1 เปโตร 2:24 - พระคริสตธรรมคัมภีร ภาคพันธสัญญาใหม

²⁴ พระองค์​ใจ๊​ตั๋ว​ของ​พระองค์​แบก​บาป​ของ​หมู่​เฮา​ไว้​บน​ไม้​ก๋าง​เขน​นั้น เปื้อ​หมู่​เฮา​จะ​ได้​ต๋าย​จาก​ความ​บาป แล้ว​ใจ๊​จีวิต​ตี้​ถูกต้อง​ต๋าม​ธรรม หมู่​ต้าน​ได้ฮับ​ก๋าน​ฮักษา​หื้อ​หาย​ก็​ย้อน​แผล​จาก​ตั๋ว​พระองค์​นี้​ละ

1 เปโตร 2:24 Iomraidhean Croise

มัทธิว 27:26

ปีลาต​จึง​ป่อย​บารับบัส​หื้อ​หมู่​เขา​ไป จาก​นั้น​ก็​สั่ง​หื้อ​เฆี่ยน​พระเยซู แล้ว​หื้อ​หมู่​ทหาร​เอา​ไป​เขิง​บน​ไม้​ก๋าง​เขน

มัทธิว 5:20

เฮา​จะ​บอก​หื้อ​ฮู้​ว่า ถ้า​ต้าน​ตังหลาย​บ่เยียะ​ต๋าม​ความ​ต้องก๋าน​ของ​พระเจ้า​นัก​เหลือ​หมู่​ธรรมาจ๋ารย์​กับ​หมู่​ฟาริสี ต้าน​จะ​เข้า​แผ่นดิน​สวรรค์​บ่ได้​เลย

มัทธิว 8:17

สิ่ง​ตี้​ได้​เกิด​ขึ้น​นี้​ก็​เปื้อ​หื้อ​เป๋น​ไป​ต๋าม​ตี้​อิสยาห์​ผู้​เป๋น​ปาก​เป๋น​เสียง​แตน​พระเจ้า​อู้​ไว้​ว่า “พระองค์​ได้​ฮับ​เอา​ความ​เจ็บป่วย​ของ​หมู่​เฮา​ไป​เหีย กับ​แบก​พยาธิ ของ​เฮา​ไว้”

มาระโก 15:15

ปีลาต​จะ​เอาใจ๋​หมู่​เขา จึง​ป่อย​บารับบัส​หื้อ​หมู่​เขา​ไป กับ​สั่ง​หื้อ​เฆี่ยน​พระเยซู แล้ว​หื้อ​หมู่​ทหาร​เอา​ไป​เขิง​บน​ไม้​ก๋าง​เขน

ลูก๋า 4:18

“พระวิญญาณ​ของ​องค์​พระผู้เป๋นเจ้า​อยู่​กับ​ข้าพเจ้า ย้อน​ว่า​พระองค์​ได้​ตั้ง​ข้าพเจ้า​ไว้ หื้อ​บอก​ข่าวดี​แก่​คน​ตุ๊ก พระองค์​ใจ๊​ข้าพเจ้า​หื้อ​บอก​นักโต้ษ​ว่า​เขา​จะ​มี​อิสระ หื้อ​บอก​คน​ต๋าบอด​ว่า​เขา​จะ​หัน​แหม หื้อ​บอก​คน​ตี้​โดน​ค่ำ​ว่า​จะ​ป๊น​ตุ๊ก

ยอห์น 1:29

แหม​วัน​นึ่ง ยอห์น​หัน​พระเยซู​เตียว​ซื่อ​มา​ตาง​เขา ยอห์น​ก็​เอิ้น​ว่า “หั้น​ลอ ลูก​แกะ​ของ​พระเจ้า ตี้​จะ​มา​ฮับ​เอา​โต้ษ​บาป​ของ​โลก​ไป

ยอห์น 19:1

ปีลาต​เลย​ปา​พระเยซู​ไป แล้ว​สั่ง​ทหาร​เฆี่ยน​พระองค์

กิจก๋าน 10:35

แต่​พระองค์​ยอมฮับ​คน​กู้​จ้าด​ตี้​เคารพ​ยำเก๋ง​พระองค์ กับ​เยียะ​ต๋าม​ความ​ถูกต้อง

กิจก๋าน 10:39

หมู่​เฮา​ก็​เป๋น​พยาน​เถิง​ก๋านงาน​ตึงหมด​ตึงเสี้ยง​ตี้​พระองค์​เยียะ​ใน​กรุง​เยรูซาเล็ม​กับ​ใน​แคว้น​ยูเดีย​นั้น หมู่​เขา​ฆ่า​พระองค์​โดย​เขิง​บน​ไม้​ก๋างเขน

กิจก๋าน 13:29

เมื่อ​หมู่​เขา​เยียะ​สำเร็จ​ต๋าม​ตี้​พระคัมภีร์​เขียน​ไว้​เกี่ยวกับ​พระเยซู​แล้ว มี​คน​เอา​ศพ​ของ​พระองค์​ลง​มา​จาก​ไม้​ก๋าง​เขน แล้ว​เอา​ไป​วาง​ไว้​ใน​อุโมงค์​ฝัง​ศพ

กิจก๋าน 5:30

พระเจ้า​ของ​ป้ออุ๊ย​แม่หม่อน​ของ​เฮา​เยียะ​หื้อ​พระเยซู​เป๋น​ขึ้น​จาก​ความ​ต๋าย ผู้​ตี้​ต้าน​ตังหลาย​ฆ่า​โดย​เอา​พระองค์​เขิง​บน​ไม้​ก๋าง​เขน​จ๋น​ต๋าย​นั้น

โรม 6:11

อย่าง​เดียว​กั๋น​หื้อ​ต้าน​ตังหลาย​ถือ​ว่า​หมู่​ต้าน​ต๋าย​จาก​บาป​แล้ว กับ​หมู่​ต้าน​ก็​ใจ๊​จีวิต​เปื้อ​พระเจ้า โดย​เป๋น​อัน​นึ่ง​อัน​เดียว​กั๋น​กับ​พระเยซู​คริสต์

โรม 6:13

ห้าม​ยอม​หื้อ​ตั๋ว​ของ​หมู่​ต้าน​ส่วน​ใด​ส่วน​นึ่ง​เป๋น​เครื่องมือ​ใน​ก๋าน​เยียะ​บาป แต่​หื้อ​ถวาย​ตั๋ว​ของ​หมู่​ต้าน​แก่​พระเจ้า เหมือน​คน​ตี้​เป๋น​ขึ้น​จาก​ความ​ต๋าย​มี​จีวิต​ใหม่ แล้ว​จง​มอบ​ถวาย​กู้​ส่วน​ใน​ตั๋ว​ของ​หมู่​ต้าน​หื้อ​ใจ๊​ใน​ก๋าน​เยียะ​ใน​สิ่ง​ตี้​ถูกต้อง​ต๋าม​ธรรม

โรม 6:16

ต้าน​ตังหลาย​บ่ฮู้​กา​ว่า ถ้า​หมู่​ต้าน​ยอม​เป๋น​ขี้ข้า​เจื้อฟัง​ใผ หมู่​ต้าน​ก็​เป๋น​ขี้ข้า​ของ​คน​ตี้​หมู่​ต้าน​เจื้อฟัง​นั้น หมู่​ต้าน​จะ​เป๋น​ขี้ข้า​ของ​บาป​ตี้​เยียะ​หื้อ​ต๋าย กาว่า​เป๋น​ขี้ข้า​เจื้อฟัง​พระเจ้า​ตี้​เยียะ​หื้อ​เป๋น​คน​ถูกต้อง​ต๋าม​ธรรม

โรม 6:2

บ่แม่น​จาอั้น​เน่อ หมู่​เฮา​จะ​ยัง​เยียะ​บาป​ต่อ​ไป​ได้​จาใด ใน​เมื่อ​เฮา​ได้​ต๋าย​จาก​อำนาจ​ของ​บาป​แล้ว

โรม 6:22

แต่​บ่าเดี่ยวนี้​ต้าน​ตังหลาย​ป๊น​จาก​ก๋าน​เป๋น​ขี้ข้า​ของ​บาป แล้ว​มา​เป๋น​ขี้ข้า​ของ​พระเจ้า ประโยชน์​ตี้​หมู่​ต้าน​จะ​ได้ฮับ​ก็​คือ​ก๋าน​เป๋น​คน​บริสุทธิ์ แล้ว​จะ​เยียะ​หื้อ​ต้าน​ได้ฮับ​จีวิต​นิรันดร์

โรม 6:7

ย้อน​ว่า​คน​ตี้​ต๋าย​แล้ว​ก็​ป๊น​จาก​อำนาจ​ของ​บาป​แล้ว

โรม 7:6

แต่​บ่าเดี่ยวนี้​เฮา​ต๋าย​จาก​บท​บัญญัติ​แล้ว คือ​ได้ฮับ​ก๋าน​ปลดปล่อย​หื้อ​มี​อิสระ​จาก​บท​บัญญัติ​ตี้​เกย​มี​เหนือ​เฮา ต๋อน​นี้​เฮา​สามารถ​ฮับใจ๊​พระเจ้า​ต๋าม​แนว​ตาง​ใหม่​ตี้​พระวิญญาณ​จะ​นำ​เฮา บ่ใจ้​เยียะ​ต๋าม​ข้อ​บังคับ​แบบ​เก่า​ตี้​เขียน​ไว้​แหม​ต่อไป

1 โครินธ์ 15:3

ย้อน​ข้าพเจ้า​ได้​บอก​เรื่อง​สำคัญ​ตี้​สุด​ตี้​ข้าพเจ้า​ได้ฮับ​มา​นั้น​หื้อ​กับ​หมู่​ต้าน​แล้ว คือ​พระคริสต์​ได้​ต๋าย​เปื้อ​บาป​ของ​หมู่​เฮา ต๋าม​ตี้​มี​เขียน​ไว้​ใน​พระคัมภีร์​ว่า

2 โครินธ์ 6:17

องค์​พระ​ผู้​เป๋น​เจ้า​อู้​ว่า “จาอั้น หมู่​เจ้า​จง​แยก​ออก​มา​จาก​หมู่​เขา กับ​ห้าม​ยุ่ง​เกี่ยว​อะหยัง​กับ​สิ่ง​ตี้​เป๋น​มลทิน​ย้อน​บาป แล้ว​เฮา​จะ​ยอมฮับ​หมู่​เจ้า”

กาลาเทีย 3:13

พระเยซู​คริสต์​ได้​จ้วย​เฮา​หื้อ​ป๊น​จาก​ก๋าน​แจ้ง​สาป​ของ​บท​บัญญัติ​แล้ว พระองค์​ยอม​ถูก​แจ้ง​สาป​แตน​เฮา ต๋าม​ตี้​พระคัมภีร์​มี​เขียน​ไว้​ว่า “คน​ตี้​ถูก​แขวน​ไว้​บน​เก๊าไม้​เป๋น​คน​ถูก​แจ้ง​สาป”

เอเฟซัส 5:9

(​ย้อน​ว่า​ความ​เป่งแจ้ง​นั้น​เยียะ​หื้อ​เฮา​เยียะ​แต่​สิ่ง​ดี สิ่ง​ตี้​ถูกต้อง​ต๋าม​ธรรม กับ​สิ่ง​ตี้​เป๋น​ความ​จริง​)

ฟีลิปปี 1:11

พระเยซู​คริสต์​จะ​เยียะ​หื้อ​จีวิต​ของ​หมู่​ต้าน​เต๋ม​ไป​ด้วย​ความ​ดี​งาม เซิ่ง​จะ​เยียะ​หื้อ​พระเจ้า​ได้ฮับ​เกียรติ​กับ​ได้ฮับ​ก๋าน​สรรเสริญ

โคโลสี 2:14

พระองค์​ได้​ยก​เลิก​บันทึก​ข้อหา​ตี้​นาบ​โต้ษ​ต้าน​ย้อน​ก๋าน​ฝ่าฝืน​บท​บัญญัติ โดย​ได้​ทำลาย​บันทึก​ข้อหา​นี้​เมื่อ​พระเยซู​ถูก​เขิง​ไว้​ตี้​ไม้​ก๋าง​เขน

โคโลสี 2:20

เมื่อ​สันดาน​บาป​ของ​ต้าน​ได้​ต๋าย​ตวย​พระคริสต์ เยียะ​หื้อ​ป๊น​จาก​ก๋าน​ครอบงำ​ของ​หมู่​วิญญาณ​ต่างๆ ใน​โลก​นี้ เป๋น​จาใด​ต้าน​ยัง​ยอม​อยู่​ใต้​กฎเก๋ณฑ์​อำนาจ​ของ​โลก​อยู่

โคโลสี 3:3

ย้อน​ว่า​ต้าน​ได้​ต๋าย​จาก​สันดาน​บาป​แล้ว จีวิต​ใหม่​ตี้​ต้าน​ได้ฮับ​ก็​ได้​ซ่อน​ไว้​กับ​พระคริสต์​ใน​พระเจ้า

ฮีบรู 10:10

ย้อน​พระเยซู​คริสต์​ได้​เยียะ​ใน​สิ่ง​ตี้​พระเจ้า​ต้องก๋าน​นี้ เฮา​ตังหลาย​จึง​ได้​ฮับ​ก๋าน​ซ่วย​ล้าง​บาป​หื้อ​หมดใส โดย​พระเยซู​คริสต์​ถวาย​ตั๋ว​ของ​พระองค์​เป๋น​เครื่อง​ปู่จา​เตื้อ​เดียว​ก็​ปอ

ฮีบรู 10:5

ย้อน​จาอั้น เมื่อ​พระคริสต์​เข้า​มา​ใน​โลก​นี้​พระองค์​อู้​กับ​พระเจ้า​ว่า “พระองค์​บ่ได้​ต้องก๋าน​สัตว์​ปู่จา​กับ​เครื่อง​ปู่จา แต่​พระองค์​ได้​เกียม​ตั๋ว​ตี้​เป๋น​เนื้อหนัง​หื้อ​ข้า​พระองค์

ฮีบรู 12:13

หื้อ​เตียว​บน​ตาง​ตี้​ถูกต้อง เปื้อ​ขา​ตี้​เป๋น​ง่อย​นั้น​จะ​บ่เป๋น​นัก​ขึ้น แต่​จะ​หาย​เป๋น​ปกติ

ฮีบรู 7:26

มหา​ปุโรหิต​จาอี้​ก็​เปิง​กับ​เฮา ย้อน​พระองค์​เป๋น​ผู้​บริสุทธิ์ บ่มี​ความ​ผิด บ่มี​มลทิน พระเจ้า​แยก​พระองค์​ออก​จาก​คน​บาป​ตังหลาย กับ​ยก​หื้อ​อยู่​สูง​เหลือ​สวรรค์

ฮีบรู 9:28

ก็​เหมือน​กั๋น​ตี้​พระคริสต์​ก็​ถวาย​ตั๋ว​เป๋น​เครื่อง​ปู่จา​เตื้อ​เดียว เปื้อ​ฮับ​เอา​บาป​ของ​คน​จ๋ำนวน​นัก​ไป กับ​พระองค์​จะ​ปิ๊ก​มา​เป๋น​เตื้อ​ตี้​สอง บ่ได้​มา​เปื้อ​ก๋ำจัด​บาป แต่​มา​เปื้อ​นำ​ความ​รอด​ป๊น​บาป​โต้ษ​มา​หื้อ​กับ​หมู่​คน​ตี้​รอถ้า​พระองค์

ยากอบ 5:16

จาอั้น หื้อ​ต้าน​สารภาพ​บาป​ต่อ​กั๋น กับ​หื้อ​อธิษฐาน​เผื่อ​กั๋น เปื้อ​ต้าน​จะ​ได้ฮับ​ก๋าน​ฮักษา​หื้อ​หาย กำ​อธิษฐาน​ของ​คน​ตี้​ถูกต้อง​ต๋าม​ธรรม​ของ​พระเจ้า​นั้น​ก็​มี​อำนาจ​กับ​เกิด​ผล

1 ยอห์น 2:29

ต้าน​ตังหลาย​ฮู้​แล้ว​ว่า​พระคริสต์​เยียะ​ใน​สิ่ง​ตี้​ถูกต้อง​ตลอด จาอั้น ต้าน​ก็​ต้อง​ฮู้​ว่า​คน​ตี้​เยียะ​ใน​สิ่ง​ตี้​ถูกต้อง​ก็​เป๋น​ลูก​ของ​พระเจ้า

1 ยอห์น 3:7

ลูก​ตี้​ข้าพเจ้า​ฮัก​เหย ห้าม​หื้อ​ใผ​มา​จั๊ก​จู๋ง​หื้อ​หลง​ไป​เน่อ คน​ตี้​เยียะ​ใน​สิ่ง​ตี้​ถูกต้อง​ก็​เป๋น​คน​ถูกต้อง​ต๋าม​ธรรม เหมือน​พระคริสต์​เป๋น​คน​ถูกต้อง​ต๋าม​ธรรม​ของ​พระเจ้า

วิวรณ์ 22:2

มัน​ไหล​ลง​มา​ตี้​ก๋าง​ถนน​หนตาง​ของ​เมือง ฮิม​สอง​ฝั่ง​ของ​แม่​น้ำ​มี​เก๊าไม้​ตี้​หื้อ​จีวิต ตี้​ออก​หน่วย​ปี๋​ละ​สิบ​สอง​เตื้อ เดือน​ละ​เตื้อ ส่วน​ใบ​ของ​เก๊า​นั้น​เอา​ไว้​ฮักษา​จ้าด​ตังหลาย​หื้อ​หาย​โรค