1 โครินธ์ 6:1 - พระคริสตธรรมคัมภีร ภาคพันธสัญญาใหม

¹ ถ้า​คน​ใด​ใน​หมู่​ต้าน​เป๋น​ถ้อย​เป๋น​ความ​กั๋น เยียะ​หยัง​เถิง​เอา​ไป​หื้อ​คน​ตี้​บ่เจื้อ​พระเจ้า​ตัดสิน แตน​ตี้​จะ​หื้อ​คน​ของ​พระเจ้า​ตัดสิน​หื้อ

1 โครินธ์ 6:1 Iomraidhean Croise

มัทธิว 5:45

ถ้า​ต้าน​ตังหลาย​เยียะ​จาอี้​แล้ว ก็​แสดง​ว่า​ต้าน​เป๋น​ลูก​แต๊ๆ ของ​พระบิดา​ตี้​อยู่​ใน​สวรรค์ ย้อน​ว่า​พระองค์​ก็​เยียะ​หื้อ​ตะวัน​ส่อง​แจ้ง​หลึ​แจ้ง​หลึ้ง​ตึง​คน​บ่ดี​กับ​คน​ดี ก็​หื้อ​ฝน​ตก​ลง​มา​ใส่​ตึง​คน​ตี้​เยียะ​ดี​ตึง​คน​ตี้​เยียะ​ฮ้าย​เหมือน​กั๋น​หมด​กู้​คน

กิจก๋าน 19:38

ถ้า​เดเมตริอัส​กับ​หมู่​สล่า​เครื่อง​เงิน​มี​เรื่อง​กับ​ใผ ศาล​ก็​เปิด​อยู่ หมู่​ผู้​พิพากษา​ก็​มี​พร้อม หื้อ​หมู่​เขา​มา​ฟ้อง​ตี้​หั้น​คน​เดียว​แหล่

1 โครินธ์ 1:2

เถิง​คริสตจักร​ของ​พระเจ้า​ตี้​อยู่​ใน​เมือง​โครินธ์ พระเจ้า​ได้​เยียะ​หื้อ​ต้าน​บริสุทธิ์​โดย​ตาง​พระเยซู​คริสต์ กับ​ได้​ฮ้อง​ต้าน​หื้อ​เป๋น​คน​ของ​พระองค์​ฮ่วม​กับ​กู้​คน​ใน​กู้ๆ ตี้ ตี้​อธิษฐาน​ใน​นาม​ของ​พระเยซู​คริสต์​องค์​พระ​ผู้​เป๋น​เจ้า​ของ​หมู่​เขา​กับ​ของ​เฮา

1 โครินธ์ 14:33

ย้อน​ว่า​พระเจ้า​บ่ได้​เป๋น​พระเจ้า​แห่ง​ความ​วุ่นวาย แต่​เป๋น​พระเจ้า​แห่ง​สันติสุข อย่าง​ตี้​เป๋น​อยู่​ใน​คริสตจักร​กู้ๆ ตี้

1 โครินธ์ 16:1

ส่วน​เรื่อง​ก๋าน​ฮอม​สตางค์​จ้วย​เหลือ​คน​ของ​พระเจ้า ข้าพเจ้า​สั่ง​คน​ใน​คริสตจักร​ตี้​แคว้น​กาลาเทีย​จาใด ต้าน​ตังหลาย​ก็​ต้อง​เยียะ​จาอั้น​ตวย

1 โครินธ์ 16:15

ปี้น้อง​ตังหลาย ต้าน​ก็​ฮู้​เรื่อง​สเทฟานัส​กับ​ครอบครัว​ของ​เขา​แล้ว​ว่า​เป๋น​จาใด หมู่​เขา​เป๋น​คริสเตียน​หมู่​เก๊า​ใน​แคว้น​อาคายา ตึง​ได้​เอา​แต๊​เอา​ว่า​ใน​ก๋าน​ฮับ​ใจ๊​คน​ของ​พระเจ้า ข้าพเจ้า​ขอ​วิงวอน

1 โครินธ์ 5:12

ข้าพเจ้า​บ่มี​หน้าตี้​ไป​ตัดสิน​ลง​โต้ษ​คน​ตี้​บ่ใจ้​ผู้เจื้อ​ตี้​เป๋น​เหมือน​คน​นอก​นั้น พระเจ้า​จะ​เป๋น​ผู้​ตัดสิน​ลงโต้ษ​คน​นอก​เอง แต่​หมู่​ต้าน​จะ​ต้อง​ตัดสิน​ลงโต้ษ​คน​ใน​หมู่​ของ​ต้าน​บ่ใจ้​กา อย่าง​ตี้​มี​เขียน​ไว้​ใน​พระคัมภีร์​ว่า “หื้อ​ไล่​คน​บ่ดี​จาอั้น​ออก​ไป​จาก​หมู่​ต้าน​เหีย​เน่อ”

1 โครินธ์ 6:5

ตี้​ข้าพเจ้า​เขียน​จาอี้ ก็​เปื้อ​หื้อ​หมู่​ต้าน​ละอาย​ใจ๋ ใน​หมู่​ต้าน​บ่มี​ใผ​ตี้​มี​ผญา​ปั๋ญญา​ปอ​ตี้​จะ​ตัดสิน​เรื่อง​ผิดเถียง​กั๋น​ใน​หมู่​ปี้น้อง​ผู้เจื้อ​ได้​เลย​กา