1 โครินธ์ 7:7 - พระคริสตธรรมคัมภีร ภาคพันธสัญญาใหม

⁷ แต๊ๆ แล้ว ข้าพเจ้า​ใค่​อยาก​หื้อ​กู้​คน​เป๋น​โสด​เหมือน​ข้าพเจ้า แต่​กู้​คน​ก็​มี​ของ​ประทาน​ของ​ตั๋ว​ต๋าม​ตี้​พระเจ้า​หื้อ คน​นึ่ง​มี​อย่าง​นึ่ง แหม​คน​ก็​มี​แหม​อย่าง​นึ่ง

1 โครินธ์ 7:7 Iomraidhean Croise

กิจก๋าน 26:29

เปาโล​ก็​ตอบ​ว่า “บ่ว่า​จะ​เป๋น​เวลา​หน้อย​กาว่า​เวลา​นัก​ก็​ต๋าม ข้าพเจ้า​อธิษฐาน​ต่อ​พระเจ้า​ขอ​หื้อ​กษัตริย์​กับ​กู้​คน​ตี้​ได้​ฟัง​ข้าพเจ้า​ใน​วัน​นี้​เป๋น​เหมือน​อย่าง​ข้าพเจ้า ยกเว้น​บ่ถูก​เจื้อก​เหล็ก​ล่าม​อย่าง​ข้าพเจ้า”

โรม 12:6

เฮา​แต่​ละ​คน​ได้ฮับ​ของ​ประทาน​ต่างๆ ต๋าม​ตี้​พระเจ้า​โผด​หื้อ ถ้า​พระเจ้า​โผด​หื้อ​บอก​ถ้อยกำ​ของ​พระเจ้า ก็​หื้อ​บอก​ต๋าม​ตี้​เจื้อ

1 โครินธ์ 12:11

ตึงหมด​นี้​ก็​มา​จาก​พระวิญญาณ​องค์​เดียว​กั๋น กับ​พระองค์​ก็​หื้อ​ของ​ประทาน​แต่​ละ​คน​ต๋าม​ตี้​พระองค์​หัน​สมควร

1 โครินธ์ 12:4

ของ​ประทาน​นั้น​มี​ต่าง​กั๋น​ไป แต่​มา​จาก​พระวิญญาณ​องค์​เดียว​กั๋น

1 โครินธ์ 7:8

ข้าพเจ้า​ขอ​บอก​คน​ตี้​บ่ได้​แต่งงาน กับ​หมู่​แม่​หม้าย​ว่า ก๋าน​ตี้​หมู่​เขา​เป๋น​เหมือน​ข้าพเจ้า​ก็​ดี​แล้ว

1 โครินธ์ 9:15

แต่​ข้าพเจ้า​บ่ได้​ใจ๊​สิทธิ์​หมู่​นี้ กับ​ข้าพเจ้า​ก็​บ่ได้​เขียน​จาอี้​เปื้อ​หื้อ​เขา​เยียะ​จาอั้น​กับ​ข้าพเจ้า หื้อ​ข้าพเจ้า​ต๋าย​เหีย​ดี​เหลือ​ตี้​จะ​หื้อ​ใผ​เอา​ความ​ภูมิใจ๋​ของ​ข้าพเจ้า​ไป

1 โครินธ์ 9:5

เฮา​มี​สิทธิ์​ตี้​จะ​ปา​เมีย​ตี้​เป๋น​ปี้น้อง​ผู้เจื้อ​ไป​หั้น​ไป​นี่​ตวย เหมือน​อย่าง​อัครทูต​คน​อื่นๆ ตึง​น้องๆ ของ​พระเยซู​องค์​พระผู้เป๋นเจ้า กับ​อย่าง​เปโตร​บ่ใจ้​กา