1 เปโตร 3:8 - พระคริสตธรรมคัมภีร ภาคพันธสัญญาใหม

⁸ สุดต๊าย​นี้ ขอ​หื้อ​หมู่​ต้าน​เป๋น​น้ำ​นึ่ง​ใจ๋​เดียว​กั๋น หันอกหันใจ๋​กั๋น ฮัก​กั๋น​เหมือน​ปี้น้อง มี​ใจ๋​เมตต๋า​กับ​ฮู้จัก​ถ่อมใจ๋

1 เปโตร 3:8 Iomraidhean Croise

มัทธิว 18:33

เจ้า​ก็​น่า​จะ​อินดู​เปื้อน​คน​ฮับใจ๊​คน​อื่นๆ เหมือน​อย่าง​ตี้​เฮา​อินดู​เจ้า​ตวย​บ่ใจ้​กา’

ลูก๋า 10:33

แต่​มี​จาว​สะมาเรีย​คน​นึ่ง​เมื่อ​เตียว​มา​เถิง​คน​นั้น หัน​ใส่​เขา​แล้ว ก็​มี​ใจ๋​อินดู

กิจก๋าน 2:1

เมื่อ​เถิง​วัน​เพ็นเทคอสต์ หมู่​ผู้เจื้อ​ก็​มา​จุมนุม​กั๋น​ใน​ตี้​นึ่ง

กิจก๋าน 27:3

วัน​ถัด​มา​หมู่​เฮา​ก็​มา​แผว​ต้าเฮือ​เมือง​ไซดอน ยูเลียส​ดี​ต่อ​เปาโล​ขนาด ยอม​หื้อ​เปาโล​ไป​แอ่ว​หา​หมู่​เปื้อนๆ ได้ เปื้อ​เขา​หมู่​นั้น​จะ​จ้วยเหลือ​ต้าน​ต๋าม​ความ​จ๋ำเป๋น

กิจก๋าน 28:7

หัวหน้า​ของ​เกาะ​จื้อ​ปูบลิอัส มี​ตี้ดิน​อยู่​ใก้​ต๋ำ​หมู่​นั้น เขา​เจิญ​หมู่​เฮา​เข้า​ไป​ใน​บ้าน แล้ว​เลี้ยงดู​หมู่​เฮา​เป๋น​อย่าง​ดี​เป๋น​เวลา​สาม​วัน

กิจก๋าน 4:32

ผู้เจื้อ​ตังหลาย​เป๋น​น้ำนึ่ง​ใจ๋​เดียว​กั๋น ตึง​กึ๊ด​ว่า​สิ่ง​ของ​ตี้​มี​อยู่​นั้น​บ่มี​ใผ​บอก​ว่า​เป๋น​ของ​ตั๋วเก่า ถือ​ว่า​เป๋น​ก๋องก๋าง ก็​ปั๋น​กั๋น​กิ๋น​ปั๋น​กั๋น​ใจ๊​กู้​คน

โรม 12:10

หื้อ​ฮัก​กั๋น​เหมือน​ปี้​เหมือน​น้อง หื้อ​ยินดี​ยกย่อง​หื้อ​เกียรติ​กั๋น

โรม 15:5

ขอ​หื้อ​พระเจ้า​ผู้​ตี้​หื้อ​ความ​อดทน​กับ​ก๋ำลังใจ๋ โผด​จ้วย​ต้าน​ตังหลาย​เป๋น​อัน​นึ่ง​อัน​เดียว​กั๋น​ต๋าม​แบบ​อย่าง​พระเยซู​คริสต์

1 โครินธ์ 1:10

ปี้น้อง​ตังหลาย ข้าพเจ้า​วิงวอน​ขอ​หมู่​ต้าน​ใน​นาม​พระเยซู​คริสต์​องค์​พระ​ผู้​เป๋น​เจ้า​ของ​เฮา ขอ​หื้อ​เป๋น​น้ำนึ่ง​ใจ๋เดียว​กั๋น​ไว้ บ่ดี​แบ่ง​แยก​กั๋น แต่​หื้อ​มี​กำกึ๊ด​กับ​เป้าหมาย​ตี้​ไป​ใน​ตาง​เดียว​กั๋น​เน่อ

1 โครินธ์ 12:26

ถ้า​ส่วน​ใด​ส่วน​นึ่ง​เจ็บ ส่วน​อื่นๆ ตึงหมด​ใน​ตั๋ว​ก็​เจ็บ​ไป​ตวย ถ้า​ส่วน​ใด​ส่วน​นึ่ง​ได้ฮับ​เกียรติ ส่วน​อื่นๆ ตึงหมด​ก็​ฮ่วม​จื้นจม​ยินดี​ไป​ตวย

เอเฟซัส 4:2

หื้อ​ถ่อมใจ๋ อ่อนน้อม กับ​อดทน​ต่อ​กั๋น​โดย​ความ​ฮัก

เอเฟซัส 4:31

หื้อ​เอา​สิ่ง​หมู่​นี้​ออก​ไป​จาก​หมู่​ต้าน​หื้อ​หมด คือ​ความ​ฮู้สึก​ขมขื่น​ตึงหมด ก๋าน​โขด ก๋าน​โมโห ก๋าน​ผิด​หัว​กั๋น ก๋าน​ใส่​ฮ้าย​ป้าย​สี รวม​ตึง​ก๋าน​กึ๊ดฮ้าย​กู้​อย่าง

เอเฟซัส 4:32

หื้อ​เมตต๋า เอื้อเฟื้อ​เผื่อแผ่ กับ​ยกโต้ษ​หื้อ​กั๋น​เหมือน​พระเจ้า​ได้​ยกโต้ษ​หื้อ​กับ​หมู่​ต้าน​ผ่าน​ตาง​พระคริสต์

ฟีลิปปี 2:3

ห้าม​เยียะ​สิ่ง​ต่างๆ อย่าง​หัน​แก่​ตั๋ว​กาว่า​อวด​ตั๋ว แต่​หื้อ​มี​ใจ๋​ถ่อม​กับ​ถือ​ว่า​คน​อื่น​ดี​กว่า​ตั๋วเก่า

ฟีลิปปี 3:16

จาใด​ก็​ต๋าม​หื้อ​เฮา​ใจ๊​จีวิต​หื้อ​เข้า​กับ​สิ่ง​ตี้​เฮา​ได้ฮับ​มา​แล้ว

โคโลสี 3:12

ย้อนจาอั้น​เมื่อ​พระเจ้า​ได้​เลือก​ต้าน​เป๋น​คน​ของ​พระองค์ เป๋น​ผู้​บริสุทธิ์​ตี้​พระองค์​ฮัก ก็​หื้อ​เป๋น​คน​มี​เมตต๋า กรุณา ถ่อมใจ๋ อ่อนน้อม​ถ่อมต๋น กับ​อดทน

ฮีบรู 13:1

หื้อ​ฮัก​กั๋น​เหมือน​ปี้​เหมือน​น้อง​ต่อไป

ยากอบ 2:13

ย้อน​ว่า​เมื่อ​พระองค์​ตัดสิน​ลงโต้ษ พระองค์​จะ​บ่เมตต๋า​กับ​คน​ตี้​บ่เมตต๋า​กับ​คน​อื่น​ตวย แต่​ถ้า​คน​มี​เมตต๋า​กับ​คน​อื่น พระองค์​ก็​จะ​มี​เมตต๋า​กับ​เขา​เมื่อ​ตัดสิน​ลงโต้ษ

ยากอบ 3:17

แต่​ผญา​ปั๋ญญา​ตี้​มา​จาก​พระเจ้า​นั้น​ก็​คือ มี​ความ​บริสุทธิ์​เป๋น​เก๊า แล้ว​ต่อ​ไป​ก็​คือ​สร้าง​ความ​สงบสุข อะลุ้ม​อะหล่วย​กั๋น ยอม​ฮับ​ฟัง​คน​อื่น มี​ความ​เมตต๋า​เต๋ม​ล้น เกิด​ผล​ดี​โดย​ก๋าน​เยียะ​ดี บ่ลำเอียง​กับ​บ่เป๋น​คน​หน้าซื่อ​ใจ๋​ก๊ด

ยากอบ 5:11

เฮา​ถือ​ว่า​คน​หมู่​นั้น​ตี้​ได้​อดทน​ก็​เป๋น​สุข ต้าน​ก็​เกย​ได้​ยิน​เรื่อง​ความ​อดทน​ของ​โยบ​แล้ว กับ​ได้​ฮู้​ว่า​พระเจ้า​ได้​หื้อ​อะหยัง​เขา​พ่อง​ต๋อน​บั้นป๋าย​จีวิต​ของ​เขา ตี้​เป๋น​จาอี้​ก็​ย้อน​องค์​พระ​ผู้​เป๋น​เจ้า​มี​ความ​อินดู​เขา กับ​มี​ความ​เมตต๋า​กรุณา

1 เปโตร 1:22

เมื่อ​หมู่​ต้าน​ได้​เจื้อ​ฟัง​ความ​จริง​นั้น หมู่​ต้าน​ก็​ได้​ซ่วย​ล้าง​ตั๋ว​เก่า​หื้อ​บริสุทธิ์​แล้ว ก็​เลย​มี​ความ​ฮัก​หื้อ​กับ​ปี้น้อง​ผู้เจื้อ​อย่าง​จริงใจ๋ ย้อน​จาอั้น​หื้อ​ฮัก​กั๋น​จาก​ใจ๋​แต๊ๆ เน่อ

1 เปโตร 2:17

ต้อง​หื้อ​เกียรติ​กู้​คน ต้อง​ฮัก​ปี้น้อง​ผู้เจื้อ​ตวย​กั๋น ต้อง​เก๋งกั๋ว​พระเจ้า กับ​ต้อง​หื้อ​เกียรติ​กษัตริย์​ของ​ตั๋ว​ตวย

1 เปโตร 5:5

ส่วน​คน​ตี้​อายุ​หน้อย​ก็​เหมือน​กั๋น หื้อ​เจื้อฟัง​ผู้ปกครอง​คริสตจักร แต่​แต๊ๆ กู้​คน​ก็​ต้อง​ถ่อม​ตั๋ว​ถ่อมใจ๋​ฮับใจ๊​กั๋น​เหมือน​ตี้​พระคัมภีร์​มี​เขียน​ไว้​ว่า “พระเจ้า​ต่อต้าน​คน​ตี้​หยิ่ง​จ๋องหอง แต่​ปั๋นปอน​คน​ตี้​ถ่อมใจ๋”

2 เปโตร 1:7

ใจ๊​ความ​ฮัก​เหมือน​ปี้​เหมือน​น้อง​เสริม​ความ​ยำเก๋ง​พระเจ้า ใจ๊​ความ​ฮัก​ตี้​มี​เสริม​ความ​ฮัก​ตี้​มี​ต่อ​กั๋น​เหมือน​ปี้น้อง

1 ยอห์น 3:14

เฮา​ฮู้​ว่า​เฮา​เกย​เป๋น​เหมือน​คน​ตี้​ต๋าย​ไป แล้ว​ได้ฮับ​จีวิต​ใหม่ เฮา​ฮู้​ได้​ย้อน​เฮา​ฮัก​ปี้น้อง​ผู้เจื้อ​ของ​เฮา ส่วน​คน​ตี้​บ่ฮัก​คน​อื่น ก็​เหมือน​เป๋น​คน​ตี้​ยัง​อยู่​ใน​ความ​ต๋าย