1 เปโตร 5:9 - พระคริสตธรรมคัมภีร ภาคพันธสัญญาใหม

⁹ จง​ใจ๊​ความ​เจื้อ​ตี้​มั่นคง​ต่อสู้​กับ​มาร ย้อน​หมู่​ต้าน​ฮู้​แล้ว​ว่า ปี้น้อง​ผู้เจื้อ​ใคว่​โลก ก็​ปะ​กับ​ความ​ตุ๊กยาก​อย่าง​เดียว​กั๋น​นี้

1 เปโตร 5:9 Iomraidhean Croise

ลูก๋า 22:32

แต่​เฮา​ได้​อธิษฐาน​เผื่อ​ตั๋ว​ต้าน เปื้อ​ต้าน​จะ​บ่ได้​ขาด​ความ​เจื้อ แล้ว​เมื่อ​ต้าน​กลับใจ๋​มา​หา​เฮา ก็​หื้อ​จ้วย​หมู่​ปี้น้อง​หื้อ​มี​ความ​เจื้อ​เข้มแข็ง​นัก​ขึ้น​ตวย​เน่อ”

ยอห์น 16:33

“เฮา​บอก​เรื่อง​หมู่​นี้​กับ​หมู่​ต้าน​ไว้​เปื้อ​สันติสุข​ของ​เฮา​จะ​อยู่​กับ​หมู่​ต้าน ใน​โลก​นี้​ต้าน​จะ​ปะ​ความ​ตุ๊กยาก​ลำบาก แต่​หื้อ​เข้มแข็ง​ไว้​เน่อ ย้อน​ว่า​เฮา​มี​ชัย​เหนือ​โลก​แล้ว”

กิจก๋าน 14:22

เปื้อ​จ้วย​หื้อ​หมู่​ผู้เจื้อ​มี​ความ​เจื้อ​เข้มแข็ง​ขึ้น ตึง​หื้อ​ก๋ำลังใจ๋​ตี้​จะ​เจื้อ​มั่นคง​ต่อไป แล้ว​บอก​หื้อ​เขา​ตังหลาย​ฮู้​ว่า เฮา​ตังหลาย​จ๋ำเป๋น​ต้อง​ทน​ความ​ตุ๊กยาก​ลำบาก​ก่อน​ตี้​จะ​เข้า​ใน​แผ่นดิน​ของ​พระเจ้า​ได้

1 โครินธ์ 10:13

ก๋าน​ลองใจ๋​ตึงหมด​ตี้​เกิด​ขึ้น​กับ​หมู่​ต้าน​ก็​บ่ได้​ต่าง​จาก​ตี้​เกย​เกิด​ขึ้น​กับ​คน​ตังหลาย​มา​แล้ว แต่​พระเจ้า​สัตย์ซื่อ พระองค์​จะ​บ่ยอม​หื้อ​หมู่​ต้าน​ถูก​ลองใจ๋​เกิ๋น​ก๋ำลัง​ของ​หมู่​ต้าน​ตี้​จะ​ทน​ได้ พระองค์​จะ​หื้อ​ตาง​ออก​กับ​หมู่​ต้าน เปื้อ​หมู่​ต้าน​จะ​ทน​ได้

เอเฟซัส 4:27

ห้าม​หื้อ​มาร​มี​โอกาส​จุล่าย​หมู่​ต้าน​ได้

เอเฟซัส 6:16

กับ​นอก​เหนือ​จาก​นี้ หื้อ​เอา​ความ​เจื้อ​มา​เป๋น​เหมือน​โล่​ก๋ำบัง ตี้​หมู่​ต้าน​จะ​ใจ๊​เกิ้ง​ลูก​ธนู​ไฟ​ตึงหมด​ของ​มาร

โคโลสี 2:5

ย้อน​ว่า เถิงแม้​ตั๋ว​ข้าพเจ้า​บ่ได้​อยู่​ตี้​หั้น แต่​ใจ๋​ก็​อยู่​กับ​ต้าน ข้าพเจ้า​มี​ความ​จื้นจมยินดี​ตี้​หัน​ว่า​ต้าน​อยู่​ตวย​กั๋น​อย่าง​มี​ระเบียบ​วินัย​ใน​แบบ​ผู้เจื้อ กับ​มี​ความ​เจื้อ​มั่นคง​ใน​พระคริสต์

1 เธสะโลนิก๋า 3:3

เปื้อ​จะ​บ่มี​ใผ​ใน​หมู่​ต้าน​บ่มั่นคง​ใน​ความ​เจื้อ ย้อน​ว่า​มี​ก๋าน​ค่ำ​อยู่​บ่าเดี่ยวนี้ ต้าน​ตังหลาย​ฮู้​อยู่​แล้ว​ว่า​หมู่​เฮา​จะ​ต้อง​ปะ​ก๋าน​ค่ำ​นั้น

1 ทิโมธี 6:12

หื้อ​ต่อสู้​อย่าง​เต๋ม​ก๋ำลัง​เปื้อ​ฮักษา​หลัก​ความ​เจื้อ​ไว้ แล้ว​ฮับ​รางวัล คือ​จีวิต​นิรันดร์​ตี้​พระเจ้า​ฮ้อง​ต้าน​มา​ฮับ ต๋อน​ตี้​ต้าน​ได้​เป๋น​พยาน​ตี้​ดี​ใน​ความ​เจื้อ​ของ​ต้าน ต่อ​หน้า​คน​จ๋ำนวน​นัก

2 ทิโมธี 3:12

กู้​คน​ตี้​ใค่​ใจ๊​จีวิต​เยียะ​ตวย​ต๋าม​พระเจ้า​โดย​พระเยซู​คริสต์​นั้น จะ​ต้อง​ถูก​ค่ำ​แน่นอน

2 ทิโมธี 4:7

ข้าพเจ้า​ได้​ต่อสู้​อย่าง​เต๋ม​ก่ำลัง ได้​ล่น​แข่ง​เถิง​เส้นชัย​แล้ว ได้​ฮักษา​ความ​เจื้อ​ไว้​แล้ว

ฮีบรู 11:33

ย้อน​ความ​เจื้อ​ของ​คน​หมู่​นี้ เขา​ได้​ฮบ​จ๋น​มี​ชัย​เหนือ​ประเทศ​ต่างๆ ได้​เยียะ​สิ่ง​ตี้​ถูกต้อง ได้​ฮับ​สิ่ง​ต่างๆ ตี้​พระเจ้า​สัญญา​ไว้ ได้​ปิด​ปาก​สิงโต

ฮีบรู 12:8

ถ้า​ต้าน​บ่ถูก​ตี๋สอน​เหมือน​กับ​ตี้​ลูกๆ ของ​พระองค์​กู้​คน​ได้​ฮับ ต้าน​ก็​บ่ใจ้​ลูก​แต๊ แต่​เป๋น​ลูก​เลี้ยง

ยากอบ 4:7

ย้อน​จาอั้น​หื้อ​หมู่​ต้าน​ยอม​ต่อ​พระเจ้า หื้อ​ต่อสู้​กับ​มาร แล้ว​มาร​ก็​จะ​หนี​ละ​หมู่​ต้าน​ไป

1 เปโตร 1:6

เรื่อง​นี้​เยียะ​หื้อ​หมู่​ต้าน​มี​ความ​จื้นจมยินดี​นัก​ขนาด เถิงแม้​ว่า​บ่าเดี่ยว​นี้​จ๋ำเป๋น​จะ​ต้อง​ปะ​กับ​ความ​ตุ๊กยาก​ใน​ก๋าน​ทดลอง​ต่างๆ สัก​หว่าง​นึ่ง

1 เปโตร 2:21

พระเจ้า​ฮ้อง​หมู่​ต้าน​มา​ก็​เปื้อ​หื้อ​อดทน​ต่อ​ความ​ตุ๊กยาก​เหมือน​กับ​ตี้​พระคริสต์​ยอม​อดทน​เปื้อ​หมู่​ต้าน พระองค์​ก็​ได้​เป๋น​ตั๋วอย่าง​หื้อ​หมู่​ต้าน​เยียะ​ต๋าม​แล้ว

1 เปโตร 3:14

แต่​ถ้า​หมู่​ต้าน​จะ​ต้อง​โดน​ค่ำ ย้อน​เยียะ​ต๋าม​ใจ๋​พระเจ้า ต้าน​ก็​เป๋น​สุข​แต๊ๆ บ่ต้อง​กั๋ว​หมู่​เขา​กับ​บ่ต้อง​กึ๊ด​นัก​เน่อ

1 เปโตร 4:13

แต่​หื้อ​จื้นจม​ยินดี​ตี้​ต้าน​ได้​ฮ่วม​ตุ๊ก​กับ​พระคริสต์​เต๊อะ เปื้อ​ว่า​เมื่อ​พระคริสต์​ปิ๊ก​มา​สำแดง​ความ​ยิ่งใหญ่​หื้อ​กู้​คน​หัน หมู่​ต้าน​ก็​จะ​ได้​จื้นจม​ยินดี​อย่าง​เต๋ม​ตี้

วิวรณ์ 1:9

ข้าพเจ้า​คือ​ยอห์น ปี้น้อง​ของ​หมู่​ต้าน ตี้​เป๋น​เปื้อน​ฮ่วม​ใน​ความ​ตุ๊ก​ยาก ฮ่วม​อยู่​ใน​แผ่นดิน​ของ​พระเยซู ตึง​ฮ่วม​ใน​ความ​อดทน​กับ​หมู่​ต้าน​ย้อน​ติดต๋าม​พระองค์ ตี้​เฮา​เป๋น​นักโต้ษ​อยู่​บน​เกาะ​ปัทมอส​นี้ ก็​ย้อน​ว่า​ได้​บอก​ถ้อย​กำ​ของ​พระเจ้า กับ​เป๋น​พยาน​ของ​พระเยซู

วิวรณ์ 6:11

แล้ว​เขา​หมู่​นั้น​กู้​คน​ก็​ได้​ฮับ​เสื้อ​คุม​สี​ขาว กับ​พระองค์​บอก​หมู่​เขา​หื้อ​ถ้า​ต่อ​ไป​แหม​กำเดียว จ๋น​กว่า​หมู่​ปี้น้อง​ผู้​ฮับใจ๊​พระคริสต์​จะ​ถูก​ฆ่า​อย่าง​กับ​หมู่​เขา​จ๋น​ครบ​จ๋ำนวน​ตี้​ต้องก๋าน

วิวรณ์ 7:14

ข้าพเจ้า​ตอบ​ต้าน​ว่า “ต้าน​เจ้าข้า ต้าน​ก็​ฮู้​แล้ว​ว่า​หมู่​เขา​เป๋น​ใผ” ผู้​อาวุโส​จึง​บอก​ว่า “คน​หมู่​นี้​คือ​คน​ตี้​มา​จาก​ความ​ตุ๊กยาก​ลำบาก​ตี้​หนัก​ขนาด หมู่​เขา​ซัก​เสื้อ​คุม​ของ​หมู่​เขา​ด้วย​เลือด​ของ​ลูก​แกะ​ตั๋ว​นั้น​จ๋น​ขาว​สะอาด