1 โครินธ์ 5:10 - พระคริสตธรรมคัมภีร ภาคพันธสัญญาใหม

¹⁰ แต่​ข้าพเจ้า​บ่ได้​หมายเถิง​บ่หื้อ​คบ​กับ​คน​ของ​โลก​ตี้​เป๋น​คน​ล่วง​ประเวณี คน​ขี้โลภ คน​ขี้โก๋ง กาว่า​คน​ตี้​กราบ​ไหว้​ฮูป​เคารพ​เน่อ ย้อน​ถ้า​ห้าม​จาอั้น​แล้ว หมู่​ต้าน​ก็​ท่า​จะ​ได้​ไป​อยู่​นอก​โลก​เหีย​ละ

1 โครินธ์ 5:10 Iomraidhean Croise

ลูก๋า 18:11

คน​ฟาริสี​หยิ่ง​จ๋องหอง​คน​นั้น​ลุก​ขึ้น​ยืน​อธิษฐาน​ว่า ‘พระองค์​เจ้า​ข้า ขอบพระคุณ​พระองค์​ตี้​ข้าพเจ้า​บ่เหมือน​คน​อื่น ตี้​เป๋น​คน​โลภ​คน​บ่ดี คน​ล่วง​ประเวณี กับ​บ่เหมือน​คน​เก็บ​ภาษี​คน​นี้

ยอห์น 15:19

ถ้า​หมู่​ต้าน​เป๋น​คน​ของ​โลก​นี้ โลก​นี้​ก็​จะ​ฮัก​หมู่​ต้าน​ตี้​เป๋น​คน​ของ​โลก แต่​หมู่​ต้าน​บ่ได้​เป๋น​คน​ของ​โลก​แล้ว ย้อน​เฮา​ได้​เลือก​หมู่​ต้าน​หื้อ​ออก​จาก​โลก จาอั้น​โลก​เลย​จัง​หมู่​ต้าน

ยอห์น 17:6

“คน​ตี้​พระองค์​นำ​มา​ติดต๋าม​ข้า​พระองค์​จาก​โลก​นี้ ข้า​พระองค์​ก็​เยียะ​หื้อ​ฮู้จัก​พระองค์ คน​หมู่​นี้​เป๋น​ของ​พระองค์​ตี้​พระองค์​มอบ​ไว้​กับ​ข้า​พระองค์​แล้ว หมู่​เขา​ได้​เยียะ​ต๋าม​ถ้อยกำ​ของ​พระองค์

ยอห์น 17:9

ข้า​พระองค์​อธิษฐาน​หื้อ​หมู่​เขา บ่ใจ้​อธิษฐาน​หื้อ​คน​ใน​โลก แต่​อธิษฐาน​หื้อ​คน​หมู่​นั้น​ตี้​พระองค์​มอบ​หื้อ​ข้า​พระองค์​ไว้ ย้อน​หมู่​เขา​เป๋น​คน​ของ​พระองค์

ยอห์น 8:23

พระเยซู​อู้​ว่า “หมู่​ต้าน​มา​จาก​โลก​นี้​ตี้​อยู่​ตัง​ลุ่ม แต่​เฮา​มา​จาก​สวรรค์​ตี้​อยู่​ตัง​บน แล้ว​หมู่​ต้าน​ก็​เป๋น​ของ​โลก​นี้ แต่​เฮา​บ่ใจ้​เป๋น​ของ​โลก​นี้

1 โครินธ์ 1:20

ไหน​หมู่​คน​หลวก ไหน​หมู่​ธรรมาจ๋ารย์ ไหน​หมู่​นัก​ปราชญ์​สมัย​นี้ พระเจ้า​เยียะ​หื้อ​หัน​แล้ว​บ่ใจ้​กา ว่า​ปั๋ญญา​ของ​โลก​นี้​มัน​ง่าว

1 โครินธ์ 10:27

ถ้า​มี​ใผ​ตี้​บ่ใจ้​ผู้เจื้อ​เจิญ​หมู่​ต้าน​ไป​กิ๋นเลี้ยง แล้ว​ต้าน​ใค่​ไป กู้​อย่าง​ตี้​เขา​ดา​หื้อ​กิ๋น​นั้น ก็​กิ๋น​ได้​โดย​บ่ต้อง​กึ๊ด​นัก​ว่า​จะ​ผิด​ก่อ

1 โครินธ์ 5:11

ข้าพเจ้า​หมายเถิง คน​ตี้​ได้​จื้อ​ว่า​เป๋น​ปี้น้อง​ผู้เจื้อ แต่​ยัง​ล่วง​ประเวณี ขี้โลภ กราบ​ไหว้​ฮูป​เคารพ อู้​ใส่​ฮ้าย​คน​อื่น เป๋น​ขี้​เหล้า กับ​ขี้​โก๋ง ห้าม​คบ​คน​จาอั้น​เน่อ แม้แต่​จะ​กิ๋น​ฮ่วม​กับ​คน​จาอี้​ก็​ห้าม​เลย

1 โครินธ์ 5:9

ข้าพเจ้า​เกย​เขียน​จดหมาย​บอก​หมู่​ต้าน​แล้ว​ลอ​ว่า ห้าม​คบ​กับ​คน​ตี้​เยียะ​บาป​ตาง​เพศ

2 โครินธ์ 4:4

พระ​ของ​คน​ยุค​นี้​ได้​เยียะ​หื้อ​กำกึ๊ด​ของ​คน​ตี้​บ่เจื้อ​มืดมน​ไป​เหมือน​คน​ต๋าบอด เปื้อ​บ่หื้อ​หมู่​เขา​หัน​แสง​เป่งแจ้ง​ของ​ข่าวดี ข่าวดี​นี้​ก็​คือ​เรื่อง​รัศมี​ของ​พระคริสต์​ผู้​ตี้​เป๋น​ภาพ​สะท้อน​ของ​พระเจ้า

เอเฟซัส 2:2

หมู่​ต้าน​เกย​ใจ๊​จีวิต​ตี้​บ่ดี​ต๋าม​ตาง​ของ​โลก หมู่​ต้าน​ยอม​เจื้อฟัง​ซาต๋าน​ผู้​มี​อำนาจ​ใน​ฟ้า​อากาศ เซิ่ง​เป๋น​วิญญาณ​ตี้​ควบคุม​คน​ตี้​บ่ยอม​เจื้อฟัง​พระเจ้า

ฟีลิปปี 2:15

เปื้อ​ต้าน​ตังหลาย​จะ​บ่มี​ตี้​ติ​กับ​บ่มี​ความ​ผิด กับ​เป๋น​ลูก​ของ​พระเจ้า​ตี้​บ่มี​ต๋ำหนิ ตี้​อยู่​ต้ามก๋าง​คน​ขี้โก๋ง​กับ​คน​บ่ดี หื้อ​เป๋น​เหมือน​ดาว​ตี้​ส่อง​แสง​ต้ามก๋าง​หมู่​เขา

1 ยอห์น 4:5

หมู่​เขา​เป๋น​ของ​โลก​นี้ ย้อน​จาอั้น​สิ่ง​ตี้​หมู่​เขา​อู้​ก็​มา​จาก​โลก​นี้​กับ​คน​ใน​โลก​ก็​ฟัง​หมู่​เขา

1 ยอห์น 4:7

ต้าน​ตี้​ฮัก​ตังหลาย ขอ​หื้อ​เฮา​ฮัก​กั๋น​ไว้​เน่อ ย้อน​ว่า​ความ​ฮัก​นั้น​มา​จาก​พระเจ้า คน​ตี้​ฮัก​เซิ่ง​กั๋น​และ​กั๋น ก็​เป๋น​ลูก​ของ​พระเจ้า​กับ​ฮู้จัก​พระเจ้า

1 ยอห์น 5:19

เฮา​ฮู้​ว่า​เฮา​เป๋น​ลูก​ของ​พระเจ้า เถิงแม้​ว่า​มาร​ก่ำลัง​ครอบครอง​โลก​นี้​อยู่​ก็​ต๋าม

วิวรณ์ 12:9

มังกร​ใหญ่​ตี้​เป๋น​งู​โบราณ​นั้น เซิ่ง​ฮ้อง​กั๋น​ว่า มาร กาว่า ซาต๋าน ผู้​ตี้​ล่อลวง​มนุษย์​ตึง​โลก ก็​ถูก​ยู้​โจ้ง​ลง​มา​บน​โลก​พร้อม​กับ​หมู่​ตี้​ติดต๋าม