา​เยียะ​ต๋าม​กิเลส​ตั๋ณหา​ของ​สันดาน​บาป กับ​เยียะ​ต๋าม​ความ​ต้องก๋าน​ของ​ตั๋ว​กับ​จิตใจ๋​ของ​เฮา เซิ่ง​เฮา​สมควร​แล้ว​ตี้​จะ​ต้อง​ฮับ​ก๋าน​ลงโต้ษ​จาก​พระเจ้า​เหมือน​คน​อื่นๆ ย้อน​บาป​ของ​เฮา​เยียะ​หื้อ​พระเจ้า​โขด

1 เธสะโลนิก๋า 4:14

แต่​หมู่​เฮา​เจื้อ​ว่า​พระเยซู​ต๋าย​แล้ว​กับ​เป๋น​ขึ้น​จาก​ความ​ต๋าย เยียะ​หื้อ​หมู่​เฮา​เจื้อ​ว่า พระเจ้า​จะ​ฮับ​ผู้เจื้อ​ตี้​ล่วงหลับ​ไป​แล้ว​นั้น​ปิ๊ก​มา​กับ​พระเยซู

1 เธสะโลนิก๋า 4:15

ต๋อน​นี้​หมู่​เฮา​จะ​บอก​ถ้อยกำ​จาก​องค์​พระผู้เป๋นเจ้า​หื้อ​หมู่​ต้าน ก็​คือ​วัน​ตี้​พระเยซู​จะ​ปิ๊ก​มา หมู่​คน​ตี้​ต๋าย​ไป​แล้ว​จะ​ไป​ปะ​พระองค์​ก่อน​หมู่​เฮา​ตี้​ยัง​มี​จีวิต​อยู่

1 เธสะโลนิก๋า 5:10

ผู้​ตี้​ต๋าย​เปื้อ​เฮา เปื้อ​เฮา​จะ​อยู่​กับ​พระองค์​เมื่อ​พระองค์​ปิ๊ก​มา บ่ว่า​เฮา​ยัง​เป๋น​อยู่​กาว่า​ต๋าย​ไป​แล้ว

1 เธสะโลนิก๋า 5:6

ย้อนจาอั้น​ห้าม​เมา​หลับ​อย่าง​คน​อื่น​ตี้​บ่ฮู้​ว่า​พระเยซู​จะ​ปิ๊ก​มา​แหม แต่​หื้อ​เฮา​เฝ้า​หละวัง​ตื่น​ตั๋ว กับ​ควบคุม​ตั๋ว​เก่า​อยู่​เสมอ

2 เปโตร 3:4

“พระคริสต์​สัญญา​ว่า​จะ​ปิ๊ก​มา​บ่ใจ้​กา แล้ว​มี​ไหน​ละ ป้อ​อุ๊ย​แม่​หม่อน​ของ​เฮา​ก็​ต๋าย​กั๋น​ไป​หมด​ละ แต่​กู้​สิ่ง​กู้​อย่าง​ก็​ยัง​เหมือน​เก่า​อย่าง​ตี้​เป๋น​มา​ตั้งแต่​พระเจ้า​สร้าง​โลก”

2 เปโตร 3:8

ปี้น้อง​ตี้​ข้าพเจ้า​ฮัก​เหย ห้าม​ลืม​ความ​จริง​ข้อ​นี้​เน่อ คือ สำหรับ​พระเจ้า​แล้ว​วัน​เดียว​ก็​เต้า​กับ​ปัน​ปี๋ ปัน​ปี๋​ก็​เต้า​กับ​วัน​เดียว