1 โครินธ์ 9:5 - พระคริสตธรรมคัมภีร ภาคพันธสัญญาใหม

⁵ เฮา​มี​สิทธิ์​ตี้​จะ​ปา​เมีย​ตี้​เป๋น​ปี้น้อง​ผู้เจื้อ​ไป​หั้น​ไป​นี่​ตวย เหมือน​อย่าง​อัครทูต​คน​อื่นๆ ตึง​น้องๆ ของ​พระเยซู​องค์​พระผู้เป๋นเจ้า กับ​อย่าง​เปโตร​บ่ใจ้​กา

1 โครินธ์ 9:5 Iomraidhean Croise

มัทธิว 13:55

เขา​เป๋น​ลูก​สล่า​ไม้ แม่​จื้อ​มารีย์ มี​น้องบ่าว​จื้อ​ยากอบ โยเซฟ ซีโมน กับ​ยูดาส​บ่ใจ้​กา

มัทธิว 8:14

เมื่อ​พระเยซู​เข้า​ไป​ใน​เฮือน​ของ​เปโตร ก็​หัน​แม่​เมีย​ของ​เขา​บ่สบาย​เป๋น​ไข้​นอน​อยู่

มาระโก 1:30

แม่​เมีย​ของ​ซีโมน​บ่สบาย​เป๋น​ไข้​นอน​อยู่ หมู่​เขา​ก็​เล่า​อาก๋าน​ของ​นาง​หื้อ​พระองค์​ฟัง

มาระโก 6:3

เขา​เป๋น​สล่า​ไม้​บ่ใจ้​กา เป๋น​ลูก​บ่าว​ของ​มารีย์ มี​น้อง​บ่าว​จื้อ​ยากอบ โยเสส ยูดาส กับ​ซีโมน หมู่​น้องสาว​ของ​เขา​ก็​อยู่​ใน​เมือง​นี้​กับ​หมู่​เฮา​บ่ใจ้​กา” หมู่​เขา​ก็​เลย​บ่ยอมฮับ​พระองค์

ลูก๋า 6:15

มัทธิว​โธมัส ยากอบ​ลูกบ่าว​ของ​อัลเฟอัส ซีโมน ตี้​เป๋น​คน​ของ​พรรค​จ้าดนิยม

ลูก๋า 8:20

มี​คน​บอก​พระองค์​ว่า “แม่​กับ​หมู่​น้อง​บ่าว​ของ​ต้าน​มา​ยืน​ถ้า​อยู่​ตังนอก”

ยอห์น 1:42

อันดรูว์​ก็​ปา​ซีโมน​ไป​ปะ​พระเยซู บ่ากอง​พระเยซู​หัน​ซีโมน​ก็​อู้​ว่า “ต้าน​คือ​ซีโมน​ลูกบ่าว​ของ​ยอห์น แต่​คน​จะ​ฮ้อง​ต้าน​ว่า เคฟาส” (​คือ​เปโตร ตี้​แป๋​ว่า บ่าหิน​ใหญ่​)

ยอห์น 2:12

หลังจาก​นั้น​แล้ว​พระองค์​ก็​ไป​เมือง​คาเปอรนาอุม​พร้อม​แม่​กับ​หมู่​น้อง​บ่าว กับ​หมู่​สาวก​ของ​พระองค์ แล้ว​อยู่​ตี้​หั้น​แหม​บ่กี่​วัน

กิจก๋าน 1:14

หมู่​เขา​พร้อม​ใจ๋​กั๋น​อธิษฐาน​เจื่อๆ ฮ่วม​กับ​หมู่​แม่ญิง​ตึง​นาง​มารีย์​แม่​ของ​พระเยซู​ตึง​หมู่​น้อง​ของ​พระองค์​ตวย

โรม 16:1

ข้าพเจ้า​ขอ​แนะนำ​เฟบี​น้องสาว​ใน​ความ​เจื้อ​ของ​เฮา​หื้อ​กับ​ต้าน​ตังหลาย นาง​เป๋น​ผู้​ฮับใจ๊​พระเจ้า​ของ​คริสตจักร​ใน​เมือง​เคนเครีย

1 โครินธ์ 1:12

ข้าพเจ้า​หมายความ​ว่า​หมู่​ต้าน​ต่าง​คน​ต่าง​อู้​ว่า “ข้าพเจ้า​เป๋น​ลูกศิษย์​ของ​เปาโล” “ข้าพเจ้า​เป๋น​ลูกศิษย์​ของ​อปอลโล” “ข้าพเจ้า​เป๋น​ลูกศิษย์​ของ​เคฟาส” กาว่า “ข้าพเจ้า​เป๋น​ลูกศิษย์​ของ​พระคริสต์”

1 โครินธ์ 7:15

แต่​ถ้า​คน​ตี้​บ่เจื้อ​ใค่​หย่า ก็​หื้อ​เขา​หย่า​กั๋น​เหีย ถ้า​เป๋น​จาอี้​คน​ตี้​เป๋น​ผู้เจื้อ​ก็​บ่ได้​ผูกมัด​อะหยัง​กับ​เขา​แหม​แล้ว ย้อน​ว่า​พระเจ้า​ฮ้อง​หมู่​เฮา​หื้อ​อยู่​กั๋น​อย่าง​สงบ​สุข

1 โครินธ์ 7:39

แม่ญิง​ตี้​แต่งงาน​แล้ว ก็​ถือ​ว่า​ผูกมัด​กับ​ผัว​ไป จ๋น​เต้า​ตี้​ผัว​ยัง​มี​จีวิต​อยู่ แต่​ถ้า​ผัว​ต๋าย​ไป นาง​ก็​มี​อิสระ​ตี้​จะ​แต่งงาน​กับ​ใผ​ก็​ได้​ต๋าม​ตี้​ต้องก๋าน แต่​ต้อง​เป๋น​ผู้เจื้อ​ใน​องค์​พระ​ผู้​เป๋น​เจ้า​เน่อ

1 โครินธ์ 7:7

แต๊ๆ แล้ว ข้าพเจ้า​ใค่​อยาก​หื้อ​กู้​คน​เป๋น​โสด​เหมือน​ข้าพเจ้า แต่​กู้​คน​ก็​มี​ของ​ประทาน​ของ​ตั๋ว​ต๋าม​ตี้​พระเจ้า​หื้อ คน​นึ่ง​มี​อย่าง​นึ่ง แหม​คน​ก็​มี​แหม​อย่าง​นึ่ง

1 โครินธ์ 7:8

ข้าพเจ้า​ขอ​บอก​คน​ตี้​บ่ได้​แต่งงาน กับ​หมู่​แม่​หม้าย​ว่า ก๋าน​ตี้​หมู่​เขา​เป๋น​เหมือน​ข้าพเจ้า​ก็​ดี​แล้ว

กาลาเทีย 1:19

บ่ได้​ปะ​อัครทูต​คน​อื่นๆ เลย นอกจาก​ยากอบ​น้อง​ของ​พระเยซู​องค์​พระ​ผู้​เป๋น​เจ้า​ของ​เฮา​เต้าอั้น

1 ทิโมธี 3:2

ผู้ปกครอง​นั้น​จะ​ต้อง​เป๋น​คน​บ่มี​ตี้​ติ มี​เมีย​คน​เดียว ใจ๊​จีวิต​อย่าง​ปอดี มี​สติ​บังคับ​ตั๋ว​ได้​ดี เป๋น​คน​ตี้​น่า​นับถือ มี​น้ำใจ๋​ฮับ​แขก กับ​สอน​คน​อื่น​ได้

1 ทิโมธี 4:3

หมู่​เขา​สอน​ว่า ห้าม​เอา​ผัว​เอา​เมีย​กับ​ห้าม​กิ๋น​ของ​กิ๋น​บาง​อย่าง แต๊ๆ แล้ว​พระเจ้า​แป๋ง​สิ่ง​หมู่​นี้​หื้อ​คน​ตี้​เจื้อ​กับ​ฮู้จัก​ความ​จริง​กิ๋น​ได้​โดย​ขอบพระคุณ​พระเจ้า

1 ทิโมธี 5:2

ส่วน​แม่ญิง​อายุ​นัก​เหลือ​ต้าน​นั้น ก็​หื้อ​เยียะ​กับ​เปิ้น​เหมือน​เป๋น​แม่ แม่ญิง​สาวๆ ก็​หื้อ​เยียะ​เหมือน​เป๋น​น้องสาว ด้วย​ใจ๋​บริสุทธิ์

ทิตัส 1:6

ผู้ปกครอง​นั้น​จะ​ต้อง​บ่มี​ตี้​ติ มี​เมีย​คน​เดียว มี​ลูก​ตี้​เจื้อ​พระเยซู​คริสต์ บ่มี​ใผ​ว่า​เป๋น​คน​ฮ้าย​กับ​หลึ่ง​บ่เจื้อฟัง​ใผ

ฮีบรู 13:4

ขอ​หื้อ​จีวิต​ก๋าน​แต่งงาน​ของ​ต้าน​เป๋น​ตี้​นับถือ​ของ​กู้​คน กับ​หื้อ​ผัว​เมีย​ซื่อสัตย์​ต่อ​กั๋น ย้อน​ว่า​พระเจ้า​จะ​ลงโต้ษ​คน​ตี้​เยียะ​ผิด​ตาง​เพศ​กับ​ล่วง​ประเวณี