1 ยอห์น 3:7 - พระคริสตธรรมคัมภีร ภาคพันธสัญญาใหม

⁷ ลูก​ตี้​ข้าพเจ้า​ฮัก​เหย ห้าม​หื้อ​ใผ​มา​จั๊ก​จู๋ง​หื้อ​หลง​ไป​เน่อ คน​ตี้​เยียะ​ใน​สิ่ง​ตี้​ถูกต้อง​ก็​เป๋น​คน​ถูกต้อง​ต๋าม​ธรรม เหมือน​พระคริสต์​เป๋น​คน​ถูกต้อง​ต๋าม​ธรรม​ของ​พระเจ้า

1 ยอห์น 3:7 Iomraidhean Croise

มัทธิว 5:20

เฮา​จะ​บอก​หื้อ​ฮู้​ว่า ถ้า​ต้าน​ตังหลาย​บ่เยียะ​ต๋าม​ความ​ต้องก๋าน​ของ​พระเจ้า​นัก​เหลือ​หมู่​ธรรมาจ๋ารย์​กับ​หมู่​ฟาริสี ต้าน​จะ​เข้า​แผ่นดิน​สวรรค์​บ่ได้​เลย

ลูก๋า 1:75

ด้วย​ความ​บริสุทธิ์​กับ​ความ​ถูกต้อง​ต๋าม​ธรรม​ไป​ตลอด​จีวิต​ของ​หมู่​เฮา

กิจก๋าน 10:35

แต่​พระองค์​ยอมฮับ​คน​กู้​จ้าด​ตี้​เคารพ​ยำเก๋ง​พระองค์ กับ​เยียะ​ต๋าม​ความ​ถูกต้อง

โรม 2:13

ย้อน​คน​ตี้​ถูกต้อง​ต๋าม​ธรรม​ใน​สายต๋า​พระเจ้า​บ่ใจ้​คน​ตี้​ได้ยิน​บท​บัญญัติ​เต้าอั้น แต่​คน​ตี้​เยียะ​ตวย​ต๋าม​บท​บัญญัติ​อย่าง​ดี​นั้น คือ​คน​ตี้​ถูกต้อง​ต๋าม​ธรรม

1 โครินธ์ 6:9

หมู่​ต้าน​ก็​ฮู้​อยู่​แล้ว​ว่า คน​บ่ดี​จะ​บ่มี​ส่วน​แบ่ง​ใน​แผ่นดิน​ของ​พระเจ้า บ่ดี​จุ​ตั๋ว​เก่า​เน่อ คน​ตี้​ล่วง​ประเวณี คน​ตี้​กราบ​ไหว้​ฮูป​เคารพ คน​ตี้​ผิด​ผัว​ผิด​เมีย​คน​อื่น ป้อจาย​ขาย​ตั๋ว กาว่า​คน​ตี้​ฮัก​เพศ​เดียว​กั๋น

เอเฟซัส 5:6

ห้าม​หื้อ​ใผ​มา​จุล่าย​หมู่​ต้าน​โดย​กำ​อู้​ตี้​บ่ใจ๊​เรื่อง​แต๊​ได้ ย้อน​สิ่ง​ตี้​อู้​มา​ตึงหมด​นี้​จะ​เยียะ​หื้อ​พระเจ้า​ลงโต้ษ​หมู่​คน​ตี้​บ่เจื้อฟัง

เอเฟซัส 5:9

(​ย้อน​ว่า​ความ​เป่งแจ้ง​นั้น​เยียะ​หื้อ​เฮา​เยียะ​แต่​สิ่ง​ดี สิ่ง​ตี้​ถูกต้อง​ต๋าม​ธรรม กับ​สิ่ง​ตี้​เป๋น​ความ​จริง​)

ฟีลิปปี 1:11

พระเยซู​คริสต์​จะ​เยียะ​หื้อ​จีวิต​ของ​หมู่​ต้าน​เต๋ม​ไป​ด้วย​ความ​ดี​งาม เซิ่ง​จะ​เยียะ​หื้อ​พระเจ้า​ได้ฮับ​เกียรติ​กับ​ได้ฮับ​ก๋าน​สรรเสริญ

ฮีบรู 1:8

แต่​ส่วน​พระบุตร​นั้น​พระเจ้า​อู้​ว่า “ข้า​แต่​พระเจ้า บัลลังก์​ของ​พระองค์​จะ​อยู่​ตลอดไป กับ​พระองค์​จะ​ปกครอง​แผ่นดิน​ของ​พระองค์​อย่าง​ยุติธรรม

ฮีบรู 7:2

อับราฮัม​ก็​ได้​ถวาย​ของ​ตี้​ยึด​มา​นึ่ง​ใน​สิบ​ส่วน​แก่​เมลคีเซเดค จื้อ​เมลคีเซเดค​มี​ความ​หมาย​ว่า “กษัตริย์​ตี้​เยียะ​ต๋าม​ความ​ถูกต้อง” กับ​ต้าน​เป๋น​กษัตริย์​แห่ง​เมือง​ซาเลม หมายเถิง “กษัตริย์​แห่ง​สันติสุข”

ยากอบ 1:22

หื้อ​เยียะ​ต๋าม​กำ​สั่ง​สอน​ของ​พระเจ้า บ่ใจ้​ก้า​ฟัง​บ่ดาย ถ้า​เยียะ​จาอั้น​ก็​เป๋น​ก๋าน​จุ​ตั๋วเก่า

ยากอบ 2:19

ต้าน​เจื้อ​ว่า​พระเจ้า​มี​องค์​เดียว​ก็​ดี หมู่​ผี​ฮ้าย​ก็​เจื้อ​เหมือน​กั๋น กับ​มัน​ก็​กั๋ว​จ๋น​ตั๋ว​สั่น​ถาบๆ ตวย

1 เปโตร 2:24

พระองค์​ใจ๊​ตั๋ว​ของ​พระองค์​แบก​บาป​ของ​หมู่​เฮา​ไว้​บน​ไม้​ก๋าง​เขน​นั้น เปื้อ​หมู่​เฮา​จะ​ได้​ต๋าย​จาก​ความ​บาป แล้ว​ใจ๊​จีวิต​ตี้​ถูกต้อง​ต๋าม​ธรรม หมู่​ต้าน​ได้ฮับ​ก๋าน​ฮักษา​หื้อ​หาย​ก็​ย้อน​แผล​จาก​ตั๋ว​พระองค์​นี้​ละ

1 ยอห์น 2:1

ต้าน​ตังหลาย​ตี้​เผียบ​เหมือน​ลูก​ตี้​ข้าพเจ้า​ฮัก​เหย ข้าพเจ้า​เขียน​เรื่อง​หมู่​นี้​มา​เถิง​ต้าน เปื้อ​ว่า​หมู่​ต้าน​จะ​บ่เยียะ​บาป แต่​ถ้า​ใผ​เยียะ​บาป เฮา​ก็​มี​ผู้จ้วย​อ้อนวอน​พระบิดา​แตน​เฮา คือ​พระเยซู​คริสต์​ผู้​ตี้​ถูกต้อง​ต๋าม​ธรรม

1 ยอห์น 2:26

ข้อความ​ตึงหมด​ตี้​ข้าพเจ้า​เขียน​มา​หื้อ​ต้าน​ตังหลาย​นี้ เป๋น​เรื่อง​เกี่ยวกับ​คน​หมู่​นั้น​ตี้​ฮิ​มา​จุล่าย​ต้าน​ตังหลาย

1 ยอห์น 2:29

ต้าน​ตังหลาย​ฮู้​แล้ว​ว่า​พระคริสต์​เยียะ​ใน​สิ่ง​ตี้​ถูกต้อง​ตลอด จาอั้น ต้าน​ก็​ต้อง​ฮู้​ว่า​คน​ตี้​เยียะ​ใน​สิ่ง​ตี้​ถูกต้อง​ก็​เป๋น​ลูก​ของ​พระเจ้า

1 ยอห์น 3:18

ลูก​ตี้​ฮัก​ตังหลาย​เหย หื้อ​เฮา​ฮัก​กั๋น​แต๊ๆ โดย​ก๋าน​เยียะ​สิ่ง​ตี้​ดี​หื้อ​กั๋น บ่ใจ้​ก้า​อู้​บ่ดาย​เน่อ

1 ยอห์น 3:3

กู้​คน​ตี้​มี​ความ​หวัง​ใน​พระคริสต์​จาอี้ ก็​จะ​เยียะ​ตั๋ว​หื้อ​บริสุทธิ์​เหมือน​อย่าง​ตี้​พระคริสต์​บริสุทธิ์

1 ยอห์น 4:17

ย้อน​จาอี้​ความ​ฮัก​ของ​พระเจ้า​จึง​สมบูรณ์​ใน​หมู่​เฮา เฮา​ก็​เลย​มี​ความ​มั่นใจ๋​ใน​วัน​ตัดสิน​ลงโต้ษ​บาป ย้อน​ว่า​พระคริสต์​เป๋น​จาใด​เฮา​ก็​เป๋น​จาอั้น​ใน​โลก​นี้