1 โครินธ์ 5:8 - พระคริสตธรรมคัมภีร ภาคพันธสัญญาใหม

⁸ จาอั้น หื้อ​เฮา​ฮักษา​งาน​ปัสกา โดย​บ่ใจ๊​เจื๊อ​เข้าหนมปัง​เก่า​แห่ง​ความ​บ่ดี​น่า​ขี้จ๊ะ แต่​โดย​ใจ๊​เข้าหนมปัง​ตี้​บ่มี​เจื๊อ​อะหยัง คือ​เข้าหนมปัง​ตี้​บริสุทธิ์​กับ​ซื่อสัตย์

1 โครินธ์ 5:8 Iomraidhean Croise

มัทธิว 16:12

ใน​ตี้​สุด​หมู่​สาวก​ก็​เข้าใจ๋​แล้ว​ว่า พระเยซู​บ่ได้​อู้​เถิง​เรื่อง​หละวัง​เจื๊อ​ตี้​ใส่​ใน​เข้าหนมปัง แต่​หื้อ​หละวัง​กำสอน​ของ​หมู่​ฟาริสี​กับ​หมู่​สะดูสี

มัทธิว 16:6

พระเยซู​เตื๋อน​หมู่​เขา​ว่า “หื้อ​แน​หละวัง​เจื๊อฟู​ของ​หมู่​ฟาริสี​กับ​หมู่​สะดูสี​ไว้​หื้อ​ดี​เน่อ”

มาระโก 8:15

พระเยซู​เตื๋อน​หมู่​เขา​ว่า “หละวัง​เจื๊อฟู​ของ​หมู่​ฟาริสี กับ​เจื๊อฟู​ของ​กษัตริย์​เฮโรด​ไว้​หื้อ​ดีๆ”

ลูก๋า 12:1

กำ​นั้น​มี​คน​นัก​เป๋น​ปันๆ คน​มา​จุมนุม​ยัด​กั๋น​อยู่ พระเยซู​อู้​กับ​หมู่​สาวก​ของ​พระองค์​ก่อน​ว่า “ต้าน​ตังหลาย​จง​หละวัง​เจื๊อฟู​ของ​หมู่​ฟาริสี คือ​ความ​หน้า​ซื่อ​ใจ๋​ก๊ด

ยอห์น 1:47

บ่ากอง​พระองค์​หัน​นาธานาเอล​เตียว​เข้า​มา​หา พระองค์​ก็​อู้​ว่า “นี่​ลอ จาว​อิสราเอล​แต๊ๆ ตี้​บ่ขี้​จุ​เลย”

1 โครินธ์ 3:3

ย้อน​หมู่​ต้าน​ยัง​ใจ๊​จีวิต​ต๋าม​โลก​นี้​อยู่ คือ ขอย​กั๋น ผิดหัว​กั๋น เซิ่ง​เยียะ​หื้อ​ฮู้​ว่า​หมู่​ต้าน​ยัง​ใจ๊​จีวิต​อย่าง​คน​บาป​ทั่วไป​อยู่​บ่ใจ้​กา

1 โครินธ์ 5:1

บ่น่า​เจื้อ​แต๊ๆ ตี้​ข้าพเจ้า​ได้ยิน​มา​ว่า มี​คน​นึ่ง​ใน​หมู่​ต้าน​ตี้​เยียะ​บาป​ตาง​เพศ ขนาด​คน​ตี้​บ่เจื้อ​พระเจ้า​ก็​ยัง​ถือ​ว่า​เรื่อง​จาอี้​ผิด​เลย เรื่อง​ก็​คือ​ว่า มี​ป้อจาย​คน​นึ่ง​เอา​แม่เลี้ยง​ของ​ตั๋ว​มา​เป๋น​เมีย

1 โครินธ์ 5:6

ตี้​หมู่​ต้าน​ปา​กั๋น​อวด​ตั๋ว​นั้น​ก็​บ่สมควร​เลย หมู่​ต้าน​บ่ฮู้​กา​ว่า ใส่​เจื๊อ​ฟู​หน้อย​เดียว ก็​เยียะ​หื้อ​แป้ง​เข้าหนมปัง​ฟู​ตึง​ก้อน

2 โครินธ์ 1:12

จิต​สำนึก​ของ​เฮา​ยืนยัน​กับ​หมู่​เฮา​ว่า กู้​สิ่ง​ตี้​เฮา​เยียะ​ใน​โลก​นี้​เฮา​เยียะ​โดย​ความ​บริสุทธิ์​ใจ๋​กับ​น้ำ​ใส​ใจ๋​จริง​ตี้​มา​จาก​พระเจ้า โดย​เฉพาะ​ใน​ความ​สัมพันธ์​กับ​หมู่​ต้าน เฮา​ได้​เยียะ​จาอั้น​โดย​พระคุณ​ของ​พระเจ้า บ่ใจ้​โดย​ปั๋ญญา​ของ​คน สิ่ง​นี้​ละ​ตี้​เยียะ​หื้อ​เฮา​ภูมิใจ๋

2 โครินธ์ 2:17

ย้อน​ว่า​เฮา​บ่เหมือน​หลายๆ คน​ตี้​เอา​ถ้อยกำ​ของ​พระเจ้า​ไป​หา​กิ๋น แต่​พระเจ้า​ใจ๊​เฮา​มา เฮา​จึง​บอก​ออก​ไป​อย่าง​น้ำใสใจ๋จริง​ต่อหน้า​พระองค์​ใน​ฐานะ​ตี้​เฮา​เป๋น​ผู้​ฮับใจ๊​ของ​พระเยซู​คริสต์

2 โครินธ์ 8:8

ข้าพเจ้า​บ่ได้​สั่ง​เน่อ แต่​ใค่​หื้อ​ต้าน​ฮู้​เถิง​ก๋าน​เอา​แต๊​เอา​ว่า​ของ​คน​อื่นๆ แล้ว​จะ​ลอง​ผ่อ​ว่า​ความ​ฮัก​ของ​หมู่​ต้าน​นั้น​เป๋น​ความ​ฮัก​แต๊​ก่อ

เอเฟซัส 6:24

ขอ​พระคุณ​ของ​พระเจ้า​อยู่​กับ​กู้ๆ คน​ตี้​ฮัก​พระเยซู​คริสต์​องค์​พระผู้เป๋นเจ้า​ของ​หมู่​เฮา​อย่าง​บ่มี​วัน​หมด

1 เปโตร 4:2

แล้ว​หื้อ​ใจ๊​จีวิต​ตี้​เหลือ​ต๋าม​ความ​ต้องก๋าน​ของ​พระเจ้า บ่ใจ้​ต๋าม​กิเลส​ตั๋ณหา​อย่าง​คน​ทั่ว​ไป