1 ยอห์น 2:22 - พระคริสตธรรมคัมภีร ภาคพันธสัญญาใหม

²² ใผ​เป๋น​คน​ขี้​จุ ก็​คือ​คน​ตี้​อู้​ว่า​พระเยซู​บ่ใจ้​พระคริสต์ คน​นั้น​ละ​เป๋น​ศัตรู๋​ของ​พระคริสต์ เขา​บ่ยอมฮับ​พระบิดา​ตึง​พระบุตร​ตวย

1 ยอห์น 2:22 Iomraidhean Croise

มัทธิว 24:24

ย้อน​ว่า​จะ​มี​พระคริสต์​ตั๋ว​ป๋อม กับ​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม​เกิด​ขึ้น แล้ว​หมู่​เขา​ก็​จะ​เยียะ​ก๋าน​อัศจ๋รรย์​กับ​หมายสำคัญ​ต่างๆ เปื้อ​จุล่าย​แม้​แต่​คน​ตี้​พระเจ้า​ได้​เลือก​ไว้​แล้ว ถ้า​เป๋น​ไป​ได้

มัทธิว 24:5

ย้อน​ว่า​จะ​มี​หลาย​คน​อ้าง​จื้อ​ของ​เฮา​ว่า ‘เฮา​เป๋น​พระคริสต์’ แล้ว​จุล่าย​หื้อ​หลาย​คน​หลง​เจื้อ

ยอห์น 8:44

หมู่​ต้าน​มา​จาก​ป้อ​ของ​หมู่​ต้าน​คือ​มาร แล้ว​หมู่​ต้าน​ก็​ใค่​เยียะ​ต๋าม​ความ​ต้องก๋าน​ของ​ป้อ​หมู่​ต้าน ตั้งแต่​เก๊า​มาร​ก็​เป๋น​ฆาตกร และ​บ่เกย​อยู่​ฝ่าย​ความ​จริง​เลย ย้อน​มัน​บ่มี​ความ​จริง​ใน​ตั๋ว​ของ​มัน เมื่อ​มัน​อู้​กำ​จุ มัน​ก็​เยียะ​ต๋าม​สันดาน​ของ​มัน ย้อน​ว่า​มัน​ขี้​จุ​กับ​เป๋น​ป้อ​ของ​ก๋าน​จุ

1 ยอห์น 1:6

ถ้า​เฮา​อู้​ว่า​เฮา​มี​สามัคคีธรรม​กับ​พระเจ้า แต่​เฮา​ยัง​ใจ๊​จีวิต​อยู่​ใน​ความ​มืด เฮา​ก็​จุ​กับ​บ่ได้​เยียะ​ต๋าม​ความ​จริง​แต๊ๆ

1 ยอห์น 2:18

ลูกๆ เหย ต๋อน​นี้​เป๋น​ยุค​สุดต๊าย​แล้ว ต๋าม​ตี้​ต้าน​ตังหลาย​เกย​ได้ยิน​ว่า​ศัตรู๋​ของ​พระคริสต์​ก่ำลัง​จะ​มา บ่าเดี่ยว​นี้​ศัตรู๋​ของ​พระคริสต์​ก็​ได้​มา​กั๋น​นัก​แล้ว ย้อนจาอั้น​เฮา​จึง​ฮู้​ว่า​ต๋อน​นี้​เป๋น​ยุค​สุดต๊าย

1 ยอห์น 2:23

คน​ใด​ตี้​บ่ยอมฮับ​พระบุตร คน​นั้น​ก็​บ่มี​ความ​สัมพันธ์​กับ​พระบิดา คน​ใด​ตี้​ยอมฮับ​พระบุตร​คน​นั้น​ก็​มี​ความ​สัมพันธ์​กับ​พระบิดา​ตวย

1 ยอห์น 2:4

คน​ตี้​อู้​ว่า​เฮา​ฮู้จัก​พระเจ้า แต่​บ่ได้​เยียะ​ต๋าม​กำสั่ง​ของ​พระองค์ ก็​เป๋น​คน​ขี้​จุ เขา​บ่ได้​ฮู้จัก​ความ​จริง

1 ยอห์น 4:20

ถ้า​คน​ใด​อู้​ว่า “เฮา​ฮัก​พระเจ้า” แต่​ยัง​จัง​ปี้น้อง​ผู้เจื้อ​ของ​ตั๋ว​อยู่ คน​นั้น​ก็​ขี้​จุ ย้อน​คน​ตี้​บ่ฮัก​ปี้น้อง​ผู้เจื้อ​ของ​ตั๋ว​ตี้​ผ่อ​หัน​ได้ แล้ว​จะ​ฮัก​พระเจ้า​ตี้​ผ่อ​บ่หัน​ได้​จาใด

1 ยอห์น 4:3

แต่​ถ้า​คน​ใด​บ่ยอมฮับ​เรื่อง​ของ​พระเยซู คน​นั้น​ก็​มี​วิญญาณ​ตี้​บ่ได้​มา​จาก​พระเจ้า เขา​เป๋น​ศัตรู๋​ของ​พระคริสต์ ตี้​ต้าน​ได้ยิน​ว่า​ศัตรู๋​ของ​พระคริสต์​ก่ำลัง​จะ​มา กับ​บ่าเดี่ยว​นี้​ก็​อยู่​ใน​โลก​นี้​แล้ว

1 ยอห์น 5:1

คน​ตี้​เจื้อ​ว่า​พระเยซู​เป๋น​พระคริสต์ ก็​ได้​จื้อ​ว่า​เป๋น​ลูก​ของ​พระเจ้า กับ​คน​ตี้​ฮัก​ป้อ​ก็​จะ​ฮัก​ลูกๆ ของ​เขา​ตวย

2 ยอห์น 1:7

มี​หมู่​ขี้​จุ​นัก​ขนาด​ออก​มา​ใคว่​โลก​นี้ คน​หมู่​นี้​บ่ยอมฮับ​ว่า​พระเยซู​คริสต์​ได้​เข้า​มา​ใน​โลก​นี้​เป๋น​มนุษย์​แต๊ๆ คน​จาอี้​เป๋น​ตึง​คน​ขี้​จุ​เป๋น​ตึง​ศัตรู๋​ของ​พระคริสต์

ยูดา 1:4

ย้อน​มี​บาง​คน​ตี้​บ่ยำเก๋ง​พระเจ้า​ได้​ลัก​เข้า​มา​ใน​หมู่​เฮา หมู่​เขา​เป๋น​คน​ตี้​ถือ​เอา​พระคุณ​ของ​พระเจ้า​มา​เป๋น​ข้ออ้าง​ใน​ก๋าน​ป่อย​ตั๋ว​ต๋าม​ตั๋ณหา กับ​ได้​ละ​ขว้าง​พระเยซู​คริสต์ ผู้​เป๋น​ตึง​เจ้านาย​ตึง​องค์​พระผู้เป๋นเจ้า​องค์​เดียว​ของ​เฮา​ไป พระคัมภีร์​ได้​เขียน​เถิง​คน​หมู่​นี้​ไว้​เมิน​มา​แล้ว​ว่า​หมู่​เขา​จะ​ต้อง​ได้ฮับ​โต้ษ​จาก​พระเจ้า

วิวรณ์ 3:9

ส่วน​หมู่​คน​ตี้​เป๋น​ของ​ซาต๋าน ตี้​จุ​ว่า​เป๋น​จาว​ยิว แต่​แต๊ๆ บ่ได้​เป๋น ผ่อ​ไว้​หื้อ​ดี เฮา​จะ​เยียะ​หื้อ​หมู่​เขา​มา​หมอบ​ลง​ไหว้​ตี้​ตี๋น​ของ​หมู่​ต้าน กับ​เยียะ​หื้อ​คน​หมู่​นั้น​ฮู้​ว่า​เฮา​ฮัก​หมู่​ต้าน