1 เธสะโลนิก๋า 2:16 - พระคริสตธรรมคัมภีร ภาคพันธสัญญาใหม

¹⁶ หมู่​เขา​ขัดขวาง​บ่หื้อ​เฮา​บอก​ข่าวดี​หื้อ​หมู่​คน​ต่างจ้าด เซิ่ง​เป๋น​ตาง​ตี้​หมู่​นั้น​จะ​ฮับ​ความ​รอด​ป๊น​บาป​โต้ษ หมู่​เขา​เยียะ​จาอี้​ก็​เตื่อม​ความ​บาป​นัก​ขึ้น​ติกๆ แล้ว​ใน​ตี้​สุด​พระเจ้า​จะ​ลงโต้ษ​หมู่​เขา​อย่าง​แน่นอน

1 เธสะโลนิก๋า 2:16 Iomraidhean Croise

มัทธิว 12:45

ผี​ฮ้าย​ตั๋ว​นั้น​ก็​ไป​จวน​ผี​ตั๋ว​อื่นๆ แหม​เจ็ด​ตั๋ว​ตี้​ฮ้าย​เหลือ​มัน​แหม แล้ว​ปา​กั๋น​เข้า​มา​อยู่​ใน​เฮือน​หลัง​นั้น สุดต๊าย​แล้ว​คนๆ นั้น​ก็​ซ้ำ​ฮ้าย​เหลือ​เก่า​แหม คน​บ่ดี​ใน​สมัย​นี้​ก็​จะ​มี​สภาพ​เหมือน​จาอั้น​ตวย”

มัทธิว 23:32

ย้อน​จาอั้น หื้อ​เยียะ​บาป​ตี้​ป้อ​อุ๊ย​แม่​หม่อน​ของ​หมู่​เจ้า​ได้​ตั้งเก๊า​เยียะ​ไว้​หื้อ​เสร็จ​เหีย​เต๊อะ

มัทธิว 24:14

คน​จะ​บอก​ข่าวดี​เรื่อง​แผ่นดิน​ของ​พระเจ้า​ไป​ใคว่​ตึง​โลก เปื้อ​กู้​จ้าด​จะ​ได้ยิน​ข่าวดี​นี้ แล้ว​วัน​สิ้น​โลก​จะ​มา​เถิง

มัทธิว 24:6

ต้าน​ตังหลาย​จะ​ได้ยิน​เรื่อง​สงคราม กับ​ได้​ข่าว​ลือ​ว่า​เกิด​สงคราม​ตึง​ใก้​ตึง​ไก๋ ก็​บ่ถ้า​ตก​อก​ตก​ใจ๋ ย้อน​เรื่อง​จาอี้​จะ​ต้อง​เกิด​ขึ้น​ก่อน แต่​ยัง​บ่เถิง​วัน​เสี้ยง​สุด​ของ​โลก​เตื้อ

มัทธิว 3:12

พระองค์​เหมือน​จาวนา มือ​ของ​พระองค์​ก๋ำ​ผาก​หะ​ข้าว​ไว้ แล้ว​พระองค์​จะ​สะสาง​ตะราง​ตี๋​ข้าว​จ๋น​ใคว่ จะ​เก็บ​ข้าว​เต้ง​ไว้​ใน​หลองข้าว ส่วน​ข้าว​ลีบ​ก็​จะ​เอา​ไป​เผา​ไฟ​ตี้​บ่ฮู้จัก​ดับ”

มาระโก 16:16

คน​ใด​เจื้อ​และ​ฮับ​บัพติศมา​คน​นั้น​ก็​จะ​รอด​ป๊น​บาป​โต้ษ แต่​คน​ใด​บ่เจื้อ​จะ​ถูก​ตัดสิน​ลง​โต้ษ

กิจก๋าน 13:45

เมื่อ​จาว​ยิว​หัน​หมู่​คน​ปา​กั๋น​มา​จ๋ำนวน​นัก ก็​ขอย​ขนาด จึง​อู้​คัดค้าน​กำ​ของ​เปาโล​อย่าง​หยาบคาย

กิจก๋าน 13:50

แต่​หมู่​จาว​ยิว​ไป​สุ่ย​หมู่​แม่ญิง​คน​ต่างจ้าด​ตี้​มี​ฐานะ​ดี​กับ​นับถือ​พระเจ้า ตึง​หมู่​ป้อจาย​ตี้​เป๋นใหญ่​เป๋นโต​ใน​เมือง หื้อ​ปา​กั๋น​ค่ำเข​แล้ว​ไล่เหิบ​เปาโล​กับ​บารนาบัส​ออก​ไป​จาก​ดินแดน​ของ​หมู่​เขา​เหีย

กิจก๋าน 14:19

แล้ว​มี​จาว​ยิว​บาง​คน​มา​จาก​เมือง​อันทิโอก​กับ​เมือง​อิโคนียูม​จั๊กจวน​คน​ตังหลาย​เข้า​ฮ่วม​กับ​หมู่​เขา แล้ว​ปา​กั๋น​เอา​บ่าหิน​ขว้าง​เปาโล เมื่อ​กึ๊ด​ว่า​เปาโล​ต๋าย​แล้ว ก็​ปา​กั๋น​ลาก​ออก​ไป​ไว้​นอก​เมือง

กิจก๋าน 14:2

แต่​หมู่​จาว​ยิว​ตี้​บ่ยอม​ฮับเจื้อ​ปา​กั๋น​สุ่ย​คน​ต่างจ้าด​หื้อ​โขด​หมู่​ปี้น้อง​ผู้เจื้อ

กิจก๋าน 14:5

คน​ต่างจ้าด​กับ​จาว​ยิว​บาง​คน​ฮ่วม​กับ​หมู่​ผู้​นำ​ของ​หมู่​เขา ปา​กั๋น​วาง​แผนก๋าน​จะ​เยียะ​ฮ้าย ตึง​จะ​เอา​บ่าหิน​ขว้าง​เปาโล​กับ​บารนาบัส​หื้อ​ต๋าย

กิจก๋าน 17:13

แต่​เมื่อ​จาว​ยิว​ใน​เมือง​เธสะโลนิก๋า​ฮู้​ว่า​เปาโล​มา​สั่ง​สอน​ถ้อยกำ​ของ​พระเจ้า​ตี้​เมือง​เบโรอา ก็​ปา​กั๋น​มา​ตี้​หั้น แล้ว​สุ่ย​จาวบ้าน​จาว​เมือง​หื้อ​ต่อต้าน​เปาโล

กิจก๋าน 19:9

แต่​มี​บาง​คน​หลึ่ง​บ่ยอม​เจื้อ แล้ว​อู้จ๋า​หยาบจ๊า​ต่อ​ลัทธิ​นั้น​ตี้​ฮ้อง​ว่า ตาง​ของ​พระเยซู ต่อ​หน้า​คน​ตังหลาย ย้อน​จาอั้น​เปาโล​จึง​ปา​หมู่​ผู้เจื้อ​แยก​ไป​อู้จ๋า​โต้ตอบ​กั๋น​ตึง​วัน​ตี้​ห้อง​ประชุม​ของ​ทีรันนัส

กิจก๋าน 21:21

มี​คน​บอก​จาว​ยิว​ใน​กรุง​เยรูซาเล็ม​ว่า ต้าน​สอน​จาว​ยิว​กู้​คน​ตี้​อยู่​ตวย​คน​ต่างจ้าด​หื้อ​ละ​บท​บัญญัติ​ของ​โมเสส​เหีย โดย​บอก​ว่า​บ่ต้อง​เยียะ​พิธี​สุหนัต​หื้อ​กับ​ลูกบ่าว​ของ​เขา​นั้น กาว่า​เยียะ​ต๋าม​ฮีต​เก่า​ฮอย​เดิม​ของ​จาว​ยิว

กิจก๋าน 23:12

วัน​ถัด​มา​จาว​ยิว​มา​สุมหัว​กั๋น​วางแผน​จะ​ฆ่า​เปาโล แล้ว​สาบาน​ฮ่วม​กั๋น​ว่า​จะ​บ่กิ๋น​ข้าว​กิ๋น​น้ำ​จ๋น​กว่า​จะ​ฆ่า​เขา​ได้​เหีย​ก่อน

กิจก๋าน 24:9

จาว​ยิว​คน​อื่นๆ ก็​เข้า​มา​ฮ่วม​ยืนยัน​ว่า ตี้​เทอร์ทูลลัส​อู้​มา​ตึงหมด​ก็​เป๋น​เรื่อง​แต๊

กิจก๋าน 25:2

ตี้​หั้น​หมู่​หัวหน้า​ปุโรหิต​กับ​หมู่​ผู้นำ​จาว​ยิว​ยื่น​ข้อ​กล่าวหา​เปาโล​ต่อ​เฟสทัส

กิจก๋าน 25:7

เมื่อ​เปาโล​มา​แผว​แล้ว หมู่​จาว​ยิว​ตี้​มา​จาก​กรุง​เยรูซาเล็ม​ก็​มา​ยืน​แวด​ตะหลุ้ม​กล่าวหา​ว่า เปาโล​เยียะ​ผิด​ฮ้ายแฮง​หลาย​อย่าง แต่​ข้อหา​หมู่​นั้น หมู่​เขา​พิสูจน์​บ่ได้​สัก​ข้อ

กิจก๋าน 4:12

นอกจาก​พระเยซู​แล้ว ก็​บ่มี​ใผ​จ้วย​หมู่​เฮา​รอด​ป๊น​บาป​โต้ษ​ได้ ย้อน​ว่า​บ่มี​ใผ​คน​ใด​ใน​โลก​ตี้​พระเจ้า​หื้อ​เป๋น​ผู้​จ้วย​หื้อ​รอด​สำหรับ​หมู่​เฮา”

กิจก๋าน 9:23

หลาย​วัน​ผ่าน​ไป หมู่​จาว​ยิว​วางแผน​จะ​ฆ่า​เซาโล​เหีย

1 โครินธ์ 10:33

เหมือน​ตี้​ข้าพเจ้า​ฮิ​เยียะ​กู้​อย่าง​เปื้อ​หื้อ​กู้​คน​ปอใจ๋ โดย​ตี้​ข้าพเจ้า​บ่ได้​กึ๊ด​เถิง​ตั๋ว​เก่า​เลย แต่​กึ๊ด​เถิง​คน​ตังหลาย เปื้อ​ว่า​หมู่​เขา​จะ​ได้​รอด​ป๊น​บาป​โต้ษ

กาลาเทีย 5:11

ปี้น้อง​ผู้เจื้อ​ตังหลาย ถ้า​เป๋น​เรื่อง​แต๊​ตี้​ข้าพเจ้า​สอน​หื้อ​ฮับ​ความ​รอด​ป๊น​บาป​โต้ษ​โดย​ก๋าน​เข้า​พิธี​สุหนัต แล้ว​เป๋น​จาใด​ข้าพเจ้า​จึง​ถูก​ค่ำ​จาอี้ ถ้า​ข้าพเจ้า​สอน​จาอั้น​ก๋าน​สอน​เรื่อง​ก๋าน​ต๋าย​ของ​พระเยซู​บน​ไม้​ก๋าง​เขน ก็​บ่เป๋น​ปั๋ญหา​สำหรับ​จาว​ยิว​แหม​ต่อไป

เอเฟซัส 3:13

จาอั้น​ข้าพเจ้า​ขอ​หื้อ​หมู่​ต้าน บ่ต้อง​อ่อนใจ๋​ตี้​ข้าพเจ้า​ก่ำลัง​ตุ๊กยาก​เปื้อ​หมู่​ต้าน ย้อน​สิ่ง​หมู่​นี้​ก็​เปื้อ​หื้อ​หมู่​ต้าน​ได้​ฮับ​เกียรติ

เอเฟซัส 3:8

เถิงแม้​ว่า ข้าพเจ้า​เป๋น​คน​ตี้​ต่ำต้อย​เหลือ​คน​ต่ำต้อย​ตี้​สุด​ใน​หมู่​คน​ของ​พระเจ้า แต่​พระเจ้า​ก็​ได้​หื้อ​พระคุณ​นี้​กับ​ข้าพเจ้า​เปื้อ​หื้อ​เอา​ข่าวดี​มา​บอก​คน​ต่างจ้าด ข่าวดี​นั้น​ก็​คือ​ปอน​ของ​พระคริสต์​ตี้​นัก​จ๋น​สุด​กำกึ๊ด​ตี้​จะ​กึ๊ด​ได้

1 เธสะโลนิก๋า 1:10

ตึง​อู้​เถิง​เรื่อง​ต้าน​ตังหลาย​กองถ้า​บุตร​ของ​พระเจ้า​จาก​สวรรค์ คือ​พระเยซู​คริสต์​ผู้​ตี้​พระเจ้า​ได้​โผด​หื้อ​ปิ๊ก​เป๋น​ขึ้น​จาก​ความ​ต๋าย ผู้จ้วย​หื้อ​เฮา​ป๊น​จาก​โต้ษ​ตี้​จะ​มา​ปาย​หน้า​นั้น

2 เธสะโลนิก๋า 2:10

เขา​จะ​ใจ๊​อุบาย​กู้​อย่าง​ล่อลวง​คน​ตี้​จะ​ต้อง​พินาศ ย้อน​หมู่​เขา​บ่ยอม​ฮัก​ความ​จริง​ตี้​จะ​จ้วย​หมู่​เขา​รอด​ป๊น​จาก​ความ​พินาศ​ได้

1 ทิโมธี 2:4

ผู้​ตี้​ใค่​หื้อ​กู้​คน​รอด​ป๊น​บาป​โต้ษ​กับ​ฮู้จัก​ความ​จริง

ฮีบรู 6:8

แต่​แผ่นดิน​ตี้​มี​หนาม​ตึง​หน้อย​ตึง​ใหญ่​เต๋ม​ไป​หมด​ก็​บ่มี​ก้า กับ​เสี่ยง​ต่อ​ก๋าน​ถูก​แจ้ง สุดต๊าย​ก็​ถูก​เผา​ไฟ

วิวรณ์ 22:11

ปล่อย​คน​ตี้​เยียะ​ผิด​หื้อ​เยียะ​ผิด​ต่อ​ไป คน​ลามก​ก็​หื้อ​ลามก​ต่อ​ไป ส่วน​คน​ตี้​เยียะ​ถูก​ก็​หื้อ​เยียะ​จาอั้น​ต่อ​ไป คน​บริสุทธิ์​ก็​หื้อ​เป๋น​คน​บริสุทธิ์​ต่อ​ไป”