1 โครินธ์ 7:23 - พระคริสตธรรมคัมภีร ภาคพันธสัญญาใหม

²³ พระเจ้า​ซื้อ​หมู่​ต้าน​มา​แปง​นัก​ขนาด จาอั้น​ห้าม​เป๋น​ขี้ข้า​ของ​คน​เน่อ

1 โครินธ์ 7:23 Iomraidhean Croise

มัทธิว 6:24

“บ่มี​ใผ​จะ​ฮับ​ใจ๊​เจ้านาย​สอง​คน​พร้อม​กั๋น​ได้ ย้อน​ว่า​เขา​จะ​จัง​นาย​คน​นึ่ง แล้ว​ก็​ฮัก​นาย​แหม​คน​นึ่ง กาว่า​เขา​ก็​จะ​ซื่อสัตย์​กับ​นาย​คน​นึ่ง​แต่​จะ​ดู​ถูก​ดู​แควน​นาย​แหม​คน​นึ่ง เจ้น​เดียว​กั๋น​ต้าน​จะ​ฮับใจ๊​พระเจ้า​แล้ว​จะ​ฮับใจ๊​เงินคำ​พร้อม​กั๋น​บ่ได้

กิจก๋าน 20:28

“หื้อ​ต้าน​ตังหลาย​เฝ้า​หละวัง​ตั๋ว​กับ​สมาชิก​คริสตจักร​ตี้​พระวิญญาณ​บริสุทธิ์​มอบหมาย​หื้อ​ต้าน​ตังหลาย​ผ่อกอย หื้อ​เอาใจ๋​ใส่​คน​ตังหลาย​ใน​คริสตจักร​เหมือน​ผู้เลี้ยง​แกะ​ผ่อกอย​แกะ ตี้​พระเจ้า​เยียะ​หื้อ​เป๋น​คน​ของ​พระองค์​โดย​ก๋าน​ต๋าย​ของ​พระบุตร​ของ​พระองค์

1 โครินธ์ 6:20

ย้อน​พระเจ้า​ได้​ซื้อ​หมู่​ต้าน​มา​แปง​ขนาด จาอั้น​หื้อ​ใจ๊​ตั๋ว​ของ​หมู่​ต้าน​หื้อ​เกียรติ​พระเจ้า​เต๊อะ

กาลาเทีย 2:4

ตี้​เฮา​บอก​เรื่อง​นี้ ก็​ย้อน​ว่า​มี​บาง​คน​ตี้​อ้าง​ว่า​เป๋น​ปี้น้อง​ของ​เฮา ได้​ลัก​เข้า​มา​สอดแนม​อยู่​ใน​หมู่​เฮา เปื้อ​มา​ลู่​เอา​อิสระ​ตี้​เฮา​มี​ใน​พระเยซู​คริสต์​ไป แล้ว​เยียะ​หื้อ​เฮา​เป๋น​ขี้ข้า​ของ​ฮีต​เก่า​ฮอย​เดิม​ของ​จาว​ยิว​แหม

ทิตัส 2:14

พระองค์​ต๋าย​เปื้อ​เฮา เปื้อ​ไถ่​เฮา​หื้อ​ป๊น​อำนาจ​บาป​ตึงหมด​ตึงเสี้ยง กับ​เปื้อ​เยียะ​หื้อ​เฮา​บริสุทธิ์ แล้ว​จะ​ได้​เป๋น​คน​ของ​พระเจ้า​ตี้​เอา​แต๊​เอา​ว่า​ใน​ก๋าน​เยียะ​ความ​ดี

1 เปโตร 3:18

พระคริสต์​ตุ๊ก​ทรมาน​เปื้อ​ฮับ​โต้ษ​บาป​ของ​หมู่​เฮา​เตื้อ​เดียว​ก็​ปอ​ละ คือ​พระองค์​ผู้​ตี้​บ่มี​บาป​ต๋าย​แตน​หมู่​คน​บาป เปื้อ​จะ​ปา​หมู่​เขา​ไป​หา​พระเจ้า ตั๋ว​ของ​พระองค์​ถูก​ฆ่า​ต๋าย แต่​พระเจ้า​โผด​หื้อ​จิตวิญญาณ​ของ​พระองค์​เป๋น​ขึ้น​มา​มี​จีวิต​ใหม่

วิวรณ์ 5:9

หมู่​เขา​ก็​ฮ้อง​เพลง​บท​ใหม่​ว่า “พระองค์​เป๋น​ผู้​ตี้​สมควร​ตี้​จะ​ได้ฮับ​หนังสือ​ม้วน​นี้ กับ​แกะ​ก๋า​ออก ย้อน​พระองค์​ได้​ถูก​ฆ่า​แล้ว กับ​ได้​ไถ่​คน​ตังหลาย​หื้อ​พระเจ้า​โดย​เลือด​ของ​พระองค์ เซิ่ง​คน​หมู่​นั้น​มา​จาก​กู้​เผ่า กู้​ภาษา กู้​จ้าด กับ​กู้​บ้านเมือง