1 โครินธ์ 4:17 - พระคริสตธรรมคัมภีร ภาคพันธสัญญาใหม

¹⁷ ข้าพเจ้า​ใจ๊​ทิโมธี​ตี้​เป๋น​เหมือน​ลูก​ตี้​ข้าพเจ้า​ฮัก​ไป​หา​ก็​ย้อน​เหตุ​นี้​เนาะ เขา​เป๋น​คน​ซื่อสัตย์​ต่อ​พระเจ้า เขา​จะ​เตื๋อน​หมู่​ต้าน​ว่า​ข้าพเจ้า​ใจ๊​จีวิต​ตี้​มี​ความ​สัมพันธ์​กับ​พระคริสต์​จาใด ต๋าม​ตี้​ข้าพเจ้า​ได้​สอน​ใน​คริสตจักร​กู้ๆ ตี้

1 โครินธ์ 4:17 Iomraidhean Croise

มัทธิว 24:45

“ใผ​คน​ใด​ตี้​เป๋น​คน​ฮับใจ๊​ตี้​ซื่อสัตย์​กับ​หลวก ตี้​เจ้านาย​มอบ​หน้าตี้​หื้อ​เป๋น​หัวหน้า​คน​ฮับใจ๊​คน​อื่นๆ เปื้อ​แจก​ของกิ๋น​ต๋าม​เวลา

มัทธิว 25:21

“นาย​ก็​อู้​กับ​เขา​ว่า ‘ดี​แล้ว เจ้า​เป๋น​คน​ฮับใจ๊​ตี้​ดี กับ​ซื่อสัตย์ เจ้า​ซื่อสัตย์​ใน​สิ่ง​เล็กๆ หน้อยๆ เฮา​จะ​ตั้ง​หื้อ​เจ้า​ผ่อกอย​ของ​จ๋ำนวน​นัก มา​ฮ่วม​ยินดี​กับ​นาย​ของ​เจ้า​เต๊อะ’

มัทธิว 25:23

“นาย​ก็​อู้​กับ​เขา​ว่า ‘ดี​แล้ว เจ้า​เป๋น​คน​ฮับใจ๊​ตี้​ดี กับ​ซื่อสัตย์ เจ้า​ซื่อสัตย์​ใน​สิ่ง​เล็กๆ หน้อยๆ เฮา​จะ​ตั้ง​หื้อ​เจ้า​ผ่อกอย​ของ​จ๋ำนวน​นัก มา​ฮ่วม​ยินดี​กับ​นาย​ของ​เจ้า​เต๊อะ’

กิจก๋าน 16:1

เปาโล​ไป​เมือง​เดอร์บี​กับ​เมือง​ลิสตรา ตี้​หั้น​มี​สาวก​ของ​พระเยซู​คน​นึ่ง​จื้อ​ทิโมธี แม่​เป๋น​ผู้เจื้อ​จาว​ยิว​แต่​ป้อ​เป๋น​จาว​กรีก

1 โครินธ์ 11:16

แต่​ถ้า​ใผ​จะ​เถียง​ข้าพเจ้า​เรื่อง​นี้ ข้าพเจ้า​ขอ​บอก​ไว้​เลย​ว่า หมู่​เฮา​กับ​คน​ใน​คริสตจักร​ต่างๆ บ่ได้​นมัสก๋าน​พระเจ้า​ใน​แบบ​อื่น​เลย

1 โครินธ์ 11:2

ข้าพเจ้า​ขอ​ยกย่อง​หมู่​ต้าน​ย้อน​หมู่​ต้าน​กึ๊ด​เถิง​ข้าพเจ้า​ใน​กู้ๆ เรื่อง กับ​ฮักษา​กำสอน​ต่างๆ ตี้​สืบทอด​กั๋น​มา​ตี้​ข้าพเจ้า​ได้​หื้อ​ไว้​กับ​ต้าน

1 โครินธ์ 11:34

ถ้า​มี​ใผ​ใค่​อยาก​แก่​ก็​หื้อ​เขา​กิ๋น​ลุก​บ้าน​มา​ก่อน เปื้อ​ว่า​เมื่อ​มา​จุมนุม​กั๋น จะ​ได้​บ่โดน​ลงโต้ษ​จาก​พระเจ้า ส่วน​เรื่อง​อื่นๆ นั้น เมื่อ​ข้าพเจ้า​มา​จะ​สอน​หื้อ​ต้าน

1 โครินธ์ 14:33

ย้อน​ว่า​พระเจ้า​บ่ได้​เป๋น​พระเจ้า​แห่ง​ความ​วุ่นวาย แต่​เป๋น​พระเจ้า​แห่ง​สันติสุข อย่าง​ตี้​เป๋น​อยู่​ใน​คริสตจักร​กู้ๆ ตี้

1 โครินธ์ 16:1

ส่วน​เรื่อง​ก๋าน​ฮอม​สตางค์​จ้วย​เหลือ​คน​ของ​พระเจ้า ข้าพเจ้า​สั่ง​คน​ใน​คริสตจักร​ตี้​แคว้น​กาลาเทีย​จาใด ต้าน​ตังหลาย​ก็​ต้อง​เยียะ​จาอั้น​ตวย

1 โครินธ์ 16:10

ถ้า​ทิโมธี​แว่​มา​หา​หมู่​ต้าน บ่ดี​เยียะ​หื้อ​เขา​บ่ม่วน​ใจ๋​เมื่อ​อยู่​กับ​หมู่​ต้าน​เน่อ ย้อน​ว่า​เขา​เยียะ​ก๋าน​หื้อ​องค์​พระ​ผู้​เป๋น​เจ้า​เหมือน​ข้าพเจ้า

1 โครินธ์ 4:14

ข้าพเจ้า​บ่ได้​เขียน​ข้อความ​หมู่​นี้​เปื้อ​หื้อ​หมู่​ต้าน​ขาย​ขี้​หน้า แต่​เขียน​มา​เปื้อ​สอน​หมู่​ต้าน​ตี้​เป๋น​เหมือน​ลูก​ตี้​ข้าพเจ้า​ฮัก

1 โครินธ์ 4:15

เถิงแม้​ว่า​หมู่​ต้าน​จะ​มี​ปี้​เลี้ยง​ใน​หมู่​ผู้เจื้อ​เป๋น​หมื่น แต่​หมู่​ต้าน​มี​ป้อ​คน​เดียว​เน่อ ย้อน​ว่า​ข้าพเจ้า​ได้​เป๋น​ป้อ​ของ​หมู่​ต้าน​โดย​อำนาจ​ของ​พระเยซู​คริสต์ ต๋อน​ตี้​บอก​ข่าวดี​หื้อ​หมู่​ต้าน​ฟัง

1 โครินธ์ 4:2

ผู้​ตี้​ได้ฮับ​มอบหมาย​หน้าตี้​นี้​ต้อง​เป๋น​คน​ตี้​ไว้​ใจ๋​ได้

1 โครินธ์ 7:17

แต่​จาใด​ก็​ต๋าม องค์​พระ​ผู้​เป๋น​เจ้า​ก๋ำหนด​หื้อ​แต่​ละ​คน​มี​สภาพ​เป๋น​จาใด ก็​หื้อ​เขา​ปอใจ๋​ตี้​จะ​อยู่​ใน​สภาพ​อย่าง​นั้น​ต๋าม​ตี้​พระเจ้า​ได้​ฮ้อง​มา นี่​เป๋น​กฎ​ตี้​ข้าพเจ้า​สั่ง​ไว้​ใน​คริสตจักร​ตึงหมด

1 โครินธ์ 7:25

สำหรับ​คน​ตี้​ยัง​บ่ได้​แต่งงาน​นั้น กำ​ต่อ​ไป​นี้​บ่ได้​มา​จาก​องค์​พระ​ผู้​เป๋น​เจ้า แต่​ข้าพเจ้า​ขอ​ออก​กำกึ๊ด​หน้อย​เต๊อะ​ใน​ฐานะ​ตี้​ข้าพเจ้า​เป๋น​คน​ตี้​ไว้​ใจ๋​ได้​โดย​ความ​เมตต๋า​จาก​องค์​พระ​ผู้​เป๋น​เจ้า

2 โครินธ์ 8:18

เฮา​ส่ง​ปี้น้อง​ผู้เจื้อ​คน​นึ่ง​เตียวตาง​ไป​กับ​ทิตัส​ตวย ผู้เจื้อ​คน​นั้น​เขา​เป๋น​คน​ตี้​คริสตจักร​กู้ๆ ตี้​นับถือ​ใน​เรื่อง​ก๋าน​บอก​ข่าวดี

เอเฟซัส 6:21

ทีคิกัส น้องบ่าว​ใน​ความ​เจื้อ​ตี้​ข้าพเจ้า​ฮัก เขา​เป๋น​ผู้​ฮับใจ๊​ตี้​ซื่อสัตย์​ของ​องค์​พระผู้เป๋นเจ้า จะ​เล่า​เรื่อง​ตึงหมด​ของ​ข้าพเจ้า​หื้อ​หมู่​ต้าน​ฟัง เปื้อ​หมู่​ต้าน​จะ​ได้​ฮู้​ว่า​ข้าพเจ้า​เป๋น​จาใด​กับ​เยียะ​อะหยัง​อยู่

ฟีลิปปี 2:19

ถ้า​เป๋น​ความ​ต้องก๋าน​ของ​พระเยซู​องค์​พระผู้เป๋นเจ้า ข้าพเจ้า​หวัง​ว่า​จะ​ส่ง​ทิโมธี​ไป​หา​ต้าน​เวยๆ นี้ เปื้อ​ข้าพเจ้า​จะ​ฮับ​ก๋ำลังใจ๋​เมื่อ​ได้ฮับ​ข่าว​เรื่อง​ของ​ต้าน

ฟีลิปปี 2:22

หมู่​ต้าน​ก็​ฮู้​ว่า ทิโมธี​ได้​เยียะ​หื้อ​หัน​แล้ว​ว่า​เป๋น​คน​มี​คุณค่า ย้อน​เขา​ฮับใจ๊​พระเจ้า​ฮ่วม​กับ​ข้าพเจ้า​ใน​ก๋าน​บอก​ข่าวดี​เหมือน​ลูก​จ้วย​งาน​ป้อ

โคโลสี 1:7

เรื่อง​นี้ ต้าน​ได้​เฮียน​จาก​เอปาฟรัส เขา​เป๋น​เปื้อน​ฮ่วม​งาน​ตี้​เฮา​ฮัก เป๋น​ผู้​ฮับใจ๊​ตี้​ซื่อสัตย์​ของ​พระคริสต์ เปื้อ​เยียะ​ก๋าน​แตน​เฮา

โคโลสี 4:9

เขา​จะ​มา​ตวย​โอเนสิมัส น้องบ่าว​ใน​ความ​เจื้อ​ตี้​เฮา​ฮัก​กับ​ตี้​ซื่อสัตย์ เขา​เป๋น​จาว​โคโลสี​เหมือน​กั๋น สอง​คน​นี้​จะ​เล่า​เรื่อง​กู้​อย่าง​ตี้​เกิด​ขึ้น​ตี้​นี่​หื้อ​หมู่​ต้าน​ฟัง

1 ทิโมธี 1:18

ลูก​ทิโมธี​เหย สิ่ง​ตี้​ข้าพเจ้า​บอก​หื้อ​ต้าน​เยียะ ก็​เป๋น​ไป​ต๋าม​กำ​ทำนาย​ตี้​อู้​เถิง​ต้าน​ตะก่อน หื้อ​ใจ๊​กำ​นี้​เหมือน​เป๋น​อาวุธ​ใน​ก๋าน​ต่อสู้​คน​ตี้​สอน​หลักกำสอน​ตี้​ผิด

1 ทิโมธี 1:2

เถิง​ทิโมธี​ลูก​แต๊ๆ ใน​ความ​เจื้อ ขอ​หื้อ​ต้าน​ตังหลาย​ได้​ฮับ​พระคุณ​ความ​เมตต๋า​กรุณา​ตึง​สันติสุข จาก​พระเจ้า​พระบิดา​กับ​จาก​พระเยซู​คริสต์​องค์​พระผู้เป๋นเจ้า​ของ​เฮา​เต๊อะ

2 ทิโมธี 1:2

เถิง​ลูก​ทิโมธี​ตี้​ข้าพเจ้า​ฮัก ขอ​หื้อ​ต้าน​ได้​ฮับ​พระคุณ ความ​เมตต๋า​กรุณา​ตึง​สันติสุข จาก​พระเจ้า​พระบิดา​ของ​เฮา​กับ​จาก​พระเยซู​คริสต์​องค์​พระ​ผู้​เป๋น​เจ้า​เต๊อะ

2 ทิโมธี 2:2

หื้อ​นำ​กำสอน​ต่างๆ ตี้​ข้าพเจ้า​ได้​สอน​ต่อ​หน้า​คน​ตังหลาย​ตี้​เป๋น​พยาน​นั้น ไป​สอน​คน​ตี้​เจื้อถือ​ได้ ตี้​สามารถ​สอน​คน​อื่น​ต่อ​ได้

2 ทิโมธี 3:10

แต่​ต้าน​ได้​ตวย​ต๋าม​กำสอน​ตึงหมด​ของ​ข้าพเจ้า ตวย​ต๋าม​ก๋าน​ใจ๊​จีวิต​ของ​ข้าพเจ้า ตึง​เป้าหมาย​จีวิต ความ​เจื้อ ความ​อดใจ๋ ความ​ฮัก ความ​อดทน

ทิตัส 1:5

ตี้​ข้าพเจ้า​ละ​ต้าน​ไว้​ตี้​เกาะ​ครีต​นั้น ก็​เปื้อ​หื้อ​ต้าน​เยียะ​ก๋าน​ตี้​ยัง​บ่แล้ว​หื้อ​แล้ว​เหีย กับ​หื้อ​ตั้ง​ผู้ปกครอง​ใน​เมือง​ต่างๆ ตี้​มี​คริสตจักร ต๋าม​ตี้​ข้าพเจ้า​สั่ง​ย้ำ​ต้าน​ไว้​แล้ว

วิวรณ์ 2:10

บ่ต้อง​กั๋ว​เลย​เถิง​สิ่ง​ตี้​หมู่​ต้าน​จะ​ต้อง​ทน​ตุ๊ก​ทรมาน​นั้น ฟัง​หื้อ​ดี​เน่อ มาร​จะ​ยับ​หมู่​ต้าน​บาง​คน​ขัง​คอก​เปื้อ​ทดสอบ​หมู่​ต้าน ต้าน​ตังหลาย​จะ​ทน​ตุ๊ก​ทรมาน​เป๋น​เวลา​สิบ​วัน แต่​จง​ซื่อสัตย์​ต่อ​เฮา​ตลอด​จ๋น​ต๋าย แล้ว​เฮา​จะ​หื้อ​มงกุฎ​แห่ง​จีวิต​แก่​หมู่​ต้าน

วิวรณ์ 2:13

เฮา​ฮู้​ว่า​ตี้​ตี้​หมู่​ต้าน​อยู่​นั้น​เป๋น​ตี้​ซาต๋าน​ปกครอง​อยู่ กับ​เฮา​ก็​ฮู้​ว่า​หมู่​ต้าน​ยัง​จงฮัก​ภักดี​ต่อ​เฮา หมู่​ต้าน​บ่เกย​หยุด​ไว้วางใจ๋​เฮา​เลย แม้​ใน​ต๋อน​ตี้​อันทีพาส พยาน​ตี้​ซื่อสัตย์​ของ​เฮา​ถูก​ฆ่า​ต้ามก๋าง​หมู่​ต้าน​ใน​ตี้​ตี้​ซาต๋าน​อยู่